2 Korɛ̃tɩ 8:21 - A SƐB-SÕW

²¹ Tɩ bɛ bɔbr a vla maalʋ Sore yõ zie ɩ, tɩ mɩ̀ bɔbr'ɩ a lɛ a nɩsaalbɛ zie.

2 Korɛ̃tɩ 8:21 ပူးပေါင်းရင်းမြစ်များ

1 Na-mɩnɛ 18:34

Al pùorí ʋ yel a bɛlɩ dem na tɩ be a be a: «Nyɩ 'wɔ̃w kʋ̃ɔ paalɩ yee anaar cir ƴãw a nɛn nɩ a dàar zu.» Ɛ̀ bɛ ɩ a lɛ. A Eli lɛb yel: «Nyɩ lɛb ɩ a gb'a ayi sob!» Bɛ ɩ. Ʋ lɛb yel: «Nyɩ ɩ a gb'a ata sob!» Bɛ ɩ.

Zʋkpaɩ 3:4

Lɛ n'a a Naaŋmɩn nɩ a nɩsaalbɛ na nɔnɛ fʋ, ɛ́ fʋ ɩ nɩr.

Matie 23:5

A bɛ ɩb za a, bɛ mɩ́ ɩrɛ na k'aa nɩsaalbɛ nyɛ̃ bɛ. Lɛ n'a, a Naaŋmɩn wulu bãwfʋ bɛ na mɩ́ ƴãw a gbẽé nɩ a kpãkpamɛ ƴãw a, bɛ mɩ́ ɩ a yɛlmɛ, ɛ́ ɩ a kparɩ zʋɔrɛ a wõwme.

Matie 5:16

Lɛ mɩ̀ n'a, a nyɩ cãà, ʋ caalɛ a nɩsaalbɛ, kɛ̀ bɛ tʋ̃ɔ́ nyɛrɛ a nyɩ ɩ-vɩɛlɩ ɛ́ íre a nyɩ Sãà na be a tẽ-vla pʋɔ a yúor-vɩɛlʋ-danʋ.»

Matie 6:1

«Nyɩ gùre nyɩ tʋɔra vla, taa wa tuur a nyɩ puoru yel-bɛrɛ kɛ́ a sãá a nɩbɛ nyɛ̃ nyɩ ɛ, alɛ bɛ ɩ lɛ, nyɩ kʋ̃ páw maalʋ a nyɩ Sãà na be a tẽ-vla pʋɔ a zie ɩ.

Matie 6:4

À ŋá n'a a fʋ nɩ-kɔmɛ sõwfʋ na sɔwlɩ, ɛ́ a fʋ Sãà Naaŋmɩn na mɩ́ nyɛ̃ bom za na sɔwlɩ a, na maalɩ fʋ na.»

Ʋrɔm 12:17

Nyɩ ta yarɛ nɩr kãw za yel-faa san ɛ. Nyɩ ƴãw fãw ɩrɛ a vla a nɩsaalbɛ za niŋé.

Ʋrɔm 14:18

Ʋlɩ sob na tone a Kɩrɩta à ŋá a, ʋ mɩ́ pɛlɩ nɩ a Naaŋmɩn pʋɔ ɛ́ a nɩsaalbɛ de a ʋ yele.

2 Korɛ̃tɩ 2:17

Tɩɩm bɛ ŋmɛ̃ mɛ̃ a nɩbɛ yaga zie na de a Naaŋmɩn ƴɛ̀rʋ ʋ ɩ yɛ̀rʋ́ bom a ɩ. Tɩɩm a, a Naaŋmɩn n'ʋ tõ tɩ, tɩ ƴɛ̀rɛ a ʋ ƴɛ̀rʋ nɩ yel-mɩŋa a ʋ niŋé, lãwnɩ a Kɩrɩta.

2 Korɛ̃tɩ 8:20

Tɩ bɛ bɔbr kɛ́ nɩr kãw za wa yere tɩ, kɛ́ tɩ bɛ maal tɛr a libi-yaga á ŋá bɛ na kʋ̀ tɩ a ɩ.

2 Korɛ̃tɩ 8:22

Tɩ tone nɩ a tɩ yɛb lãwnɩ bɛ. Gb'a a ŋmɩn za, tɩ ɩ ʋ na kaa, ʋʋ wul ʋ na tʋlɛ a tome ƴãw a. Ƴɛrɛŋa a, ʋ tʋlɛ nɩ a tome ƴãw zuo lɛ, ʋ na de a nyɩ yele yaga za a ƴãw.

Filib 4:8

Alɛ saa ŋmɛ̃ ŋmɩŋmɩn za a, yɛbr i, bom za na ɩ sɩza ɛ́ sɛw taa nɩ a, bom za na tu yel-mɩŋa ɛ́ bɛ tɛr dɛwr a, bom za na sɛw nɩ nɔ̃wfʋ nɩ ƴãwfʋ a, bom nɛ za bɛ na bʋɔlɛ ɩ-vɩɛlɩ-ɩb ʋʋ maal'ɩ danʋ a, nyɩ tɛr a al za tɩɛrʋ.

1 Tesalonikɩ 5:22

ɛ́ gùre nyɩ tʋɔra vla yel-faa bʋʋrɛ kãw za ƴãw.

1 Timote 3:7

Ɛ́ lɛb waar mɩ̀, a fɛr'a kɛ́ a yẽw dem dɩrɛ dãsɩ-vla a ʋ ƴãw, lɛ n'a a nɩbɛ kʋ̃ ɩrɛ ʋ laar ɛ, ʋʋ kʋ̃ kpɛ a Gɛgɛra bɛrɩ pʋɔ ɩ.

1 Timote 5:14

A na ɩ à ŋá a, ɩ̃ bɔbr'a kɛ́ a pɔw-kɔ-pɔ́lɛ́ mɩ́ lɛb kul sɩrbɛ dɔw bibiir, kɛ́ bɛ kaarɛ a bɛ yir zie, a tɩ dɔ̃ dem ta tʋ̃ɔ́ nyɛ̃ yel-faa kãw za yel ɛ.

1 Pɩɛr 2:12

Nyɩ cere dẽdẽ a nɩ-bʋʋr-yoru sɔgɔ, lɛ n'a a bom ʋl ƴãw bɛ na yere kɛ́ nyɩ ɩ n nɩ-faar a, a nyɩ ɩ-vɩɛlɩ na caalɩ bɛ, bɛ danɛ a Naaŋmɩn a ʋ waa bibir.

Urutɩ 3:14

Lɛ n'a ʋ tɩ gã a ʋ gbɛ́ɛ ƴãw tɩ ta a biɓaara. Ɛcɛ, a lɛn daar fʋ na kʋ̃ tʋ̃ɔ́ nyɛ̃ nɩr bãw a, a lɛn daar a, ʋ ìr. Bʋ̃ʋ n'ʋ vɛ̃, a Bowaazʋ bɛ tɩ bɔbr kɛ́ bɛ bãwnɩ a a Urutɩ na wa a ɔɔzʋ vab gbãgbala pʋɔ a ɩ.