2 Na-mɩnɛ 1:3 - A SƐB-SÕW

³ Ɛcɛ a Sore malkɩ kãw tɩ wa na, wa páw Eli na yi Tisibe a, yel ʋ: «Ìr, tuori a nɩbɛ a Samaari nãà na to a, yel bɛ à ŋá: “Naaŋmɩn bɛ be a Ɩsɩrayɛl tẽw, nyɩ cere kɛ́ nyɩ tɩ sowri Ekiron tẽw ŋmɩn Baal-Zebub bɩɩ?”

2 Na-mɩnɛ 1:3 ပူးပေါင်းရင်းမြစ်များ

1 Na-mɩnɛ 11:33

Ɩ̃ na ɩ n à à ŋá, a Ɩsɩrayɛl nɩbɛ na zawrɩ mɛ̃ bɛr a ƴãw. Bʋ̃ʋ n'ʋ vɛ̃, bɛ puor'ɩ a Sɩdɔ̃ tẽw dem ŋmɩn-pɔw Asɩtarte, a Mowab tẽw dem ŋmɩn Kemɔsɩ, nɩ a Amɔ̃ tẽw dem ŋmɩn Mɩlkɔm. Bɛ bɛ tu a sɔ́r ɩ̃ na wul bɛ a ɩ, bɛ bɛ ɩ a lɛ na vɩɛl a ɩ̃ zie a ɩ. Bʋ̃ʋ n'ʋ vɛ̃, bɛ bɛ tu a wulu nɩ a tub ɩ̃ na kʋ̀ bɛ a, mɛ̃ a lɛ a Salomɔ̃ sãà Daviir na tɩ tu a ɩ.

1 Na-mɩnɛ 17:1

Eli na yi Galaadɩ tẽw tẽle kãw na dɩ Tisibe a, tɩ yel'ɩ a nãà Akab: «A Sore na vʋʋrɛ a ƴãw, a Ɩsɩrayɛl Naaŋmɩn ɩ̃ na tone a ƴãw, ɩ̃ yere nɩ à ŋá: “A yome á ŋá na waar a, ɓɩɛlʋ kʋ̃ lo ɩ, sa-bir kʋ̃ lo ɩ, mãa bɛ wa n'ʋ yel a.”»

1 Na-mɩnɛ 18:1

A tɩ cɛlɩ na, ɛ́ a Sore wa ƴɛ̀r a Eli zie, a wɛr na nyɔw a yome ata sob daar. Ʋ tɩ yel ʋ na: «Cen a nãà Akab tɩ nyɛ̃ b, bʋ̃ʋ n'ʋ vɛ̃, ɩ̃ na ɩ na a saa wa a tẽw zu.»

1 Na-mɩnɛ 18:36

A zaanʋɔra bàwr maalʋ tɛm na wa ta a, a naaŋmɩn-ƴɛ̀r-manɛ Eli tɩ taw na ta a bàwr-maal-kuur pɛr, ɛ́ yel: «Sore e, Abraham, Ɩzaakɩ nɩ Ɩsɩrayɛl Naaŋmɩn i, wul a dɩ̃a kɛ́ fʋ̃ʋ n'ɩ a Ɩsɩrayɛl Naaŋmɩn, k'ɩ̃ɩ ɩ n a fʋ tõ-tone, kɛ́ fʋ̃ʋ n'ʋ ƴãw k'ɩ̃ ɩ à à ŋá za.

1 Na-mɩnɛ 19:5

Al pùorí, ʋ gã gúr a tɩle pile. Ɛcɛ malkɩ tɩ wa na wa tɔ ʋ, ɛ́ yel: «Ìr dɩ.»

1 Na-mɩnɛ 19:7

Ɛcɛ a malkɩ tɩ lɛb'a wa tɔ ʋ ɛ́ yel: «Ìr dɩ, bʋ̃ʋ n'ʋ vɛ̃, a sɔ́r na wõwme nɩ yaga za.»

1 Na-mɩnɛ 21:17

Lɛ n'a a Sore tɩ ƴɛ̀r Eli na yi Tisibe a zie yel à ŋá:

2 Na-mɩnɛ 1:2

Bibir kãw, a Akazɩasɩ na tɩ be a ʋ nãà yir bɔwpɩɛ pʋɔ, a Samaari a, tɩ yi n a tokoro vʋɔrɩ́ lo, sãw zie faa faa. Lɛ n'a ʋ tɩ tõ nɩbɛ, ɛ́ yel bɛ à ŋá: «Nyɩ cen tɩ sowri a Ekiron tẽ-kpɛ̃ɛ ŋmɩn, Baal-Zebub, nyɛ̃, ɩ̃ na lɛb'a ìr a ɩ̃ bàalʋ ŋa pʋɔ bɩɩ.»

2 Na-mɩnɛ 1:6

Bɛ tɩ sɔw ʋ na: «Nɩr kãw n'ʋ tuori tɩ, yel kɛ́ tɩ lɛb wa a fʋ zie, wa yel fʋ: “À ŋá n'a a Sore yere: Naaŋmɩn bɛ be a Ɩsɩrayɛl tẽw bɩɩ, fʋ tone kɛ́ bɛ tɩ sowri Ekiron tẽw ŋmɩn, Baal-Zebub? A na ɩ à ŋá a, fʋ bɛ ìre a gado zu fʋ na gã a ɩ, fʋ na kpi na!”»

2 Na-mɩnɛ 1:8

Bɛ tɩ sɔw na: «Ʋ tɩ su n dʋn kɔblʋ kparʋ, ɛ́ 'lẽ nɩ gán kpàwr.» Lɛ n'a a nãà tɩ yel: «A Eli na yi Tisibe a n'ʋ!»

2 Na-mɩnɛ 5:15

Ʋ tɩ lɛb'a wa daadaalɛ a Naaŋmɩn nɩr zie, ʋlɛ nɩ a ʋ pùor-dem za, wa kpɛ àr a ʋ niŋé ɛ́ yel à ŋá: «Ƴɛrɛŋa a, ɩ̃ pãa bãw na k'aa tẽw za zu a, Naaŋmɩn bɛ lɛb ka be a bɛ ɩ a ʋl na be a Ɩsɩrayɛl tẽw a ɩ. A lɛ pʋɔ a, sàw de a bom ɩ̃ na kʋ̀rɛ fʋ a.»

2 Na-mɩnɛ 5:8

A Naaŋmɩn nɩr, Elize, na tɩ wõ k'aa Ɩsɩrayɛl tẽw nãà taw nɩ a ʋ kparɩ cɩɛrɩ a, ʋ ƴãw na bɛ tɩ yel ʋ à ŋá: «Bʋ̃ʋ n'ʋ so fʋ taw a fʋ kparɩ cɩɛrɩ? A Naaman, ʋ wa páw mɛ̃, ʋʋ na bãw na kɛ́ naaŋmɩn-ƴɛ̀r-manɛ be n a Ɩsɩrayɛl tẽw.»

Sɛb-sõw yielu 76:1

Yiel-yielbɛ nɩ-kpɛ̃ɛ sɛbɛ pʋɔ yielu. Fomie bʋ̃-ŋmɩɛrɩ n'a bɛ mɩ́ ŋmɩɛr'ɩ ƴãwn. Sɛb-sõw yielu Asafʋ na maalɩ a. Yielu.

Ɩzayi 8:19

Bɛ mɩnɛ yere na: «Nyɩ sowri a kpɩmɛ na mɩ́ waalɛ ɛ́ 'hũ'hune yere a nɩdaar yele a. A tɛr'ɩ sɔ́r kɛ́ nɩ-bʋʋrɛ kãw mɩ́ sowre a ʋ ŋmɩmɛ ɛ́ kabrɛ a kũuni a nɩ-vʋʋrɩ ƴãw.» Bɛlɛ wa yere à à ŋá a nyɩ zie a,

Zonasɩ 2:8

A lɛn daar ɩ̃ na tɩ ŋmaar a vʋʋrʋ a, ɩ̃ tɩ lɛb'a tɩɛrɩ a fʋ yele, Sore e, ɛ́ a ɩ̃ puoru tɩ ta b'ɩ a fʋ yir-sõw pʋɔ.

Markɩ 3:22

A Naaŋmɩn wulu sɛ-sɛbrbɛ bɛl na tɩ yi a Zerizalɛm wa a, tɩ yere na: «A kɔ̃tɔ̃-nãà Bɛlɩzebul n'ʋ ìre ʋ!» Nɩ kɛ́: «A kɔ̃tɔmɛ nãà fãw n'a ʋ diwr'ɩ a kɔ̃tɔmɛ.»

Nɩ-toni 8:26

A Sore malkɩ tɩ ƴɛ̀r'ɩ a Filib zie yel ʋ: «Ìr tu a saa-pɛrɩ́-dʋrʋ-lowr, de a sɔ́r ʋl na yi a Zerizalɛm ɛ́ siwr a Gaza a, nɩr bɛ be a ʋ zu ɛ.»

1 Samɩɛl 17:46

A dɩ̃a tɔr za a, a Sore na ƴãw fʋ nɩ a ɩ̃ nuru pʋɔ, ɩ̃ na ŋmɛ b'a kʋ, ɛ́ cɛ b a zu ŋmãa. A dɩ̃a tɔr za a, ɩ̃ na ɩ na a Filisɩtɛ̃ zɛbr-nɩbɛ lɩɛbɩ saa-zu lili nɩ wɛ-dʋn dɩb. Lɛ n'a a tẽw za na bãw k'aa Ɩsɩrayɛl tɛr'ɩ Naaŋmɩn.