2 Korɛ̃tɩ 8:4 - A SƐB-SÕW

⁴ Bɛ lɔb'ɩ nuru zɛlɩ nɩ tɩ yãayãa, kɛ́ tɩ sàw bɛ pʋɔ sõw kɛ̀ bɛ tɩr bom kʋ̀ a Zude tẽw kɩrɩta-nɩbɛ.

2 Korɛ̃tɩ 8:4 ပူးပေါင်းရင်းမြစ်များ

Matie 10:42

Yel-mɩŋa sɩza, ɩ̃ yere na kʋ̀rɛ nyɩ, nɩr na ƴãw a bibi-cãpili bɛ ŋa kãw ʋ nyũ, ŋmale pʋɔ kʋ̃ɔ ɓaarʋ saa n'a a, ʋ na ɩ a ɩ̃ po-tuure a ƴãw a, ʋ kʋ̃ guu a ʋ maalʋ ɛ.»

Matie 12:50

Sob nɛ za na maalɛ a ɩ̃ Sãà na be a tẽ-vla pʋɔ a pʋ-tɩɛrʋ a, ʋlɛ n'ɩ a ɩ̃ yɛb, a ɩ̃ yeepuule nɩ a ɩ̃ mã.»

Matie 25:40

A nãà na sɔw bɛ na: “Yel-mɩŋa sɩza, ɩ̃ yere na kʋ̀rɛ nyɩ, sãw nɛ za nyɩ na ɩ à à ŋá a pʋrmɛ bɛ ŋa kãw zie na ɩ a ɩ̃ yɛbr a, mãa zie n'a nyɩ ɩ a lɛ.”

Markɩ 14:7

Bʋ̃ʋ n'ʋ vɛ̃, nyɩ tɛr'ɩ a nan dem kʋralɛ, ɛ́ lɛn daar za nyɩ nãà mɩ́ wa bɔbr a, nyɩ na mɩ́ maalɩ bɛ na. Ɛcɛ mãa a, ɩ̃ kʋ̃ be a nyɩ zie kʋralɛ ɩ.

Nɩ-toni 11:29

Lɛ n'a a po-tuurbɛ tɩ yel kɛ́ ŋa za na mɩ́ tɩr'ɩ lɛ ʋ na tʋ̃ɔ́ a, ɛ̀ bɛ tɩr sõwfʋ kʋ̀ a yɛbr na kpɩɛr a Zude a.

Nɩ-toni 16:15

Ʋ na wa de a suob, ʋlɛ nɩ a ʋ yir dem za a, ʋ bʋɔlɩ tɩ na yere nɩ: «Nyɩ na tɩɛr bãw k'ɩ̃ɩ sàw na de a Sore a, nyɩ wa kpɩɛr a ɩ̃ yir.» Ɛ́ tɩ fɛr tɩ ƴãw tɩ sàw a ʋ bʋɔlʋ.

Nɩ-toni 24:17

«Yome yaga tɩ tɔl'a, ɩ̃ɩ wa lɛb wa a Zerizalɛm nɩ sõwfʋ a ɩ̃ nɩ-bʋʋrɛ ƴãw, nɩ Naaŋmɩn de-kʋ̀b bome.

Ʋrɔm 15:31

Nyɩ puore k'ɩ̃ɩ taa lore a Zude tẽw nɩbɛ bɛl na bɛ sàw de a nuru pʋɔ ɩ, ɛ́ a sõwfʋ ɩ̃ na cere nɩ a, a kɩrɩta-nɩbɛ sàw de ʋ vla.

1 Korɛ̃tɩ 16:1

A cɩɛrʋ nyɩ na cɩɛrɛ ɓanɛ taa a kɩrɩta-nɩbɛ ƴãw a, nyɩ mɩ̀ tuur a lɛ ɩ̃ na wul a Galasi Lãw-yie a.

1 Korɛ̃tɩ 16:15

Yɛbr i, ɩ̃ kpaalɛ nyɩ na: nyɩ bãwnɩ a na k'aa Sɩtefanasɩ nɩ a ʋ yir dem nɛbɛ de niwn lɩɛbɩ a kɩrɩta-nɩbɛ a Akayi ɛ́ sàw tõ a lãw tome.

2 Korɛ̃tɩ 9:1

A sõwfʋ nyɩ na tɛr a Zude tẽw kɩrɩta-nɩbɛ ƴãw a, a bɛ tɛr k'ɩ̃ɩ sɛb nyɩ ɛ.

Galasi 2:10

A bɛ zɛlʋ tɛwr tɩ n'ɩ kɛ́ tɩ tɛr a Zerizalɛm Lãw-yir nan dem tɩɛrʋ, ɛ́ lɛn tɔr za n'a ɩ̃ ƴãw fãw ɩ.

Galasi 6:10

A na ɩ à ŋá vuo cãà be a yaa, nyɩ ɩ tɩ ɩrɛ vla a nɩbɛ za zie, ɛ́ baa zuo a za a bɛl na ɩ a tɩ yɛbr a sàw-deb pʋɔ a zie.

1 Timote 5:10

A fɛr'a kɛ́ bɛ bãw ʋ a ʋ ɩ-vɩɛlɩ zũú: ʋ na guoli bibiir a, ʋ na kaa sãanbɛ zie a, ʋ na pɛ́w a kɩrɩta-nɩbɛ gbɛ́ɛ a, ʋ na mɔwlɩ a bɛlɩ dem na be kpɩɛrʋ pʋɔ a, ʋ na ƴãw fãw tu ɩ-vɩɛlɩ za pùor a.

Ebre 6:10

Naaŋmɩn ɩ n nɩ-mɩŋa, ʋ kʋ̃ yiiri a nyɩ tome bɛr ɛ, nɩ a ʋ nɔ̃wfʋ nyɩ na wul ʋ sãá, nyɩ na tɩ dãw kaa kɩrɩta-nɩbɛ zie ɛ́ cãà kaarɛ a bɛ zie a ƴɛrɛŋa a.