2 Samɩɛl 11:2 - A SƐB-SÕW

² Zaanʋɔra kãw, a Daviir tɩ ìr'ɩ a ʋ gado zu, cɔlɛ a nãà yir garʋ́. A garʋ be a, ʋ tɩ wɩɛr'a tɩ nyɛ̃ pɔw na suor kʋ̃ɔ a. A pɔw tɩ pɔ̀l'a bɛ dɩ vuo ɩ.

2 Samɩɛl 11:2 ပူးပေါင်းရင်းမြစ်များ

Yele-za-pɛr-tib 12:11

A Abram na tɩ kpɩɛr a Eziptɩ tẽw pʋɔ a, ʋ yel'ɩ a ʋ pɔw Saraɩ: «Nyɛ̃, ɩ̃ bãwnɩ a na fʋ na pɔl a.

Yele-za-pɛr-tib 3:6

A pɔw tɩ nyɛ̃ nɩ a tɩ-wɔmɛ a vɩɛl a jɩ́rʋ ɩrɛ nʋ̃ɔ̀, ɛ́ a sɛw k'aa nʋmɛ, ɛ́ a dɩb ɩrɛ vʋla yel-yaga bãwfʋ ƴãw. Ʋ tɩ pɔr'ɩ a wɔm kãw dɩ. Al pùorí ʋ kʋ̀ ʋ a ʋ sɩr na tɩ be a ʋ zie a ʋ mɩ̀ dɩ.

Yele-za-pɛr-tib 34:2

A Hamɔɔr na tɩ ɩ a Hivitɩ mɩnɛ nãà a vuo ʋl pʋɔ a bidɛb na dɩ kɛ́ Sɩsɛm a tɩ nyɛ̃ nɩ a Dina. Ʋ tɩ nyɔw ʋ na fɛr gã nɩ.

Yele-za-pɛr-tib 39:6

Lɛ n'a a Potifaar tɩ de a ʋ bome za ƴãw a Zuzɛb nuru pʋɔ. Ʋ bɛ tɩ cãà kaarɛ bom za zie, a bɛ ɩ a ʋl mɩŋa bʋ̃-dɩrɩ tɛwr ɛ. A Zuzɛb tɩ pɔ̀l'a, ɛ́ vɩɛl.

Yele-za-pɛr-tib 6:2

A Naaŋmɩn malkɩ mɩnɛ tɩ nyɛ̃ nɩ a powli bɛ ŋa bɛ pɔl, bɛ kaa ír a bɛ pɔwbɛ a bɛ pʋɔ.

2 Samɩɛl 13:1

A yele á ŋá pùorí a, yel ŋa n'ʋ tɩ ɩ: A Daviir bidɛb, Abɩsalɔm, tɩ tɛr'ɩ yeepuule na pɔl bɛ dɩ vuo a, ɛ́ dɩ kɛ́ Tamaar a. A Daviir bidɛb ƴen sob, a Amɩnɔ̃, tɩ nɔnɛ ʋ na.

2 Samɩɛl 14:27

A Abɩsalɔm tɩ dɔw nɩ bidɛbr ata, nɩ pɔwya-been, na dɩ kɛ́ Tamaar a. A Tamaar tɩ pɔ̀l'a bɛ dɩ vuo ɩ.

2 Samɩɛl 4:5

A Beerɔtɩ tẽw Irimon bidɛbr, Erekaavʋ nɩ Baana, tɩ cen nɩ a Ɩsɩbosɛtɩ yir. A mʋ̃tɔ̃w-hɛ̃hɛ̃ daar'a bɛ tɩ ta a be. A Ɩsɩbosɛtɩ tɩ gúre nɩ a mʋ̃tɔ̃-tuo daar gʋ̃ɔ.

A Zɔb sɛbɛ 31:1

Ɩ̃ tɩ yel'ɩ a ɩ̃ mimie k'aa ta mɩ́ jɩ́r pɔwsɩrale nɩ vʋla ɩ.

Sɛb-sõw yielu 119:37

Ta sàw a ɩ̃ mimie jɩ́rɛ a yel-foli ɛ, ɩ k'ɩ̃ vʋʋrɛ mɛ̃ a lɛ fʋ na bɔbr a.

Zʋkpaɩ 19:15

A ƴã-tuolu mɩ́ ƴãw nɩ gʋ̃ɔ, ɛ́ kɔ̃ mɩ́ tɛr a nɩr na ɩrɛ salala a.

Zʋkpaɩ 31:30

A vɩɛlʋ ɩ n bɛlʋ, a pɔ̀lʋ bɛ cɛlɛ ɩ, pɔw na zɔrɛ a Sore a n'ʋ sɛwnɩ a danʋ.

Zʋkpaɩ 6:25

Taa bɔbr a pɔw ŋa tɔ a ʋ vɩɛlʋ zũú ɛ, taa sàwr a ʋ jɩ́rʋ tʋ̃ɔ́ fʋ ɛ.

Zʋkpaɩ 7:8

Ʋ tɩ tɔlɛ nɩ a yɛ-yɛrbɛ sɔ́r zu, pɩɛlɩ a zie ʋl a pɔwbɛ bɛ ŋa ƴen sob na kpɩɛr a, ɛ́ de a ʋ yir sɔ́r.

Zeremi 19:13

A Zerizalɛm yie za nɩ a Zuda na-mɩnɛ yie za na tɛr'ɩ dɛwr mɛ̃ a Tafɛtɩ zie a. Bʋ̃ʋ n'ʋ vɛ̃, a yie á ŋá za gàrɛ zuru n'a a nɩbɛ mɩ́ nyɩw tɩ-suur-zɔ̃-na-nyùur-vla-vla-a kʋ̀ a salom zu ŋmar-bie za, ɛ́ kʋ̀ divɛ̃ de-kʋ̀b bome ŋmɩn-yoru.»

Matie 10:27

Bom nɛ ɩ̃ na mɩ́ yel kʋ̀ nyɩ lige pʋɔ a, nyɩ mɩ́ yel ʋ cãàmɩ́, ɛ́ bom nɛ bɛ na mɩ́ waalɩ ƴãw a nyɩ tobe pʋɔ a, nyɩ mɩ́ do gàrʋ́ hier'ʋ.

Matie 24:17

Nɩr wa be gàrʋ́ a, ʋ taa siwr dĩó k'ʋʋ tɩ de ʋ bome ɩ.

Matie 5:28

Ɛcɛ mãa yere na kʋ̀rɛ nyɩ: nɩr wa jɩ́rɛ ʋ tɔ pɔw vɔl-jɩ́rʋ a, ʋ gã nɩ ʋ na baarɩ a ʋ tɩɛrʋ pʋɔ.

Nɩ-toni 10:9

A bio daarɩ́, bɛ na tɩ lo a sɔ́r pɩɛlɛ a Zope a, a Pɩɛr ʋl tɩ do n a gàrʋ́ k'ʋʋ tɩ puori. A tɩ manɛ na mɛ̃ gbãgbãw daar a.

Wulu-ayi-sob 22:8

Nyɩmɛ wa ŋmaarɛ yir-paala a, nyɩ na vibl'ɩ a gàr dacine, kɛ̀ nyɩ taa wa so nɩr na yi a gàrʋ́ lo a kũu ɛ.

Wulu-ayi-sob 5:21

Fʋ kʋ̃ tɩ́ɛrɛ kɛ́ fʋ̃ʋ nãá so a fʋ tɔ pɔw ɛ. Fʋ kʋ̃ tɩ́ɛrɛ kɛ́ fʋ̃ʋ nãá so a ʋ yir, a ʋ tõ-tõ-bi-dɛb, a ʋ tõ-tõ-bi-pɔw, a ʋ náab, a ʋ bõw nɩ a ʋ bʋ̃-sora kãw za ɩ.»

1 Pɩɛr 4:7

A yele za baarʋ pɩɛl'a, lɛ so nyɩ mɩ́ nyɔw nyɩ tʋɔra a dɩb nɩ a nyub ƴãw, mɩ́ tʋ̃ɔ́ puori.

1 Zã 2:16

Bʋ̃ʋ n'ʋ vɛ̃, bom za a tẽ-daa na so a: a nɩsaal pʋ-tɩɛrʋ bʋ̃-bɔbrɩ na bɛ vɩɛl a, bom fʋ na mɩ́ nyɛ̃ a mimir zaalɛ a, a pɔ̀l-ɩb a tɛra pʋɔ, à á ŋá za bɛ yire a Naaŋmɩn Sãà zie ɩ, a tẽ-daa zie n'a a yire.

1 Samɩɛl 9:25

Al pùorí, bɛ tɩ yi n a maalʋ-zie siw a tẽw pʋɔ, a Samɩɛl tɩ do zɩ̃ gàrʋ́, ʋlɛ nɩ a Sawul lãw ƴɛ̀r.