2 Na-mɩnɛ 2:4 - A SƐB-SÕW

⁴ A Eli tɩ lɛb'a yel a Elize: «Elize e, ɩ̃ zɛlɛ fʋ na, zɩ̃ a ka! A Sore tone mɛ̃ nɩ Zeriko.» Ɛcɛ a Elize tɩ sɔw ʋ na: «A Sore na vʋʋrɛ a, nɩ fʋ mɩ̀ na vʋʋrɛ a zũú, mãa n'ʋ yere, ɩ̃ bɛ bɛrɛ a fʋ tub ɛ!» Lɛ n'a bɛ tɩ lãw cen a Zeriko.

2 Na-mɩnɛ 2:4 ပူးပေါင်းရင်းမြစ်များ

1 Na-mɩnɛ 16:34

A ʋlɩ daar nɛ n'a, Hɩɛl na yi Betɛl a lɛb mɛ a Zeriko tẽ-kpɛ̃ɛ. Ɛcɛ ʋ na tɩ sʋ̃ɔ́nɛ a dacine pɛ́ɛ a, a ʋ bidɛb-kpɛ̃ɛ Aviram tɩ kpi na, ʋ wa ƴãwnɛ a dɩ̃dɛɛ pamɛ a ʋ bidɛb-bile Seguvʋ kpi, a tu a lɛ a Sore na tɩ ƴãw a Nun bidɛb Zozue yel a.

2 Na-mɩnɛ 2:2

Bɛ na tɩ ta zie kãw a, a Eli yel'ɩ a Elize: «Ɩ̃ zɛlɛ fʋ na, zɩ̃ a ka, a Sore tone mɛ̃ nɩ Betɛl.» Ɛcɛ a Elize tɩ sɔw ʋ na: «A Sore na vʋʋrɛ a, nɩ fʋ mɩ̀ na vʋʋrɛ a zũú, mãa n'ʋ yere, ɩ̃ bɛ bɛrɛ a fʋ tub ɛ!» Lɛ n'a bɛ tɩ lãw cen a Betɛl.

2 Na-mɩnɛ 4:30

Ɛcɛ a bie mã tɩ yel'ɩ a Elize: «A Sore na vʋʋrɛ a zũú, nɩ fʋ mɩ̀ na vʋʋrɛ a zũú, ɩ̃ bɛ bɛrɛ fʋ kɛ́ cere ɩ!» Lɛ n'a a Elize tɩ ìr tu ʋ.

Luka 19:1

A Yeezu tɩ kpɛ na tɔlɛ a Zeriko tẽw pʋɔ.

Nɩ-toni 11:23

A Banabasɩ na tɩ ta a Ãtɩɔsɩ nyɛ̃ a lɛ a Naaŋmɩn na maalɩ a nɩbɛ bɛ ŋa a, nʋ̃ɔ̀ kpɛ ʋ na. Lɛ n'a ʋ tɩ kpaalɛ bɛ, kɛ́ bɛ za ƴãw fãw tu a Sore pùor nɩ a bɛ pʋɔ za.

Nɩ-toni 2:42

Bɛ za tɩ ƴãw nɩ fãw tuur a nɩ-toni wulu kʋralɛ, ɛ́ lãw pone a dipɛ̃, ɛ́ lãw puore mɩ̀.

Zozue 6:1

A Zeriko tẽw pamɛ tɩ kpa n a pʋ̃ɔmɩ ɛ́ kpa a yẽw, a Ɩsɩrayɛl nɩbɛ ƴãw. Nɩr bɛ tɩ yire ɩ, nɩr bɛ tɩ kpɩɛr ɛ.

Zozue 6:26

A lɛn daar a, a Zozue tɩ pɔ na yel: «A Sore ŋmɛ-ƴãw, a tuur nɩr ʋl na na bɔbr k'ʋʋ lɛb mɛ a Zeriko tẽw ŋa a. A ʋ bidɛb-dãw-dɔwra n'ʋ ʋ na sʋ̃ɔ́ nɩ a pɛr, ɛ́ a tuure n'ʋ ʋ na ƴãw nɩ a pamɛ.»

Urutɩ 1:16

Ɛcɛ a Urutɩ tɩ sɔw na: «Ta fɛrɛ mɛ̃ k'ɩ̃ɩ zawrɩ fʋ bɛr ɛ́ lɛb kul a ɩ̃ yir zãá nɩ fʋ ɛ. A be fʋ na na cen a, bɛ n'a ɩ̃ na cen, a be fʋ na na kpɩɛr a, be n'a ɩ̃ na kpɩɛr. A fʋ nɩ-bʋʋrɛ na ɩ n a ɩ̃ nɩ-bʋʋrɛ, ɛ́ a fʋ Naaŋmɩn ɩ a ɩ̃ Naaŋmɩn.

1 Samɩɛl 1:26

A Ana tɩ yel'ɩ a Eli: «Fʋ gaafara! Ɩ̃ pɔ na kɛ́ mãa n'ɩ a pɔw ʋl na tɩ sɔwrɩ nɛ àr kɔw fʋ a ka puore a Sore a.