2 Pɩɛr 3:7 - A SƐB-SÕW

⁷ Ɛ́ a dɩ̃a tẽw nɩ a dɩ̃a salom á ŋá a, a Naaŋmɩn ƴɛ̀r-been ŋa cãà na tɛr a cɛlɛ nɩ a vũu a na na dɩ a, ʋ tɛr a na gùre nɩ a ƴɛ̀rʋ-maalʋ bibir nɩ a yel-bier-maalbɛ loba bibir.

2 Pɩɛr 3:7 ပူးပေါင်းရင်းမြစ်များ

Sɛb-sõw yielu 102:26

Fʋ̃ʋ n'ʋ ír a tẽw a koro za, ɛ́ a fʋ nuru n'a maalɩ a salom.

Sɛb-sõw yielu 50:3

«A tɩ Naaŋmɩn, ʋ́ wa, ɛ́ taa ɩrɛ gbili ɛ!» Vũu de ʋ nɩ niwn dɩrɛ, ɛ́ saa sɛsɛb-kpɛ̃ɛ pili pàw ʋ.

Ɩzayi 51:6

Nyɩ úori a salom nyɛlɛ, al pùorí nyɩ jɩ́r a tẽw a pile ka: a salom na bɔr a mɛ̃ zʋ̀ʋ́r a, a tẽw na zaw na mɛ̃ kparʋ a, ɛ́ a ʋ nɩbɛ kpiir mɛ̃ nazʋʋr a. Ɛcɛ a ɩ̃ faafʋ na be n be kʋralɛ, ɛ́ a mɩnʋ ɩ̃ na waar'ɩ a kʋ̃ tɛr baarʋ daar ɛ.

Ɩzayi 66:15

A Sore sɩrɩ n'ɩ ŋan: vũu pʋɔ n'a ʋ waar, a ʋ zɛbr-torkori ɩ na mɛ̃ sɛsɛb-pɩl a. Ʋ waar'a k'ʋʋ wa wul a ʋ suur na bɛ tɛr dɩ̃ɛnʋ a, ɛ́ fuw a nɩbɛ nɩ vũu-zɛlɛ.

Sofoni 3:8

A na ɩ à ŋá a, a Sore yere na: nyɩ gùre a ɩ̃ waa, a bibir ʋl ɩ̃ na na wa, wa wul a nyɩ sãwna a. Ɩ̃ yel'a k'ɩ̃ɩ na ɓã n a nɩ-bʋʋr-yoru nɩ a naalʋ-ten nɩbɛ taa, ƴãw a ɩ̃ suur vũu dɩ bɛ. A ɩ̃ su-tʋlʋ-kpãkpã vũu na dɩ n a tẽw za.»

Matie 10:15

Yel-mɩŋa sɩza, ɩ̃ yere na kʋ̀rɛ nyɩ, a ƴɛ̀rʋ-dɩb bibir a, bɛ kʋ̃ dɔwrɩ a Sodɔm nɩ a Gomɔɔr ten dem man a tẽw nɛ dem ɛ.»

Matie 11:22

Alɛ so ɩ̃ yere kʋ̀rɛ nyɩ, a ƴɛ̀rʋ-dɩb bibir a, a Tɩ́ɩ̀r nɩ a Sɩdɔ̃ ten dɔwrʋ kʋ̃ ta a nyɩ dem ɛ.

Matie 11:24

Lɛ so, ɩ̃ yere kʋ̀rɛ nyɩ, a ƴɛ̀rʋ-dɩb bibir a, a Sodɔm dɔwrʋ kʋ̃ ta a fʋ dem ɛ.»

Matie 12:36

Ɩ̃ sɩrɩ na yere kʋ̀rɛ nyɩ, a ƴɛ̀rʋ-maalʋ bibir wa vɩɛ a, a nɩsaalbɛ na man nɩ a ƴɛ̀r-foli za bɛ na ƴɛ̀r a pɛr.

Matie 24:35

A salom nɩ a tẽw na tɔl'a, ɛcɛ a ɩ̃ ƴɛ̀rʋ bɛ be za na tɔl ɛ.»

Matie 25:41

Lɛn daar'a ʋ na yel a ʋ gʋba lowr dem: “Nyɩ cen taw zãá nɩ mɛ̃, nyɩɩm bɛ na ŋmɛ ƴãw a, nyɩ cen a vũu na bɛ tɛr kpiiru daar a pʋɔ, bɛ na cɔbrɩ a Sɩtaana nɩ a ʋ malkɩ mɩnɛ ƴãw a.

Markɩ 6:11

Zie kãw dem bɛ wa sàw de nyɩ a, ɛ́ bɛ bɛrɛ wone a nyɩ ƴɛ̀rʋ a, nyɩɩm yi a be ɛ́ tɛb tɛb a nyɩ gbɛ́ɛ uuru bɛr, a na wul bɛ na kɛ́ bɛ sãw na.»

Zã 12:48

Sob nɛ na zawrɩ mɛ̃ bɛr ɛ́ bɛ dier a ɩ̃ ƴɛ̀rʋ a, tɛr'ɩ a ʋ ƴɛ̀r-maalɛ: a ƴɛ̀rʋ ɩ̃ na ƴɛ̀r a na yel'ɩ a ʋ sãwna a bibi-pɛ-baara wa vɩɛ a.

Ʋrɔm 2:5

A fʋ zu-kpɛnʋ ƴãw, nɩ fʋ na yel kɛ́ fʋ kʋ̃ lɩɛbɩ a fʋ ɩb a, fʋ cɔbrɛ nɩ dɔwrʋ na ta dɔwrʋ a a fʋ mɩŋa ƴãw, gùre nɩ a Naaŋmɩn suur bibir nɩ a ʋ ƴɛ̀rʋ maalʋ na tu yel-mɩŋa a bibir nãà wa vɩɛ a,

1 Korɛ̃tɩ 3:13

ŋa za tome nãà sãá nɩ cãàmɩlɛ. A ƴɛ̀rʋ-maalʋ bibir na ɩ na bɛ bãw à ŋà za tome, vũu na n'a mɩ́ ɩ a bibir ŋa ʋ sãá a ƴãw, ɛ́ a vũu na ɩ n ŋa za tome kaa, bãw a ŋmɛ̃a.

Filib 1:28

ɛ́ bɛ sàw a nyɩ dɔ̃ dem vʋ̃ɔ nyɩ pʋ̀lá zaa pʋrɩ ɛ, lɛ n'a a na wul bɛ kɛ́ bɛ bɔrɛ na, ɛcɛ a nyɩɩm be a faafʋ sɔ́r zu, ɛ́ a za yi a Naaŋmɩn zie.

2 Tesalonikɩ 2:3

Nyɩ ta sàw nɩr kãw za bɛ̀lɩ nyɔw nyɩ nɩ bɛ̀l-bʋʋrɛ kãw za ɩ. Bʋ̃ʋ n'ʋ vɛ̃, a fɛr'a kɛ́ a Naaŋmɩn jɛ-bɛrʋ ta baarɩ, kɛ́ a Faalʋ nɩr na ɩ nɩ-wɛra a sãá baarɩ, ɛ́ a bibir ŋa bãw ta.

1 Timote 6:9

Ɛcɛ a bɛlɩ dem na bɔbr kɛ́ bɛ kpɛ naalʋ a, bɛ mɩ́ lo n a bɛ̀lʋ pʋɔ, ɛ́ kpɛ dãbol-yel-bɔbrɩ na bɛ vɩɛl a bɛrɩ pʋɔ, a yel-bɔbrɩ á ŋá na lore a nɩsaalbɛ ɛ́ ɩrɛ bɛ bɔrɛ a.

Ebre 12:29

Bʋ̃ʋ n'ʋ vɛ̃, a tɩ Naaŋmɩn ɩ n vũu na dɩrɛ a.

2 Pɩɛr 2:9

A wul'a k'aa Sore na tʋ̃ɔ́ na faa a bɛlɩ dem na ƴãwnɛ ʋ a bɛr a tuo pʋɔ, ɛ́ tɛr a nɩ-faar gùre nɩ a ƴɛ̀rʋ-maalʋ bibir, k'ʋʋ ƴãw bɛ dɔwrʋ.

2 Pɩɛr 3:10

A Sore waa bibir na vɩɛ na mɛ̃ nyãnyuge a. A ʋlɩ bibir nɛ a, a salom na dam'a ɩ gɔmɛ tɛwr ɛ́ bɔr. A salom zu bʋ̃-íri na nyɔw nɩ vũu dɩ nyɩl, a tẽw nɩ a bome al za na be a ʋ zu a kʋ̃ cãà ɩ.

2 Pɩɛr 3:12

nyɩɩm na gùre ɛ́ ƴãw fãw ɩrɛ kɛ́ a Naaŋmɩn bibir ta fɔ̃w a. A bibir ʋl a salom na na dɩ wɛ, ɛ́ a salom zu bʋ̃-íri nyɔw vũu dɩ nyɩl a.

1 Zã 4:17

A nɔ̃wfʋ wa vɩɛl ʋ za a tɩ zie a, tɩ na bɛr'ɩ tɩɛrʋ a ƴɛ̀rʋ maalʋ bibir, bʋ̃ʋ n'ʋ vɛ̃, a tɩ nyɔ-vʋʋrʋ a tẽw zu ka ŋmɛ̃ na taa nɩ a Yeezu Kɩrɩta dem.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:7

A Sodɔm nɩ a Gomɔɔr nɩ a tẽ-kpɔwlɩ nɩbɛ tɩ tɛr'ɩ ɩ-faar mɛ̃ a malkɩ mɩnɛ bɛ ŋa a, ɛ́ tɩ bɔbr a lãw-taa na bɛ tu sɔ́r a. Naaŋmɩn ƴãw bɛ nɩ dɔwrʋ nɩ vũu na bɛ tɛr kpiiru a, k'aa ɩ wulu a nɩbɛ za zie.

Yel-wula 17:11

A wɛ-dʋ̃w na tɩ dãw be ɛ́ bɛ wa cãà a, a ʋl mɩŋa ɩ n na-mɩnɛ ani sob. Ʋ pʋɔ nɩ a na-mɩnɛ ayopõi pʋɔ ɛ́ wɩɛr a ʋ kũu zie.

Yel-wula 17:8

A wɛ-dʋ̃w fʋ na nyɛ̃ a, tɩ be na, ɛcɛ ʋ bɛ cãà ɩ. Ʋ na yi n a kɔ̃tɔmɛ dɔwrʋ bɔw-zulu pʋɔ do wa wa wɩɛr a ʋ kũu zie. A tẽw zu nɩbɛ bɛl a yée na bɛ sɛb a nyɔ-vʋʋrʋ sɛbɛ pʋɔ a tẽ-daa íru daar za a na nyɛ̃ nɩ a wɛ-dʋ̃w a nʋɔr ɓãá bɛ, bʋ̃ʋ n'ʋ vɛ̃, ʋ tɩ dãw na be, ɛ́ bɛ cãà ɩ, ɛ́ na lɛb wa.

Yel-wula 20:11

Ɩ̃ lɛb tɩ nyɛ̃ nɩ naalʋ-dà-kɔw-pla kpɛ̃ɛ nɩ a sob nɛ na zɩ̃ a ʋ zu a. A tẽsɔw nɩ a salom tɩ bɔr'ɩ a ʋ niŋé, bɛ bɛ lɛb nyɛ̃ a ɩ.

Yel-wula 21:1

Lɛ n'a ɩ̃ tɩ nyɛ̃ salom-paala nɩ tẽsɔw-paala. Bʋ̃ʋ n'ʋ vɛ̃, a salom dãw-niwn sob nɩ a tẽsɔw dãw-niwn sob tɩ bɔr'a, a kʋ̃ɔ-kpɛ̃ɛ bɛ tɩ cãà be ɩ.