2 Pɩɛr 2:4 - A SƐB-SÕW

⁴ Bʋ̃ʋ n'ʋ vɛ̃, a malkɩ mɩnɛ bɛl na sãw a, a Naaŋmɩn bɛ bɛr bɛ ɩ, ʋ lɔb bɛ na ƴãw a tẽ-faa lige pʋɔ cɛlɛ nɩ a ƴɛ̀rʋ-maalʋ.

2 Pɩɛr 2:4 ပူးပေါင်းရင်းမြစ်များ

A Zɔb sɛbɛ 21:30

A kpɩɛrʋ daar a, a ɩ-fa-maalɛ mɩ́ cɩ̃ɛ na, a Naaŋmɩn suur wa ìr a ʋlɩ bibir a, ʋ mɩ́ jɩɩr'ʋ na bɛr.

A Zɔb sɛbɛ 4:18

Bɛl nyɛ̃: a Naaŋmɩn bɛ mɩ́ wa ƴãw a ʋ tɩɛrʋ a ʋ malkɩ mɩnɛ ƴãw a, ʋlɛ mɩ́ wa nyɛ̃ sãwna yere a tõ-tõ-biir na be a ʋ zie a salom zu a zie a,

Sɛb-sõw yielu 78:50

Ʋ tɩ tõ n a ʋ suur tome, ʋ bɛ tɩ gù a Eziptɩ tẽw dem a kũu ƴãw ɛ, ʋ tɩ bɛr bɛ na kʋ̀ a jɛ̀lmɛ̃ bàalʋ.

Ɩzayi 14:12

Ŋmɩŋmɩn za n'a fʋ yi a salom zu lo, fʋ̃ʋ, zi-vɩɛ-ŋmar-bir-nyɩwra? Ŋmɩŋmɩn za n'a bɛ lɔb fʋ bɛr a tẽw zu, fʋ̃ʋ na mɩ́ tɩ tʋ̃ɔ́ a nɩ-bʋʋrɛ a?

Ezekɩɛl 5:11

«A mãa, a Sore Naaŋmɩn, ɩ̃ pɔ n nɩ a ɩ̃ nyɔ-vʋʋrʋ, yel à ŋá: Nyɩ dɛw nɩ a ɩ̃ yir-sõw bɛr nɩ a nyɩ ɩb na bɛ maal'ɩ wob a, nɩ a nyɩ ŋmɩn-bɛlɛbɛlɛ. A na ɩ lɛ a, ɩ̃ na ɩ n a bʋra tɔl a nyɩ zu. Ɩ̃ bɛ tɛrɛ mimi-baalʋ ɛ, nyɩ bɛ cɩ̃ɛnɛ ɩ.

Ezekɩɛl 7:4

Ɩ̃ kʋ̃ tɛr mimi-baalʋ ɛ́ kʋ̃ bɛr nyɩ nyɩ cɩ̃ɛ ɩ. Ɩ̃ na ɩ na nyɩ ya a nyɩ ɩb san. A nyɩ ɩb na bɛ maal'ɩ wob a na sãá nɩ nyɩraalɛ. Lɛ n'a nyɩ na sàw k'ɩ̃ɩ ɩ n a Sore.

Ezekɩɛl 7:9

Ɩ̃ kʋ̃ tɛr mimi-baalʋ ɛ́ kʋ̃ bɛr nyɩ nyɩ cɩ̃ɛ ɩ. Ɩ̃ na ɩ na nyɩ ya a nyɩ ɩb san. A nyɩ ɩb na bɛ maal'ɩ wob a na sãá nɩ nyɩraa lɛ. Lɛ n'a nyɩ na sàw k'ɩ̃ɩ ɩ n a Sore na dɔwrɛ nyɩ a.

Matie 25:41

Lɛn daar'a ʋ na yel a ʋ gʋba lowr dem: “Nyɩ cen taw zãá nɩ mɛ̃, nyɩɩm bɛ na ŋmɛ ƴãw a, nyɩ cen a vũu na bɛ tɛr kpiiru daar a pʋɔ, bɛ na cɔbrɩ a Sɩtaana nɩ a ʋ malkɩ mɩnɛ ƴãw a.

Matie 8:29

Bɛ tɩ ŋmɩɛr'ɩ cɛlsɩ yere nɩ: «Bʋ̃ʋ n'a jɩ́rɛ fʋ, Naaŋmɩn Bie e? Fʋ wa na kɛ́ fʋ wa sɔbr tɩ niwn ɛ́ a daar bɛ ta sɛr ɛ?»

Markɩ 5:7

Ʋ tɩ cɩɩr'ɩ kpɛ̃w za yel: «Naaŋmɩn-na-do-saa-bɛ-pɩɛl-a Bie, Yeezu u, mãa nɩ fʋ̃ʋ mɩ̀ bʋnʋ? Ɩ̃ zɛlɛ fʋ nɩ yãayãa, a Naaŋmɩn yúor ƴãw, taa dɔwrɛ mɛ̃ ɩ.»

Luka 10:18

A Yeezu tɩ yel bɛ na: «Ɩ̃ mɩ́ tɩ nyɛ̃ nɩ a Sɩtaana ʋ yi a salom zu wa lo mɛ̃ saa na nyɩwrɩ a.

Luka 8:31

A kɔ̃tɔmɛ á ŋá tɩ zɛlɛ nɩ a Yeezu k'ʋʋ ta diw a ƴãw a kɔ̃tɔmɛ dɔwrʋ bɔw-zulu pʋɔ ɩ.

Zã 8:44

Gɛgɛra n'ɩ a nyɩ sãà, ɛ́ nyɩ bɔbr a nyɩ sãà pʋ-tɩɛrʋ maalʋ. A pɛr-tib daar za n'a ʋ ɩ nɩ-kʋrɛ: ʋ bɛ dãw be yel-mɩŋa pʋɔ ɩ, yel-mɩŋa bɛ ka a ʋ pʋɔ ɩ. Ʋlɛ wa ŋmarɛ a ziri a, a ʋ dem mɩ́ n'a, ʋ na ɩ zir-ŋmarɛ nɩ a ziri sãà a ƴãw.

Ʋrɔm 11:21

Bʋ̃ʋ n'ʋ vɛ̃, a Naaŋmɩn bɛ wa jɩɩrɩ a tɩɛ wuli tɛɛ za bɛr a, a pɛr lɛ k'aa Zifʋ mɩnɛ a, ʋ mɩ̀ kʋ̃ jɩɩrɩ fʋ bɛr ɛ.

Ʋrɔm 8:32

Ʋ bɛ jɩɩrɩ a ʋl mɩŋa Bie bɛr ɛ, ʋ nɩ̃ɛ na de ʋ tɩr bɛ kʋ a tɩ za ƴãw: ŋmɩŋmɩn za n'a ʋ kʋ̃ kʋ̀ tɩ bom za zawla lãwnɩ a ʋ Bie?

Wulu-ayi-sob 29:20

A Sore na ír ʋ na bɛr a Ɩsɩrayɛl nɩbɛ pʋɔ, a tu a wulu sɛbɛ ŋa pʋɔ wõ-taa ŋmɛ-ƴãw, ɛ́ a na ɩ n a ʋ zu-bio.

2 Pɩɛr 2:11

Ɛcɛ malkɩ mɩnɛ na tɛr fãw zuo a nɩbɛ bɛ ŋa, ɛ́ lɛb kpɛmɛ zuo bɛ a, bɛ sàwr tʋʋr a salom zu dem bɛ ŋa a Sore niŋé ɩ.

2 Pɩɛr 2:5

Ʋ mɩ̀ bɛ bɛr a dãwdãw tẽ-daa ɩ, ʋ ƴãw na kʋ̃ɔ paalɩ pàw a nɩ-faar tẽw ŋa. Ɛcɛ ʋ tɩ piw nɩ a Nowe na tɩ hiere a yel-mɩnʋ a tɛr, lãwnɩ nɩbɛ ayopõi kãw.

2 Pɩɛr 2:9

A wul'a k'aa Sore na tʋ̃ɔ́ na faa a bɛlɩ dem na ƴãwnɛ ʋ a bɛr a tuo pʋɔ, ɛ́ tɛr a nɩ-faar gùre nɩ a ƴɛ̀rʋ-maalʋ bibir, k'ʋʋ ƴãw bɛ dɔwrʋ.

1 Zã 3:8

Sob nɛ na maalɛ a yel-bier a, Gɛgɛra so ʋ. A Gɛgɛra na ɩ yel-bier-maalɛ a pɛr-tib daar za a ƴãw. Yel ŋa ƴãw n'a a Naaŋmɩn Bie wa: k'ʋʋ wa sãw a Gɛgɛra tome bɛr.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:13

Bɛ ŋmɛ̃ na mɛ̃ kʋ̃ɔ-kpɛ̃ɛ kʋ̃ɔ-mie na damnɛ nɩ fãw a, a bɛ vĩ yele na ɩ mɛ̃ a kʋ̃ɔ-puuru a mɩ́ de bɛ nɩ niwn. Bɛ ŋmɛ̃ na mɛ̃ ŋmar-bie na mɩ́ wa yi tʋ̃ɔ̀ a salom a. Naaŋmɩn bãwnɩ bɛ nɩ zie na liw ʋ za a, kʋralɛ ƴãw.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:6

A malkɩ mɩnɛ na bɛ tɩ sàw tɛr a fãw ʋl tɛwr a Sore na kʋ̀ bɛ a, ɛ́ tɩ zawrɩ a bɛ kpɛb zie bɛr a, a Naaŋmɩn nyɔw bɛ na ƴãw bamɛ kʋralɛ lɔb ƴãw lige pʋɔ, gùre nɩ a ƴɛ̀rʋ-maalʋ bibi-kpɛ̃ɛ nãà wa vɩɛ a.

Yel-wula 20:10

Ɛ́ a Gɛgɛra na tɩ bɛ̀lɛ bɛ a, bɛ lɔb ʋ na ƴãw a cirbi vũu gbãtar-kpɛ̃ɛ pʋɔ, a wɛ-dʋ̃w nɩ a ƴɛ̀r-man-bɛlɛbɛlɛ zie. Be n'a bɛ na nyɛrɛ dɔwrʋ mʋ̃tɔ̃w nɩ tɩ̃ɩsɔw, yome yome za.