2 Na-mɩnɛ 8:3 - A SƐB-SÕW

³ A yome ayopõi na wa tɔl a, ʋlɛ nɩ a ʋ yir dem yi n a Filisɩtɛ̃ mɩnɛ tẽw lɛb wa, ʋ wa cen a nãà zie k'ʋʋ tɩ ƴãw bɛ lɛb kʋ̀ ʋ a ʋ yir nɩ a ʋ púo.

2 Na-mɩnɛ 8:3 ပူးပေါင်းရင်းမြစ်များ

2 Samɩɛl 14:4

Lɛ n'a a Tekowa tẽw pɔw ʋl tɩ cen a nãà zie, tɩ gũu tɩ tɔ a tẽw, ɛ́ yel a nãà à ŋá: «Ɩ̃ nãà a, faa mɛ̃!»

2 Na-mɩnɛ 4:13

A Elize tɩ ƴãw na a Gehazi yel ʋ: «Fʋ bàl'ɩ fʋ tʋɔra yaga a tɩ ƴãw. Bʋ̃ʋ n'ʋ tɩ na tʋ̃ɔ́ ɩ a fʋ ƴãw? Tɩ́ ƴɛ̀r a fʋ ƴɛ̀rʋ a nãà zie bɩɩ a sojarɩ nɩ-kpɛ̃ɛ zie?» A pɔw sɔw: «Nyɩ ta dɩ tuo ɩ. Ɩ̃ kpɩɛr'ɩ a ɩ̃ nɩbɛ sɔgɔ, ɛ́ bɛ mɩ́ bɔ bom gù ɛ.»

2 Na-mɩnɛ 6:26

Bibir kãw a Ɩsɩrayɛl tẽw nãà na tɩ lʋɔrɛ a tẽ-kpɛ̃ɛ dacin a, pɔw kãw tɩ cɩɩr'a yel ʋ: «Nãà a, faa mɛ̃ wɛ!»

2 Na-mɩnɛ 8:2

A pɔw tɩ ɩ n a lɛ a Naaŋmɩn nɩr na yel kʋ̀ ʋ a: ʋ tɩ cen nɩ daadaalɛ, ʋlɛ nɩ a ʋ yir dem, tɩ be a Filisɩtɛ̃ mɩnɛ tẽw yome ayopõi.

2 Na-mɩnɛ 8:4

A nãà tɩ ƴɛ̀rɛ nɩ nɩ a Elize tõ-tõ-bie, Gehazi, a lɛn daar. Ʋ tɩ yel ʋ na k'ʋʋ manɩ a nɔ-ɓãa-yele al za a Elize na maalɩ a.

2 Na-mɩnɛ 8:6

A nãà tɩ sowr'ɩ a pɔw, ʋ manɩ a za kʋ̀ ʋ. Daadaalɛ, a nãà tɩ yel'ɩ a ʋ nɩr kãw ƴãw ʋ na ƴãw a ʋ tɩɛrʋ a, k'ʋʋ tu a yel ŋa pùor. Ʋ tɩ yel ʋ na: «Ɩ̃ bɔbr'a kɛ́ bɛ lɛb kʋ̀ a pɔw ŋa a ʋ bom za, lãwnɩ a ʋ púo bʋ̃-kʋ́ɔrɩ na maalɩ a libie, a ʋlɩ bibir ʋ na bɛr a tẽw, wa tɩ ta a dɩ̃a a.»

Zeremi 22:16

Ʋ mɩ́ tɩ de nɩ a bãbàal nɩ a nã́w sob yele ƴãw a ʋ nuru pʋɔ, ɛ́ a yele za tɩ cere vla. Sob nɛ na ɩrɛ à à ŋá a wul'a k'ʋʋ bãw mɛ̃ na. A Sore n'ʋ yel.

Urutɩ 1:7

Lɛ n'a ʋ tɩ bɛr a zie ʋl ʋlɛ nɩ a ʋ biir-pɔwbɛ ayi na tɩ kpɩɛr a, ɛ́ yi lo a sɔ́r lɛb kule a Zuda tẽw.