2 Na-mɩnɛ 1:4 - A SƐB-SÕW

⁴ Fʋ na yel'ɩ à ŋá ƴãw pʋɔ: “Nyɛ̃ a lɛ a Sore na yere kʋ̀rɛ a Ɩsɩrayɛl nãà a: Fʋ bɛ ìre a gado zu fʋ na gã a ɩ, fʋ na kpi na, bʋnʋ bɛ ka be ɩ.”» Al pùorí a Eli tɔl cen.

2 Na-mɩnɛ 1:4 ပူးပေါင်းရင်းမြစ်များ

Yele-za-pɛr-tib 2:17

Ɛcɛ, a tɩɛ ʋl na mɩ́ ɩ fʋ bãw a vla nɩ a faa a wɔmɛ a, fʋ kʋ̃ dɩ a ɩ. Bʋ̃ʋ n'ʋ vɛ̃, a ʋlɩ bibir nɛ fʋ nãà wa dɩrɛ a ʋ wɔm a, a kũu n'a fʋ na kpi.»

Yele-za-pɛr-tib 3:4

A waab tɩ sɔw nɩ a pɔw: «Towtow! Nyɩ bɛ kpiir ɛ.

1 Na-mɩnɛ 14:12

A naaŋmɩn-ƴɛ̀r-manɛ tɩ cãà na yel à ŋá: «A fʋ̃ʋ a, lɛb kul a fʋ yir. Fʋ̃ʋ wa tɩ kpɩɛr a tẽw pʋɔ wa báarɛ a, a fʋ bidɛb na kpi na.

1 Na-mɩnɛ 18:2

A Eli tɩ cen na k'aa Akab tɩ nyɛ̃ ʋ. A kɔ̃ tɩ lo n faa faa a Samaari, a vuo ʋl pʋɔ.

2 Na-mɩnɛ 1:16

tɩ yel ʋ: «À ŋá n'a a Sore yere: “Fʋ tõ n nɩbɛ kɛ́ bɛ tɩ sowri a Ekiron tẽw ŋmɩn Baal-Zebub. Naaŋmɩn bɛ be a Ɩsɩrayɛl tẽw bɛ na tʋ̃ɔ́ sowri ɛ? A na ɩ à ŋá a, fʋ bɛ ìre a gado zu fʋ na gã a ɩ, fʋ na kpi na, bʋnʋ bɛ ka be ɩ!”»

2 Na-mɩnɛ 1:5

A nɩbɛ a nãà na tõ a tɩ lɛb'a wa a ʋ zie a daadaalɛ, ʋ̀ wa sowri bɛ: «Bʋ̃ʋ n'ʋ so nyɩ lɛb wa?»

2 Na-mɩnɛ 1:6

Bɛ tɩ sɔw ʋ na: «Nɩr kãw n'ʋ tuori tɩ, yel kɛ́ tɩ lɛb wa a fʋ zie, wa yel fʋ: “À ŋá n'a a Sore yere: Naaŋmɩn bɛ be a Ɩsɩrayɛl tẽw bɩɩ, fʋ tone kɛ́ bɛ tɩ sowri Ekiron tẽw ŋmɩn, Baal-Zebub? A na ɩ à ŋá a, fʋ bɛ ìre a gado zu fʋ na gã a ɩ, fʋ na kpi na!”»

2 Na-mɩnɛ 20:1

A ʋlɩ daar nɛ, a nãà Ezekɩasɩ tɩ lo n a ʋ kũu-kʋra bàalʋ. A naaŋmɩn-ƴɛ̀r-manɛ Ɩzayi, Amɔtɩsɩ bidɛb, tɩ wa na wa nyɛ̃ ʋ yel ʋ: «À ŋá n'a a Sore yere: Cɔbrɩ a fʋ yele, bʋ̃ʋ n'ʋ vɛ̃, fʋ na kpi na, fʋ bɛ lɛbr ìre a fʋ bàalʋ ŋa pʋɔ ɩ.»

2 Na-mɩnɛ 8:10

A Elize tɩ sɔw na: «Cen tɩ yel ʋ: “A bɛ tɛr à ŋá ɩ, fʋ na sanɩ na!” Ɛcɛ a Sore tɩ wul mɛ̃ na, k'ʋʋ na kpi na.»

Zʋkpaɩ 11:19

A mɩnʋ wɩɛr'ɩ nɩ a nyɔ-vʋʋrʋ pʋɔ, ɛcɛ a sob nɛ na diwr tuur a faa a wɩɛr'ɩ a kũu zie.

Zʋkpaɩ 14:32

A nɩ-faa ɩ-faar'a mɩ́ kʋ ʋ, ɛcɛ a nɩ-mɩŋa mɩ́ bɛr'ɩ tɩ̀ɛrʋ a ʋ kũu daar tɔr za.

Ezekɩɛl 18:4

Bʋ̃ʋ n'ʋ vɛ̃, mãa so a nyɩ been been za nyɔ-vʋʋrʋ, a dɔwrbɛ dem lãwnɩ a bibiir dem. Sob nɛ na maalɩ yel-bier a, ʋlɛ n'ʋ na kpi.

Sɔr-nɛ́ɛ 26:65

Bʋ̃ʋ n'ʋ vɛ̃, a Sore tɩ yel'a kʋ̀ bɛ kɛ́ bɛ na kpi n a wɛja-kpalɛ pʋɔ. A lɛ n'a bɛ been kãw za bɛ tɩ cɛ, alɛ bɛ ɩ Yefune bidɛb Kalɛb, nɩ Nun bidɛb Zozue ɩ.

1 Samɩɛl 28:19

Lɛ so, a fʋ̃ʋ nɩ a Ɩsɩrayɛl nɩbɛ za a, a Sore na de nyɩ na ƴãw a Filisɩtɛ̃ mɩnɛ nuru pʋɔ. A bio a, fʋ̃ʋ nɩ a fʋ bidɛbr na lãwnɩ mɛ̃ na be a kpɩmɛ tẽw, ɛ́ a Ɩsɩrayɛl zɛbr-nɩbɛ a, a Sore na de bɛ na ƴãw a Filisɩtɛ̃ mɩnɛ nuru pʋɔ.»