2 Na-mɩnɛ 2:3 - A SƐB-SÕW

³ A naaŋmɩn-ƴɛ̀r-manbɛ lãw nɩbɛ bɛl na kpɩɛr a Betɛl a, tɩ tuor'ɩ a Elize sowr'ʋ: «Fʋ bãwnɩ a na a Sore na na ír a fʋ nɩ-kpɛ̃ɛ, a dɩ̃a, do n a salom zu a?» A Elize tɩ sɔw na: «Ʋ̃ʋ, ɩ̃ mɩ̀ bãwnɩ a na, ɛcɛ nyɩ ta ƴɛ̀rɛ a ƴɛ̀rʋ a ɩ̃ zie ɩ!»

2 Na-mɩnɛ 2:3 ပူးပေါင်းရင်းမြစ်များ

1 Na-mɩnɛ 18:4

a lɛn daar a Zezabɛl na tɩ ƴãw bɛ kʋ a Sore ƴɛ̀r-manbɛ a, a Ovadɩa tɩ sɔwl'ɩ nɩbɛ kʋba (100) a bɛ pʋɔ. Ʋ tɩ bʋ́r bɛ nɩ lɩz'a ayiri nɩ piir, ƴãw tãw bɔwrɩ pʋɔ, ɛ́ ƴãw bɛ kʋ̀rɛ bɛ a bʋ̃-dɩrɩ nɩ a kʋ̃ɔ.

1 Na-mɩnɛ 20:35

A ʋlɩ daar nɛ a, a Sore tɩ ƴãw na naaŋmɩn-ƴɛ̀r-manbɛ lãw kãw nɩr yel a ʋ tɔ sob kãw: «Ŋmɛ m!», ɛcɛ à ŋà sob tɩ zawr'a.

2 Na-mɩnɛ 2:15

A Zeriko naaŋmɩn-ƴɛ̀r-manbɛ lãw nɩbɛ na tɩ àr zãá, ɛ́ nyɛ̃ a lɛ a Elize na ɩ a, tɩ yel'a: «A naaŋmɩn-ƴɛ̀r-manɛ vʋʋrʋ na tɩ be a Eli zie a, a Elize zie n'a ʋ be ƴɛrɛŋa.» Bɛ tɩ tuori ʋ na, gbĩ dume gũu tɩ tɔ tẽw a ʋ niŋé,

2 Na-mɩnɛ 2:5

A naaŋmɩn-ƴɛ̀r-manbɛ lãw nɩbɛ bɛl na kpɩɛr a Zeriko a tɩ taw na ta a Elize zie sowr'ʋ: «Fʋ bãwnɩ a na a Sore na na ír a fʋ nɩ-kpɛ̃ɛ, a dɩ̃a, do n a salom zu a?» A Elize tɩ sɔw na: «Ʋ̃ʋ, ɩ̃ mɩ̀ bãwnɩ a na, ɛcɛ nyɩ ta ƴɛ̀rɛ a ƴɛ̀rʋ a ɩ̃ zie ɩ!»

2 Na-mɩnɛ 2:7

Naaŋmɩn-ƴɛ̀r-manbɛ lɩz'a ayi nɩ pie tɩ páw bɛ na, tɩ tɛw àr zãá nɩ a Eli nɩ a Elize na àr a Zurdɛ̃ nʋɔr a.

2 Na-mɩnɛ 4:1

Pɔw kãw, a sɩr na tɩ ɩ naaŋmɩn-ƴɛ̀r-manbɛ lãw nɩr a, tɩ wa n bibir kãw wa zɛlɛ a Elize yãayãa, yere nɩ: «A ɩ̃ sɩr kpi na, ɛ́ fʋ bãwnɩ a na ʋ na tɩ zɔrɛ a Sore a. Ƴɛrɛŋa a, a sob nɛ san tɩ na tɛr a, ʋ wa na k'ʋʋ wa de a ɩ̃ bidɛbr ayi, tɩ ƴãw bɛ ɩ a ʋ gbãgbaar.»

2 Na-mɩnɛ 4:38

A Elize tɩ lɛb'a wa a Gilgal. Kɔ̃ tɩ lo n a tẽw pʋɔ a lɛn daar. A naaŋmɩn-ƴɛ̀r-manbɛ lãw nɩbɛ na tɩ ɓã taa a ʋ zie a, ʋ yel'ɩ a ʋ tõ-tõ-bie: «Dʋwlɩ a ziduwli-kpɛ̃ɛ maal'ɩ zɛ-kʋ̃ɔ kʋ̀ tɩ.»

2 Na-mɩnɛ 5:22

Ʋ sɔw: «Ɓaarʋ n'a! Tob'a, a ɩ̃ nɩ-kpɛ̃ɛ tõ m, k'ɩ̃ɩ wa yel fʋ, k'aa naaŋmɩn-ƴɛ̀r-manbɛ lãw kãw nɩbɛ ayi ta n a ʋ zie a ƴɛrɛŋa, ɛ́ yi a Efarayim tan vuo pʋɔ. Ʋ zɛlɛ na kɛ́ fʋ tɩr salm-pla kilo lɩzɛr'ɩ pie, nɩ cuw kparɩ ayi a bɛ ƴãw.»

2 Na-mɩnɛ 6:1

Bibir kãw, a naaŋmɩn-ƴɛ̀r-manbɛ lãw nɩbɛ tɩ yel'ɩ a Elize: «Nyɛ̃, a zie ʋl tɩ na mɩ́ ɓã taa a fʋ zie a, ʋ ɩ n pʋrɩ zuo a tɩ ƴãw.

2 Na-mɩnɛ 9:1

Bibir kãw, a naaŋmɩn-ƴɛ̀r-manɛ Elize tɩ bʋɔl'ɩ pɔlbile kãw, a naaŋmɩn-ƴɛ̀r-manbɛ lãw kãw pʋɔ, wa yel ʋ: «Cɔbrɩ fʋ tʋɔra a sɔ́r loba ƴãw. De a kãá nɩ a kole ŋa, cen nɩ Aramɔtɩ tẽw na be Galaadɩ a.

Ɩzayi 8:18

A mãa mɩŋa, nɩ a bibiir a Sore na kʋ̀ m a, tɩ ɩ n bãwfʋ, nɩ a lɛ a nɩdaar yele na na ɩ a bãwfʋ a Ɩsɩrayɛl tẽw pʋɔ, a Sore, a kpɛnʋ-za-sob, na kpɩɛr a Sɩyɔ̃ tãw zu a yúor ƴãw.

Amɔsɩ 7:14

A Amɔsɩ tɩ sɔw na yel a Amasɩa: «Ɩ̃ bɛ tɩ ɩ naaŋmɩn-ƴɛ̀r-manɛ ɩ, mɩ̀ bɛ lɛb tɩ ɩ naaŋmɩn-ƴɛ̀r-manɛ bie ɩ. Ɩ̃ tɩ ɩ n na-cɩ̃ɩnɛ ɛ́ kaarɛ sɩkomɔɔr tɩɩr zie.

Nɩ-toni 22:3

«Zifʋ nɛ m, Tarsɩ na be Silisi a n'a ɩ̃ dɔw. Ɛcɛ a Zerizalɛm ka n'a ɩ̃ baa, Gamaliyɛl pile n'a ɩ̃ zànɩ a yele na càarɩ a tɩ sãàkʋm-kore Naaŋmɩn wulu a. Mɛ̃ a nyɩɩm za a dɩ̃a a, ɩ̃ mɩ̀ bɛ tɩ sàwr a Naaŋmɩn yele ƴãw ɛ.

Wulu-ayi-sob 33:3

A Sore nɔnɛ nɩ a Ɩsɩrayɛl dɔwlʋ, ʋ gùre nɩ a bɛlɩ dem za ʋ na so, ɛ́ bɛ mɩ́ ɓã taa a ʋ pile, kɛ́ bɛ de a ʋ wulu a.

1 Samɩɛl 10:5

Al pùorí, fʋ na ta n a Naaŋmɩn tãgɛ̃́, a be a Filisɩtɛ̃ mɩnɛ sojarɩ na be a. A be a, fʋ̃ʋ wa kpɩɛr a tẽw pʋɔ a, fʋ na tuor'ɩ naaŋmɩn-ƴɛ̀r-manbɛ na yi a maalʋ-zie siwr a: pɛ̀n-ŋmɩɛrbɛ de bɛ nɩ niwn lãwnɩ gãga-ŋmɩɛrbɛ, nɩ weli-pɛblbɛ nɩ korijom-ŋmɩɛrbɛ. Naaŋmɩn-ƴɛ̀r-manɛ ƴã-cɩrʋ na tɛr'ɩ bɛ za.

1 Samɩɛl 19:20

Lɛ n'a a Sawul lɛb tɩ tõ nɩbɛ kɛ́ bɛ tɩ nyɔw a Daviir. Bɛ tɩ nyɛ̃ nɩ naaŋmɩn-ƴɛ̀r-manbɛ bɛ ɓã taa a, ɛ́ a naaŋmɩn-ƴɛ̀r-manbɛ ƴã-cɩrʋ tɛr bɛ, ɛ́ a Samɩɛl de bɛ niwn. A Naaŋmɩn Vʋʋrʋ mɩ̀ tɩ siw nɩ a Sawul nɩbɛ zu, a naaŋmɩn-ƴɛ̀r-manbɛ ƴã-cɩrʋ mɩ̀ tɛr bɛ.