2 Pɩɛr 1:8 - A SƐB-SÕW

⁸ Nyɩmɛ wa tɛr a ɩ-vɩɛlɩ á ŋá za a, a na ɩ na nyɩ tʋlɛ ɛ́ bãwnɛ a tɩ Sore Yeezu Kɩrɩta dɔwlɛ.

2 Pɩɛr 1:8 ပူးပေါင်းရင်းမြစ်များ

Zʋkpaɩ 19:15

A ƴã-tuolu mɩ́ ƴãw nɩ gʋ̃ɔ, ɛ́ kɔ̃ mɩ́ tɛr a nɩr na ɩrɛ salala a.

Matie 13:22

A gʋʋr pʋɔ a bʋ̃-bie na lo a, ɩ n a bɛlɩ dem na mɩ́ wõ a Naaŋmɩn ƴɛ̀rʋ, ɛ́ a tẽw zu ka yele tɩɛrʋ nɩ a naalʋ bɛlʋ fɩɩrɩ a ƴɛ̀rʋ kʋ, ʋ bɛ wɔ̃ bom za a.

Matie 20:3

Ʋ tɩ lɛb'a yi a biɓaara, a mʋ̃tɔ̃w na zɛw blã a, tɩ nyɛ̃ bɛ mɩnɛ bɛ zɩ̃ zawlalɛ a nɩbɛ tuor-taa zie.

Matie 20:6

A na wa man a zaanʋɔra a, ʋ tɩ lɛb'a yi tɩ nyɛ̃ bɛ mɩnɛ bɛ be a be, ʋ yel bɛ: “Bʋnʋ ƴãw n'a nyɩ zɩ̃ a ka a bibi-ɓil za bɛ ɩrɛ bom za?”

Matie 25:26

Ɛcɛ ʋ tɩ sɔw ʋ na: “Tõ-tõ-bi-faa, ƴã-tuo sob ŋa! Fʋ tɩ bãwnɩ a na k'ɩ̃ɩ mɩ́ cɛ n be ɩ̃ na bɛ bʋ̀r a, ɛ́ de bom be ɩ̃ na bɛ kɔ a,

Zã 15:2

Wule za, na be a ɩ̃ ƴãw, ɛ́ bɛ wɔnɛ a, ʋ mɩ́ cɛ ʋ na bɛr, ɛ́ wule za na wɔnɛ a, ʋ mɩ́ ɓɛlɓɛl'ɩ a wuli-ɓɛrmɛ bɛr k'ʋʋ tʋ̃ɔ́ wɔ̃ dɔwlɩ.

Zã 17:3

Ɛ́ a nyɔ-vʋʋrʋ na be kʋralɛ a n'ɩ kɛ́ bɛ bãw fʋ, fʋ̃ʋ yõ na ɩ a Naaŋmɩn-sɩza a, ɛ́ mɩ̀ bãw a sob nɛ fʋ na tõ a, a Yeezu Kɩrɩta.

Zã 5:42

Ɛcɛ ɩ̃ bãw nyɩ na, a Naaŋmɩn nɔ̃wfʋ bɛ be a nyɩ zie ɩ.

Ʋrɔm 12:11

Nyɩ tone ɛ́ ta kpɛ ƴã-tuo ɩ. Nyɩ tʋlɛ a Sore tome tob ƴãw.

1 Korɛ̃tɩ 15:58

A na ɩ lɛ a, ɩ̃ yɛb-nɔnɩ i, nyɩ ƴãw fãw kpɛmɛ, ɛ́ taa bãwnɛ damnʋ ɛ. Nyɩ kɛrɛ kʋralɛ a Sore tome pʋɔ, ɛ́ bãwnɩ a kɛ́ nyɩ bɛ hanɛ lãwnɛ nɩ a Sore zawla ɩ.

2 Korɛ̃tɩ 13:5

A nyɩɩm tɛɛ za, nyɩ ɩ nyɩ tʋɔra kaa, nyɩ jɛl nyɩ mɩŋa nyɛ̃, nyɩmɛ wa be a naaŋmɩn-sàw-deb pʋɔ a. Nyɩ nyɛ̃ na bãw kɛ́ a Yeezu Kɩrɩta be n a nyɩ sɔgɔ, lɛ bɛ n'a ɩ? Bɩɩ nyɩ jɛl'ɩ a nyɩ tʋɔra kaa nyɛ̃ nyɩ sãw?

2 Korɛ̃tɩ 8:2

Kpɩɛrʋ ta n a be kɩrɩta-nɩbɛ yaga za, ɛcɛ bɛ tɩ cãà cɩlɛ yaga za ɛ́ tɩr a bɛ bʋ̃-tɛrɩ yaga yaga zawlalɛ, bɛ na saa bɛ tɩ tɛr a a.

2 Korɛ̃tɩ 8:7

Ɛ́ bom za na ʋr a nyɩ zie a: a naaŋmɩn-sàw-deb, a ƴɛ̀rʋ bãwfʋ, a yele bãwfʋ, yele ƴãw nyɩ na tʋlɛ bɛ tɛr bɛ́rʋ, lãwnɩ a nɔ̃wfʋ tɩ na wul nyɩ a, à á ŋá za na ʋr a nyɩ zie a, nyɩ mɩ̀ sàw tɩr yaga za a yel ŋa ƴãw.

2 Korɛ̃tɩ 9:14

Bɛ na ɩ na a sãá, a puoru bɛ na puore kʋ̀rɛ nyɩ a pʋɔ, kɛ́ bɛ nɔnɛ nyɩ na, a maalʋ na bɛ dɩ vuo a Naaŋmɩn na kʋ̀ nyɩ a zũú.

Filib 1:9

Ɛ́ a ɩ̃ puoru n'ɩ ŋa: kɛ́ a nyɩ nɔ̃wfʋ kɛrɛ dɔwlɛ nɩ bãwfʋ mɩŋa nɩ nyɛrʋ na vɩɛl ʋ za a,

Filib 2:5

Nyɩ ɩrɛ à à ŋá a nyɩ cara pʋɔ, mɛ̃ a lɛ bɛ na mɩ́ ɩrɛ bɛlɛ wa lãw nɩ a Yeezu Kɩrɩta a.

Filib 3:8

Sɩza n'a, ɩ̃ nyɛ̃ a na a ɩ loba, a yel-vla ŋa na zuo bom za a ƴãw: a ɩ̃ Sore Yeezu Kɩrɩta bãwfʋ. A ʋl ƴãw n'a ɩ̃ bɛ lɛb cãà tɛr bom za ɩ, ɛ́ bom za ɩ mɛ̃ sagɛ a, a ɩ̃ zie, k'ɩ̃ɩ tʋ̃ɔ́ páw a Kɩrɩta.

Kɔlɔsɩ 1:10

À ŋá n'a nyɩ na maalɛ a Naaŋmɩn yã-nɔn za, ɛ́ vʋʋrɛ nyɔ-vʋʋrʋ na sɛw taa nɩ ʋ a. Nyɩ na maalɛ nɩ ɩ-vɩɛlɩ bʋʋrɛ bʋʋrɛ za, ɛ́ lɛb bãwnɛ a Naaŋmɩn dɔwlɛ.

Kɔlɔsɩ 2:7

Nyɩ tɛ nyɩgɛ a ʋ pʋɔ, ɛ́ ƴãw a nyɩ nyɔ-vʋʋrʋ yele za tɩɛrʋ a ʋ ƴãw, lɛ n'a nyɩ na kpɛmɛ a naaŋmɩn-sàwfʋ pʋɔ mɛ̃ a lɛ bɛ na wul nyɩ a, ɛ́ puore a Naaŋmɩn yãanɩ bɛ dɩ vuo ɩ.

Kɔlɔsɩ 3:16

A Kɩrɩta ƴɛ̀rʋ, ʋ be a nyɩ pʋɔ yaga za. Nyɩ wule taa ɛ́ kpaalɛ taa nɩ yã-bãwfʋ. Nyɩ yiele puore nɩ a Naaŋmɩn yãanɩ nɩ nyɩ pʋɔ za, nɩ Sɛb-sõw yielu, nɩ danʋ, nɩ yielu Vʋʋrʋ Sõw na waalɩ kʋ̀ nyɩ a.

1 Tesalonikɩ 3:12

A Sore, ʋ ɩ a nɔ̃wfʋ nyɩ na nɔnɛ taa ɛ́ mɩ̀ nɔnɛ a nɩbɛ za a, ʋ ɩ ʋ kɛrɛ dɔwlɛ mɛ̃ a nɔ̃wfʋ tɩ na nɔnɛ nyɩ a.

1 Tesalonikɩ 4:1

Lɛb waar mɩ̀, yɛbr i, tɩ zie n'a nyɩ wõ a lɛ a na fɛr kɛ́ nyɩ ɩrɛ pɛlɩ a Naaŋmɩn pʋɔ a, ɛ́ lɛ n'a nyɩ ɩrɛ. Ɛcɛ a ƴɛrɛŋa a, tɩ zɛlɛ nyɩ na ɛ́ kpaalɛ nyɩ a Sore Yeezu yúor ƴãw: nyɩ cãà ɩrɛ vla dɔwlɛ.

2 Tesalonikɩ 1:3

Yɛbr i, a fɛr'a kɛ́ tɩ mɩ́ puore a Naaŋmɩn yãanɩ kʋralɛ a nyɩ ƴãw. Ɛ́ a mɩ̀ sɛw na kɛ́ tɩ ɩrɛ a lɛ, bʋ̃ʋ n'ʋ vɛ̃, a nyɩ naaŋmɩn-sàw-deb kɛrɛ na dɔwlɛ bɛ dɩ vuo ɩ, ɛ́ a nɔ̃wfʋ nyɩ na nɔnɛ taa a kɛrɛ dɔwlɛ a nyɩ za been been zie.

1 Timote 5:13

Ɛ́ lɛb waar mɩ̀, bɛ na bɛ tɛr yel-ɩra a, bɛ mɩ́ zɔrɛ na cɔlɛ a nɩbɛ yie. A bɛ kaar mɛ̃ yel-ɩra yõ n'a bɛ bɛ tɛr ɛ, bɛ nɔnɛ nɩ ƴɛ̀rʋ ƴãw pʋɔ, nɩ yele na bɛ jɩ́rɛ bɛ a, ɛ́ bʋ̀nɛ ƴɛ̀rɛ sãsaralɛ.

Títɩ̀ 3:14

A fɛr'a k'aa tɩ nɩbɛ mɩ̀ bãwnɩ a, k'aa fɛr'a bɛ ƴãw fãw mɩ́ de niwn a tõ-vɩɛlɩ tob ƴãw, tʋ̃ɔ́ mɩ́ tu a yel-fɛrɩ pùor, lɛ n'a a bɛ nyɔ-vʋʋrʋ na tɛr tɔnɛ.

Filemɔ̃ 1:6

Ɩ̃ zɛlɛ nɩ a Naaŋmɩn k'aa sàw-deb tɩɩm nɩ a fʋ̃ʋ na lãw a, ʋ tɛr ɩ-ɩrɩ a fʋ zie, mɩ́ tʋ̃ɔ́ ɩ bɛ bãw vla a yel-vɩɛlɩ al za tɩ na tɛr a tɩ nyɔ-vʋʋrʋ pʋɔ lãwnɩ a Kɩrɩta a.

Ebre 6:12

A na ɩ lɛ a, nyɩ taa kpɩɛr ʋnʋnʋ ɛ, ɛcɛ nyɩ cɔwrɛ a bɛlɩ dem na mɩ́ dɩ kanyir sàw de, ɛ́ mɩ́ páw a ʋlɩ bom nɛ a Naaŋmɩn na ƴãw nʋɔr k'ʋʋ na tɩr a a.

2 Pɩɛr 1:2

A Naaŋmɩn maalʋ nɩ a ƴã-ɓaarʋ a ta nyɩ yaga za, a Naaŋmɩn nɩ a Yeezu tɩ Sore bãwfʋ zũú.

2 Pɩɛr 1:3

A ʋ naaŋmɩnʋ fãw zũú, a Sore kʋ̀ tɩ nɩ bom za a na sɛw kɛ́ tɩ tɛr tʋ̃ɔ́ vʋʋrɛ nyɔ-vʋʋr-vla ɛ́ ƴãwnɛ a Naaŋmɩn a. Ʋ ɩ na tɩ bãw a Sob nɛ na ƴãw tɩ pʋɔ a ʋl mɩŋa yúor-vɩɛlʋ-danʋ pʋɔ, ɛ́ tɛr a ʋ fãw ʋ na tone nɩ tõ-vɩɛlɩ a.

2 Pɩɛr 2:20

Yel-mɩŋa n'a, a bɛlɩ dem na faa bɛ tʋɔra a tẽ-daa dɛwr ƴãw, a tɩ Sore nɩ a tɩ Faarɛ Yeezu Kɩrɩta bãwfʋ zũú a, bɛlɛ wa lɛb bɛr a dɛwr á ŋá lɛb páw bɛ ɛ́ tʋ̃ɔ́ bɛ a, bɛ nɩ̃ɛ na mɩ́ lɛb kpɛ faa zuo a dãwdãw.

2 Pɩɛr 3:18

Ɛcɛ nyɩ kɛrɛ a tɩ Sore nɩ a tɩ Faarɛ Yeezu Kɩrɩta maalʋ nɩ a ʋ bãwfʋ pʋɔ. Ʋlɛ so yúor-vɩɛlʋ-danʋ ƴɛrɛŋa nɩ kʋralɛ. Amɛn.