2 Pɩɛr 3:2 - A SƐB-SÕW

² Nyɩ lɛb tɩɛrɩ a ƴɛ̀rʋ al a naaŋmɩn-ƴɛ̀r-man-son na tɩ dãw ƴɛ̀r a, nɩ a Sore nɩ a Faarɛ nɔ-ƴãwna a nyɩ nɩ-toni na lʋɔrɩ kʋ̀ nyɩ a.

2 Pɩɛr 3:2 ပူးပေါင်းရင်းမြစ်များ

Luka 1:70

À à ŋá n'a ʋ tɩ ƴãw a ʋ ƴɛ̀r-man-son yel a koro za,

Luka 24:27

Ʋ tɩ tĩ nɩ a Moyiir sɛbr pʋɔ nɩ a naaŋmɩn-ƴɛ̀r-manbɛ za sɛbr pʋɔ, ɛ́ manɩ a yele za na càarɩ ʋ a Sɛb-Son pʋɔ a kʋ̀ bɛ.

Luka 24:44

Al pùorí ʋ yel bɛ: «Ƴɛ̀rʋ á ŋá n'a ɩ̃ tɩ ƴɛ̀r kʋ̀ nyɩ, a lɛn daar ɩ̃ na tɩ cãà be a nyɩ zie a: a yele al za bɛ na sɛb càar'ɩ mɛ̃ a Moyiir wulu sɛbɛ pʋɔ a, a naaŋmɩn-ƴɛ̀r-manbɛ sɛbr pʋɔ, nɩ a Sɛb-sõw yielu sɛbɛ pʋɔ a, a fɛr'a kɛ́ a tu.»

Nɩ-toni 10:43

A naaŋmɩn-ƴɛ̀r-manbɛ za dɩ n a dãsɩɛ ŋa a ʋ ƴãw: nɩr za, na sàw de a ʋ yele a, na páw nɩ a yel-bebe suur a ʋ yúor ƴãw.»

Nɩ-toni 28:23

Bɛ tɩ wõ n taa ƴãw bibir. A bibir na wa vɩɛ a, bɛ wa n yaga dɔwlɩ wa páw a Pol a ʋ yir nɛ pʋɔ. A ʋ manʋ pʋɔ a, a Pol tɩ dɩrɛ nɩ a Naaŋmɩn Naalʋ dãsɩɛ, ɛ́ a biɓaara tɩ ta n a zaanʋɔra a, ʋ mɩ́ tɩ de nɩ a Moyiir wulu sɛbɛ nɩ a naaŋmɩn-ƴɛ̀r-manbɛ sɛbr manɛ nɩ a Yeezu yele, ɛ́ ƴãw fãw bɔbr k'ʋʋ ƴɛ̀r tʋ̃ɔ́ bɛ.

Nɩ-toni 3:18

Ɛ́ à ŋá n'a a Naaŋmɩn mɩ̀ tu maalɩ a ʋlɩ bom nɛ ʋ na dãw ƴãw a ʋ ƴɛ̀r-manbɛ za yel a: a ʋ Nɩ-kabra na na wõ a tuo a.

Nɩ-toni 3:21

Ƴɛrɛŋa a, a fɛr'a k'aa Yeezu Kɩrɩta be a tẽ-vla pʋɔ tɩ ta a daar ʋl bom za na na lɩɛbɩ bʋ̃-paala, mɛ̃ a lɛ a Naaŋmɩn na tɩ dãw hieri yel nɩ a ʋ dãwdãw ƴɛ̀r-man-son nʋɔr a.

Galasi 6:2

Nyɩ tuore taa tuor, lɛ n'a nyɩ na sàw a Kɩrɩta Wulu.

Efɛɛzɩ 2:20

Bɛ de nyɩ na ƴãw a yir mɩɛrʋ pʋɔ, a ʋl bɛ na sʋ̃ɔ́ a pɛr a nɩ-toni nɩ a naaŋmɩn-ƴɛ̀r-manbɛ zu, ɛ́ a Yeezu Kɩrɩta mɩŋa ɩ a yir pɛr kʋsɩɛr a.

Efɛɛzɩ 3:5

A Naaŋmɩn yel-sɔwla ŋa a, ʋ bɛ tɩ wul ʋ a koro za nɩbɛ mɛ̃ a lɛ ʋ na ƴãw a Vʋʋrʋ Sõw wul ʋ a ƴɛrɛŋa a ʋ nɩ-toni na ɩ son a, nɩ a ʋ ƴɛ̀r-manbɛ a ɩ.

1 Timote 6:14

tɛr a Naaŋmɩn nɔ-ƴãwna vla, ʋ taa sãwnɛ ɩ, a ta lɛb tɛr nɩr ƴɛ̀rʋ ɛ, ɛ́ gù a lɛn daar a tɩ Sore Yeezu Kɩrɩta na na lɛb wa a.

2 Pɩɛr 2:21

Bʋ̃ʋ n'ʋ vɛ̃, bɛlɛ nɩ̃ɛ bɛ tɩ dãw bãw a mɩnʋ sɔ́r a, alɛ sa bɛ na bãw ʋ baarɩ ɛ́ lɛb zawrɩ a Naaŋmɩn nɔ-ƴãwna sõw bɛ na tɩ lʋɔrɩ kʋ̀ bɛ a bɛr a.

2 Pɩɛr 3:15

Nyɩ bãwnɩ a, a Sore wa nyɔw ʋ tʋɔra kɔwrɩ a, a nyɩ faafʋ n'a, mɛ̃ a lɛ a tɩ yɛb nɩ a tɩ bá Pol na sɛb kʋ̀ nyɩ nɩ a yã-bãwfʋ a Naaŋmɩn na kʋ̀ ʋ a.

2 Pɩɛr 3:16

Lɛ n'a ʋ mɩ̀ cãà lɛb yere a sɛbr al za pʋɔ ʋ na ƴɛ̀r a yel ŋa ƴɛ̀rʋ a. Ƴɛ̀r-bie be n a sɛbr á ŋá pʋɔ a pɛr bãwfʋ kpɛmɛ. Nɩbɛ na bɛ bãw bom za ɛ́ a tɩɛrʋ bɛ mɩ́ yaa kɛ́ lɩɛbɩ a mɩ́ nyɔw nɩ a ƴɛ̀r-bie á ŋá pɛ́ɛ lɩɛbɩ, ɛ́ lɛ n'a bɛ mɩ̀ ɩrɛ a Sɛb-sõw sɛbr ŋmãa al na cɛ a ƴãw. Bɛl mɩŋa loba ƴãw n'a bɛ mɩ́ ɩrɛ a lɛ.

1 Zã 4:6

Ɛcɛ a tɩɩm a, Naaŋmɩn so tɩ. Sob nɛ na bãw a Naaŋmɩn a mɩ́ bɛrɛ na wone a tɩ ƴɛ̀rʋ. Ɛ́ sob nɛ a Naaŋmɩn na bɛ so a bɛ mɩ́ bɛrɛ wone a tɩ ƴɛ̀rʋ ɛ. À ŋá n'a tɩ mɩ́ bãw a yel-mɩŋa Vʋʋrʋ nɩ a tulu vʋʋrʋ.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:17

Ɛ́ a nyɩɩm, ɩ̃ bá mɩnɛ ɛ, nyɩ lɛb tɩɛrɩ a ƴɛ̀rʋ al a tɩ Sore Yeezu Kɩrɩta nɩ-toni na tɩ dãw ƴɛ̀r kʋ̀ nyɩ a.

Yel-wula 19:10

Lɛ n'a ɩ̃ tɩ lo gbĩ dume a ʋ pile k'ɩ̃ɩ puor'ʋ nɩ ɩ̃ tʋɔra-siwru, ɛcɛ ʋ tɩ yel mɛ̃ na: «Taa wa nanɩ ɩrɛ a lɛ ɩ! Ɩ̃ ɩ n tõ-tone mɛ̃ fʋ̃ʋ nɩ a fʋ yɛbr na maal tɛr a Yeezu yel-mɩŋa ƴɛ̀rʋ a. Naaŋmɩn n'ʋ a fɛr kɛ́ fʋ puore nɩ fʋ tʋɔra-siwru.» A Yeezu yel-mɩŋa ƴɛ̀rʋ n'a kʋ̀rɛ a naaŋmɩn-ƴɛ̀r-manɛ a tɩɛrʋ.