2 Na-mɩnɛ 11:4 - A SƐB-SÕW

⁴ A yome ayopõi sob daar, a bàwr-maalɛ Yehoyada tɩ ƴãw na bɛ bʋɔlɩ a Kaarɩɛ̃ mɩnɛ sojarɩ nɩ-bɛrɛ, nɩ a sojarɩ na gùre a nãà yir nɩ a Sore Ŋmɩn-yir-kpɛ̃ɛ a nɩ-bɛrɛ. Ʋ tɩ tɛr bɛ na cen nɩ a Sore Ŋmɩn-yir-kpɛ̃ɛ pʋɔ, tɩ maal'ɩ bɛ wõ-taa, ƴãw bɛ pɔ, ʋʋ wul bɛ a nãà bidɛb.

2 Na-mɩnɛ 11:4 ပူးပေါင်းရင်းမြစ်များ

Yele-za-pɛr-tib 50:25

Nyɩ pɔ yel mɛ̃ kɛ́ nyɩ na tuo nɩ a ɩ̃ kũu cen nɩ a Naaŋmɩn wa tõ à à ŋá a nyɩ zie a.»

2 Samɩɛl 20:23

Zowab tɩ n'ɩ a Ɩsɩrayɛl sojarɩ za nɩ-kpɛ̃ɛ. Yehoyada bidɛb, Benaya, tɩ n'ɩ a Keretɩ̃ɛ nɩ a Peletɩ̃ɛ mɩnɛ na ɩ a nãà-gùrbɛ a nɩ-kpɛ̃ɛ.

2 Samɩɛl 8:18

Yehoyada bidɛb, Benaya, n'ʋ tɩ ɩ a Keretɩ̃ɛ nɩ a Peletɩ̃ɛ mɩnɛ nɩ-kpɛ̃ɛ, bɛl na ɩ a nãà sojarɩ a. A Daviir bidɛbr mɩ̀ tɩ ɩ n bàwr-maalbɛ.

1 Na-mɩnɛ 14:27

A lɛ n'a a Orobowam tɩ maalɩ kur-zɩɛ zɛbr-kur-pãgalɩ lɩɛr'ɩ, ɛ́ de a kʋ̀ a sojarɩ na gùre a nãà yir dɩ̃dɛɛ a nɩ-bɛrɛ.

1 Na-mɩnɛ 18:10

A fʋ Naaŋmɩn, a Sore na vʋʋrɛ a zũú, mãa n'ʋ yere kʋ̀rɛ fʋ k'aa ɩ zu-sob tõ n nɩbɛ a ten za nɩ a naalʋ-ten za pʋɔ, kɛ́ bɛ tɩ bɔ fʋ. A ten á ŋá kãw nɩbɛ na mɩ́ wa yel: “Ʋ bɛ be ka ɩ”, a mɩ́ cãà na fɛr bɛ pɔ yel kɛ́ nɩr bɛ nyɛ̃ b ɛ.

2 Na-mɩnɛ 11:17

A Yehoyada tɩ maal'ɩ wõ-taa nɩ a Sore nɩ a nãà nɩ a nɩbɛ, k'aa nɩbɛ tʋ̃ɔ́ ɩ a Sore nɩbɛ. Ʋ mɩ̀ tɩ maal'ɩ wõ-taa a nãà nɩ a nɩbɛ cara pʋɔ.

2 Na-mɩnɛ 11:19

A Yehoyada tɩ lɛb'a bʋɔlɩ a sojarɩ nɩ-bɛrɛ, a Kaarɩɛ̃ mɩnɛ, a sojarɩ na gùre a ziir a, nɩ a nɩbɛ za ɓã taa, kɛ́ bɛ tɛr a nãà a Sore Ŋmɩn-yir-kpɛ̃ɛ́, tu n a sojarɩ na gùre a ziir a dɩ̃dɔr ƴãw, yi cen nɩ a nãà yir. A Zowasɩ tɩ zɩ̃ n a na-mɩnɛ naalʋ-dà-kɔw zu a be.

2 Na-mɩnɛ 11:3

Ʋlɛ nɩ a pɔw na guole ʋ a tɩ sɔwl'ɩ a Sore Ŋmɩn-yir-kpɛ̃ɛ pʋɔ yome ayʋɔb, ɛ́ a Atali dɩrɛ a naalʋ a Zuda tẽw pʋɔ.

2 Na-mɩnɛ 11:9

A sojarɩ nɩ-bɛrɛ tɩ ɩ n a lɛ za a bàwr-maalɛ Yehoyada na tɩ yel kʋ̀ bɛ a: bɛ tɩ bʋɔl'ɩ a bɛ sojarɩ ɓã taa, a bɛl na dier a tome a pɩ̃ɛnʋ-bibir a, nɩ a bɛl na báarɛ a ʋlɩ bibir a, bɛ cen a bàwr-maalɛ Yehoyada zie.

2 Na-mɩnɛ 12:7

Ɛcɛ a Zowasɩ naalʋ-dɩb yome lɩzɛr'ɩ ata sob a, a bàwr-maalbɛ cãà bɛ tɩ maalɩ a Ŋmɩn-yir-kpɛ̃ɛ ziir al na sãw a ƴãw ɛ.

2 Na-mɩnɛ 23:3

A nãà tɩ àr'ɩ saaƴẽwn, a Ŋmɩn-yir-kpɛ̃ɛ kpul ƴãw, ɛ́ lɛb puuli a wõ-taa nɩ a Sore. Ŋa za n'ʋ a fɛrɛ k'ʋʋ tuur a Sore, sàwr a ʋ nɛ-ƴãwnɩ, a ʋ wulu, nɩ a lɛ ʋ na yel a, nɩ ʋ pʋɔ za, nɩ ʋ sɩ́ɛ za, ɛ́ sàwr a ƴɛ̀rʋ al za na sɛb a wõ-taa sɛbɛ pʋɔ a. A nɩbɛ za tɩ sàw nɩ a wõ-taa ŋa.

1 Bibie za yel-manɩ 9:13

A yie nɩ-bɛrɛ bɛ ŋa, de nɩ a bàwr-maalbɛ na cɛ a, tɩ ɩ n nɩbɛ túr dɔwlɩ kɔbr ayopõi lɩz'a ata (1 760), dɛb-gãdaar na so a Ŋmɩn-yir-kpɛ̃ɛ tome a.

2 Bibie za yel-manɩ 15:12

Wõ-taa nʋɔr lɛb-puulu pʋɔ a, bɛ tɩ ƴãw nɩ nʋɔr kɛ́ bɛ na bɔbr'ɩ a Sore, a bɛ sãà mɩnɛ Naaŋmɩn nɩ bɛ pʋɔ za, nɩ bɛ sɩ́ɛ za.

2 Bibie za yel-manɩ 29:10

Ƴɛrɛŋa a, ɩ̃ bɔbr'a k'ɩ̃ɩ maal'ɩ a Sore, a Ɩsɩrayɛl Naaŋmɩn, wõ-taa, a ʋ su-tʋlʋ a tɩ ƴãw tʋ̃ɔ́ ɓãá.

Neemi 10:29

A Ɩsɩrayɛl nɩbɛ bɛl na cɛ a, a bàwr-maalbɛ, a levitɩ mɩnɛ, a dɩ̃dɔ-gùrbɛ, a yiel-yielbɛ, a Ŋmɩn-yir-kpɛ̃ɛ tõ-tõ-biir nɩ a tɩɩm za na ow yi a nɩbɛ na tɩ cãà kpɩɛr a tẽw a pʋɔ a diw-cenu daar a, a tɩɩm na tu a Naaŋmɩn wulu pùor a, de nɩ a tɩ pɔwbɛ nɩ a tɩ bidɛbr nɩ a tɩ pɔwyaar bɛl na na tʋ̃ɔ́ bãw bom pɛr a, tɩ tɩ lãw nɩ nɩ a nɩbɛ bɛ ŋa.

Neemi 5:12

Bɛ tɩ sɔw na: «Tɩ na ɩ n a lɛ fʋ na yel a, tɩ na lɛb'a tɩr a bome al tɩ na de a, ɛ́ tɩ bɛ lɛb sowre bɛ bom ɛ.» Lɛ n'a ɩ̃ tɩ bʋɔlɩ a bàwr-maalbɛ wa ƴãw a nɩbɛ pɔ a bɛ niŋé, kɛ́ bɛ na ɩ n a lɛ bɛ na yel a.

Nɩ-toni 5:24

A Ŋmɩn-yir-kpɛ̃ɛ sojarɩ nɩ-kpɛ̃ɛ nɩ a bàwr-maal-nɩ-bɛrɛ na tɩ wõ à à ŋá a, bɛ bɛ tɩ bãw lɛ bɛ na na tɩɛrɛ a ɩ, ɛ́ tɩ sowre taa ʋlɩ bom nɛ na n'ʋ ɩ a nɩ-toni a.

Nɩ-toni 5:26

Lɛ n'a a Ŋmɩn-yir-kpɛ̃ɛ sojarɩ nɩ-kpɛ̃ɛ tɩ tɛr a ʋ nɩbɛ cen nɩ kɛ́ bɛ tɩ tɛr a nɩ-toni wa n. Ɛcɛ bɛ bɛ tɩ ɩ n fãw ɛ, bɛ tɩ zɔrɛ nɩ dɛ̃bɩ̃ɛ a nɩbɛ nãà wa lɔbr'ɩ bɛ kʋsɛbɛ a ƴãw.

Zozue 24:25

A Zozue tɩ maal'ɩ nɩ a Ɩsɩrayɛl bʋʋrɛ wõ-taa a ʋlɩ bibir nɛ a Sɩsɛm. Ʋ tɩ ƴãw nɩ nɛ́ɛ nɩ tub kʋ̀ bɛ, ɛ́ wul bɛ a lɛ a na sɛw kɛ́ bɛ tuur a,

1 Samɩɛl 18:3

Lɛ n'a a Zonatã tɩ maal'ɩ a Daviir báalʋ wõ-taa, ʋ na tɩ nɔnɛ ʋ yaga za a ƴãw.

1 Samɩɛl 23:18

Bɛ za ayi tɩ maal'ɩ wõ-taa a Sore niŋé. Al pùorí, a Zonatã tɩ lɛb'a kul, ɛ́ a Daviir kpɩɛr a Horesa.