2 Korɛ̃tɩ 8:9 - A SƐB-SÕW

⁹ Nyɩ bãw nɩ a lɛ a tɩ Sore Yeezu Kɩrɩta na maalɩ tɩ a, ʋl na tɩ kpɛ bom za naalʋ a, ʋ lɩɛb'ɩ nã́w sob a nyɩɩm ƴãw, k'ʋʋ ɩ nyɩ kpɛ naalʋ nɩ a ʋ nã́w.

2 Korɛ̃tɩ 8:9 ပူးပေါင်းရင်းမြစ်များ

Ɩzayi 53:2

A Sore niŋé a, a tõ-tõ-bie tɩ bàa na mɛ̃ vale a, mɛ̃ va-kũule na tɛ̀ nyɩgɛ tẽ-kõw pʋɔ a. A sãáfʋ nɩ a vɩɛlʋ al bʋʋrɛ a nɩbɛ na mɩ́ jɩ́rɛ a, ʋ bɛ tɩ tɛr a ɩ. A ʋ ŋmɛ̃a bɛ tɩ ɩrɛ tɩ nʋ̃ɔ̀ ɛ.

Ɩzayi 62:1

A nɔ̃wfʋ ɩ̃ na nɔnɛ fʋ a ƴãw a, Zerizalɛm i, ɩ̃ bɛ ɩrɛ gbili ɛ. A nɔ̃wfʋ ɩ̃ na nɔnɛ fʋ a ƴãw a, Sɩyɔ̃ i, ɩ̃ bɛ zɩnɛ zoom ɛ, ɛ́ gù a fʋ mɩnʋ tɩ sãá mɛ̃ cãà a, ɛ́ a fʋ faafʋ 'lere mɛ̃ mɔ̃-'lena vũu a.

Ɩzayi 65:8

À ŋá n'a a Sore yere: Bɛlɛ wa nyɛ̃ divɛ̃ tɩ-wɔ̃-cãacul na mʋ̃ɔ̀ vla vla a, a nɩbɛ mɩ́ yere na: «Nyɩ ta sãw ʋ bɛr ɛ, ʋ nãà wa tɩr'ɩ divɛ̃-nʋ̃ɔ̀ nʋ̃ɔ̀.» «À à ŋá mɩ̀ n'a ɩ̃ na ɩ a bɛlɩ dem na tone a ɩ̃ tome a zũú. Ɩ̃ bɛ sãwnɛ a za bɛrɛ ɩ.

Matie 17:27

Ɛcɛ ɩ̃ bɛ bɔbr kɛ́ tɩ sãw a nɩbɛ bɛ ŋa tɩɛrʋ ɛ, lɛ so, siw a manɩ́ tɩ ƴãw a zʋm-pĩi. A zʋm-dãw-niwn sob ʋl a zʋm-pĩi nãà wa nyɔw a, taw ʋ yi n, yuo a ʋ nʋɔr, fʋ na nyɛ̃ nɩ nɩbɛ ayi cɩɛrʋ libir, ír cen nɩ tɩ ya mãa nɩ a fʋ̃ʋ dem.»

Matie 20:28

À ŋá n'a, a Nɩsaal Bie bɛ wa kɛ́ bɛ wa tone kʋ̀rɛ ʋ ɛ, ʋ wa na k'ʋʋ wa tone kʋ̀rɛ a nɩbɛ, ɛ́ de a ʋ nyɔ-vʋʋrʋ tɩr ya de nɩ nɩ-yaga yaga.»

Matie 8:20

A Yeezu tɩ sɔw ʋ na: «A tʋrbaar tɛr'ɩ bɔwrɩ kpɩɛr, ɛ́ a mʋ̃ɔ pʋɔ lili tɛr cowr, ɛcɛ a Nɩsaal Bie ʋl bɛ tɛr zie na mɩ́ gã pɩ̃ɛnɩ ɛ.»

Markɩ 6:3

A dà-fɔwrɛ, a Marya bidɛb, bɛ tʋ̃ɔ́ n'ʋ ɛ? A Zakɩ nɩ Zoze nɩ Zid nɩ Sɩmʋ̃ yɛb ɛ? A ʋ yeepuuli bɛ tʋ̃ɔ́ be a tɩ zie ka ɩ?» A tɩ ɩ na bɛ faa lo a bɛ naaŋmɩn-sàw-deb pʋɔ.

Luka 16:11

Nyɩ bɛ wul'a kɛ́ nyɩ ɩ n nɩ-mɩn a nyãnyu-libie yele pʋɔ ɩ, ɛ́ ãa n'ʋ na sàw de bʋ̃-sɩza kʋ̀ nyɩ nyɩ kaarɛ?

Luka 2:7

A Marya tɩ dɔw nɩ a ʋ pɔwsɩ-bie, dɛble, de pɛnɛ pili nɩ ʋ gaalɩ dʋ̃-laa pʋɔ, bɛ na tɩ bɔ gaa zie gù a sãanbɛ dĩó a ƴãw.

Luka 8:3

Zan, a Kuza na ɩ a Erɔdɩ bʋ̃-kaarɛ a pɔw, Sizan nɩ pɔw-yaga bɛ mɩnɛ na tɩ kaarɛ a Yeezu nɩ a ʋ po-tuurbɛ zie nɩ a bɛ bʋ̃-tɛrɩ a.

Luka 9:58

A Yeezu tɩ yel ʋ na: «A tʋrbaar tɛr'ɩ bɔwrɩ, a mʋ̃ɔ pʋɔ lili tɛr cowr, ɛcɛ a Nɩsaal Bie bɛ tɛr pɩ̃ɛnʋ zie na mɩ́ gã pɩ̃ɛnɩ ɛ.»

Zã 1:10

A Ƴɛ̀rʋ tɩ be n a tẽ-daa zu, ɛ́ ʋlɛ n'ʋ ír a tẽ-daa, ɛ́ a tẽ-daa bɛ wa bãw ʋ ɛ.

Zã 1:14

A Ƴɛ̀rʋ lɩɛb'ɩ nɩsaal, ʋ wa na wa kpɛ a tɩ sɔgɔ, ɛ́ tɩ nyɛ̃ nɩ a ʋ yúor-vɩɛlʋ-danʋ, a Sãà Bi-been yõ yúor-vɩɛlʋ-danʋ na yi a Sãà zie a, ʋ paal'ɩ nɔ̃wfʋ nɩ yel-mɩŋa.

Zã 1:17

Moyiir'ʋ a Naaŋmɩn tɩ dãw tu tɩr a wulu, ɛcɛ a maalʋ nɩ a yel-mɩŋa a, Yeezu Kɩrɩta n'ʋ wa n a.

Zã 12:30

A Yeezu tɩ lɛb'a yel: «Mãa ƴãw bɛ n'a a kɔkɔr ŋa ƴɛ̀r nyɩ wõ ɩ, nyɩɩm ƴãw n'a.

Zã 16:15

A ɩ̃ Sãà bʋ̃-sora za ɩ n a ɩ̃ dem, alɛ n'a so ɩ̃ yel: “Mãa zie n'a a Vʋʋrʋ na mɩ́ de a yele wa yel kʋ̀ nyɩ.”»

Zã 17:19

Ɩ̃ dier'ɩ ɩ̃ tʋɔra kʋ̀rɛ fʋ k'ɩ̃ɩ ɩ sõw a bɛl ƴãw, kɛ̀ bɛ mɩ̀ ɩ son a fʋ ƴãw nɩ yel-mɩŋa.»

Ʋrɔm 11:12

A bɛ sãwna wa ƴãw a tẽ-daa naalʋ a, a bɛ nʋɔr na siwri a wa ƴãw a nɩ-bʋʋr-yoru naalʋ a, ŋmɩŋmɩn n'a a pãa nãà ŋmɛ̃ a lɛn daar bɛ za nãà wa nyɛ̃ a faafʋ a!

Ʋrɔm 15:3

Bʋ̃ʋ n'ʋ vɛ̃, a Kɩrɩta bɛ tɩ bɔbr k'ʋʋ ɩrɛ lɛ na nʋmɛ a ʋ zie a ɩ, ɛcɛ a nɩ̃ɛ na tɩ ɩ mɛ̃ à ŋá a Sɛb-sõw na yere a: «A fʋ zʋm-tʋʋrbɛ zʋmɛ lo n a ɩ̃ zu.»

Ʋrɔm 5:8

Ɛcɛ, a ʋlɩ bom nɛ na wul k'aa Naaŋmɩn nɔnɛ tɩ nɩ yaga za a, ʋlɛ n'ɩ a Kɩrɩta na kpi a tɩ ƴãw, a lɛn daar tɩ na tɩ cãà ɩ yel-bebe dem a.

Ʋrɔm 8:32

Ʋ bɛ jɩɩrɩ a ʋl mɩŋa Bie bɛr ɛ, ʋ nɩ̃ɛ na de ʋ tɩr bɛ kʋ a tɩ za ƴãw: ŋmɩŋmɩn za n'a ʋ kʋ̃ kʋ̀ tɩ bom za zawla lãwnɩ a ʋ Bie?

1 Korɛ̃tɩ 1:4

Ɩ̃ puore nɩ a ɩ̃ Naaŋmɩn yãanɩ kʋralɛ a nyɩ ƴãw, a maalʋ ʋ na kʋ̀ nyɩ a Kɩrɩta Yeezu pʋɔ a ƴãw.

1 Korɛ̃tɩ 15:47

A Nɩsaal-dãw-niwn sob bɛ na maal'ɩ tẽsɔw tanɛ a, ɩ n tẽsɔw bom. A nɩsaal ayi sob ʋl yi n salom zu.

2 Korɛ̃tɩ 6:10

Bɛ ƴãwnɛ tɩ nɩ pʋ-sãwna, ɛ́ nʋ̃ɔ̀ kpɩɛr tɩ bibie za. Tɩ ɩ n nan dem, ɛ́ ɩrɛ nɩ-yaga lɩɛbɛ na-mɩnɛ. Tɩɩm na tɛr bom za a, a sãá na mɛ̃ tɩ bɛ tɛr bom a.

Efɛɛzɩ 2:7

A Naaŋmɩn vɩɛlʋ ɩb ʋ na ɩ a tɩ ƴãw a sãá a Yeezu Kɩrɩta zie a zũú n'a ʋ tɩ bɔbr k'aa yome na tuur taa a pʋɔ, ʋ wul a ʋ maalʋ na bɛrmɛ bɛ tɛr vuo a.

Efɛɛzɩ 3:19

ɛ́ bãw a Kɩrɩta nɔ̃wfʋ na gãw bãwfʋ za a, lɛ n'a a Naaŋmɩn na paalɩ nyɩ ʋ za.

Efɛɛzɩ 3:8

A mãa na ɩ a pʋrɩ woro a kɩrɩta-nɩbɛ za pʋɔ a, mãa n'ʋ a Naaŋmɩn kʋ̀ a maalʋ ŋa, k'ɩ̃ɩ hieri yel a Kɩrɩta Naalʋ na bɛ vʋʋr a Yel-nʋ̃ɔ̀ kʋ̀ a nɩ-bʋʋr-yoru,

Kɔlɔsɩ 1:24

A ƴɛrɛŋa a, ɩ̃ cɩlɛ na ɩ̃ na be a tuo pʋɔ a nyɩɩm ƴãw a. A Kɩrɩta tuo al na cɛ a, ɩ̃ nyɛrɛ a na a mãa mɩŋa ƴã-gan pʋɔ, a Kɩrɩta ƴã-gan na ɩ a Lãw-yir a ƴãw.

1 Timote 6:18

Yel kʋ̀ bɛ kɛ́ bɛ maalɛ a vla, ɛ́ kpɛ ɩ-vɩɛlɩ naalʋ, kɛ́ bɛ sàw tɩrɛ yaga ɛ́ pone a bɛ bome kʋ̀rɛ a bɛ taabɛ.

Ebre 1:2

Ɛcɛ ƴɛrɛŋa a, a yele baarʋ vuo ŋa pʋɔ a, a ʋ Bie n'ʋ ʋ ƴãw ʋ ƴɛ̀r a tɩ zie. Ʋlɛ n'ʋ a Naaŋmɩn ƴãw k'ʋ ír bom za ɛ́ so bom za.

Zakɩ 2:5

Nyɩ bɛrɛ wone, ɩ̃ yɛb-nɔnɩ i: a Naaŋmɩn bɛ tʋ̃ɔ́ kaa ír a bɛlɩ dem na ɩ nan dem a tẽ-daa zie a, ƴãw bɛ kpɛ a ʋ sàw-deb naalʋ, ɛ́ ɩ a ʋ Naalʋ gbã-dɩrbɛ ɩ? A Naalʋ ŋa ʋ na ƴãw nʋɔr k'ʋʋ na kʋ̀ n a bɛlɩ dem na nɔnɛ ʋ a ɩ?

Yel-wula 2:9

ɩ̃ bãw nɩ a fʋ kpɩɛrʋ nɩ a fʋ nã́w, ɛcɛ fʋ nɩ̃ɛ na kpɛ naalʋ! Ɩ̃ bãw nɩ a zʋmɛ a bɛlɩ dem na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a na tʋʋr fʋ a: Sɩtaana lãw nɩbɛ nɛbɛ.

Yel-wula 21:7

A bom ŋa n'ʋ a sob nɛ na zɛb tʋ̃ɔ́ a na páw, ɩ̃ɩ na ɩ n a ʋ Naaŋmɩn, ʋʋ ɩ a ɩ̃ bie.

Yel-wula 3:18

Ɩ̃ wule fʋ nɩ yã a: dà salm-zɩɛ a ɩ̃ zie tʋ̃ɔ́ sɩrɩ kpɛ naalʋ, salm-zɩɛ bɛ na zuw ír a dɛwr bɛr a. Dà kpar-pɛlɛ su pàw fʋ tʋɔra, a fʋ ƴã-gan zawla na ɩrɛ vĩ a ta cãà sãá ɩ. Mɩ̀ dà mimie tɩ̃ɩ sanɩ nɩ a fʋ mimie kɛ́ fʋ tʋ̃ɔ́ nyɛrɛ.