2 Na-mɩnɛ 9:3 - A SƐB-SÕW

³ Fʋ na tɩ de nɩ a kãá nɩ a kole cir ƴãw a ʋ zũú, ɛ́ yel: À ŋá n'a a Sore yere: “Ɩ̃ cire nɩ a kãá ƴãwn fʋ, kɛ́ fʋ ɩ a Ɩsɩrayɛl tẽw nãà!” Al pùorí, yuo a pan ɛ́ yi zɔ fɔ̃w fɔ̃w.»

2 Na-mɩnɛ 9:3 ပူးပေါင်းရင်းမြစ်များ

1 Na-mɩnɛ 1:34

A bàwr-maalɛ Sadɔkɩ nɩ a naaŋmɩn-ƴɛ̀r-manɛ Natan na tɩ cir'ɩ a kãá ƴãw ʋ a zũú a be, ka nũu ƴãw ʋ k'ʋ ɩ a Ɩsɩrayɛl nãà. A lɛ n'a nyɩ na pɛblɛ a wɩ́ɛ cáarɛ yere nɩ: “A nãà Salomɔ̃, ʋ vʋʋrɛ!”

1 Na-mɩnɛ 19:16

Al pùorí, fʋ na cir'ɩ a kãá ƴãw Nimisi bidɛb, Yehu, ʋ ɩ a Ɩsɩrayɛl tẽw nãà, ɛ́ cir a kãá ƴãw Safatɩ bidɛb Elize, na yi Avɛl-Mehola a, ʋ ɩ ƴɛ̀r-manɛ lɩɛrɩ fʋ.

2 Na-mɩnɛ 8:13

A Hazayɛl tɩ yel'a: «Ŋmɩŋmɩn n'a ɩ̃ na tʋ̃ɔ́ maalɩ a yel-bɛrɛ bɛrɛ á ŋa, mãa na bɛ tɛr fãw kãw za a?» A Elize sɔw: «A Sore ɩ na k'ɩ̃ nyɛ̃ kɛ́ fʋ na ɩ n a Siiri tẽw nãà.»

2 Na-mɩnɛ 9:6

A Yehu tɩ ìr'a, tɛr ʋ kpɛ n a yir pʋɔ. A naaŋmɩn-ƴɛ̀r-manɛ tɩ cir'ɩ a kãá ƴãw ʋ a zũú, ɛ́ yel: «À ŋá n'a a Sore, a Ɩsɩrayɛl Naaŋmɩn, yere: “Ɩ̃ cire nɩ a kãá ƴãwn fʋ, kɛ́ fʋ ɩ a ɩ̃ nɩ-bʋʋrɛ Ɩsɩrayɛl nãà.

2 Bibie za yel-manɩ 22:7

A Yoram cen tɩ nyɛ́b ŋa pʋɔ n'a a Naaŋmɩn tɩ tu ɩ a faa páw a Akazɩasɩ. Bʋ̃ʋ n'ʋ vɛ̃, ʋ na tɩ tarɛ wa báarɛ a, ʋlɛ nɩ a Yoram tɩ yi na tuori Nimisi bidɛb Yehu. Zɩ̃ k'aa Naaŋmɩn tɩ ka n nũu ƴãw a Yehu ʋ ɩ a nãà, k'ʋʋ tʋ̃ɔ́ kʋ a Akab yir nɩbɛ pàw pɛr.

Eziptɩ tẽw yib 29:7

Al pùorí, fʋ na de nɩ a kãá-sõw cir ƴãw a ʋ zũú tu a kãá-cir-ƴãwfʋ tub a ʋ zie.

Levitɩ mɩnɛ 8:12

Ʋ tɩ cir'ɩ a kãá ƴãw a Aarɔ̃ zũú, ka nũu ƴãw ʋ.

Matie 10:16

«A mãa a, ɩ̃ tone nyɩ na mɛ̃ píir wɛ-baar sɔgɔ a. A na ɩ lɛ a, nyɩ cɩ mɛ̃ wɩɩr a, ɛ́ ɩ pɔwlbɛ mɛ̃ naŋmamɛ a.

Matie 2:13

A Saa-pɛrɩ́ bãw-bãwnbɛ na wa kul a, a Zuzɛb nyɛ̃ nɩ a Sore malkɩ zánʋ pʋɔ ʋ yel ʋ: «Ìr tɛr a bie nɩ a ʋ mã zɔ cen nɩ Eziptɩ tẽw tɩ be n a be, ɛ́ gù ɩ̃ wa tɩ yel kɛ́ fʋ lɛb wa. Bʋ̃ʋ n'ʋ vɛ̃, a Erɔdɩ na ìr'a bɔbr a bie k'ʋʋ kʋ.»

Matie 26:7

Ʋ na tɩ zɩ̃ dɩrɛ a, pɔw kãw tɩ tɛr'ɩ kãá-nyũu a daarʋ na bɛ gbʋ́r a, paalɩ kʋsɛ-pla duwle. Ʋ tɩ taw na pɩɛlɩ a Yeezu, ɛ́ cir a kãá-nyũu á ŋá ƴãw a Yeezu zũú.

1 Samɩɛl 10:1

A Samɩɛl tɩ de nɩ a kãá nɩ a kole ʋ na tɩ tɛr a, cir ƴãw a Sawul zũú, ɛ́ nyɔw ʋ weri ɛ́ yel: «A Sore tɔr za bɛ n'ʋ ka a nũu ƴãw fʋ, kɛ́ fʋ ɩ a ʋ nɩ-bʋʋrɛ nɩ-kpɛ̃ɛ ɩ?

1 Samɩɛl 15:1

A Samɩɛl tɩ yel'ɩ a Sawul à ŋá: «Mãa n'ʋ a Sore tɩ tõ k'ɩ̃ɩ wa ka a nũu ƴãw fʋ, fʋ ɩ a Ɩsɩrayɛl nãà. Lɛ so, ƴɛrɛŋa a, bɛrɛ wone a lɛ a Sore na yere kʋ̀rɛ fʋ a.

1 Samɩɛl 15:17

A Samɩɛl yel: «Fʋ na saa nyɛ̃ fʋ bɛ zɛ̃ bom a fʋ mɩŋa zie a, fʋ̃ʋ bɛ n'ɩ a Ɩsɩrayɛl dɔwlʋ nɩ-kpɛ̃ɛ ɩ? A Sore ka n nũu ƴãw fʋ, fʋ ɩ a Ɩsɩrayɛl nãà.

1 Samɩɛl 16:2

A Samɩɛl tɩ sowr'a: «Ŋmɩŋmɩn n'a ɩ̃ na ɩ cen? A Sawul wa wõ a a, ʋ na kʋ m a.» A Sore tɩ yel ʋ na: «Tɛr nále cen nɩ tɩ yel à ŋá: “Bàwr'a ɩ̃ waar k'ɩ̃ɩ wa maalɩ kʋ̀ a Sore.”

1 Samɩɛl 9:16

«Bio à ŋá tɔ-won, ɩ̃ na tõ n Bɛ̃zamɛ tẽw nɩr kãw a fʋ zie. Fʋ na ka n nũu ƴãw ʋ, ʋ ɩ a ɩ̃ nɩ-bʋʋrɛ Ɩsɩrayɛl nɩ-kpɛ̃ɛ, k'ʋʋ faa a ɩ̃ nɩ-bʋʋrɛ a Filisɩtɛ̃ mɩnɛ nuru pʋɔ. Bʋ̃ʋ n'ʋ vɛ̃, ɩ̃ nyɛ̃ nɩ lɛ a na ŋmɛ̃ a ɩ̃ nɩ-bʋʋrɛ a, ɛ́ a bɛ cɛl ta m'a.»