2 Korɛ̃tɩ 8:3 - A SƐB-SÕW

³ Ɩ̃ dɩ n a bɛ dãsɩɛ, bɛ tɩr'a mɛ̃ a lɛ bɛ na tʋ̃ɔ́ a, ɛ́ tɩr gãw lɛ mɔ̃ mɩ̀, ɛ́ nyɛ̃ bɛ tʋɔra tɩr.

2 Korɛ̃tɩ 8:3 ပူးပေါင်းရင်းမြစ်များ

1 Bibie za yel-manɩ 29:9

A nɩbɛ bɛ ŋa za tɩ tɩr'ɩ a bɛ bʋ̃-tɛrɩ nɩ bɛ pʋɔ za a Sore ƴãw, ɛ́ nʋ̃ɔ̀ kpɩɛr bɛ. Nʋ̃ɔ̀ mɩ̀ tɩ kpɛ n a nãà Daviir yaga za.

Sɛb-sõw yielu 110:3

A bibir ʋl fʋ na mɩ́ bʋɔlɛ a fʋ zɛbr-nɩbɛ ɓanɛ taa a, a fʋ nɩbɛ mɩ́ waar'a, tʋlɛ bɛ za. A pɔlbili mɩ́ waar'ɩ a fʋ zie a tan-son zu, ɩ mɛ̃ a ɓɩɛlʋ a biɓaara a.

Eziptɩ tẽw yib 35:29

A Ɩsɩrayɛl nɩbɛ bɛl za pʋʋr na pɛlɩ a, a dɛbr nɩ pɔwbɛ tɩ wa n nɩ a bɛ bʋ̃-tɩrɩ bɛ na nɔnɛ tɩrɛ a Sore ƴãw a, a tome a Sore na tɩ yel k'aa Moyiir tõ a tob ƴãw.

Eziptɩ tẽw yib 35:5

«Nyɩ ƴãw bʋ̃-tɩrɩ tɩrʋ be be a nyɩ pʋɔ, a Sore ƴãw: bɛlɩ dem za nãà wa tɩrɛ nɩ pʋ-pɩɛlʋ a na wa n nɩ bʋ̃-pɛ-bʋʋrɛ za wa kʋ̀ a Sore: salm-zɩɛ, salm-pla, kur-zɩɛ,

Markɩ 14:8

A pɔw ŋa ɩ n a lɛ ʋ na tʋ̃ɔ́ a, ʋ de nɩ niwn zɛ a ɩ̃ ƴã-gan a kãá a ũufʋ ƴãw.

Nɩ-toni 11:29

Lɛ n'a a po-tuurbɛ tɩ yel kɛ́ ŋa za na mɩ́ tɩr'ɩ lɛ ʋ na tʋ̃ɔ́ a, ɛ̀ bɛ tɩr sõwfʋ kʋ̀ a yɛbr na kpɩɛr a Zude a.

Ʋrɔm 10:2

Sɩza n'a, ɩ̃ na tʋ̃ɔ́ na dɩ a bɛ dãsɩɛ bɛ na tʋlɛ a Naaŋmɩn yele pùor-tub ƴãw a, ɛcɛ a tʋlʋ ŋa bɛ na tʋlɛ a bɛ tu Naaŋmɩn bãwfʋ sɩza ɩ.

1 Korɛ̃tɩ 16:2

Kɔsɩɛra bibir za, bom nɛ ŋa za na tʋ̃ɔ́ páw a ʋ yir bɛr a, ʋ mɩ́ taw ʋ bin kõkowrí, kɛ̀ bɛ ta gùre k'ɩ̃ɩ wa wa bɛ pãa cɩɛrɛ ɩ.

1 Korɛ̃tɩ 9:17

Mãa mɩŋa tɩ n'ʋ nɔnɛ tone a ton ŋa a, ɩ̃ tɩ tɛr'ɩ sɔ́r nãá páwr sã-ya. Ɛcɛ ʋlɛ wa ɩ fɛrʋ ton a, ʋ ɩ n ton bɛ kʋ̀ m.

Galasi 4:15

A nʋ̃ɔ̀ na tɩ dãw ɩrɛ nyɩ a, nyɩnɛ n'a ʋ cen mɔ̃? Bʋ̃ʋ n'ʋ vɛ̃, ɩ̃ dɩrɛ nɩ a dãsɩɛ ŋa a nyɩ ƴãw: nyɩmɛ tɩ tʋ̃ɔ́ a, nyɩ nãá 'lowr'ɩ a nyɩ mimie ƴãw mɛ̃.

Filib 2:13

Bʋ̃ʋ n'ʋ vɛ̃, Naaŋmɩn be n a nyɩ sɔgɔ tone, ʋlɛ n'ʋ mɩ́ ƴãw nyɩ bɔbr ɛ́ maalɛ bom nɛ na tu a ʋ pʋ-tɩɛrʋ a.

Kɔlɔsɩ 4:13

Ɩ̃ dɩrɛ nɩ a ʋ dãsɩɛ ʋ na wone tuo a nyɩ ƴãw bɛ dɩ vuo a, nɩ a Lawdise dem nɩ a Ierapolisi dem ƴãw a.

1 Tesalonikɩ 2:8

Tɩ na tɩ nɔnɛ nyɩ yaga za a n'a so, tɩ bɛ tɩ bɔbr kɛ́ tɩ manɩ a Naaŋmɩn Yel-nʋ̃ɔ̀ tɛwr kʋ̀ nyɩ ɛ, tɩ mɩ̀ tɩ bɔbr'a kɛ́ tɩ nãá lãw de nɩ tɩ tʋɔra za kʋ̀ nyɩ, nyɩ na lɩɛbɩ tɩ nɩ-nɔnɩ za a ƴãw.

Filemɔ̃ 1:14

Ɛcɛ, ɩ̃ bɛ tɩ bɔbr k'ɩ̃ɩ ɩ bom za a fʋ pùorí ɛ, k'aa yel-vla ŋa ta ɩ mɛ̃ fɛrʋ n'a a fʋ zie ɩ, ɛ́ ɩ fʋ̃ʋ n'ʋ nɔnɛ.

1 Pɩɛr 4:11

Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.

1 Pɩɛr 5:2

nyɩ cɩ̃ɩnɛ a píir a Naaŋmɩn na kʋ̀ nyɩ a. Nyɩ kaarɛ a zie vla, ɛcɛ a ta ɩ mɛ̃ fɛrʋ n'a ɩ, ɛ́ ɩ nyɩ na nɔnɛ a, mɛ̃ a lɛ a Naaŋmɩn na bɔbr a. A mɩ̀ ta ɩ sã-ya nɔ̃wfʋ zũú ɛ, ɛ́ ɩ tome nyɩ na nɔnɛ a zũú.