2 Samɩɛl 19:9 - A SƐB-SÕW

⁹ Lɛ n'a a nãà tɩ ír cen tɩ zɩ̃ a tẽw dɩ̃dɔr nʋɔr. Bɛ tɩ yel'a kʋ̀ a sojarɩ, bɛ za wa ɓã taa a ʋ zie. A Abɩsalɔm sojarɩ tɩ lɩɛb'a zɔ, ŋa za zɔ kul a ʋ yir.

2 Samɩɛl 19:9 ပူးပေါင်းရင်းမြစ်များ

2 Samɩɛl 15:14

A Daviir tɩ yel'ɩ a ʋ tõ-tõ-bi-bɛrɛ za na tɩ be a ʋ zie a Zerizalɛm a: «Nyɩ ɩ tɩ zɔ! Alɛ bɛ ɩ lɛ, a Abɩsalɔm bɛ cɩɛr tɩ been bɛrɛ ɩ. Tɩ pawr, alɛ bɛ ɩ lɛ, ʋ na ta n a ka ƴɛrɛŋa, lo a tɩ zu, kʋ a nɩbɛ za, ƴãw kpɩɛrʋ a tẽw pʋɔ.»

2 Samɩɛl 18:17

Bɛ tɩ de nɩ a Abɩsalɔm kũu lɔb ƴãw bɔw-kpɛ̃ɛ kãw pʋɔ a tuw pʋɔ, ɛ́ wob kʋsɛbɛ gbõ gbõ pàw. A Abɩsalɔm sojarɩ tɩ zɔ na, ŋa za mɩ́ tɩ lɛb kul a ʋ yir.

2 Samɩɛl 19:10

A Ɩsɩrayɛl dɔwlʋ za pʋɔ a, a nɩbɛ tɩ ŋmɩɛr'ɩ nɔkpɛn. Bɛ tɩ yere na: «A nãà Daviir'ʋ tɩ dãw faa tɩ a tɩ dɔ̃ dem nuru pʋɔ, ʋlɛ n'ʋ tɩ faa tɩ a Filisɩtɛ̃ mɩnɛ nuru pʋɔ, ɛ́ a wa fɛr k'ʋʋ zɔ, ɛ́ bɛr a tẽw, a Abɩsalɔm ƴãw.

2 Samɩɛl 19:40

A nãà na tɩ gãw a Zurdɛ̃ baar'a, a nɩbɛ za mɩ̀ tɩ gãw na. A Daviir tɩ nyɔw nɩ a Barzilaɩ weri, ɛ́ ƴɛ̀r nɔ-vla kʋ̀ ʋ. Al pùorí, a Barzilaɩ tɩ lɛb'a kul a ʋ yir.

2 Samɩɛl 22:44

Fʋ faa mɛ̃ nɩ a ɩ̃ nɩbɛ na ìr zɛbr'ɩ mɛ̃ a nuru pʋɔ, fʋ ɩ na k'ɩ̃ de a nɩ-bʋʋr-yoru niwn. Nɩbɛ ɩ̃ na bɛ bãw a tone nɩ a ɩ̃ tome,

2 Samɩɛl 5:20

Lɛ n'a a Daviir tɩ cen a Baal-Perasim, tɩ zɛb tʋ̃ɔ́ a Filisɩtɛ̃ mɩnɛ a be. Lɛ n'a ʋ tɩ yel: «A Sore puo nɩ vʋɔr a ɩ̃ dɔ̃ dem zie kʋ̀ m, mɛ̃ kʋ̃ɔ na mɩ́ puo vʋɔr a.» Lɛ so bɛ por a zie nɛ yúor kɛ́ Baal-Perasim, a pɛr lɛ kɛ́ “Vɛɛ Sob.”

Sɛb-sõw yielu 18:43

Ɩ̃ ɩ na bɛ lɩɛbɩ uuru, sɛsɛb de cere nɩ, ɩ̃ nɛb nɛb bɛ na mɛ̃ sɛ́ɛ zu mɛ̃mɛrɛ a.

Eziptɩ tẽw yib 32:24

A lɛ n'a ɩ̃ tɩ sowri bɛ: “Ãa n'ʋ tɛr salm-zɩɛ a nyɩ pʋɔ?” Ɛ̀ bɛ yaarɩ a bɛ pɩ̃ɛmɛ a bɛ tobe ƴãw kʋ̀ m, ɩ̃ de a ƴãw vũumí a nyɩl wa yi ɩ a nále ŋa.»

1 Samɩɛl 17:50

À ŋá n'a a Daviir tɩ tʋ̃ɔ́ a Filisɩtɛ̃ dɔɔ Golɩatɩ nɩ a kpala kʋsɩɛr. Ʋ bɛ tɩ tɛr zɛbr-sɔ-kpɛ̃ɛ a nũú ɛ, ɛ́ tɩ ŋmɛ a Filisɩtɛ̃ dɔɔ kʋ.

1 Samɩɛl 18:25

A Sawul tɩ yel'a: «À ŋá n'a nyɩ na tɩ ƴɛ̀r a Daviir zie: “Filisɩtɛ̃ mɩnɛ yɔnɔgamɛ kʋba (100) tɛwr'a a nãà bɔbr, a na ɩ n a ʋ pɔwyaa bome. Lɛ n'a ʋ na dɔwrɩ a ʋ dɔ̃ dem yáa a san”.» A Sawul tɩ tɩɛrɛ kɛ́ lɛ n'a ʋ na ɩ, ƴãw a Daviir a Filisɩtɛ̃ mɩnɛ nuru pʋɔ.

1 Samɩɛl 19:5

Ʋ sàw nɩ a kũu, ɛ́ cen tɩ zɛb'ɩ a Filisɩtɛ̃ dɔɔ kʋ ʋ, a Sore ɩ a Ɩsɩrayɛl zɛb tʋ̃ɔ́, zɛb-tʋ̃ɔ́fʋ na ɩ zɛb-tʋ̃ɔ́fʋ a, a ʋlɩ bibir nɛ. Fʋ tɩ nyɛ̃ ʋ na nʋ̃ɔ̀ kpɛ b. Bʋ̃ʋ pãa so fʋ na maalɩ yel-bier, fʋ na na kʋ a Daviir, a ɩ nɩr na bɛ tɛr sãwna a n'ʋ fʋ kʋ ɛ́ a bɛ tɛr pɛr a?»