2 Na-mɩnɛ 7:5 - A SƐB-SÕW

⁵ A na wa man a zaanʋɔra a, bɛ ìr'a kɛ́ bɛ cen a Siiri tẽw sojarɩ laɩ pʋɔ. Bɛ tɩ ta n a laɩ nʋɔr, ɛ́ bɛ nyɛ̃ nɩr za ɩ.

2 Na-mɩnɛ 7:5 ပူးပေါင်းရင်းမြစ်များ

2 Na-mɩnɛ 7:4

Tɩmɛ yel kɛ́ tɩ kpɛ a tẽw pʋɔ a, tɩ na kpi n a be, bʋ̃-dɩra za na bɛ ka be a ƴãw. Tɩmɛ zɩ̃ a ka a, tɩ na cãà na kpi. Tɩ nɩ̃ɛ cen a Siiri tẽw dem laɩ pʋɔ, tɩ de tɩ tʋɔra kʋ̀ bɛ. Bɛlɛ wa bɛr tɩ a, a vɩɛl'a, tɩ na vʋʋrɛ na, bɛlɛ wa kʋ tɩ a, a bɛ ɩ yel ɛ, tɩ na kpi na!»

2 Na-mɩnɛ 7:6

Bʋ̃ʋ n'ʋ vɛ̃, a Siiri tẽw dem laɩ pʋɔ a, a Sore tɩ ɩ na bɛ wõ zɛbr-nɩbɛ yaga yaga na tɛr wie nɩ zɛbr-torkori a, damnʋ. A Siiri tẽw sojarɩ tɩ yel'a kʋ̀ taa: «A Ɩsɩrayɛl tẽw nãà ya n a Hititɩ mɩnɛ nɩ a Eziptɩ tẽw na-mɩnɛ, kɛ́ bɛ wa zɛb'ɩ tɩ!»

Ezekɩɛl 12:12

A sob nɛ na dɩrɛ naalʋ a nyɩ zu a na tuo nɩ a ʋ tuor a ʋ bawŋman zu tɩ̃ɩsɔw. Ʋ na yi na ɛ́ bɛr a tẽ-kpɛ̃ɛ. Bɛ na puo nɩ vʋɔr a dacin pʋɔ, ʋʋ na yi n a be. Ʋ na pàw nɩ a ʋ niwn ɛ́ kʋ̃ nyɛ̃ a be ʋ na cere a ɩ.

Levitɩ mɩnɛ 27:26

«Nɩr kʋ̃ tʋ̃ɔ́ de a ʋ dʋ̃w kãw bil-dãw-dɔwra kʋ̀ a Sore ɩ, bʋ̃ʋ n'ʋ vɛ̃, a bil-dãw-dɔwrɩ za a, a náli, a bʋli bɩɩ a péli a, a Sore so a baarɩ.

Levitɩ mɩnɛ 27:8

Nɩr wa ɩ nã́w sob zuo, kʋ̃ tʋ̃ɔ́ ya a libie nʋɔr na ƴãw a, ʋ na tɛr'ɩ a sob nɛ ƴãw ʋ na kõ a nʋɔr a wa n a bàwr-maalɛ niŋé. A bàwr-maalɛ na ŋmãa nɩ a san man nɩ a sob nɛ na kõ a nʋɔr a fãw.

Wulu-ayi-sob 28:7

A nyɩ dɔ̃ dem mɩ́ wa ìr a nyɩ ƴãw a, a Sore na mɩ́ ɩ na nyɩ zɛb tʋ̃ɔ́ bɛ. Bɛlɛ wa lãw lo sɔr-been wa a, bɛ na tu n sɛ́ɛ ayopõi zɔ a nyɩ niŋé.

Wulu-ayi-sob 32:25

A zɛbr-sɔ-kpɛ̃ɛ na kʋrɛ nɩ a yẽw, ɛ́ a pʋl-vʋ̃ɔ kʋrɛ a dĩó. A kũu na kʋrɛ nɩ bɛ za, a pɔlbili nɩ a pɔwsɩrali, a dɛb-nyamɛ nɩ a bibiir.”

Wulu-ayi-sob 32:30

Dɔ̃ sob been yõ na tʋ̃ɔ́ na diw Ɩsɩrayɛl nɩbɛ túr (1 000) bɛ zɔ ɔ? Dɔ̃ dem ayi na tʋ̃ɔ́ na diw Ɩsɩrayɛl nɩbɛ tùr-pie (10 000) bɛ zɔ ɔ? Ʋ̃ʋ, a na tʋ̃ɔ́ na ɩ a lɛ, a mãa Sore na ɩ a bɛ pì-kpɛ̃w a wa ƴãw bɛ a bɛ dɔmɛ nuru pʋɔ a.

1 Samɩɛl 30:17

A Daviir tɩ zɛb'a tʋ̃ɔ́ bɛ, a biɓaara tɩ ta n a bio daarɩ́ zaanʋɔra. Nɩr za bɛ tɩ cɩ̃ɛ ɩ, a bɛ ɩ pɔ́lɛ́ kɔbr anaar (400) kãw na tɩ ƴaw zɔm nyɔ̃wmɩ zɔ cɩ̃ɛ a ɩ.