2 Pɩɛr 3:9 - A SƐB-SÕW

⁹ A Sore bɛ cɛlɛ a ʋ nʋɔr ʋ na ƴãw a tub ɛ, mɛ̃ bɛ mɩnɛ kãw na yel k'ʋʋ cɛlɛ na a ɩ. Ɛcɛ, a nyɩɩm ƴãw n'a ʋ nyɔw ʋ tʋɔra bɛ páwr ɛ, ɛ́ bɔbr kɛ́ nɩr kãw za taa wa bɔrɛ ɩ, ɛ́ a nɩbɛ za lɩɛbɩ a bɛ ɩb.

2 Pɩɛr 3:9 ပူးပေါင်းရင်းမြစ်များ

Sɛb-sõw yielu 77:8

A Sore nɔ̃w jɛ tɩ na bɛr a baarɩ bɩɩ? Ʋ bɛ lɛb cãà bɔbr tɩ towtow bɩɩ?

Sɛb-sõw yielu 86:15

Ɛcɛ fʋ̃ʋ a, Sore e, fʋ ɩ n Naaŋmɩn na ɩ su-ɓaarʋ sob ɛ́ zɔrɛ nɩbaalʋ a, a fʋ suur bɛ pawr ɛ, ɛ́ fʋ ɩ nɔ̃wfʋ nɩ pùor-bɛ-lɛbrʋ tɛwr.

Eziptɩ tẽw yib 18:23

Fʋ̃ʋ wa ɩ à à ŋá a, ɛ́ a lɛ wa n'a a Naaŋmɩn yel a, fʋ na tʋ̃ɔ́ na, ɛ́ a nɩbɛ bɛ ŋa za na mɩ́ lɛb'a ta a bɛ yie nɩ ƴã-ɓaarʋ.»

Eziptɩ tẽw yib 32:32

Ɩ̃ zɛlɛ fʋ nɩ yãayãa, dɩ suur kʋ̀ bɛ! Alɛ bɛ ɩ lɛ, fʋ̃ʋ sãw a ɩ̃ yúor fʋ na sɛb a nyɔ-vʋʋrʋ sɛbɛ pʋɔ a bɛr.»

Eziptɩ tẽw yib 33:11

A Sore mɩ́ tɩ ƴɛ̀rɛ nɩ nɩ a Moyiir, bɛ tori taa mɛ̃ nɩsaal na ƴɛ̀rɛ nɩ ʋ nɩsaal-tɔ a. Al pùorí, a Moyiir mɩ́ tɩ lɛb'a wa a pɛnɛ-sɛwr pʋɔ, ɛ́ a ʋ tõ-tõ-bi-pɔl Zozue na ɩ Nun bidɛb a mɩ́ be a pɛn-sɛw-sõw pʋɔ kʋralɛ.

Eziptɩ tẽw yib 34:6

Al pùorí, ʋ tɩ tɔl'ɩ a Moyiir niŋé, ɛ́ yel kpɛ̃w za: «Mãa n'ɩ a Sore! Ɩ̃ ɩ n Naaŋmɩn na ɩ pʋ-pɩɛlʋ sob, ɛ́ zɔrɛ nɩbaalʋ a, a suur na bɛ pawr, ɛ́ a nɔ̃wfʋ bɛ dɩ vuo, ɛ́ ŋmɛ̃ ʋ ŋmɛ̃a a.

Ekilezɩasɩ 8:11

Nɩr na maalɩ faa a bɛ mɩ́ nyɛ̃ dɔwrʋ a pɛr nɛ pʋɔ ɩ. Alɛ n'a so a nɩsaal socir paalɩ a tɩɛr-faar tɛwr.

Ɩzayi 30:18

Ɛcɛ a Sore gùre nɩ a daar ʋ na na wul nyɩ a ʋ nɔ̃wfʋ a, ʋ na ìr'a wul nyɩ a ʋ nɩbaal-zɔba. Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a. Zu-nʋ̃ɔ̀ dem'ɩ a bɛlɩ dem za na ƴãw a bɛ tɩɛrʋ a ʋ ƴãw a.

Ɩzayi 46:13

A ɩ̃ mɩnʋ a, ɩ̃ ɩ na ʋ tawr pɩɛlɛ, ʋ bɛ cãà zãá ɩ. A faafʋ pɩɛl'a, mãa mɩŋa n'ʋ waar'ɩ ʋ a Sɩyɔ̃. Ɩ̃ na kʋ̀ n a Ɩsɩrayɛl a ɩ̃ vɩɛlʋ.

Ezekɩɛl 33:11

Yel bɛ a ɩ̃ yúor ƴãw à ŋá: A mãa Sore Naaŋmɩn n'ʋ yere, ɩ̃ pɔ n nɩ a ɩ̃ nyɔ-vʋʋrʋ, a nɩ-faar kũu bɛ mɩ́ ɩrɛ mɛ̃ nʋ̃ɔ̀ ɩ. Bom nɛ ɩ̃ na bɔbr a n'ɩ kɛ́ bɛ lɩɛbɩ a bɛ ɩb, ɛ́ vʋʋrɛ. Ɩ̃ zɛlɛ nyɩ na, nyɩ jɛ a nyɩ mil-faar bɛr. Bʋ̃ʋ n'ʋ so nyɩ bɔbr kɛ́ nyɩ kpi, Ɩsɩrayɛl nɩbɛ ɛ?

Habakukɩ 2:3

A daar ʋl a yel ŋa na na ɩ a, bɛ ta sɛr ɛ. Ɛcɛ a ʋ yel-mɩŋa na sãá nɩ a ʋ daar. Bɛr tɩɛrʋ ɛ́ gùre, alɛ saa sãá mɛ̃ a cɛlɛ na a: a ʋlɩ bom nɛ ɩ̃ na yere a na ta na, bʋnʋ bɛ ka be ɩ, a bɛ lɛb kɔwrɛ ɩ.

Ʋrɔm 13:11

Nyɩ ta dɩ̃ɛnɛ nɩ a yel ŋa ɩ, nyɩ na bãw a daar ʋl pʋɔ tɩ na be a: a tɛm ta na kɛ́ nyɩ bɛr a nyɩ gʋ̃ɔ lɛ, ɛ́ ìr. Bʋ̃ʋ n'ʋ vɛ̃, a faafʋ pɩɛl tɩ nɩ a ƴɛrɛŋa zuo a lɛn daar tɩ na tĩ kɛ́ sàw de a Naaŋmɩn a.

Ʋrɔm 13:12

A tɩ̃ɩsɔw cen na kpɛ sɔw, a zie vɩɛrɛ na. A na ɩ lɛ a, nyɩ ɩ tɩ lɔb a lige pʋɔ ɩ-ɩrɩ bɛr, ɛ́ cɔbrɩ a cãà pʋɔ zɛbr ƴãw.

Ʋrɔm 2:4

Bɩɩ fʋ bɛ ŋmɛlɛ kaar a Naaŋmɩn ɩ-vɩɛlɩ na bɛ dɩ vuo a, nɩ a ʋ su-bɛ-pawra nɩ a ʋ su-nyɔwra ʋ na tɛr a fʋ zie a ɩ? Fʋ bɛ bãwnɩ a k'aa Naaŋmɩn ɩ-vɩɛlɩ á ŋá fɛrɛ fʋ na kɛ́ fʋ lɩɛbɩ a fʋ ɩb ɛ?

Ʋrɔm 9:22

Naaŋmɩn tɩ bɔbr'a k'ʋʋ wul a ʋ suur, ɛ́ ɩ kɛ̀ bɛ bãw a ʋ kpɛnʋ. A bɛlɩ dem a na tɩ sɛw k'ʋʋ nyɛ̃ nɩ suur a, ɛ́ bɛ tɩ ta a dɔwrʋ kerkerlɛ a, ʋ nyɔw nɩ ʋ tʋɔra yaga a bɛ ƴãw.

1 Timote 1:16

Ɛcɛ Naaŋmɩn zɔ n a ɩ̃ nɩbaalʋ, k'aa Kɩrɩta Yeezu tʋ̃ɔ́ de niwn tĩ a ɩ̃ zie, mãa na kpɛ faa zuo a nɩbɛ za a, wul a ʋ su-bɛ-pawra ɩb za a sãá ɩ bãwfʋ a bɛlɩ dem za nãà wa sàw de a Naaŋmɩn, kɛ́ bɛ tʋ̃ɔ́ páw a nyɔ-vʋʋrʋ na be kʋralɛ a.

1 Timote 2:4

ʋl na bɔbr kɛ́ a nɩsaalbɛ za tʋ̃ɔ́ nyɛ̃ a faafʋ, ɛ́ páw a yel-mɩŋa bãw a.

Ebre 10:37

Bʋ̃ʋ n'ʋ vɛ̃, bɛ sɛb'ɩ à ŋá: «Blãlɛ n'a cãà cɛ, zaa pʋrɩlɛ, ɛ́ a sob nɛ na waar a na wa, ʋ kʋ̃ cɛlɩ ɛ.

1 Pɩɛr 3:20

a pɛr lɛ kɛ́ a bɛlɩ dem na tɩ dãw zawrɩ a Naaŋmɩn ƴɛ̀rʋ sàwfʋ a lɛn daar ʋ na tɩ nyɔw a ʋ suur, a bibie al a Nowe na tɩ maalɛ a gbor-kpɛ̃ɛ a. Nɩbɛ blãlelɛ tɛwr nɛbɛ, bɛ za tɩ ɩ n nɩbɛ ani, bɛlɛ nɛbɛ tɩ kpɛ a gbor-kpɛ̃ɛ pʋɔ a kʋ̃ɔ fáa bɛ.

2 Pɩɛr 1:4

A ʋ yúor-vɩɛlʋ-danʋ nɩ a ʋ fãw ƴãw, tɩ páw nɩ a bome na vɩɛl bɛ tɛr tɔ ʋ na dãw ƴãw nʋɔr kɛ́ tɩ na páw na a. Ɛ́ a bʋ̃-vɩɛlɩ á ŋá ɩ na nyɩ pʋɔ a naaŋmɩnʋ pʋɔ ɛ́ yi zaa a faalʋ pʋɔ, a faalʋ a tɛra vʋla na guole a tẽ-daa zu a.

2 Pɩɛr 3:15

Nyɩ bãwnɩ a, a Sore wa nyɔw ʋ tʋɔra kɔwrɩ a, a nyɩ faafʋ n'a, mɛ̃ a lɛ a tɩ yɛb nɩ a tɩ bá Pol na sɛb kʋ̀ nyɩ nɩ a yã-bãwfʋ a Naaŋmɩn na kʋ̀ ʋ a.

Yel-wula 2:21

Ɩ̃ bɛr'ɩ vuo kʋ̀ ʋ k'ʋʋ lɩɛbɩ a ʋ ɩb, ɛcɛ, ʋ bɛ bɔbr k'ʋʋ lɩɛbɩ a ʋ ɩb, bɛr a ʋ pɩ̃ɔ-yele ɩ.