2 Korɛ̃tɩ 9:7 - A SƐB-SÕW

⁷ A na ɩ à ŋá a, ŋa za mɩ́ tɩr mɛ̃ a lɛ ʋ na tɩɛr k'ʋʋ na tɩr a a, ʋ ta tɩrɛ nɩ pʋ-sãwna ɩ, ɛ́ a mɩ̀ ta ɩ fɛrʋ ɛ, bʋ̃ʋ n'ʋ vɛ̃, Naaŋmɩn nɔnɛ nɩ a sob nɛ na mɩ́ tɩr a bom nɩ pʋ-pla a.

2 Korɛ̃tɩ 9:7 ပူးပေါင်းရင်းမြစ်များ

1 Bibie za yel-manɩ 29:17

Ɩ̃ Naaŋmɩn i, ɩ̃ bãwnɩ a na, fʋ jɛlɛ nɩ a pʋ-tɩɛr-sɔwlɩ ɛ́ nɔnɛ a soci-dẽdẽ. Mãa a, ɩ̃ nyɛ̃ nɩ ɩ tʋɔra de à á ŋá za kʋ̀ b nɩ soci-dẽdẽ, ɩ̃ɩ nyɛ̃ nɩ a fʋ nɩ-bʋʋrɛ na be a ka a dɩ̃a a, bɛ mɩ̀ nyɛ̃ bɛ tʋɔra de bome kʋ̀ b nɩ nʋ̃ɔ̀.

1 Bibie za yel-manɩ 29:9

A nɩbɛ bɛ ŋa za tɩ tɩr'ɩ a bɛ bʋ̃-tɛrɩ nɩ bɛ pʋɔ za a Sore ƴãw, ɛ́ nʋ̃ɔ̀ kpɩɛr bɛ. Nʋ̃ɔ̀ mɩ̀ tɩ kpɛ n a nãà Daviir yaga za.

Eziptɩ tẽw yib 25:2

«Yel a Ɩsɩrayɛl nɩbɛ kɛ́ bɛ ƴãw bʋ̃-tɩrɩ tɩrʋ be be a ɩ̃ ƴãw. Bɛlɩ dem pʋʋr na pɛlɩ a zie n'a bɛ na mɩ́ de a bʋ̃-tɩrɩ á ŋá.

Eziptɩ tẽw yib 35:5

«Nyɩ ƴãw bʋ̃-tɩrɩ tɩrʋ be be a nyɩ pʋɔ, a Sore ƴãw: bɛlɩ dem za nãà wa tɩrɛ nɩ pʋ-pɩɛlʋ a na wa n nɩ bʋ̃-pɛ-bʋʋrɛ za wa kʋ̀ a Sore: salm-zɩɛ, salm-pla, kur-zɩɛ,

Zʋkpaɩ 11:25

Nɩr na tɩrɛ a mɩ́ páw nɩ bʋ̃-yaga, nɩr na tɩrɛ kʋ̃ɔ bɛ nyúur a mɩ̀ na nyɛ̃ nɩ kʋ̃ɔ nyũ.

Zʋkpaɩ 22:9

Nɩr na tɛr nɩsaalʋ a na nyɛ̃ nɩ maalʋ, bʋ̃ʋ n'ʋ vɛ̃, ʋ mɩ́ ɩ n a ʋ bʋ̃-dɩrɩ kʋ̀ a nã́w sob.

Ɩzayi 32:5

Bɛ kʋ̃ lɛb bʋɔlɩ a gẽgemi sob kɛ́ nɩ-yúor ɛ, nɩ a nɩ-bɛ-tɛr-bir kɛ́ nɩ-sɩza ɩ.

Ɩzayi 32:8

Ɛcɛ a nɩ-yúor a, tɩɛrʋ na tori a tɛwr'a ʋ mɩ́ tɛr, ɩ-ɩrɩ na vɩɛl a tɛwr'a ʋ mɩ́ ɩrɛ.

Nɩ-toni 20:35

Kʋralɛ, ɩ̃ wul nyɩ na kɛ́ nyɩmɛ wa hanɛ à ŋá a, lɛ n'a nyɩ na tʋ̃ɔ́ sõw a bãbàalbɛ, cãà tɩɛrɛ nɩ a ƴɛ̀r-bie á ŋá a Sore Yeezu mɩŋa na tɩ yel a: “A bom tɩrʋ waar'ɩ nɩ nʋ̃ɔ̀ zuo a bom páwfʋ.”»

Ʋrɔm 12:8

Sob nɛ na páw maalʋ a taabɛ kpaalʋ ƴãw a, ʋ kpaalɛ bɛ. Sob nɛ na pone a ʋ bʋ̃-tɛrɩ a, ʋ ta tɩrɛ zʋmnɛ nɩ ɛ. Sob nɛ na tɛr a niw-diere tome a, ʋ ƴãw fãw tone. Sob nɛ na sõwne a bãbàalbɛ a, ʋ sõwne bɛ nɩ pʋ-pɩɛlʋ.

2 Korɛ̃tɩ 8:12

Bʋ̃ʋ n'ʋ vɛ̃, a fʋ tɩɛrʋ wa sɩrɩ vɩɛl a, Naaŋmɩn mɩ́ sàw na de a bʋ̃-kʋ̀ra ɛ́ bɛ sowre bom fʋ na bɛ tɛr a ɩ, a lɛ fʋ na tɛr a n'a ʋ mɩ́ jɩ́rɛ.

Wulu-ayi-sob 15:14

A maalʋ a Sore nyɩ Naaŋmɩn na kʋ̀ nyɩ a, a al pʋɔ n'a nyɩ na ír bome kʋ̀ ʋ: píir nɩ bʋʋr, ble nɩ divɛ̃.

Filemɔ̃ 1:14

Ɛcɛ, ɩ̃ bɛ tɩ bɔbr k'ɩ̃ɩ ɩ bom za a fʋ pùorí ɛ, k'aa yel-vla ŋa ta ɩ mɛ̃ fɛrʋ n'a a fʋ zie ɩ, ɛ́ ɩ fʋ̃ʋ n'ʋ nɔnɛ.

Zakɩ 5:9

Yɛbr i, ŋa ta mɩ́ kone a ʋ tɔ na sãw ʋ a ɩ, k'aa Naaŋmɩn taa wa maalɛ nɩ nyɩ ƴɛ̀rʋ ɛ. Nyɩ nyɛ̃, a ƴɛ̀r-maalɛ n'ɩ ŋan àr a dɩ̃dɛɛ ƴãw.

1 Pɩɛr 4:9

Nyɩ mɩ́ sàw de taa sãanʋ ɛ́ ta 'hũ'hune ɩ.