2 Na-mɩnɛ 22:9 - A SƐB-SÕW

⁹ Al pùorí, a Safan tɩ cen na tɩ manɩ a lɛ na be be a kʋ̀ a nãà. Ʋ tɩ yel ʋ na: «Tɩ kpowri nɩ a Ŋmɩn-yir-kpɛ̃ɛ daga libie kʋ̀ a tõ-tõ-nɩ-bɛrɛ na so a yir maal-ƴãwfʋ tome a.»

2 Na-mɩnɛ 22:9 ပူးပေါင်းရင်းမြစ်များ

2 Na-mɩnɛ 18:18

Bɛ tɩ yel'a kɛ́ bɛ bɔbr'a kɛ́ bɛ ƴɛ̀r a nãà zie. Ɛcɛ Hɩlkɩahu bidɛb, Elɩakɩm, na ɩ a nãà yir nɩ-kpɛ̃ɛ a n'ʋ tɩ yi tuori bɛ, ʋlɛ nɩ a sɛ-sɛbrɛ Sevina nɩ Asafʋ bidɛb, Yoa, na mɩ́ ƴɛ̀rɛ a nãà yúor ƴãw a.

2 Na-mɩnɛ 22:10

Al pùorí ʋ yel ƴãw pʋɔ: «A bàwr-maal-kara Hɩlkɩahu kʋ̀ m'ɩ sɛbɛ ŋa.» Ɛ́ kanɩ a sɛbɛ kʋ̀ a nãà.

2 Na-mɩnɛ 22:12

Al pùorí, ʋ ƴãw bɛ bʋɔlɩ a bàwr-maal-kara Hɩlkɩahu, nɩ Safan bidɛb Ahikam, nɩ Mikaya bidɛb Akɩbɔɔr, nɩ a sɛ-sɛbrɛ Safan de nɩ Asaya na ɩ a ʋ tõ-tõ-bi-kpɛ̃ɛ kãw a, ʋ wa yel bɛ à ŋá:

2 Na-mɩnɛ 22:3

A Zozɩasɩ naalʋ-dɩb yome pie nɩ ani sob daar'a, ʋ tɩ tõ a sɛ-sɛbrɛ Safan, na ɩ Asalɩahu bidɛb, ɛ́ ɩ Mesulam yãw a, a Ŋmɩn-yir-kpɛ̃ɛ́.

2 Na-mɩnɛ 22:8

Lɛ n'a a bàwr-maal-kara Hɩlkɩahu tɩ yel a sɛ-sɛbrɛ Safan: «Ɩ̃ nyɛ̃ nɩ a wulu sɛbɛ a Ŋmɩn-yir-kpɛ̃ɛ pʋɔ.» Ʋ tɩ kʋ̀ n a sɛbɛ a Safan ʋ kanɩ.

2 Na-mɩnɛ 25:22

A Babɩlɔn tẽw nãà, Nabikodonozɔɔr, tɩ bɛr'ɩ a nɩbɛ ŋmãa a Zuda tẽw pʋɔ, ɛ́ kaa ír Ahikam bidɛb Gedalɩasɩ, mɩ̀ na ɩ Safan yãw a, ƴãw k'ʋʋ kaarɛ a bɛ zie.

Zeremi 26:24

Ɛcɛ Safan bidɛb, Ahikam, tɩ piw nɩ a Zeremi tɛr. A ʋl zũú a, a Zeremi bɛ tɩ lo a tẽw nɩbɛ na tɩ bɔbr a ʋ kʋb a nuru pʋɔ ɩ.

Zeremi 29:3

Ʋ tɩ kʋ̀ n a ʋ sɛb-tʋɔla Safan bidɛb, Eleasa, nɩ Hɩlkɩa bidɛb, Gemarɩa. Bʋ̃ʋ n'ʋ vɛ̃, a Zuda tẽw nãà Sedesɩasɩ tɩ tõ bɛ nɩ a Babɩlɔn, a nãà Nabikodonozɔɔr zie. A sɛb-tʋɔla ŋa tɩ yere nɩ à ŋá:

Zeremi 39:14

tɩ tõ na kɛ́ bɛ tɩ tɛr a Zeremi a soja-zi-gùrbɛ davʋra pʋɔ, wa n wa kʋ̀ Ahikam bidɛb, Gedalɩasɩ na ɩ Safan yãw a. A Gedalɩasɩ tɩ kʋ̀ n sɔ́r a Zeremi, ʋ lɛb kul a ʋ yir. À ŋá n'a a Zeremi tɩ kpɩɛr a nɩbɛ sɔgɔ.

Zeremi 40:11

Lɛ mɩ̀ n'a, a Zuda tẽw nɩbɛ na tɩ be a Mowab, a Amɔ̃, a Edɔm ten pʋɔ nɩ a ziir za a, tɩ wõ na k'aa Babɩlɔn tẽw nãà tɩ bɛr'ɩ nɩbɛ ŋmãa a Zuda tẽw, ɛ́ ƴãw Ahikam bidɛb, Gedalɩasɩ, na ɩ Safan yãw a, ʋ kaarɛ a bɛ zie.

Zeremi 41:2

wa bere, a Yisɩmayɛl nɩ a nɩbɛ pie bɛl na bɩɛl'ʋ a, lãw ìr, gɔr gɔr a Gedalɩasɩ nɩ zɛbr-sɔ-bɛrɛ kʋ. À ŋá n'a bɛ tɩ kʋ a nɩr nɛ a Babɩlɔn tẽw nãà na tɩ kaa ír ƴãw ʋ kaarɛ a Zuda tẽw a.

Ezekɩɛl 8:11

A Ɩsɩrayɛl nɩbɛ nɩ-kore lɩz'a ata nɩ pie tɩ àr'ɩ saaƴẽwn a ŋmɩn-bɛlɛbɛlɛ niŋé. A bɛ pʋɔ a, Safan bidɛb, Yaazaniyahu, tɩ be n be. Ŋa za tɩ tɛr'ɩ tɩ-suur-zɔ̃-na-nyùur-vla-vla-a nyɩwfʋ-kole a nũú, ɛ́ a tɩ-suur-zɔ̃-na-nyùur-vla-vla-a zʋ̀ʋ́r tɩ dúor a salom zu.