2 Pɩɛr 1:5 - A SƐB-SÕW

⁵ Alɛ n'a mɩ̀ cãà lɛb so nyɩ ƴãw a nyɩ fãw za tɛr'ɩ vɩɛlʋ ƴãw pʋɔ a nyɩ naaŋmɩn-sàw-deb ƴãw, ɛ́ tɛr Naaŋmɩn bãwfʋ sɩza ƴãw pʋɔ a vɩɛlʋ ƴãw.

2 Pɩɛr 1:5 ပူးပေါင်းရင်းမြစ်များ

Sɛb-sõw yielu 119:4

Fʋ yel'ɩ a tub a na fɛr k'aa nɩbɛ tuur a, kɛ́ bɛ ƴãw fãw tuur a vla a.

Zʋkpaɩ 4:23

Piwre a fʋ socir gãw bom za, bʋ̃ʋ n'ʋ vɛ̃, ʋlɛ n'ɩ a nyɔ-vʋʋrʋ yib zie.

Ɩzayi 55:2

Bʋnʋ ƴãw n'a nyɩ na íre libir bom na bɛ guole a ƴãw? Bʋnʋ ƴãw n'a nyɩ na bàlɛ nyɩ tʋɔra bom na bɛ tɩwr a ƴãw? Nyɩ bɛrɛ wone mɛ̃ vla, ɛ́ nyɩ na páw nɩ bʋ̃-vɩɛlɩ dɩ, nyɩ na dɩ n bʋ̃-dɩ-nʋʋr nʋʋr wõ nʋ̃ɔ̀.

Zakari 6:15

Nɩbɛ na yi n zi-zãána wa sõw a Sore yir-kpɛ̃ɛ lɛb-mɛb. Lɛ n'a nyɩ na bãw k'aa Sore Kpɛnʋ-za-sob sɩrɩ n'ʋ tõ m a nyɩ zie. A yele á ŋá za na ta na, nyɩmɛ wa sàwr a Sore nyɩ Naaŋmɩn nʋɔr a.

Luka 16:26

À ŋá za fʋ na saa yere a, bɛ ƴãw nɩ gbʋlãkpow-kpɛ̃ɛ a nyɩɩm nɩ a tɩɩm cará, kɛ́ a bɛlɩ dem nãà wa bɔbr kɛ́ bɛ mɩ́ wa a nyɩ zie a, bɛ ta tʋ̃ɔ́ ɩ, ɛ́ nɩr mɩ̀ ta mɩ́ yi a nyɩ zie be ɛ́ wa a tɩ zie ka ɩ.”

Luka 24:21

Tɩɩm tɩ tɩɛrɛ na kɛ́ ʋlɛ n'ʋ nãá wa faa a Ɩsɩrayɛl nɩbɛ. Ɛcɛ bibie ata n'ɩ dɩ̃a a yele á ŋá na ɩ a.

Zã 6:27

Nyɩ ta tone bɔbr'ɩ dɩb na na tʋ̃ɔ́ wɛ a ɩ, nyɩ ƴãw fãw tone bɔbr'ɩ dɩb na be be a nyɔ-vʋʋrʋ na be kʋralɛ a ƴãw a, a dɩb ŋa n'ʋ a Nɩsaal Bie na kʋ̀ nyɩ, ʋl a Sãà, na ɩ Naaŋmɩn a, na ƴãw a ʋ bãwfʋ a.»

1 Korɛ̃tɩ 14:20

Yɛbr i, nyɩ ta tɛr bibi-yã a yele bãwfʋ ƴãw ɛ. Nyɩ ɩ bibiir a yel-faa maalʋ ƴãw, ɛcɛ a yele bãwfʋ ƴãw a, nyɩ ɩ nɩ-bɛrɛ.

Efɛɛzɩ 5:17

A na ɩ à ŋá a, nyɩ ta ɩrɛ dãbol-ɩb ɛ, nyɩ ƴãw fãw bãw a Sore pʋ-tɩɛrʋ vla.

Filib 1:9

Ɛ́ a ɩ̃ puoru n'ɩ ŋa: kɛ́ a nyɩ nɔ̃wfʋ kɛrɛ dɔwlɛ nɩ bãwfʋ mɩŋa nɩ nyɛrʋ na vɩɛl ʋ za a,

Filib 2:12

A na ɩ à ŋá a, ɩ̃ nɩ-nɔnɩ i, nyɩɩm na sàwr a ɩ̃ nʋɔr kʋralɛ a, nyɩ cãà ɩrɛ a lɛ ɩ̃ na mɩ́ wa be a nyɩ sɔgɔ a, ɛ́ mɩ̀ ɩrɛ gãw lɛ a ƴɛrɛŋa ɩ̃ na bɛ ka be a. Nyɩ tɛr zɔba nɩ mawfʋ tone nɩ a nyɩ faafʋ tome.

Filib 4:8

Alɛ saa ŋmɛ̃ ŋmɩŋmɩn za a, yɛbr i, bom za na ɩ sɩza ɛ́ sɛw taa nɩ a, bom za na tu yel-mɩŋa ɛ́ bɛ tɛr dɛwr a, bom za na sɛw nɩ nɔ̃wfʋ nɩ ƴãwfʋ a, bom nɛ za bɛ na bʋɔlɛ ɩ-vɩɛlɩ-ɩb ʋʋ maal'ɩ danʋ a, nyɩ tɛr a al za tɩɛrʋ.

Kɔlɔsɩ 1:9

Alɛ n'a so a ʋlɩ bibir za tɩ na wõ a nyɩ yele wa tɩ tɔ a dɩ̃a a, tɩ mɩ̀ bɛ bɛr a nyɩ puor-kʋ̀b ɛ. Tɩ zɛlɛ na kɛ́ a Naaŋmɩn ɩ nyɩ bãw a ʋ pʋ-tɩɛrʋ za. Al ƴãw n'a a Vʋʋrʋ Sõw kʋ̀rɛ nyɩ a yã-bãwfʋ nɩ a yã.

Kɔlɔsɩ 2:3

Ʋl zie n'a a yã-bãwfʋ na-bome nɩ a yele bãwfʋ na-bome sɔwlɩ gã.

Ebre 11:6

Ɛcɛ a sàw-deb bɛ wa ka be a, nɩr kʋ̃ tʋ̃ɔ́ pɛlɩ a Naaŋmɩn pʋɔ ɩ. Bʋ̃ʋ n'ʋ vɛ̃, sob nɛ na tawr pɩɛlɛ a Naaŋmɩn a, a fɛr'a k'ʋʋ sàw de k'aa Naaŋmɩn be na ɛ́ mɩ́ maalɩ a bɛlɩ dem na bɔbr ʋ a.

Ebre 12:15

Nyɩ gù vla nɩr za taa gùre pùor cɔwr a Naaŋmɩn maalʋ ɛ, nɩr za taa wa ɩ mɛ̃ tɩ-nyɩwr-tuo na bule sãwnɛ nɩ-yaga bɛrɛ a ɩ.

Ebre 6:11

Ɛcɛ tɩ bɔbr'a kɛ́ nyɩ za been been mɩ́ cãà tʋlɛ a lɛ tɩ ta n a baarʋ daar, kɛ́ a tɩɛrʋ nyɩ na ƴãw a Naaŋmɩn ƴãw a, tʋ̃ɔ́ maalɩ ʋ za vla.

Zozue 7:3

ɛ́ lɛb wa a Zozue zie wa yel ʋ: «Zawla lɛ n'a a zɛbr-nɩbɛ za na cen a Aɩ ƴãw. Nɩbɛ túr-ayi (2 000) bɩɩ túr-ata (3 000) na man a. A tẽw nɩbɛ bɛ saalɩ fʋ na bàlɛ a tɩ zɛbr-nɩbɛ za ɩ.»

1 Pɩɛr 3:7

Lɛ mɩ̀ n'a, a nyɩɩm sɩrbɛ, nyɩ lãw kpɩɛr'ɩ a nyɩ pɔwbɛ, ɛ́ bãwnɩ a bɛ na bɛ tɛr fãw a. Nyɩ ƴãwnɛ bɛ, nyɩɩm nɩ a bɛl nɛbɛ lãw a gbã-dɩ-bom na ɩ a nyɔ-vʋʋrʋ a Naaŋmɩn na kʋ̀ nyɩ a. Nyɩ ɩrɛ a lɛ kɛ̀ bom za ta piw a nyɩ puoru ɛ.

2 Pɩɛr 1:10

Alɛ n'a so, yɛbr i, nyɩ lɛb bãw ƴãw fãw ɩ a bʋɔlʋ a Naaŋmɩn na bʋɔlɩ nyɩ, ɛ́ kaa ír nyɩ a, ʋ kpɛmɛ dɔwlɩ, lɛ n'a nyɩ bɛ be za nãà faa lo ɩ.

2 Pɩɛr 1:11

Ɛ́ lɛ n'a nyɩ na kpɛ a tɩ Sore nɩ a tɩ Faarɛ Yeezu Kɩrɩta naalʋ na be kʋralɛ a pʋɔ, mɔlɛ mɔlɛ lɛ.

2 Pɩɛr 3:14

Alɛ so, ɩ̃ bá mɩnɛ ɛ, nyɩ ƴãw fãw vɩɛl ɛ́ ta tɛr dɛwr a Naaŋmɩn zie ɩ, gùre nɩ a bibir ŋa, ɛ́ ƴã-ɓaarʋ be nyɩɩm nɩ a Naaŋmɩn cara pʋɔ.

2 Pɩɛr 3:18

Ɛcɛ nyɩ kɛrɛ a tɩ Sore nɩ a tɩ Faarɛ Yeezu Kɩrɩta maalʋ nɩ a ʋ bãwfʋ pʋɔ. Ʋlɛ so yúor-vɩɛlʋ-danʋ ƴɛrɛŋa nɩ kʋralɛ. Amɛn.