2 Pɩɛr 1:1 - A SƐB-SÕW

¹ A mãa Sɩmʋ̃ Pɩɛr na ɩ a Yeezu Kɩrɩta tõ-tone nɩ a ʋ nɩ-tona a, mãa n'ʋ sɛbr a bɛlɩ dem na páw a naaŋmɩn-sàwfʋ ʋ vɩɛl man a tɩ dem a. A tɩ Naaŋmɩn nɩ a tɩ Faarɛ Yeezu Kɩrɩta mɩnʋ zũú n'a bɛ páw a naaŋmɩn-sàwfʋ ŋa.

2 Pɩɛr 1:1 ပူးပေါင်းရင်းမြစ်များ

Ɩzayi 12:2

Nyɛ̃ a Naaŋmɩn na faa tɩ a, tɩ bɛr'ɩ tɩ́ɛrʋ, tɩ bɛ cãà zɔrɛ dɛ̃bɩ̃ɛ ɩ. A tɩ fãw nɩ a tɩ yielu a, a Sore n'ʋ! Ʋ ɩ n a tɩ faarɛ.»

Zeremi 33:16

A lɛn daar a, a Zuda naalʋ-tẽw na nyɛ̃ nɩ faafʋ, ɛ́ a nɩbɛ na kpɩɛr a Zerizalɛm tẽw pʋɔ a, na vʋʋrɛ na ɛ́ bom bɛ damnɛ bɛ ɩ. Nyɛ̃ a lɛ bɛ na na bʋɔlɛ ʋ a: “A Sore n'ɩ a tɩ mɩnʋ.”»

Matie 10:2

Nyɩ nyɛ̃ a nɩ-toni pie nɩ ayi bɛl yée: a dãw-niwn sob'ɩ Sɩmʋ̃, bɛ na bʋɔlɛ Pɩɛr a, nɩ a ʋ yɛb Ãdere, Zebede bidɛbr Zakɩ nɩ a ʋ yɛb Zã,

Matie 4:18

A Yeezu na tɩ cere lanɛ a Galile kʋ̃ɔ-kpɛ̃ɛ a, ʋ nyɛ̃ nɩ yɛbr ayi, Sɩmʋ̃ bɛ na bʋɔlɛ Pɩɛr a, nɩ a ʋ yɛb Ãdere bɛ lɔbr mɩ̃ɛ a kʋ̃ɔ-kpɛ̃ɛ pʋɔ, zʋm-nyɔwrbɛ tɩ nɛbɛ.

Luka 1:47

ɛ́ a ɩ̃ tɩɛrʋ za cɩlɛ a Naaŋmɩn ɩ̃ faarɛ ƴãw.

Luka 11:49

Alɛ n'a so, a Naaŋmɩn na bãw bom za a, tɩ yel a nyɩ ƴãw: “Ɩ̃ na tõ n a ɩ̃ ƴɛ̀r-manbɛ nɩ a ɩ̃ nɩ-toni a bɛ zie. Bɛ na kʋ n bɛ mɩnɛ, ɛ́ dɔwrɩ bɛ mɩnɛ.”

Zã 1:42

Ʋʋ tɩ tɛr'ɩ a Pɩɛr cen nɩ a Yeezu zie. A Yeezu tɩ jɩ́r'ɩ a Pɩɛr gbẽgbẽ ɛ́ yel: «Fʋ̃ʋ n'ɩ a Sɩmʋ̃, Zã bidɛb, bɛ na bʋɔlɛ fʋ nɩ Kefasɩ», a pɛr lɛ kɛ́: Kʋsɩɛr.

Zã 12:26

Nɩr wa bɔbr k'ʋʋ tone a ɩ̃ tome a, ʋ tuur mɛ̃, ɛ́ zie nɛ za ɩ̃ na be a, be n'a a ɩ̃ tõ-tone mɩ̀ na be. Nɩr wa tone a ɩ̃ tome a, a ɩ̃ Sãà na ƴãwnɛ ʋ na.»

Zã 20:21

Ʋ tɩ lɛb'a maal yel bɛ: «A ƴã-ɓaarʋ, ʋ be a nyɩ zie! Mɛ̃ a lɛ a ɩ̃ Sãà na tõ m a, lɛ n'a ɩ̃ mɩ̀ tone nyɩ.»

Nɩ-toni 15:14

A Sɩmɩ̃ɔ lɛb'a manɩ kʋ̀ tɩ a ƴɛrɛŋa, a lɛ a pɛr-tib daar, a Naaŋmɩn na kaa a nɩ-bʋʋr-yoru zie, ɛ́ kaa ír nɩ-bʋʋrɛ a bɛ pʋɔ kɛ́ bɛ ɩ a ʋ nɩbɛ a.

Ʋrɔm 1:1

A mãa Pol, Yeezu Kɩrɩta tõ-tõ-bie, a Naaŋmɩn bʋɔlɩ mɛ̃ na k'ɩ̃ɩ wa ɩ nɩ-tona, ʋ kaa na ír mɛ̃ a ʋ Yel-nʋ̃ɔ̀ hieru ƴãw.

Ʋrɔm 1:12

nyɩnɛ n'a mɔ̃, k'ɩ̃ɩ wa tʋ̃ɔ́ nyɛ̃ mɔwlʋ lãwnɩ nyɩ a nyɩ zie be, a naaŋmɩn-sàw-deb tɩ na lãw a zũú, mãa nɩ a nyɩɩm za a.

Ʋrɔm 1:17

A Yel-nʋ̃ɔ̀ mɩ́ sɩrɩ na wule a lɛ a Naaŋmɩn na mɩ́ ɩ a nɩsaalbɛ ɩ nɩ-mɩn a ʋ niŋé a: a sàw-deb yõ zũú n'a, a tib daar tɩ ta n a baarʋ daar, mɛ̃ a lɛ a Sɛb-sõw na yel a: «Sob nɛ na ɩ nɩ-mɩŋa a sàw-deb zũú a na vʋʋrɛ na.»

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

1 Korɛ̃tɩ 15:9

Bʋ̃ʋ n'ʋ vɛ̃, ɩ̃ ɩ n a nɩ-toni za pʋɔ pʋrɩ woro, ɩ̃ mɩ̀ bɛ sɛw kɛ́ bɛ bʋɔlɛ mɛ̃ nɩ-tona ɩ, ɩ̃ na dɔwrɩ a Naaŋmɩn Lãw-yir a ƴãw.

1 Korɛ̃tɩ 9:1

Ɩ̃ bɛ so ɩ̃ tʋɔra bɩɩ? Ɩ̃ bɛ ɩ nɩ-tona bɩɩ? Ɩ̃ bɛ nyɛ̃ a Yeezu tɩ Sore ɩ? Nyɩmɛ bɛ nɛbɛ ɩ a ton ɩ̃ na tõ a Sore pʋɔ a ɩ?

2 Korɛ̃tɩ 4:13

A Sɛb-sõw yel'a: «Ɩ̃ sàw na de, alɛ so ɩ̃ ƴɛ̀r.» A tɩɩm mɩ̀ a, a sàw-deb-been ŋa tɩɛrʋ tɩ na tɛr a n'a so tɩ mɩ̀ sàw de, ɛ́ alɛ n'a so tɩ ƴɛ̀rɛ.

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Galasi 2:8

Bʋ̃ʋ n'ʋ vɛ̃, a Naaŋmɩn na ƴãw a Pɩɛr ʋ ɩ a nɩ-tona a Zifʋ mɩnɛ zie a, lɛ mɩ̀ n'a ʋ ƴãw ɩ̃ ɩ a nɩ-tona a nɩ-bʋʋr-yoru zie.

Efɛɛzɩ 3:5

A Naaŋmɩn yel-sɔwla ŋa a, ʋ bɛ tɩ wul ʋ a koro za nɩbɛ mɛ̃ a lɛ ʋ na ƴãw a Vʋʋrʋ Sõw wul ʋ a ƴɛrɛŋa a ʋ nɩ-toni na ɩ son a, nɩ a ʋ ƴɛ̀r-manbɛ a ɩ.

Efɛɛzɩ 4:11

Ɛ́ a bʋ̃-kʋ̀rɩ ʋ na tɩr a n'ɩ a nɩ-toni nɩ a naaŋmɩn-ƴɛ̀r-manbɛ, a Yel-nʋ̃ɔ̀ hierbɛ nɩ a nɩbɛ kaarbɛ nɩ a wul-wulbɛ,

Efɛɛzɩ 4:5

Sore been yõ n'ʋ be, naaŋmɩn-sàwfʋ been yõ, suob been yõ,

Filib 1:1

Pol nɩ Timote, na ɩ a Yeezu Kɩrɩta tõ-tõ-biir a, bɛlɛ nɛbɛ kʋ̀rɛ a sɛbɛ ŋa a Filib tẽw nɩbɛ bɛl za a Yeezu Kɩrɩta na ɩ bɛ pʋɔ a Naaŋmɩn nɩ-bʋʋrɛ pʋɔ a, bɛlɛ nɩ a bɛ kaarbɛ nɩ a bɛ dɩakɩr mɩnɛ.

Filib 1:29

Bʋ̃ʋ n'ʋ vɛ̃, ʋ kʋ̀ nyɩ nɩ a maalʋ ŋa kɛ́ nyɩ tone a Kɩrɩta tome na bɛ ɩ a ʋ sàw-deb tɛwr a, ɛ́ mɩ̀ cãà ɩ a tuo nyɩ na wone a ʋ ƴãw,

Filib 3:9

A ʋl ɩ̃ na lãw nɩ a ƴãw n'a a Naaŋmɩn na nyɛ̃ m ɩ̃ ɩ nɩ-mɩŋa. A mɩnʋ ŋa bɛ yi mãa zie ɩ, ʋ bɛ yi Naaŋmɩn wulu sàwfʋ pʋɔ ɩ, ʋ yi n a Kɩrɩta ɩ̃ na sàw de a zie. Mɩnʋ na yi Naaŋmɩn zie a n'ʋ, ɛ́ a ʋ pɛr sʋ̃ɔ́ a naaŋmɩn-sàwfʋ pʋɔ.

2 Timote 1:5

Ɩ̃ lɛb'a bãwnɩ a naaŋmɩn-sàw-deb mɩŋa fʋ na tɛr a. A fʋ mãkʋm Loyisɩ nɩ a fʋ mã Enisɩ nɛbɛ de niwn tɛr a naaŋmɩn-sàw-deb ŋa ɩ̃ na bãwnɩ fʋ mɩ̀ tɛr a.

Títɩ̀ 1:1

Mãa Pol, na ɩ Naaŋmɩn tõ-tõ-bie nɩ Yeezu Kɩrɩta nɩ-tona a, bɛ ƴãw na k'ɩ̃ɩ ɩ a Naaŋmɩn nɩ-kaa-íri tɛr naaŋmɩn-sàw-deb ɛ́ bãw a yel-mɩŋa na tu a Naaŋmɩn ƴãwfʋ a,

Títɩ̀ 1:4

Mãa n'ʋ kʋ̀rɛ fʋ a sɛb-tʋɔla ŋa, Títɩ̀ i, fʋ̃ʋ na ɩ ɩ̃ bie tɔr za a naaŋmɩn-sàw-deb tɩ na lãw a pʋɔ a. A Naaŋmɩn Sãà nɩ a tɩ Faarɛ Kɩrɩta Yeezu, bɛ kʋ̀ b maalʋ nɩ ƴã-ɓaarʋ.

Títɩ̀ 2:13

gùre nɩ a bibi-vla tɩ na tɩɛrɛ a. A bibi-vla ʋl a tɩ Naaŋmɩn-kpɛ̃ɛ nɩ a tɩ Faarɛ Yeezu Kɩrɩta yúor-vɩɛlʋ-danʋ nãà wa sãá a.

Zakɩ 1:1

A mãa Zakɩ na ɩ a Naaŋmɩn nɩ a Sore Yeezu Kɩrɩta tõ-tõ-bie a, ɩ̃ puore nɩ a Naaŋmɩn nɩ-bʋʋrɛ na yaarɩ be a tẽ-daa za zu a.

1 Pɩɛr 1:1

A mãa Pɩɛr na ɩ a Yeezu Kɩrɩta nɩ-tona a, mãa n'ʋ sɛbr a Naaŋmɩn nɩ-kaa-íri na yaarɩ be a Pɔ̃, a Galasi, a Kapadɔsɩ, a Azi nɩ a Bitini ten pʋɔ mɛ̃ nɩ-sãanbɛ a.

1 Pɩɛr 1:7

A kpɩɛrʋ á ŋá na ɩ na kɛ̀ bɛ bãw a lɛ a nyɩ naaŋmɩn-sàwfʋ vɩɛlʋ na ŋmɛ̃ a, a nyɩ naaŋmɩn-sàwfʋ ŋa na zuo a salm-zɩɛ na mɩ́ wɛ a, ɛ́ bɛ mɩ́ ƴãw vũumí ɩ kaa bãw a vɩɛlʋ a. A nyɩ naaŋmɩn-sàwfʋ bɛ na ɩ kaa nyɛ̃ ʋ vɩɛl a na ɩ na nyɩ nyɛ̃ danʋ, nɩ yúor-vɩɛlʋ-danʋ nɩ ƴãwfʋ, a lɛn daar a Yeezu Kɩrɩta nãà wa lɛb wa wul ʋ tʋɔra a,

1 Pɩɛr 2:7

A na ɩ lɛ a, nyɩɩm na sàw de a Naaŋmɩn a, nyɩmɛ so ƴãwfʋ. Ɛcɛ a bɛlɩ dem na bɛ sàw de a ƴãw, «a kʋsɩɛr ʋl a yir-mɩɛrbɛ na ír lɔb bɛr a, lɩɛb'ɩ a yir pɛr kʋsɩɛr», nɩ kɛ́:

1 Pɩɛr 5:1

Mãa mɩ̀ na pʋɔ a nɩ-kore pʋɔ ɛ́ dɩ a Kɩrɩta tuo-wob dãsɩɛ a, mãa mɩ̀ na na páw a yúor-vɩɛlʋ-danʋ na waar na sãá a, ɩ̃ zɛlɛ nɩ a nɩ-kore na be a nyɩ pʋɔ a:

2 Pɩɛr 1:4

A ʋ yúor-vɩɛlʋ-danʋ nɩ a ʋ fãw ƴãw, tɩ páw nɩ a bome na vɩɛl bɛ tɛr tɔ ʋ na dãw ƴãw nʋɔr kɛ́ tɩ na páw na a. Ɛ́ a bʋ̃-vɩɛlɩ á ŋá ɩ na nyɩ pʋɔ a naaŋmɩnʋ pʋɔ ɛ́ yi zaa a faalʋ pʋɔ, a faalʋ a tɛra vʋla na guole a tẽ-daa zu a.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:1

A mãa Zid, Zakɩ yɛb, na ɩ a Yeezu Kɩrɩta tõ-tone a, ɩ̃ sɛbr'ɩ a bɛlɩ dem a Naaŋmɩn Sãà na bʋɔlɩ a, a bɛl ʋ na nɔnɛ ɛ́ ƴãw a Yeezu Kɩrɩta gù a.