2 Samɩɛl 5:2 - A SƐB-SÕW

² A koro za a, a Sawul na tɩ ɩ a tɩ nãà a, fʋ̃ʋ n'ʋ mɩ́ tɩ tɛr a Ɩsɩrayɛl sojarɩ cen nɩ a zɛbr zie. Ɛ́ a Sore tɩ yel fʋ na: “Fʋ̃ʋ n'ʋ na cɩ̃ɩnɛ a ɩ̃ nɩ-bʋʋrɛ Ɩsɩrayɛl, fʋ̃ʋ n'ʋ na ɩ a Ɩsɩrayɛl nɩ-kpɛ̃ɛ.”»

2 Samɩɛl 5:2 ပူးပေါင်းရင်းမြစ်များ

Yele-za-pɛr-tib 49:24

Ɛcɛ ʋ fɩɩr'ɩ a ʋ tam tɛr kpɛ̃w za, a ʋ kpãkpamɛ nɩ a ʋ nuru dɔlɛ na ɛ́ gùre vla. A Zakɔb Naaŋmɩn na bɛ tɛr tʋ̃ɔ́fʋ a fãw zũú, fʋ lɩɛb'ɩ pi-cɩ̃ɩnɛ, fʋ ɩ n a Ɩsɩrayɛl pìir.

2 Samɩɛl 6:21

A Daviir tɩ sɔw ʋ na: «A Sore ƴãw n'a ɩ̃ ɩ a lɛ, ʋl na kaa ír mɛ̃, ƴãw ɩ̃ ɩ a ʋ nɩ-bʋʋrɛ Ɩsɩrayɛl nɩ-kpɛ̃ɛ, ɛ́ bɛr a fʋ sãà nɩ a ʋ yir za a. Ɩ̃ na cãà na lɛb wul ʋ a ɩ̃ nʋ̃ɔ̀.

2 Samɩɛl 7:7

Lɛb waar, a yome á ŋá za ɩ̃ na bɩɛlɩ a Ɩsɩrayɛl nɩbɛ a, ɩ̃ kaa na ír nɩ-bɛrɛ yaga. Bɛlɛ nɛbɛ kaa a ɩ̃ nɩ-bʋʋrɛ Ɩsɩrayɛl zie. Ɩ̃ bɛ dãw yel nɩr kãw za: “Bʋ̃ʋ n'ʋ so nyɩ bɛ ŋmãa sɛɛdɩr dàar yir kʋ̀ m?”

2 Samɩɛl 7:8

Lɛ so, tɩ yel à ŋá ƴãw pʋɔ kʋ̀ a ɩ̃ tõ-tõ-bie Daviir: à ŋá n'a a Sore, a Kpɛnʋ-za-sob, yere: “Mãa n'ʋ nyɔw fʋ a dʋn àrʋ zie, a dʋn pùorí, kɛ́ fʋ wa ɩ a ɩ̃ nɩ-bʋʋrɛ Ɩsɩrayɛl nɩ-kpɛ̃ɛ.

2 Na-mɩnɛ 20:5

k'ʋʋ lɛb cen a Naaŋmɩn nɩ-bʋʋrɛ nɩ-kpɛ̃ɛ, Ezekɩasɩ zie, tɩ yel ʋ: «À ŋá n'a a Sore, a fʋ sãàkʋm-kʋra Daviir Naaŋmɩn, yere: “Ɩ̃ wõ n a fʋ puoru ɛ́ nyɛ̃ a fʋ mʋta-kʋ̃ɔ. Ɩ̃ na sanɩ fʋ na. Ka nɩ bibie ata a, fʋ na tʋ̃ɔ́ na mɩ́ lɛb cen a Sore Ŋmɩn-yir-kpɛ̃ɛ́.

1 Bibie za yel-manɩ 11:2

A koro za a, a Sawul na saa tɩ cãà ɩ a nãà a, fʋ̃ʋ n'ʋ mɩ́ tɩ kaarɛ a Ɩsɩrayɛl sojarɩ zie, mɩ́ tɛr bɛ yi n a zɛbr, ɛ́ lɛb tɛr bɛ wa n. Ɛ́ a Sore fʋ Naaŋmɩn tɩ yel'ɩ à ŋá kʋ̀ b: “Fʋ̃ʋ n'ʋ na cɩ̃ɩnɛ a ɩ̃ nɩ-bʋʋrɛ Ɩsɩrayɛl, fʋ̃ʋ n'ʋ na ɩ a ɩ̃ nɩ-bʋʋrɛ Ɩsɩrayɛl nɩ-kpɛ̃ɛ.”»

2 Bibie za yel-manɩ 1:10

A na ɩ à ŋá a, ɩ̃ zɛlɛ fʋ na, kʋ̀ m yã-bãwfʋ nɩ yele bãwfʋ ɩ̃ tʋ̃ɔ́ kaarɛ nɩ a nɩ-bʋʋrɛ bɛ ŋa zie. Alɛ bɛ ɩ lɛ, ãa n'ʋ na tʋ̃ɔ́ kaa a fʋ nɩ-bʋʋrɛ, a nɩ-bʋʋrɛ bɛ ŋa na sɛw à ŋá a zie?»

Ɩzayi 40:11

Ʋ àrɛ nɩ nɩ a ʋ dʋn mɛ̃ pi-cɩ̃ɩnɛ a, ʋ mɩ́ zɛw nɩ a nũu kpa a ɓã taa, ʋ mɩ́ nyɔw nɩ a péli ɓori ɓori ɛ́ kparɛ a pi-mã mɩnɛ bɛ̀lbɛ̀l.»

Ɩzayi 55:4

Ɩ̃ tɩ ɩ na ʋ ɩ a ɩ̃ kpɛnʋ dãsɩɛ sob a nɩbɛ zie, ʋ ɩ nɩ-kpɛ̃ɛ dɩrɛ nɩ-kpɛ̃ɛnʋ nɩbɛ zu.

Ezekɩɛl 34:23

Ɩ̃ na ƴãw nɩ pi-cɩ̃ɩn-been na na kaarɛ a ɩ̃ dʋn zie a, ʋ be a ɩ̃ dʋn niŋé. Ʋ na ɩ n nãà mɛ̃ a ɩ̃ tõ-tõ-bie Daviir a. Ʋl a, ʋ na kaarɛ nɩ a dʋn zie, ɛ́ ɩ pi-cɩ̃ɩn-vla a dʋn zie.

Mise 5:4

Ʋlɛ n'ʋ na wa n a ƴã-ɓaarʋ. A Asiiri tẽw dem wa kpɛ paalɩ a tɩ tẽw ɛ́ kpɩɛr a tɩ yir-vɩɛlɩ vɩɛlɩ pʋɔ a, tɩ na ƴãw na na-mɩnɛ yaga yaga yi a bɛ ƴãw.

Sɔr-nɛ́ɛ 27:17

nɩ-kpɛ̃ɛ na na tʋ̃ɔ́ kaarɛ a bɛ zie a yele za pʋɔ a, a fʋ lãw nɩbɛ ta ɩ mɛ̃ píir na bɛ tɛr cɩ̃ɩnɛ a ɩ.»

Matie 2:6

“Fʋ̃ʋ Bɛtɩlɛm na be a Zude tẽw pʋɔ a, fʋ̃ʋ bɛ n'ɩ a pʋrɩ za a Zuda tẽw loge za pʋɔ ɩ. A fʋ pʋɔ sɩrɩ n'a a nãà na yi, a ʋl na na cɩ̃ɩnɛ a ɩ̃ nɩ-bʋʋrɛ Ɩsɩrayɛl a.”»

Zã 10:11

Mãa n'ɩ a pi-cɩ̃ɩn-vla. A pi-cɩ̃ɩn-vla mɩ́ de nɩ a ʋ nyɔ-vʋʋrʋ tɩr a ʋ píir ƴãw.

Ebre 2:10

A Naaŋmɩn ƴãw bom za na be, ʋʋ so bom za be a, ʋ na tɩ bɔbr k'ʋʋ tɛr bibiir yaga bɛ tɩ pʋɔ a ʋ yúor-vɩɛlʋ-danʋ pʋɔ a, a tɩ sɩrɩ na sɛw k'aa Yeezu na na ɩ a bɛ faafʋ sɔ́r niw-diere a, ʋ ɩ ʋ k'ʋ wõ tuo vɩɛl ʋ za.

1 Samɩɛl 13:14

Ɛcɛ ƴɛrɛŋa a, a fʋ naalʋ-dɩb kʋ̃ cɛlɩ ɛ. A Sore bɔ n a ʋ tɩɛrʋ nɩr, ɩ ʋ ɩ a ʋ nɩ-bʋʋrɛ nãà, fʋ̃ʋ na bɛ sàw tu a lɛ a ʋ na tɩ yel kʋ̀ b a.»

1 Samɩɛl 16:1

A Sore tɩ yel'ɩ a Samɩɛl à ŋá: «Debor'a fʋ na kõ a Sawul tɩ ta? Mãa zawr'ʋ na bɛr, ʋ bɛ cãà ɩ a Ɩsɩrayɛl nãà ɩ. De a fʋ ɩɩl, ɩ kãá paalɩ yi lo n a sɔ́r. Ɩ̃ tone fʋ nɩ Bɛtɩlɛm tẽw, Zese zie, bʋ̃ʋ n'ʋ vɛ̃, ɩ̃ nyɛ̃ nɩ a nãà ʋl na pɛlɩ a ɩ̃ pʋɔ a, a ʋ bidɛbr pʋɔ.»

1 Samɩɛl 18:13

Lɛ so ʋ tɩ ƴãw a Daviir ɩ sojarɩ túr (1 000) nɩ-kpɛ̃ɛ, k'ʋʋ tʋ̃ɔ́ zãá nɩ ʋ. Lɛ n'a a Daviir mɩ́ tɩ de a ʋ sojarɩ niwn, bɛ cen a zɛbr,

1 Samɩɛl 18:16

Ɛcɛ a Ɩsɩrayɛl nɩbɛ nɩ a Zuda nɩbɛ za tɩ nɔnɛ nɩ a Daviir, bʋ̃ʋ n'ʋ vɛ̃, ʋlɛ n'ʋ mɩ́ tɩ de bɛ niwn a zɛbr ƴãw.

1 Samɩɛl 18:5

Zie nɛ za a Sawul na mɩ́ tɩ tõ a Daviir a zɛbr a, ʋ mɩ́ tɩ zɛb'a tʋ̃ɔ́. Lɛ so a Sawul tɩ ƴãw ʋ ɩ a zɛbr-nɩbɛ nɩ-kpɛ̃ɛ. A sojarɩ za tɩ lãwnɩ a sojarɩ nɩ-bɛrɛ tɩ nɔnɛ ʋ na.

1 Samɩɛl 25:28

Ɩ̃ zɛlɛ fʋ na, yãayãa, dɩ a ɩ̃ sãwna suur kʋ̀ m. Sɩza n'a, a Sore na ɩ n a fʋ yir dɩrɛ naalʋ kʋralɛ, bʋ̃ʋ n'ʋ vɛ̃, a ʋl ƴãw n'a fʋ zɛbr a zɛbr, ɛ́ bɛ bɛ nyɛ̃ faa kãw za a fʋ zie a fʋ cãafʋ daar za ɩ.

1 Samɩɛl 25:30

A Sore wa tu a maalʋ á ŋá za ʋ na yel k'ʋʋ na tu na a, ɛ́ ɩ fʋ ɩ a Ɩsɩrayɛl nɩ-kpɛ̃ɛ a,

1 Samɩɛl 9:16

«Bio à ŋá tɔ-won, ɩ̃ na tõ n Bɛ̃zamɛ tẽw nɩr kãw a fʋ zie. Fʋ na ka n nũu ƴãw ʋ, ʋ ɩ a ɩ̃ nɩ-bʋʋrɛ Ɩsɩrayɛl nɩ-kpɛ̃ɛ, k'ʋʋ faa a ɩ̃ nɩ-bʋʋrɛ a Filisɩtɛ̃ mɩnɛ nuru pʋɔ. Bʋ̃ʋ n'ʋ vɛ̃, ɩ̃ nyɛ̃ nɩ lɛ a na ŋmɛ̃ a ɩ̃ nɩ-bʋʋrɛ a, ɛ́ a bɛ cɛl ta m'a.»