2 Samɩɛl 2:1 - A SƐB-SÕW

¹ A yele á ŋá pùorí, a Daviir tɩ sowr'ɩ a Sore à ŋá: «Ɩ̃ na tʋ̃ɔ́ na do a Zuda tẽw tẽ-kpɛ̃ɛ kãw pʋɔ bɩɩ?» A Sore sɔw ʋ: «Ʋ̃ʋ, fʋ na tʋ̃ɔ́ na.» A Daviir lɛb sowri: «Tẽ-kpɛ̃ɛ buor sob pʋɔ?» A Sore sɔw: «Ebrɔ̃.»

2 Samɩɛl 2:1 ပူးပေါင်းရင်းမြစ်များ

Yele-za-pɛr-tib 13:18

A Abram tɩ wa n nɩ a ʋ pɛnɛ-sɛwr wa kpɩɛr'ɩ a Mãbre sɛn tɩɩr na pɩɛlɩ Ebrɔ̃ a pɛr. Ʋ tɩ mɛ n bàwr-maal-kuur a be a Sore ƴãw.

Yele-za-pɛr-tib 32:2

A Zakɔb tɩ cãà na lo a ʋ sɔ́r cere. Naaŋmɩn malkɩ mɩnɛ tɩ tuor'ʋ na.

2 Samɩɛl 15:7

Yome anaar pùorí, a Abɩsalɔm tɩ ìr'ɩ bibir kãw yel a nãà: «Sàw ɩ̃ cen Ebrɔ̃, tɩ ír a nʋɔr ɩ̃ na tɩ kõ a Sore zie a.

2 Samɩɛl 2:11

Yome ayopõi nɩ cuwr ayʋɔb'a a Daviir tɩ dɩ a naalʋ a Zuda tẽw, a Ebrɔ̃.

2 Samɩɛl 5:19

A Daviir tɩ lɔb'ɩ a gbã-bie sowri a Sore à ŋá: «Ɩ̃ cen tɩ zɛb'ɩ a Filisɩtɛ̃ mɩnɛ ɛ? Fʋ na ƴãw bɛ nɩ a ɩ̃ nuru pʋɔ ɔ?» A Sore tɩ sɔw nɩ a Daviir à ŋá: «Cen tɩ zɛb'ɩ bɛ! Ɩ̃ na ƴãw bɛ nɩ a fʋ nuru pʋɔ.»

2 Samɩɛl 5:23

A Daviir tɩ lɛb'a sowri a Sore, ʋ yel ʋ: «Ta tori bɛ ɛ́ zɛb'ɩ bɛ ɩ, jɩɩrɩ a bɛ zikurí, taw pɩɛlɩ bɛ a mikokuliye tɩɩr tuw ƴãw.

1 Na-mɩnɛ 2:11

Ʋ tɩ dɩ n a naalʋ a Ɩsɩrayɛl nɩbɛ zu yome lɩz'a ayi: yome ayopõi a Ebrɔ̃, yome lɩzɛr'ɩ pie nɩ ata a Zerizalɛm.

1 Bibie za yel-manɩ 29:7

tɩr a Ŋmɩn-yir-kpɛ̃ɛ tome ƴãw salm-zɩɛ tɔn lɩz'a ani nɩ pie (170), salm-zɩɛ libie tùr-pie (10 000), salm-pla tɔn kɔbr ata (300) nɩ dɔwlɛ, kur-zɩɛ na vɩrɩ ta tɔn kɔbr ayʋɔb (600) a, nɩ kure na zuo tɔn túr ata (3 000) a.

2 Bibie za yel-manɩ 11:10

Sorea, Ayalon nɩ Ebrɔ̃. A tẽ-bɛrɛ á ŋá bɛ na tɩ ɩ a kpɛmɛ a tɩ be n a Zuda nɩ a Bɛ̃zamɛ tẽsɔwr zu.

Sɛb-sõw yielu 143:8

Ɩ k'ɩ̃ nyɛ̃ a fʋ nɔ̃wfʋ biɓaaralɛ, ɩ̃ na ƴãw a ɩ̃ tɩɛrʋ a fʋ ƴãw a zũú. Ɩ k'ɩ̃ bãw a sɔ́r a na fɛr k'ɩ̃ɩ tuur a, ɩ̃ na lɩɛbɩ kaa fʋ a zũú.

Sɛb-sõw yielu 27:4

Bʋ̃-been yõ n'ʋ ɩ̃ zɛlɛ a Sore zie, bʋ̃-been yõ ɩ̃ na bɔbr tuotuo a: ɩ̃ kpɩɛr a Sore yir pʋɔ a ɩ̃ bibi-vɩɛrɩ za, tʋ̃ɔ́ úore a Sore vɩɛlʋ ɛ́ puore a ʋ yir pʋɔ.

Ezekɩɛl 36:37

À ŋá n'a a mãa Sore Naaŋmɩn yere: Ɩ̃ na lɛb'a bɛr a Ɩsɩrayɛl nɩbɛ bɛ bʋɔlɛ mɛ̃ k'ɩ̃ɩ wa sõw bɛ, ɩ̃ɩ na sɔw bɛ na, ɩ bɛ yãwmɛ mɛ̃ zaw dʋn a.

Sɔr-nɛ́ɛ 13:22

A Negɛɛvʋ lowr'a bɛ tɩ tu kpɛ a tẽw pʋɔ, ɛ́ cen tɩ sãá Ebrɔ̃. Be n'a a Ahiman, Sesaɩ nɩ Talmaɩ dɔwlʋ nɩbɛ tɩ kpɩɛr: a nɩ-kɛra jarmam Anakɩ bʋʋrɛ nɛbɛ. Bɛ tɩ ŋmãa nɩ a Ebrɔ̃ tẽw maalɩ yome ayopõi, ɛ́ bãw ŋmãa a Tanisɩ tẽw a Eziptɩ.

Sɔr-nɛ́ɛ 27:21

Ɛcɛ a ʋl mɩŋa na mɩ́ páw nɩ a bàwr-maalɛ Eleazaar: a bàwr-maalɛ n'ʋ na mɩ́ sowri mɛ̃ nɩ a kpan-bie kʋ̀ ʋ. A Zozue nɩ a lãw za na sàwr'ɩ a ʋ nɛ́ɛ a yele za pʋɔ.»

Zozue 15:13

Bɛ tɩ ŋmãa nɩ a Zuda tẽw zie kãw kʋ̀ a Yefune bidɛb, Kalɛb, mɛ̃ a lɛ a Sore na tɩ yel kʋ̀ a Zozue a. Bɛ tɩ kʋ̀ ʋ nɩ Kɩrɩyatɩ-Arba, bɩɩ Arba tẽ-kpɛ̃ɛ, bɛ na bʋɔlɛ a dɩ̃a kɛ́ Ebrɔ̃ a. A Arba tɩ n'ɩ a Anakɩ bʋʋrɛ sãàkʋm-kʋra tẽ-kpɛ̃ɛ.

Ƴɛ̀r-dɩrbɛ 1:1

A Zozue kũu pùorí, a Ɩsɩrayɛl nɩbɛ tɩ sowr'ɩ a Sore à ŋá: «A tɩ pʋɔ a, dɔwlʋ buor sob'ʋ na de niwn do tɩ zɛb'ɩ a Kanãa tẽw dem?»

1 Samɩɛl 10:22

Bɛ tɩ lɛb'a sowri a Sore: «Ʋ nɩ̃ɛ na wa a ka a?» A Sore sɔw: «Ʋlɛ n'ɩ ŋan sɔwlɩ a tuor pɛr.»

1 Samɩɛl 23:2

A Daviir tɩ sowr'ɩ a Sore: «Ɩ̃ na tʋ̃ɔ́ na siw tɩ zɛb'ɩ a Filisɩtɛ̃ mɩnɛ bɛ ŋa a?» A Sore tɩ sɔw ʋ na: «Cen, fʋ na tɩ zɛb'a tʋ̃ɔ́ a Filisɩtɛ̃ mɩnɛ, ɛ́ faa a Keila tẽw.»

1 Samɩɛl 23:4

A Daviir tɩ lɛb'a maal sowri a Sore, ʋ yel ʋ: «Ìr lo a sɔ́r siw a Keila! Ɩ̃ na ƴãw nɩ a Filisɩtɛ̃ mɩnɛ a fʋ nuru pʋɔ.»

1 Samɩɛl 30:31

a Ebrɔ̃ nɩ-kore, nɩ a be za a Daviir nɩ a ʋ nɩbɛ na tɩ tu tɔl a nɩ-kore.