2 Na-mɩnɛ 7:4 - A SƐB-SÕW

⁴ Tɩmɛ yel kɛ́ tɩ kpɛ a tẽw pʋɔ a, tɩ na kpi n a be, bʋ̃-dɩra za na bɛ ka be a ƴãw. Tɩmɛ zɩ̃ a ka a, tɩ na cãà na kpi. Tɩ nɩ̃ɛ cen a Siiri tẽw dem laɩ pʋɔ, tɩ de tɩ tʋɔra kʋ̀ bɛ. Bɛlɛ wa bɛr tɩ a, a vɩɛl'a, tɩ na vʋʋrɛ na, bɛlɛ wa kʋ tɩ a, a bɛ ɩ yel ɛ, tɩ na kpi na!»

2 Na-mɩnɛ 7:4 ပူးပေါင်းရင်းမြစ်များ

2 Samɩɛl 14:14

Sɩza n'a, tɩ za na kpi na ɩ mɛ̃ kʋ̃ɔ na cir tẽw bɛ kʋ̃ tʋ̃ɔ́ wob a. Ɛcɛ a Abɩsalɔm ƴãw a, Naaŋmɩn tɛr'ɩ tɩɛrʋ na bɛ ŋmɛ̃ taa nɩ a fʋ dem a. A sob nɛ bɛ na tɩ diw ʋ zãá a bɛ sɛw k'ʋʋ vʋʋrɛ zãá nɩ a Naaŋmɩn ɛ.

2 Na-mɩnɛ 6:24

Vuo kãw pʋɔ, a Siiri tẽw nãà, Bɛn-Hadadɩ, tɩ ɓã n a ʋ zɛbr-nɩbɛ za taa, cen tɩ piw nɩ a Samaari tẽw.

2 Na-mɩnɛ 7:5

A na wa man a zaanʋɔra a, bɛ ìr'a kɛ́ bɛ cen a Siiri tẽw sojarɩ laɩ pʋɔ. Bɛ tɩ ta n a laɩ nʋɔr, ɛ́ bɛ nyɛ̃ nɩr za ɩ.

1 Bibie za yel-manɩ 12:19

Lɛ n'a a Naaŋmɩn Vʋʋrʋ tɩ siw a soja-zi-gùrbɛ nɩ-kpɛ̃ɛ Amasaɩ, ʋ ŋmɛ cɛl yel: «Fʋ̃ʋ so tɩ, fʋ̃ʋ n'ʋ tɩ tuur Zese bidɛb Daviir i! Ƴã-ɓaarʋ, fʋ̃ʋ so ƴã-ɓaarʋ, fʋ̃ʋ nɩ a bɛlɩ dem na sõwne fʋ a, bʋ̃ʋ n'ʋ vɛ̃, a fʋ Naaŋmɩn sõw fʋ na.» A Daviir tɩ de bɛ na, ɛ́ kʋ̀ bɛ nɩ-bɛrɛ tõ-nɛ́ɛ a ʋ sojarɩ pʋɔ.

Zeremi 14:18

Mãa wa yi a wɩ̀ɛ pʋɔ a, nɩbɛ a zɛbr na kʋ a tɛwr nɛbɛ ɩ̃ mɩ́ nyɛ̃. Mãa wa kpɛ a tẽ-kpɛ̃ɛ pʋɔ a, nɩbɛ a kɔ̃ na kʋrɛ a tɛwr nɛbɛ ɩ̃ mɩ́ nyɛ̃. A naaŋmɩn-ƴɛ̀r-manbɛ nɩ a bàwr-maalbɛ cɔlɛ nɩ a tẽw: bɛ bɛ bãw a yel pɛr ɛ.»

Zeremi 8:14

«Bʋ̃ʋ n'ʋ so tɩ zɩ̃ bɛ damnɛ damnʋ? Nyɩ ɩ tɩ ɓã taa, tɩ kpɛ a tẽ-bɛrɛ bɛ na cɔbrɩ a kpɛmɛ a zɛbr ƴãw a pʋɔ, tɩ gù a kũu a be. Bʋ̃ʋ n'ʋ vɛ̃, a Sore tɩ Naaŋmɩn bɛ sàw tɩ na dam ɛ, ʋ ɩ na tɩ nyũ kʋ̃ɔ na tɛr lɔw a, tɩ na sãw ʋ a ƴãw.

Zonasɩ 3:9

Ãa bãw? A mɩnɛ kãw, a Naaŋmɩn na lɩɛb'ɩ a lɛ ʋ na tɩɛr k'ʋʋ ɩ a bɛr, ʋ na bɛr'ɩ a ʋ su-tʋlʋ-kpãkpã, ɛ́ ɩ tɩ ta kpi ɛ.»

Ebre 9:27

Mɛ̃ a lɛ a na tuur k'aa nɩsaalbɛ mɩ́ kpi gb'a been yõ, ɛ́ a pùorí Naaŋmɩn maal'ɩ bɛ a ƴɛ̀rʋ a,