2 Na-mɩnɛ 24:3 - A SƐB-SÕW

³ A Sore n'ʋ tɩ ɩ a yel-faar á ŋá za páw a Zuda naalʋ-tẽw, ʋ na bɛ tɩ cãà bɔbr k'ʋʋ nyɛ̃ ʋ a ʋ niŋé a ƴãw. Bʋ̃ʋ n'ʋ vɛ̃, a nãà Manase tɩ maal'ɩ a yel-bebe yaga za.

2 Na-mɩnɛ 24:3 ပူးပေါင်းရင်းမြစ်များ

Yele-za-pɛr-tib 50:20

Nyɩ tɩ bɔbr'a kɛ́ nyɩ màl mɛ̃, ɛcɛ Naaŋmɩn bɔbr'a, ɩ vla yi a pʋɔ, ʋ bɔbr'a faa nɩ-yaga yaga nyɔ-vʋʋrʋ, mɛ̃ a lɛ nyɩ na nyɛ̃ a dɩ̃a a.

2 Na-mɩnɛ 17:18

Lɛ n'a a Sore tɩ nyɛ̃ nɩ a Ɩsɩrayɛl nɩbɛ suur yaga za, ɩ bɛ cen zãá nɩ ʋ. A Zuda dɔwlʋ yõ n'ʋ tɩ cãà be.

2 Na-mɩnɛ 17:20

Alɛ n'a so a Sore tɩ zawrɩ a Ɩsɩrayɛl nɩbɛ za bɛr. Ʋ tɩ siwri bɛ na, bɛr bɛ kʋ̀ a nɩ-farbɛ, ɛ́ wa baa diw bɛ bɛr zãá nɩ ʋ.

2 Na-mɩnɛ 17:23

A Sore bɛ wa tɩ cãà bɔbr k'ʋʋ mɩ́ nyɛ̃ bɛ a ʋ niŋé ɩ, ɛ́ ƴãw bɛ diw bɛ cen nɩ Asiiri tẽw, bɛ cãà nɩ a be nɩ dɩ̃a. À à ŋá n'a a Sore tɩ tu a lɛ ʋ na ƴãw a ʋ ƴɛ̀r-manbɛ, ʋ tõ-tõ-biir, yel a.

2 Na-mɩnɛ 18:25

Ɛ́ lɛb waar, a ɩ̃ nɩ-kpɛ̃ɛ wa na k'ʋʋ wa zɛb'ɩ a tẽw ŋa ɛ́ sãw ʋ bɛr, ɛ́ a bɛ ɩ a Sore n'ʋ bɔbr a lɛ bɩɩ? A Sore mɩŋa n'ʋ ƴãw a nʋɔr kʋ̀ ʋ.”»

2 Na-mɩnɛ 21:16

A Manase tɩ ƴãw na bɛ kʋ nɩbɛ na bɛ sãw a, yaga za, a Zerizalɛm tẽw tɩ ɩ zɩ̃ɩ tɛwr. A ɩ-faar á ŋá tɩ wa na wa ƴãw pʋɔ a yel-bebe za ƴãw, ʋ na tɩ ƴãw a Zuda nɩbɛ maalɩ a. Bʋ̃ʋ n'ʋ vɛ̃, ʋ tɩ ɩ na bɛ ɩ a lɛ na bɛ vɩɛl a, a Sore zie.

2 Na-mɩnɛ 24:20

A Sore suur'a so ʋ tɩ ɩ a yel-faar á ŋá za páw a Zerizalɛm nɩ a Zuda tẽw, ʋʋ wa baa diw bɛ bɛr a ʋ niŋé, bɛ zãá nɩ ʋ. A Sedesɩasɩ bɛ tɩ cãà sàw a Babɩlɔn tẽw nãà nɩ-kpɛ̃ɛnʋ a ʋ zu ɛ.

2 Bibie za yel-manɩ 24:24

Ɛcɛ a Aram tẽw zɛbr-nɩbɛ bɛ tɩ saalɩ ɛ, ɛ́ a Sore ƴãw bɛ tʋ̃ɔ́ a Zuda zɛbr-nɩbɛ na bɛ dɩ vuo a, bɛ na tɩ zawrɩ a Sore bɛr a ƴãw, ʋl na ɩ a bɛ sãà mɩnɛ Naaŋmɩn a. A dɔwrʋ bɛ na tɩ ƴãw a Zowasɩ a tɩ n'ɩ à ŋà.

2 Bibie za yel-manɩ 25:16

Ɛcɛ a Amazɩasɩ tɩ tur'a de a ƴɛ̀rʋ sowr'ʋ: «Ãa n'ʋ kaa ír fʋ fʋ ɩ a nãà yã-wule? Fʋ̃ʋ bɛ wa bɔbr ŋmɩɛrʋ a, fʋ̃ʋ taa lɛb háarɛ nʋɔr ɛ.» A naaŋmɩn-ƴɛ̀r-manɛ bɛ lɛb tɩ háa nʋɔr ɛ, al pùorí, ʋ yel: «Ɩ̃ bãwnɩ a na, a Naaŋmɩn yel'a kɛ́ bɛ kʋ b, à à ŋá fʋ na ɩ a ƴãw, nɩ fʋ na zawrɩ na bɛr wõ a yã ɩ̃ na wule fʋ a.»

Eziptɩ tẽw yib 20:5

Fʋ kʋ̃ gbĩ dume gũu tɩ tɔ tẽw a ŋmɩmɛ á ŋá taabɛ niŋé, ɛ́ maalɩ a ɩ. Bʋ̃ʋ n'ʋ vɛ̃, mãa n'ɩ a Sore, a fʋ Naaŋmɩn, Naaŋmɩn na kpɛ nyuur a. A bɛlɩ dem na hɩ̃ɛn mɛ̃ a, ɩ̃ mɩ́ ƴãw bɛ nɩ dɔwrʋ, bɛlɛ nɩ a bɛ bʋʋrɛ na dɔw tu taa tɩ ta gb'a ata bɩɩ gb'a anaar a.

Ɩzayi 45:7

Ɩ̃ mɩ́ maal'ɩ a cãà, ɛ́ ír lige. Ɩ̃ mɩ́ ƴãw nɩ a nʋ̃ɔ̀, ɛ́ ír a kpɩɛrʋ. A mãa, a Sore, mãa n'ʋ ɩrɛ à á ŋá za.

Zeremi 32:31

A Zerizalɛm tẽ-kpɛ̃ɛ ŋa ɩ n a ɩ̃ su-yãyaar ʋ ìr, a na tĩ a lɛn daar bɛ na mɛ ʋ wa tɩ tɔ a dɩ̃a a. Alɛ n'a so ɩ̃ bɛ lɛb bɔbr k'ɩ̃ɩ nyɛ̃ ʋ a ɩ̃ niŋé ɩ.

Zeremi 52:28

Nyɛ̃ a nɩbɛ nʋɔr a Nabikodonozɔɔr na tɩ ƴãw bɛ diw cen nɩ a: a yome ayopõi sob daar: Zuda tẽw nɩbɛ túr ata dɔwlɩ nɩbɛ lɩzɛr'ɩ ata (3 023).

Ezekɩɛl 22:3

Yel a lɛ a mãa Sore Naaŋmɩn na yere a kʋ̀ ʋ: Zerizalɛm i, a bɛlɩ dem na kpɩɛr a fʋ pʋɔ a kʋrɛ nɩ nɩbɛ ɛ́ cɔbrɛ a fʋ loba. Bɛ maalɛ nɩ ŋmɩn-bɛlɛbɛlɛ dasuli a bɛ ƴãw, ƴãw fʋ ɩ dɛwr sob.

Ezekɩɛl 24:6

À ŋá n'a a mãa Sore Naaŋmɩn yere: Wahala wɛ, a tẽ-nɩ-kʋrɛ ƴãw! Ʋ ŋmɛ̃ na mɛ̃ daasɩ̃ɛ na lo bazɩ̃ɩ bɛ kʋ̃ tʋ̃ɔ́ pɛ́w a. Wɩl a nɛ̃-gbile za, been been, ɛ́ ta ŋmɛ gbãw kaa ír ɛ.

Amɔsɩ 3:6

Ɩɩl pɛblɛ nɩ tẽw pʋɔ ɛ́ nɩbɛ bɛ zɔ ŋmɛ taa ɩ? A yel-faa na mɩ́ wa ta a tẽw pʋɔ a, a Sore bɛ n'ʋ mɩ́ maalɩ ʋ ɛ?

Mise 2:10

Nyɩ ìr! Nyɩ cere! A nyɩ pɩ̃ɛnʋ baar'a! Kpɩɛrʋ na bɛ tɛr manʋ a gùre nyɩ na, a nyɩ ɩ-faar ƴãw.»

Wulu-ayi-sob 28:63

Mɛ̃ a lɛ a Sore na tɩ nɔnɛ k'ʋʋ kaarɛ a nyɩ zie, nyɩ wone nʋ̃ɔ̀ ɛ́ yãwmɛ a, lɛ n'a ʋ mɩ̀ na nɔnɛ k'ʋʋ kaarɛ a nyɩ zie, ɩ nyɩ baarɩ, nyɩ kpi pàw pɛr. Ʋ na ír nyɩ nɩ a tẽw nyɩ na na so a pʋɔ.

Wulu-ayi-sob 29:28

A Sore tɩ Naaŋmɩn so a yele al na sɔwlɩ a. Ɛcɛ a yele al ʋ na wul kɛ̀ tɩ bãw a, tɩmɛ nɩ a tɩ bibiir so a al kʋralɛ, kɛ́ tɩ tʋ̃ɔ́ sàwr a Naaŋmɩn wulu nɛ-ƴãwnɩ za.

Zozue 23:15

Ũw! Mɛ̃ a lɛ a ƴɛ̀r-vɩɛlɩ al za a Sore nyɩ Naaŋmɩn na tɩ ƴɛ̀r kʋ̀ nyɩ a, na tu a za a, lɛ mɩ̀ n'a a Sore na ɩ a ŋmɛ-ƴãw ƴɛ̀r-bie tu a nyɩ ƴãw, ɛ́ gù ʋ tɩ kʋ nyɩ pàw pɛr, a tẽ-vla ŋa ʋ na kʋ̀ nyɩ a zu.