2 Samɩɛl 5:9 - A SƐB-SÕW

⁹ A Daviir tɩ zɩ̃ n a zɛbr-yir-kpɛ̃w pʋɔ, ɛ́ por ʋ kɛ́: “Daviir Tẽ-kpɛ̃ɛ”. Al pùorí, ʋ tɩ ƴãw na bɛ mɛ dacĩ-bɛrɛ a mɩnɛ, na mɩ́ piw a tẽw tɛr a, yi n a gar ʋl bɛ na bʋɔlɛ Milo a, tɩ sãá nɩ a ʋ kpɛb zie.

2 Samɩɛl 5:9 ပူးပေါင်းရင်းမြစ်များ

2 Samɩɛl 5:7

Ɛcɛ a Daviir tɩ zɛb'a de a Sɩyɔ̃ zɛbr-yir-kpɛ̃w bɛ na wa bʋɔlɛ a pùorí kɛ́ «Daviir Tẽ-kpɛ̃ɛ» a.

2 Samɩɛl 5:8

A ʋlɩ bibir nɛ, a Daviir tɩ yel'a: «Nɩr wa bɔbr k'ʋʋ zɛb tʋ̃ɔ́ a Zebizitɩ mɩnɛ a, ʋ tu a tẽsɔw pʋɔ bɔw-wɛra sɔ́r! Ɛ́ a wʋbr nɩ a zɔn bɛ ŋa a, bɛ ɩrɛ mɛ̃ nɩ kɔkɔrʋ.» Alɛ n'a so bɛ mɩ́ yel: «Zɔ̃w nɩ wʋba bɛ kpɩɛr a Sore yir-kpɛ̃ɛ pʋɔ ɛ.»

2 Samɩɛl 6:10

Lɛ n'a ʋ bɛ tɩ cãà sàw bɛ cen nɩ a wõ-taa daga a ʋ yir, a Daviir Tẽ-kpɛ̃ɛ pʋɔ ɩ, ɛ́ ƴãw bɛ cen nɩ ʋ tɩ bin Ovɛdɩ-Edɔm na ɩ Gatɩ tẽw nɩr kãw a yir.

1 Na-mɩnɛ 11:27

Nyɛ̃ a lɛ a na ɩ a Zerobowam gaarɩ a: a tɩ ɩ n a lɛn daar a Salomɔ̃ na maalɛ a gàr bɛ na bʋɔlɛ a Milo a, ɛ́ fɔbr a Daviir Tẽ-kpɛ̃ɛ dacin vʋɔr pàwr a.

1 Na-mɩnɛ 2:10

A Daviir tɩ kpi na cen tɩ páw a ʋ sãà mɩnɛ, ɛ́ bɛ ũù ʋ a Daviir Tẽ-kpɛ̃ɛ pʋɔ a Zerizalɛm.

1 Na-mɩnɛ 9:15

A nãà Salomɔ̃ tɩ ƴãw nɩ pɔ̃tɔrɩ tome a Ŋmɩn-yir-kpɛ̃ɛ, a nãà yir, a gàr bɛ na bʋɔlɛ Milo a, nɩ a Zerizalɛm dacine mɛb ƴãw, de nɩ Hasɔɔr, Megido nɩ Gezɛɛr tẽ-bɛrɛ mɛb ƴãw.

1 Na-mɩnɛ 9:24

A Faarawɔ̃ pɔwyaa na wa wob yi a Daviir Tẽ-kpɛ̃ɛ pʋɔ, cen a yir a Salomɔ̃ na ŋmãa kʋ̀ ʋ pʋɔ baar'a n'a, a Salomɔ̃ ƴãw bɛ maalɩ a gàr bɛ na bʋɔlɛ a Milo a.

2 Na-mɩnɛ 12:20

A Zowasɩ yele al na cɛ a, a alɩ bome nɛ za ʋ na ɩ a, a sɛb'ɩ a «Zuda tẽw na-mɩnɛ ɩ-ɩrɩ sɛbɛ» pʋɔ.

2 Na-mɩnɛ 12:21

A ʋ sojarɩ nɩ-bɛrɛ bɛ tɩ cãà sàw a ʋ naalʋ ɛ, ɛ́ bʋ taa a ʋ kʋb ƴãw. A bɛ ayi kãw, Simeyatɩ bidɛb, Yozavadɩ, nɩ Somɛɛr bidɛb, Yehozavadɩ, tɩ kʋ ʋ nɩ Bɛtɩ-Milo. Bɛ tɩ ũù ʋ nɩ a ʋ sãàkʋm-kore ũufʋ zie, a «Daviir Tẽ-kpɛ̃ɛ» pʋɔ. A ʋ bidɛb, Amazɩasɩ, tɩ lɩɛr'ʋ na dɩ a naalʋ.

1 Bibie za yel-manɩ 11:8

Al pùorí, ʋ tɩ mɛ n a tẽw lõbowr-paalɛ na viiri koli a gbĩgbin bɛ na bʋɔlɛ kɛ́ Milo a, ɛ́ a Zowab lɛb mɛ a tẽw na baa cɛ a.

2 Bibie za yel-manɩ 32:5

A Ezekɩasɩ tɩ nyɔw nɩ nyãa lɛb mɩɛr a tẽw dacin, a be ʋ na tɩ lo a. Ʋ tɩ mɛ n yir-cõcowli a do, ɛ́ ƴãw bɛ mɛ dacin kãw a yẽw. Ʋ tɩ ɩ n a Milo ʋ kpɛmɛ a «Daviir Tẽ-kpɛ̃ɛ» pʋɔ, ɛ́ ƴãw bɛ maalɩ zɛbr bome yaga yaga nɩ zɛbr-kur-pãgalɩ.

Neemi 3:15

Kol-Hoze bidɛb Salum na ɩ a Misɩpa zie nɩ-kpɛ̃ɛ a n'ʋ tɩ lɛb mɛ a Bule dɩ̃dɔr. Ʋ na tɩ lɛb mɛ ʋ baarɩ bɛ̀ a, ʋ ƴãw ʋ nɩ a ʋ pamɛ, a ʋ dà-jɩ̀rɩ́ nɩ a ʋ bʋ̃-kparɩ. Ʋ mɩ̀ tɩ lɛb'a maalɩ a dacĩ-kpɛ̃ɛ ƴãw na pɩɛlɩ a Silowe gbãtar, ɛ́ be a nãà zaadɛ̃ nɩ a tanɛ dɛ́r na yi a «Daviir Tẽ-kpɛ̃ɛ́» siwr a cara pʋɔ a.

Sɛb-sõw yielu 122:3

Zerizalɛm, tẽ-kpɛ̃ɛ bɛ na ŋmãa vla, a yie nyɔw taa cen a.

Ɩzayi 29:1

A Sore yere na: «Baw-bio, Arɩɛl i, Arɩɛl i, Zerizalɛm tẽ-kpɛ̃ɛ a nãà Daviir na tɩ piw a! Fʋ na tʋ̃ɔ́ na tɛr a cuwr za maalɛ yũon za, yũon za,

Ƴɛ̀r-dɩrbɛ 9:20

Alɛ bɛ wa ɩ lɛ n'a a, vũu na yi n a Abimelɛkɩ zie dɩ a Sɩsɛm ziir dem za, nɩ a Bɛtɩ-Milo tẽw dem, ɛ́ vũu mɩ̀ na yi n a Sɩsɛm ziir dem zie nɩ a Bɛtɩ-Milo tẽw dem zie dɩ a Abimelɛkɩ.»

Ƴɛ̀r-dɩrbɛ 9:6

A Sɩsɛm tẽw ziir dem za nɩ a Bɛtɩ-Milo tẽw dem za tɩ ɓã n taa cen a Sɩsɛm sɛn tɩɛ na pɩɛlɩ a kʋsɛ-tela a pɛr, tɩ yel kɛ́ a Abimelɛkɩ ɩ n a nãà.