2 Samɩɛl 22:3 - A SƐB-SÕW

³ A ɩ̃ Naaŋmɩn ɩ n pìir, ɩ̃ na mɩ́ taw lanɩ a yel-faa daar a, Zɛbr-kur-pãgala na mɩ́ piw mɛ̃ a, zɛbr-yir-kpɛ̃w pʋɔ ɩ̃ na mɩ́ nyɛ̃ faafʋ a. Ʋl zie n'a ɩ̃ mɩ́ sɔwlɩ, a po-to-fãw dem bɛ tʋ̃ɔ́ páw mɛ̃ ɩ.

2 Samɩɛl 22:3 ပူးပေါင်းရင်းမြစ်များ

Yele-za-pɛr-tib 15:1

A yele á ŋá pùorí, a Sore tɩ ɩ na a Abram nyɛ̃ ʋ, ʋʋ ƴɛ̀r a ʋ zie à ŋá: «Ta zɔrɛ dɛ̃bɩ̃ɛ ɩ, Abram i! Mãa n'ʋ gùre fʋ, ɛ́ na kʋ̀ b sã-ya-kpɛ̃ɛ.»

2 Samɩɛl 22:31

A Naaŋmɩn ɩ n sɔr-wule na vɩɛl ʋ za a, a ʋ ƴɛ̀rʋ bɛ tɛr bʋnʋ ɛ. Bɛlɩ dem za na mɩ́ zɔ kpɛ a ʋ naayir a, ʋ ɩ na mɛ̃ zɛbr-kur-pãgala na mɩ́ piw bɛ a.

2 Samɩɛl 22:47

A Sore vʋʋrɛ na! A sob nɛ na ɩ a ɩ̃ pìir a, tɛr'ɩ puoru! A Naaŋmɩn ɩ n kpɛ̃ɛ, ʋlɛ n'ɩ a ɩ̃ pìir nɩ a ɩ̃ faarɛ!

2 Samɩɛl 22:49

Sore e, fʋ mɩ́ faa mɛ̃ nɩ a ɩ̃ dɔ̃ dem nurú, fʋ mɩ́ ɩ na ɩ̃ tʋ̃ɔ́ a ɩ̃ fɛr-fɛrbɛ, fʋ mɩ́ faa mɛ̃ nɩ a po-to-fãw dem nuru pʋɔ.

2 Samɩɛl 22:51

A Sore mɩ́ ɩ na a ʋ nãà zɛb tʋ̃ɔ́, zɛb-bɛrɛ pʋɔ, ʋ maalɛ nɩ a ʋ nɩ-kabra vla, a Daviir nɩ a ʋ bʋʋrɛ, kʋrakʋralɛ.

2 Samɩɛl 23:3

A Ɩsɩrayɛl Naaŋmɩn ƴɛ̀r'a, a Sob nɛ na piw a Ɩsɩrayɛl tɛr a yel mɛ̃ na: «A nãà ʋl na kaarɛ a nɩbɛ nɩ mɩnʋ, ɛ́ sàwr a Naaŋmɩn nʋɔr a ʋ nɩbɛ kaafʋ pʋɔ a,

Sɛb-sõw yielu 14:6

Nyɩ mɩ́ yel kɛ́ nyɩ sãw a su-siwra sob tɩɛrʋ, ɛcɛ a Sore n'ɩ a ʋ naayir kpɛb zie.

Sɛb-sõw yielu 140:1

Yiel-yielbɛ nɩ-kpɛ̃ɛ sɛbɛ pʋɔ yielu. Sɛb-sõw yielu Daviir na maalɩ a.

Sɛb-sõw yielu 140:11

Vũu-bi-tʋlɛ, a cir waarɩ bɛ! Bɛ lɔb bɛ ƴãw vũumí, bɔw-zulsɩ bɛ na kʋ̃ lɛb tʋ̃ɔ́ yi a pʋɔ!

Sɛb-sõw yielu 140:4

A bɛ zɛl ɩ n ɓɩlɓɩl mɛ̃ waab zɛl a, dɔpan lɔw n'a be a bɛ nʋɔrɩ́. Tɛw-àrʋ

Sɛb-sõw yielu 142:4

Ɩ̃ na mɩ́ wa bàl bɛ cãà laar a, a fʋ̃ʋ a, fʋ mɩ́ bãw nɩ a be ɩ̃ na cere a. A sɔ́r ʋl zu ɩ̃ na cere a, bɛ ƴãw nɩ bɛra a ɩ̃ ƴãw.

Sɛb-sõw yielu 144:2

Ʋlɛ n'ɩ a ɩ̃ maal-maalɛ nɩ a ɩ̃ zɛbr-yir-kpɛ̃w, a zie na kɛrɩ ɩ̃ mɩ́ sɔwlɩ a, nɩ a ɩ̃ faarɛ, ʋlɛ n'ɩ a zɛbr-kur-pãgala na mɩ́ piw mɛ̃ a, nɩ a ɩ̃ taw-lanʋ zie. Ʋlɛ n'ʋ mɩ́ dĩ nɩ-bʋʋrɛ bin a ɩ̃ pile.

Sɛb-sõw yielu 18:2

Ʋ tɩ yel a: Sore e, ɩ̃ nɔnɛ fʋ na, fʋ̃ʋ n'ɩ a ɩ̃ fãw.

Sɛb-sõw yielu 27:5

Lɛ n'a ʋ na sɔwlɩ mɛ̃ a ʋ yir pʋɔ, a kpɩɛrʋ bibir nãà wa vɩɛ a, ʋ na sɔwlɩ mɛ̃ nɩ a ʋ dĩó, ʋ na ɓáw mɛ̃ na dɔwlɩ pìir na kɛrɩ a zu.

Sɛb-sõw yielu 28:7

A Sore gùre mɛ̃ na, ʋlɛ n'ɩ a ɩ̃ zɛbr-kur-pãgala. Ʋlɛ n'ʋ ɩ̃ tɩ tɩɛrɛ nɩ ɩ̃ pʋɔ za, ʋʋ faa mɛ̃ na. Ɩ̃ cɩlɛ nɩ ɩ̃ za, ɛ́ yiele danɛ nɩ ʋ.

Sɛb-sõw yielu 3:3

bɛ yaga tɔ, na yere a ɩ̃ ƴãw kɛ́: «Faafʋ bɛ ka be a ʋ ƴãw a Naaŋmɩn zie ɩ!» Tɛw-àrʋ

Sɛb-sõw yielu 32:7

Fʋ ɩ n sɔwlʋ zie a ɩ̃ ƴãw, fʋ gùre mɛ̃ na k'aa kpɩɛrʋ ta páw mɛ̃ ɩ. Ɩ̃ na cɩɩrɛ nɩ a ɩ̃ nʋ̃ɔ̀, a gub fʋ na gùre mɛ̃ a lõboge za a ƴãw. Tɛw-àrʋ

Sɛb-sõw yielu 46:1

Yiel-yielbɛ nɩ-kpɛ̃ɛ sɛbɛ pʋɔ yielu. Koore bibiir yielu. Bɛ ŋmɩɛr'ɩ bʋ̃-ŋmɩɛrɩ ƴãwn. Yielu.

Sɛb-sõw yielu 46:11

Ʋ cɩɩrɛ na yere: «Nyɩ zɩ̃ zoom, ɛ́ bãw kɛ́ ɩ̃ ɩ n Naaŋmɩn! Ɩ̃ tʋ̃ɔ́ nɩ a nɩ-bʋʋrɛ za, ɩ̃ tʋ̃ɔ́ nɩ a tẽw za.»

Sɛb-sõw yielu 46:2

A Naaŋmɩn n'ɩ a tɩ sɔwlʋ zie nɩ a tɩ fãw, a sõwfʋ tɩ na mɩ́ nyɛ̃ kʋralɛ a kpɩɛrʋ daar a.

Sɛb-sõw yielu 46:7

Nɩ-bʋʋrɛ ɩrɛ nɩ gɔmɛ, naalʋ-ten lore, ɛcɛ Naaŋmɩn ƴɛ̀r'a, a kɔkɔr yi, a tẽw nyɩl.

Sɛb-sõw yielu 5:12

Bɛlɩ dem za na zɔ kpɛ a fʋ naayir a na cɩlɛ na, bɛ na cɩlɛ nɩ kʋralɛ, fʋ na piw bɛ tɛr a. Fʋ na ɩ n a bɛlɩ dem na nɔnɛ fʋ a, bɛ ŋmɩɛr nʋ̃ɔ̀ cɛlsɩ.

Sɛb-sõw yielu 55:9

Ɩ̃ nãá bɔ n sɔwlʋ zie fɔ̃wlɛ, a saa-sɛsɛb na fure a ƴãw.»

Sɛb-sõw yielu 59:16

Bɛ mɩ́ viire na gʋɔr bɔbr bʋ̃-dɩrɩ, ɛ́ bɛlɛ bɛ wa tɩw a, bɛ̃ɛ 'hʋ̃ʋ́nɛ.

Sɛb-sõw yielu 61:3

A ta-tẽw za ɩ̃ na wɩɛr tɩ be a, ɩ̃ mɩ́ kone na bʋɔlɛ fʋ, ɩ̃ na bɛ mɩ́ wa cãà laar a. Tɛr mɛ̃ do n a pìir na kɛrɩ zuo a ɩ̃ dob ƴãw a zu,

Sɛb-sõw yielu 71:7

A nɩ-yaga zie a, nɩ-bɩɛ tɩ nɛ m, ɛcɛ fʋ̃ʋ tɩ n'ɩ a ɩ̃ sɔwlʋ zie na bɛ tɛr dɛ̃bɩ̃ɛ a.

Sɛb-sõw yielu 72:14

Ʋ na faa bɛ nɩ a nɩbɛ na dɔwrɛ bɛ a zie, ɛ́ ɩrɛ po-to-fãw-ɩb a bɛ zie a, a bɛ nyɔ-vʋʋrʋ na ɩ bʋ̃-sɩza a ʋ zie a ƴãw.

Sɛb-sõw yielu 84:11

Bibi-been beba a fʋ davʋrɩ pʋɔ sa n bibie túr zi-yoru. Naaŋmɩn i, mãa nɩ̃ɛ àr a fʋ dɩ̃dɔrɩ́ a, alɛ sa ɩ̃ na na lãw kpɩɛr'ɩ a nɩ-faar a.

Sɛb-sõw yielu 84:9

Sore Naaŋmɩn kpɛnʋ-za-sob i, wõ a ɩ̃ puoru, Zakɔb Naaŋmɩn i, bɛr wõ m. Tɛw-àrʋ

Sɛb-sõw yielu 86:14

Naaŋmɩn i, pɔ̀lʋ dem ìr'a àr a ɩ̃ ƴãw, po-to-nɩbɛ lãw nɩ taa bɔbr a ɩ̃ kʋb. Bɛ bɛ ŋmɛlɛ kaar fʋ ɛ.

Sɛb-sõw yielu 9:10

A Sore n'ɩ a sob nɛ bɛ na dɔwrɛ a sɔwlʋ zie, a sɔwlʋ zie a kpɩɛrʋ daar.

Sɛb-sõw yielu 9:9

Ʋlɛ n'ʋ dɩrɛ nɩ a tẽ-daa a ƴɛ̀rʋ nɩ mɩnʋ, ɛ́ mɩ́ bãw a nɩ-bʋʋrɛ yele kʋ̀ bɛ a tu sɔ́r.

Eziptɩ tẽw yib 15:2

A Sore so a ɩ̃ fãw nɩ a ɩ̃ yielu, ʋl ƴãw n'a ɩ̃ nyɛ̃ a faafʋ. Ʋlɛ n'ɩ a ɩ̃ Naaŋmɩn, ɩ̃ na danɛ ʋ a na. Ʋlɛ n'ɩ a ɩ̃ sãà Naaŋmɩn, ɩ̃ na zɛwr ʋ na.

Zʋkpaɩ 18:10

A Sore ɩ n zɛbr-yir-kpɛ̃w. A nɩ-mɩŋa mɩ́ zɔ na cen a ʋ zie ɛ́ bɛ tɩ bãwnɛ damnʋ a be ɩ.

Zʋkpaɩ 30:5

A Naaŋmɩn ƴɛ̀rʋ bɛ tɛr bʋnʋ ɛ. A Naaŋmɩn ɩ na mɛ̃ zɛbr-kur-pãgala a a bɛlɩ dem na mɩ́ sɔwlɛ a ʋ zie a ƴãw.

Ɩzayi 12:2

Nyɛ̃ a Naaŋmɩn na faa tɩ a, tɩ bɛr'ɩ tɩ́ɛrʋ, tɩ bɛ cãà zɔrɛ dɛ̃bɩ̃ɛ ɩ. A tɩ fãw nɩ a tɩ yielu a, a Sore n'ʋ! Ʋ ɩ n a tɩ faarɛ.»

Ɩzayi 32:2

A bɛ kãw za na ɩ na mɛ̃ pib zie a, a sɛsɛb ƴãw, mɛ̃ taw-lanʋ zie a, a saa ƴãw, mɛ̃ bàa kʋ̃ɔ na zɔrɛ tẽ-kõw pʋɔ a, mɛ̃ pì-kpɛ̃ɛ ɓaarʋ tẽ-tʋlʋ pʋɔ a.

Ɩzayi 45:21

Nyɩ ƴɛ̀r, nyɩ manɩ a nyɩ yel-mɩŋa. Nyɩ lãw ƴɛ̀r. Ãa n'ʋ de niwn ɩ bɛ bãw a yel na ɩrɛ a ƴɛrɛŋa a? Ãa n'ʋ yel ʋ a koro kãw za? A mãa Sore bɛ n'ʋ ɛ? Naaŋmɩn bɛ lɛb ka be mãa bɛ wa n'ʋ a ɩ. Naaŋmɩn na tɛr yel-mɩŋa a, Naaŋmɩn na faarɛ a, ʋ bɛ ka be a bɛ ɩ a mãa ɩ.

Zeremi 16:19

Sore e, fʋ̃ʋ n'ɩ a ɩ̃ fãw na mɩ́ piw mɛ̃ tɛr a, fʋ̃ʋ n'ɩ a ɩ̃ sɔwlʋ zie a kpɩɛrʋ daar. Fʋ̃ʋ zie n'a a nɩ-bʋʋr-yoru na yi a tẽw baarʋ ziir za wa, wa yere à ŋá: «A tɩ sãàkʋm-kore bʋ̃-sori bɛ na páw a ɩ n ziri tɛwr, bome na bɛ tɛr pɛr ɛ́ mɩ̀ bɛ tɛr yel-ɩra a n'a.

Zeremi 16:9

Bʋ̃ʋ n'ʋ vɛ̃, à ŋá n'a a mãa, a Sore kpɛnʋ-za-sob, a Ɩsɩrayɛl Naaŋmɩn, yere: “Ɩ̃ na ɩ n a cuwr gɔmɛ, a nʋ̃ɔ̀ cɛlsɩ, a dɛb-sãan nɩ a pɔw-sãan yielu baarɩ a zie ŋa pʋɔ a nyɩ mimirí, a nyɩ cãafʋ daar.”

Luka 1:47

ɛ́ a ɩ̃ tɩɛrʋ za cɩlɛ a Naaŋmɩn ɩ̃ faarɛ ƴãw.

Luka 1:69

ɛ́ ɩ faafʋ fãw yi a tɩ ƴãw a ʋ tõ-tõ-bie Daviir yir pʋɔ.

Luka 1:71

k'ʋʋ na faa tɩ nɩ a tɩ dɔ̃ dem nuru pʋɔ, nɩ a nɩbɛ na hɩ̃ɛn tɩ a nuru pʋɔ.

Wulu-ayi-sob 32:37

Ʋ na sowri bɛ na: “A ŋmɩmɛ al zie nyɩ na tɩ sɔwlɛ a, a wa?

Wulu-ayi-sob 32:4

A Sore ɩ n pì-kpɛ̃w. A ʋ tome vɩɛl'ɩ a za. Lɛ za ʋ na yel a mɩ́ tu n yel-mɩŋa, a tɩ Naaŋmɩn ŋmɛ̃ n ʋ ŋmɛ̃a, ʋ bɛ ɩrɛ faa towtow ɛ, nɩ-mɩŋa nɩ nɩ-dẽdẽ n'ʋ kʋralɛ.

Wulu-ayi-sob 33:29

Zu-nʋ̃ɔ̀ dem'ɩ nyɩ, Ɩsɩrayɛl nɩbɛ ɛ! A Sore faa nɩ nɩ-bʋʋrɛ kãw mɛ̃ a nyɩɩm a? A Sore ɩ na mɛ̃ zɛbr bom na piw nyɩ tɛr a, zɛbr-sɔ-kpɛ̃ɛ nyɩ na zɛb'ɩ tʋ̃ɔ́ a. A nyɩ dɔ̃ dem na bɔr'ɩ a nyɩ niŋé, ɛ́ a nyɩɩm a, nyɩ na so bɛ na.»

Títɩ̀ 3:4

Ɛcɛ a lɛn daar a Naaŋmɩn tɩ Faarɛ na wa wul a ʋ socir vɩɛlʋ nɩ a ʋ nɔ̃wfʋ a sãá a nɩsaalbɛ za ƴãw a,

Títɩ̀ 3:6

Ʋ paalɩ tɩ nɩ yaga za nɩ a Vʋʋrʋ Sõw ŋa a tɩ Faarɛ Yeezu Kɩrɩta zũú,

Ebre 2:13

Ʋ mɩ̀ cãà na yel: «Ɩ̃ na ƴãw nɩ a ɩ̃ tɩɛrʋ a fʋ ƴãw.» Nɩ kɛ́: «Mãa n'ɩ ŋan, mãa nɩ a ɩ̃ bibiir a Naaŋmɩn na kʋ̀ m a.»

1 Samɩɛl 2:1

A Ana tɩ puor'a yel à ŋá: «A Sore n'ʋ so nʋ̃ɔ̀ ɩrɛ mɛ̃ yaga. A Sore n'ʋ so ɩ̃ zɛw zu, ɩ̃ na tʋ̃ɔ́ na ɩrɛ a ɩ̃ dɔ̃ dem laar. Ɩ̃ cɩlɛ na: a Naaŋmɩn sõw mɛ̃ na.

1 Samɩɛl 2:2

A Sore bɛ tɛr ʋ tɔ ɩ, a tɩ Naaŋmɩn yõ n'ʋ ɩ Pìir. Naaŋmɩn bɛ be, a bɛ ɩ a ʋl yõ ɩ.