2 Pɩɛr 2:2 - A SƐB-SÕW

² Ɛcɛ nɩ-yaga na tu bɛ nɩ a bɛ faalʋ á ŋá pʋɔ. A bɛl ƴãw, a yel-mɩŋa sɔ́r na lɩɛb'ɩ zʋmɛ bom.

2 Pɩɛr 2:2 ပူးပေါင်းရင်းမြစ်များ

Yele-za-pɛr-tib 19:5

Bɛ tɩ bʋɔl'ɩ a Lɔtɩ yel ʋ: «A nɩbɛ na wa a fʋ zie a tɩ̃ɩsɔw ŋa a, nyɩnɛ n'a bɛ be? Ɩ bɛ yi wa tɩ wa gã nɩ bɛ.»

Sɛb-sõw yielu 18:21

A Sore ɩrɛ nɩ à ŋá a ɩ̃ zie, a ɩ̃ mɩnʋ zũú, ʋ ɩrɛ mɛ̃ nɩ à ŋá, a ɩ̃ nuru tõ-vɩɛlɩ ƴãw.

Ɩzayi 35:8

Sɔ́r na be n a be bɛ bʋɔlɛ sɔr-sõw. Dɛwr sob kãw za bɛ tuur ʋ ɛ, bʋ̃ʋ n'ʋ vɛ̃, a Sore mɩŋa n'ʋ na puo ʋ, ɛ́ a dãbole bɛ waar wa bɔrɛ gʋɔr a ʋ zu ɛ.

Zeremi 6:16

À ŋá n'a a Sore yere: Nyɩ tɛw àr a sɔ́r nyɩ na lo a zu ɛ́ tɩɛrɩ nyɛ̃, nyɩ sowri a koro sɛ́ɛ yele kaa: Nyɩ bɔ a sɔr-vla ɛ́ tuur ʋ. Lɛ n'a nyɩ na nyɛ̃ a pɩ̃ɛnʋ a nyɩɩm mɩŋa ƴãw. Ɛcɛ bɛ sɔw na: “Tɩ bɛ tuur ʋ ɛ.”

Matie 22:16

Al pùorí, bɛ tɩ tõ n a bɛ po-tuurbɛ nɩ Erɔdɩ nɩbɛ kɛ́ bɛ tɩ yel ʋ: «Wul-wul-kara a, tɩ bãw na kɛ́ fʋ yere nɩ yel-mɩŋa, ɛ́ wule a nɩbɛ a Naaŋmɩn sɛ́ɛ nɩ yel-mɩŋa, fʋ bɛ zɔrɛ nɩr za ɩ, ɛ́ bɛ owre ɩ.

Matie 24:24

Naaŋmɩn nɩ-kabr-bɛlɛbɛlɛ mɩnɛ nɩ naaŋmɩn-ƴɛ̀r-man-bɛlɛbɛlɛ mɩnɛ na yi na maalɛ nɔ-ɓãa-yel-bɛrɛ nɩ yel-bãw-guuri, alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri tɛɛ za.

Matie 7:14

Ɛcɛ a nyɔ-vʋʋrʋ dɩ̃dɔr ɩ n fɩɩra, ɛ́ a ʋ sɔ́r kpɛmɛ, ɛ́ nɩbɛ blãlɛ n'a mɩ́ nyɛ̃ ʋ.»

Markɩ 12:14

Bɛ tɩ cen na tɩ yel ʋ: «Wul-wul-kara a, tɩ bãw na kɛ́ fʋ yere nɩ yel-mɩŋa, ɛ́ bɛ zɔrɛ nɩr za ɩ: fʋ bɛ owre ɩ, ɛ́ wule a Naaŋmɩn sɔ́r nɩ yel-mɩŋa. Sɔ́r be n be kɛ́ bɛ mɩ́ ya a zuru-yar kʋ̀ a Sezaar bɩɩ? A ɩ n fɛrʋ kɛ́ tɩ mɩ́ ya bɩɩ tɩ ta mɩ́ ya?»

Markɩ 13:22

A lɛn daar, Naaŋmɩn nɩ-kabr-bɛlɛbɛlɛ nɩ naaŋmɩn-ƴɛ̀r-man-bɛlɛbɛlɛ na yi na, mɩ́ maalɩ nɔ-ɓãa-yele nɩ yel-bãw-guuri, kɛ́ alɛ tɩ tʋ̃ɔ́ a, bɛ̃ɛ tuli a Naaŋmɩn nɩ-kaa-íri.

Zã 14:6

A Yeezu yel ʋ: «Mãa n'ɩ a sɔ́r, a yel-mɩŋa nɩ a nyɔ-vʋʋrʋ. Nɩr za kʋ̃ tʋ̃ɔ́ cen a Naaŋmɩn Sãà zie, a bɛ ɩ mãa zie k'ʋ tu ɛ.

Nɩ-toni 13:10

ɛ́ yel: «Gɛgɛra bie ŋa, nɩ-nɛb yã nɩ po-tuolu tɛwr'a fʋ bãw, fʋ̃ʋ na ɩ yel-mɩnʋ za dɔ̃ sob a! Debor'a fʋ na bɛr a Sore pʋ-tɩɛrʋ na ɩ dẽdẽ a sãw-bɛrʋ?

Nɩ-toni 14:2

Ɛcɛ a bɛlɩ Zifʋ nɛ na bɛ tɩ sàw de a Yeezu a, tɩ ɩ na a nɩ-bʋʋr-yoru tɩɛrʋ bɛ vɩɛl a yɛbr ƴãw ɛ.

Nɩ-toni 16:17

Ʋ tɩ ta na tu tɩɩm nɩ a Pol, ɛ́ ŋmɩɛr cɛlsɩ yere nɩ: «Naaŋmɩn-na-do-saa-bɛ-pɩɛl-a tõ-tõ-biir'ɩ a nɩbɛ bɛ ŋa, a faafʋ sɔr'ʋ bɛ hiere kʋ̀rɛ nyɩ.»

Nɩ-toni 18:26

Lɛ n'a ʋ tɩ ɓãá ƴãw hiere a Yeezu yele a Zifʋ mɩnɛ puoru-dĩó. Ɛcɛ a Pɩrɩsɩl nɩ a Akɩlasɩ na wa bɛr wõ a ʋ ƴɛ̀rʋ a, bɛ tɛr ʋ nɩ bɛ tɛwr zie tɩ manɩ kʋ̀ ʋ a lɛ a Naaŋmɩn sɔ́r yele na sɩrɩ tu a.

Nɩ-toni 19:9

Ɛcɛ bɛ mɩnɛ tɩ kpãa nɩ tobr, ɛ́ zawrɩ a ƴɛ̀rʋ sàw deb ɛ́ sãwnɛ a Sore sɔ́r yúor a nɩbɛ pʋɔ. Lɛ so a Pol tɩ bɛr bɛ, ɛ́ bibir za, ʋ mɩ́ tɛr a po-tuurbɛ tɛwr kpɛ n a Tɩranɔsɩ nakol-yir tɩ kanɛ nɩ bɛ.

Nɩ-toni 22:4

A bɛlɩ dem na tuur a sɔ́r ŋa a, ɩ̃ mɩ́ tɩ dɔwrɩ bɛ na tɩ kʋ. Ɩ̃ nyɔw nɩ dɛbr nɩ pɔwbɛ 'lẽ lɔb ƴãw gaso pʋɔ.

Nɩ-toni 24:14

Bom nɛ ɩ̃ na bãw k'ɩ̃ɩ ɩ na a n'ɩ ŋa: ɩ̃ tu n a Sɔr-paala, tone a tɩ sãàkʋm-kore Naaŋmɩn tome. A sɔ́r ŋa n'ʋ bɛl bʋɔlɛ kɛ́ lãw na bɛ sɛw a. Ɩ̃ sàw na de a yele al za na sɛb ƴãw a Naaŋmɩn wulu sɛbɛ pʋɔ nɩ a naaŋmɩn-ƴɛ̀r-manbɛ sɛbr pʋɔ a.

Ʋrɔm 2:24

Bʋ̃ʋ n'ʋ vɛ̃, a Sɛb-sõw yel'a: «Nyɩmɛ nɛbɛ so a nɩ-bʋʋr-yoru ɩrɛ a Naaŋmɩn laar.»

1 Timote 5:14

A na ɩ à ŋá a, ɩ̃ bɔbr'a kɛ́ a pɔw-kɔ-pɔ́lɛ́ mɩ́ lɛb kul sɩrbɛ dɔw bibiir, kɛ́ bɛ kaarɛ a bɛ yir zie, a tɩ dɔ̃ dem ta tʋ̃ɔ́ nyɛ̃ yel-faa kãw za yel ɛ.

Títɩ̀ 2:5

bɛ bãw yã, ɛ́ ta tɛr pɩ̃ɔ ɩ-ɩrɩ ɛ, bɛ ɩ nɩ-vɩɛlɩ ɛ́ ƴãw fãw kaarɛ a bɛ yir zie, sàwr a bɛ sɩrbɛ nʋɔr, kɛ̀ nɩr za ta tʋ a Naaŋmɩn ƴɛ̀rʋ zʋm ɛ.

Títɩ̀ 2:8

A fʋ ƴɛ̀rʋ, a vɩɛl, nɩr ta tʋ̃ɔ́ nyɛ̃ yel-faa a pʋɔ ɩ, lɛ n'a a dɔ̃ sob na nyɛ̃ vĩ, ʋ na kʋ̃ nyɛ̃ yel-faa kãw za ƴɛ̀rʋ ƴɛ̀r a tɩ ƴãw a.

1 Pɩɛr 2:12

Nyɩ cere dẽdẽ a nɩ-bʋʋr-yoru sɔgɔ, lɛ n'a a bom ʋl ƴãw bɛ na yere kɛ́ nyɩ ɩ n nɩ-faar a, a nyɩ ɩ-vɩɛlɩ na caalɩ bɛ, bɛ danɛ a Naaŋmɩn a ʋ waa bibir.

2 Pɩɛr 2:12

Ɛcɛ, mɛ̃ dʋn na bɛ bãw yã ɛ́ be bɛrɩ nyɔwfʋ ƴãw, ɛ́ na kpi wɛ a, a nɩbɛ bɛ ŋa tʋʋr'ɩ bom bɛ na bɛ bãw a, bɛ na kpi na wɛ mɛ̃ a dʋn a.

2 Pɩɛr 2:15

Bɛ bɛr'ɩ a sɔ́r-dẽdẽ, ɛ́ bɔr tu a Bosɔɔr bidɛb Balaam pùor, ʋl na tɩ bɛr ɩ-faar sã-ya bɛlɩ nyɔw ʋ a.

2 Pɩɛr 2:18

Bɛ mɩ́ ƴɛ̀rɛ nɩ ƴɛ̀r-bɛrɛ ƴɛ̀r-zawlɛ, a pɩ̃ɔ-yele ƴã-gan nʋ̃ɔ̀-faar tɩɛrʋ na ɩrɛ vĩ a n'a bɛ mɩ́ bɛlɩ nyɔw nɩ a bɛlɩ dem na bʋ́r yi paalʋ a nɩbɛ bɛl pʋɔ na vʋʋrɛ a tulu pʋɔ a.

2 Pɩɛr 2:21

Bʋ̃ʋ n'ʋ vɛ̃, bɛlɛ nɩ̃ɛ bɛ tɩ dãw bãw a mɩnʋ sɔ́r a, alɛ sa bɛ na bãw ʋ baarɩ ɛ́ lɛb zawrɩ a Naaŋmɩn nɔ-ƴãwna sõw bɛ na tɩ lʋɔrɩ kʋ̀ bɛ a bɛr a.

2 Pɩɛr 2:7

Ɛcɛ ʋ tɩ faa nɩ a nɩ-mɩŋa Lɔtɩ, a nɩ-faar bɛ ŋa nyɔ-vʋʋr-faa na tɩ ɩrɛ a kpɩɛr yaga za a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:10

Ɛcɛ a nɩbɛ bɛ ŋa bɛl tʋʋr'ɩ bom nɛ bɛ na bɛ bãw a, ɛ́ a al bɛ na mɩ́ bãw, a bãwfʋ ɩ mɛ̃ a wɛ-dʋn bãwfʋ a, a bɛ kũu ƴãw cãà n'a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:15

k'ʋʋ wa maal'ɩ a nɩbɛ za ƴɛ̀rʋ. Ʋ na wul'ɩ a yel-bebe dem za a bɛ ɩ-faar bɛ na ɩ càar'ɩ ʋ a bɛ bɛ-wonu zũú a, nɩ a zʋmɛ ƴɛ̀r-bie a yel-bebe dem bɛ ŋa na bɛ tɛr ƴãwfʋ a na ƴɛ̀r càar'ɩ ʋ a.»

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:4

Bʋ̃ʋ n'ʋ vɛ̃, nɩ-faar kãw wa na wa sɔwlɩ kpɛ a nyɩ pʋɔ. Bɛ mɩ́ de nɩ a tɩ Naaŋmɩn-maalʋ tu n zi-yoru, bɔbr'ɩ kɛ́ bɛ wul kɛ́ bɛ tɛr'ɩ yel-mɩŋa a bɛ pɩ̃ɔ-ɩb pʋɔ, ɛ́ bɛ sàwr dier a tɩ Sore Yeezu Kɩrɩta na ɩ a tɩ Wul-wul-kara been yõ a ɩ. Koro za n'a a Sɛb-sõw manɛ a dɔwrʋ na na lo a bɛ zu a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:7

A Sodɔm nɩ a Gomɔɔr nɩ a tẽ-kpɔwlɩ nɩbɛ tɩ tɛr'ɩ ɩ-faar mɛ̃ a malkɩ mɩnɛ bɛ ŋa a, ɛ́ tɩ bɔbr a lãw-taa na bɛ tu sɔ́r a. Naaŋmɩn ƴãw bɛ nɩ dɔwrʋ nɩ vũu na bɛ tɛr kpiiru a, k'aa ɩ wulu a nɩbɛ za zie.

Yel-wula 12:9

A wa-bɩɛ, a tẽ-kor-waab, a ʋl bɛ na bʋɔlɛ Gɛgɛra nɩ Sɩtaana a, a tẽ-daa za bɛlbɛlɛ, bɛ tɩ cã ʋ na lɔb a tẽw zu lãwnɩ a ʋ malkɩ mɩnɛ.

Yel-wula 13:14

Ʋ tɩ bɛ̀lɛ nɩ a nɩbɛ na kpɩɛr a tẽw zu a, nɩ a nɔ-ɓãa-yele bɛ na tɩ kʋ̀ ʋ a fãw ʋ maalɛ nɩ a dʋ̃-dãw-niwn sob niŋé a. Ʋ tɩ ƴãw na bɛ mɩ́ maalɩ a dʋ̃w ʋl na tɩ tɛr a sʋɔ natɩr ɛ́ lɛb vʋʋrɛ a dasule a ʋ ƴãwfʋ ƴãw.

Yel-wula 13:8

A tẽw zu nɩbɛ za na gbĩ n dume puor'ʋ, bɛlɩ dem za a yée na bɛ sɛb ƴãw a Pele bɛ na kʋ a nyɔ-vʋʋrʋ sɛbɛ pʋɔ a tẽ-daa íru daar za a.