2 Samɩɛl 7:2 - A SƐB-SÕW

² Bibir kãw, a nãà tɩ yel'ɩ a naaŋmɩn-ƴɛ̀r-manɛ Natan: «Nyɛ̃, ɩ̃ kpɩɛr'ɩ yir bɛ na ŋmãa nɩ sɛɛdɩr dàar a, ɛcɛ a Naaŋmɩn wõ-taa daga nɩ̃ɛ be pɛn-sɛw pʋɔ.»

2 Samɩɛl 7:2 ပူးပေါင်းရင်းမြစ်များ

2 Samɩɛl 11:11

A Uuri tɩ sɔw ʋ na: «A wõ-taa daga, a Ɩsɩrayɛl nɩ a Zuda zɛbr-nɩbɛ kpɩɛr'ɩ sɛwr pʋɔ. A ɩ̃ nɩ-kpɛ̃ɛ Zowab nɩ a fʋ sojarɩ nɩ-bɛrɛ ganɛ nɩ wɛrʋ pʋɔ, ɛ́ mãa na kul a ɩ̃ yir tɩ dɩ, ɛ́ nyũ, ɛ́ gã nɩ a ɩ̃ pɔw ɩ? Fʋ na vʋʋrɛ a zũú, ɩ pɔ n fʋ na, ɩ̃ bɛ be za na maalɩ a yel ŋa tɔ ɩ.»

2 Samɩɛl 12:1

A Sore tɩ tõ n Natan a Daviir zie. Ʋ tɩ cen na tɩ páw ʋ, yel ʋ à ŋá: «Nɩbɛ ayi tɩ be n tẽw kãw pʋɔ, a kãw tɛr a, ɛ́ a kãw ɩ nã́w sob.

2 Samɩɛl 5:11

Tɩ́ɩ̀r tẽw nãà, Hiram, tɩ tõ n nɩbɛ a Daviir zie, nɩ sɛɛdɩr dàar, nɩ dà-fɔwrbɛ nɩ kʋsɛ-pɛnbɛ, kɛ́ bɛ tɩ mɛ nãà yir kʋ̀ a Daviir.

2 Samɩɛl 6:17

Bɛ tɩ wa n nɩ a wõ-taa daga wa bin a zie ʋl bɛ na tɩ cɔbrɩ a ʋ ƴãw a, a pɛn-sɛw ʋl pʋɔ a Daviir na tɩ ƴãw bɛ maalɩ a ʋ ƴãw a. Al pùorí, a Daviir tɩ maal'ɩ nyɩw-a-za-bagɛ nɩ ƴã-ɓaarʋ bagɛ kʋ̀ a Sore.

2 Samɩɛl 7:17

A Natan tɩ manɩ nɩ a lɛ za a Naaŋmɩn na tɩ yel kʋ̀ ʋ a bʋ̃-nyɛra ŋa pʋɔ a kʋ̀ a Daviir.

1 Na-mɩnɛ 1:22

A Bɛtɩsabe tɩ cãà na ƴɛ̀rɛ a nãà zie, ɛ́ a naaŋmɩn-ƴɛ̀r-manɛ Natan ta.

1 Na-mɩnɛ 1:8

Ɛcɛ, a bàwr-maalɛ Sadɔkɩ, Yehoyada bidɛb Benaya, a naaŋmɩn-ƴɛ̀r-manɛ Natan, de nɩ Simeyi, Ereyi nɩ a sojarɩ na gùre a Daviir a, bɛ tɩ tu a Adonɩasɩ ɛ.

1 Na-mɩnɛ 4:5

a nãà-lɩɛrbɛ nɩ-kpɛ̃ɛ Azarɩa na ɩ Natan bidɛb a, a bàwr-maalɛ nɩ a nãà yã-wule Zabudɩ na ɩ Natan bidɛb a,

1 Na-mɩnɛ 8:17

Zɩ̃ kɛ́ a ɩ̃ sãà Daviir tɩ tɩɛrɛ na k'ʋʋ ŋmãa Ŋmɩn-yir-kpɛ̃ɛ, a Sore, a Ɩsɩrayɛl Naaŋmɩn, na na so a.

1 Bibie za yel-manɩ 14:1

Tɩ́ɩ̀r tẽw nãà, Hiram, tɩ tõ n nɩbɛ a Daviir zie nɩ sɛɛdɩr dàar, nɩ dà-fɔwrbɛ nɩ kʋsɛ-pɛnbɛ kɛ́ bɛ tɩ mɛ nãà yir kʋ̀ a Daviir.

1 Bibie za yel-manɩ 16:1

Bɛ tɩ kpɛ n nɩ a Naaŋmɩn wõ-taa daga tɩ bin a pɛn-sɛw ʋl pʋɔ a Daviir na tɩ maalɩ a ʋ ƴãw a. Al pùorí, bɛ maalɩ nyɩw-a-za-bagɛ nɩ ƴã-ɓaarʋ bagɛ kʋ̀ a Naaŋmɩn.

1 Bibie za yel-manɩ 22:7

A Daviir tɩ yel'ɩ a Salomɔ̃: «Ɩ̃ bie e, ɩ̃ tɩ bɔbr'a nɩ ɩ̃ pʋɔ za, kɛ́ mãa mɩŋa nãá ŋmãa yir kʋ̀ a Sore, a ɩ̃ Naaŋmɩn.

1 Bibie za yel-manɩ 29:29

A nãà Daviir ɩ-ɩrɩ, a dãw-niwn dem tɩ tɔ a pɛ-baarɩ, a sɛb'a ƴãw a yel-nyɛrɛ Samɩɛl ɩ-ɩrɩ sɛbɛ pʋɔ, nɩ a naaŋmɩn-ƴɛ̀r-manɛ Natan ɩ-ɩrɩ sɛbɛ pʋɔ, nɩ a yel-nyɛrɛ Gadɩ ɩ-ɩrɩ sɛbɛ pʋɔ.

2 Bibie za yel-manɩ 1:4

A Naaŋmɩn wõ-taa daga ʋl a, a Daviir tɩ ƴãw na bɛ ɓáw ʋ yi n a Kɩrɩyatɩ-Yeyarim do wa n a Zerizalɛm, bʋ̃ʋ n'ʋ vɛ̃, ʋ tɩ maal'ɩ pɛn-sɛw a ʋ ƴãw a Zerizalɛm.

2 Bibie za yel-manɩ 29:25

A nãà tɩ ƴãw na bɛ ƴãw a levitɩ mɩnɛ a Sore yir-kpɛ̃ɛ pʋɔ, bɛ tɛr sɛ̃sɛgɛ, pɛ̀nɛ́ nɩ korijom, mɛ̃ a lɛ a Daviir nɩ a nãà ƴɛ̀r-manbɛ Gadɩ nɩ Natan na tɩ yel a. A Sore n'ʋ tɩ sɩrɩ ƴãw a ʋ ƴɛ̀r-manbɛ yel a lɛ.

2 Bibie za yel-manɩ 9:29

A Salomɔ̃ yele al na cɛ a, a de niwn dem tɩ tɔ a baarʋ daar dem, a be n a naaŋmɩn-ƴɛ̀r-manɛ Natan ɩ-ɩrɩ sɛbɛ pʋɔ, nɩ a Silo tẽw naaŋmɩn-ƴɛ̀r-manɛ Ahiya ƴɛ̀rʋ sɛbɛ pʋɔ nɩ a naaŋmɩn-ƴɛ̀r-manɛ Yedo bʋ̃-nyɛra sɛbɛ pʋɔ. A sɛb-pɛ-baara ŋa mɩ̀ manɛ nɩ a Nevatɩ bidɛb Zerobowam yele.

Sɛb-sõw yielu 132:2

A Daviir'ʋ tɩ kõ nʋɔr ŋa a Sore zie, ʋlɛ n'ʋ tɩ pɔ à ŋá yel a Zakɔb Naaŋmɩn fãw sob:

Sɛb-sõw yielu 132:5

mãa bɛ wa nyɛ̃ zie kʋ̀ a Sore a ɩ, mãa bɛ wa nyɛ̃ kpɛb zie kʋ̀ a Zakɔb Naaŋmɩn na ɩ fãw sob a ɩ!»

Eziptɩ tẽw yib 40:21

A Moyiir tɩ ƴãw na bɛ ɓáw ʋ kpɛ n a zi-sõw pʋɔ. Al pùorí bɛ yawlɩ a ziir bʋ́rʋ pɛn-yawla, ɩ a daga na tɛr a wõ-taa kʋsɛ-pamɛ a, ʋ pĩ, mɛ̃ a lɛ a Sore na tɩ yel kʋ̀ a Moyiir a.

A naaŋmɩn-ƴɛ̀r-manɛ Aaze sɛbɛ 1:4

A sɛw na kɛ́ nyɩ kpɩɛr a nyɩ yir-vɩɛlɩ vɩɛlɩ, ɛ́ a ɩ̃ yir lo gã ʋ?

Zã 2:17

A ʋ po-tuurbɛ tɩ lɛb'a tɩɛrɩ a ƴɛ̀r-bir ŋa na sɛb a Sɛb-sõw pʋɔ a: «A fʋ yir nɔ̃wfʋ tɩɛrʋ na dɩrɛ mɛ̃ na mɛ̃ vũu a.»

Nɩ-toni 7:46

A Daviir tɩ pɛlɩ nɩ a Naaŋmɩn pʋɔ. Ʋlɛ n'ʋ tɩ zɛlɩ k'ʋʋ tʋ̃ɔ́ ŋmãa yir kʋ̀ a Zakɔb Naaŋmɩn.