2 Korɛ̃tɩ 8:6 - A SƐB-SÕW

⁶ Alɛ n'a so tɩ zɛlɩ a Títɩ̀ k'ʋʋ sõw a nɔ̃wfʋ ton ŋa tʋ̃ɔ́ tõ vla a nyɩ zie, mɛ̃ a lɛ ʋ na tɩ tĩ ʋ a.

2 Korɛ̃tɩ 8:6 ပူးပေါင်းရင်းမြစ်များ

Nɩ-toni 24:17

«Yome yaga tɩ tɔl'a, ɩ̃ɩ wa lɛb wa a Zerizalɛm nɩ sõwfʋ a ɩ̃ nɩ-bʋʋrɛ ƴãw, nɩ Naaŋmɩn de-kʋ̀b bome.

Ʋrɔm 15:25

Ƴɛrɛŋa a, Zerizalɛm'a ɩ̃ cere a kɩrɩta-nɩbɛ tome ƴãw.

2 Korɛ̃tɩ 12:18

Ɩ̃ zɛlɩ nɩ yãayãa k'aa Títɩ̀ wa a nyɩ zie, ɩ̃ɩ tõ ʋ na ʋlɛ nɩ a yɛb ʋl ƴɛ̀rʋ ɩ̃ na ƴɛ̀r a. A Títɩ̀ nɛb nyɩ na bɩɩ? Yã-been bɛ n'ʋ mãa nɩ a ʋl tɩ tɛr vʋʋr'ɩ a nyɩ zie ɩ? Sɔr-been bɛ n'ʋ tɩ tu ɛ?

2 Korɛ̃tɩ 2:13

a ɩ̃ tɩɛrʋ bɛ tɩ gã zi-been ɛ, ɩ̃ na bɛ tɩ nyɛ̃ a ɩ̃ yɛb Títɩ̀ a zũú. Lɛ so ɩ̃ tɩ bɛr a Tʋrʋwasɩ tẽw dem ɛ́ cen a Masedʋan.

2 Korɛ̃tɩ 8:10

Mãa na nyɛ̃ lɛ a n'a ɩ̃ yere kʋ̀rɛ nyɩ a yel ŋa ƴãw: à ŋá n'a sɛwnɩ nyɩ, nyɩmɛ na nɛbɛ dɩyã de niwn tone a ton ŋa, ɛ́ mɩ̀ tɩ de niwn yel kɛ́ nyɩ na tõ ʋ na a.

2 Korɛ̃tɩ 8:19

Ɛ́ lɛb waar, a Lãw-yie kaa na ír ʋ, k'ʋʋ lãw nɩ tɩ yi lo a sɔ́r a nɔ̃wfʋ ton ŋa pʋɔ, a ton ŋa tɩ na tone a Sore tɔr za yúor-vɩɛlʋ-danʋ ƴãw a, nɩ kɛ́ tɩ wul a tɩ pʋ-tɩɛr-vɩɛlɩ a.

2 Korɛ̃tɩ 8:23

A Títɩ̀ ʋl a, ʋ ɩ n a ɩ̃ tu-ta-tɔ nɩ a ɩ̃ lãw-tõ-tɔ na be a nyɩ zie a. ɛ́ a yɛbr bɛl na bɩɛlɩ ʋ a, a Lãw-yie n'a tõ bɛ, ɛ́ bɛ tone k'aa Kɩrɩta páw yúor-vɩɛlʋ-danʋ.

2 Korɛ̃tɩ 8:4

Bɛ lɔb'ɩ nuru zɛlɩ nɩ tɩ yãayãa, kɛ́ tɩ sàw bɛ pʋɔ sõw kɛ̀ bɛ tɩr bom kʋ̀ a Zude tẽw kɩrɩta-nɩbɛ.

2 Korɛ̃tɩ 9:5

Alɛ so ɩ̃ nyɛ̃ k'aa fɛr'a, k'ɩ̃ɩ zɛlɩ yɛbr bɛ de tɩ niwn a nyɩ zie wa cɔbrɩ a nyɩ sõwfʋ bʋ̃-tɩrɩ, nyɩ na yel kɛ́ nyɩ na tɩr a a. Mãa wa ta a, a na cɔbr'a baarɩ, lɛ n'a a na wul kɛ́ nyɩ tɩrɛ na nɩ pʋ-pla, kɛ́ nyɩ bɛ kpɛ mimir a tɩrʋ ƴãw ɛ.

Filib 4:18

Mɔ̃ mɩ̀, ɩ̃ tɛr'ɩ bom za a na sɛw k'ɩ̃ɩ tɛr a, ɛ́ tɛr dɔwlɩ mɩ̀. Bom bɛ cɛ m ɛ, ɩ̃ na páw a bom ʋl nyɩ na kʋ̀ a Epafoditɩ k'ʋʋ wa kʋ̀ m a. A ɩ na mɛ̃ parfɛ̃ na nyùur vla vla a, ɛ́ ɩ bàwr na nʋmɛ a Naaŋmɩn zie ʋ sàw de a.

1 Pɩɛr 4:10

A Naaŋmɩn maalʋ a nyɩ been been na mɩ́ páw a, ʋ mɩ́ de ʋ tone nɩ a ʋ taabɛ vla ƴãw. Lɛ n'a nyɩ na ɩ nɩbɛ na kaarɛ a Naaŋmɩn maalʋ zie vla a, a Naaŋmɩn maalʋ na ɩ tɛɛtɛɛ a.