2 Korɛ̃tɩ 7:8 - A SƐB-SÕW

⁸ A sɛb-tʋɔla ɩ̃ na sɛb nyɩ a wa ƴãw nyɩ pʋ-sãwna a, ɩ̃ bɛ yere k'ɩ̃ɩ nãá bãw kɛ́ lɛ ɩ. Ɩ̃ na wa nyɛ̃ ʋ ƴãw nyɩ pʋ-sãwna blãlɛ tɛwr ƴãw a, ɩ̃ yel'a kɛ́ mãa tɩ bãw kɛ́ lɛ.

2 Korɛ̃tɩ 7:8 ပူးပေါင်းရင်းမြစ်များ

A Lãw-mʋɔlɛ 3:32

Ʋlɛ saa mɩ́ dɔwrɩ a nɩr a, ʋ mɩ́ cãà na ɩ nɔ̃wfʋ tɛwr, bʋ̃ʋ n'ʋ vɛ̃, a ʋ nɔ̃wfʋ ɩ n kpɛ̃ɛ.

Zã 16:6

Ɛcɛ ɩ̃ na yel à á ŋá kʋ̀ nyɩ a n'a so pʋ-sãwna tɛr nyɩ yaga za.

Zã 21:17

Ʋ tɩ lɛb'a yel a gb'a ata sob ƴãw: «Sɩmʋ̃, Zã bidɛb i, fʋ nɔnɛ mɛ̃ na a?» Pʋ-sãwna tɩ tɛr'ɩ a Pɩɛr, a Yeezu na tɩ sowr'ʋ a gb'a ata sob ƴãw: «Fʋ nɔnɛ mɛ̃ na a?» Ʋʋ tɩ sɔw na: «Sore e, fʋ bãw nɩ bom za, fʋ bãwnɩ a na ɩ̃ na nɔnɛ fʋ a.» A Yeezu yel ʋ: «Cɩ̃ɩnɛ a ɩ̃ píir.

2 Korɛ̃tɩ 7:11

Nyɩ nyɛ̃ bom nɛ a pʋ-sãwna na tu a Naaŋmɩn a na ƴãw nyɩ ɩ a: ʋ ƴãw na nyɩ tʋlɛ, ɛ́ zɛlɛ a nyɩ sãwna suur. Bʋ̃ʋ suur nɩ bʋ̃ʋ dɛ̃bɩ̃ɛ n'a ʋ bɛ ƴãw nyɩ! Ʋ ƴãw na nyɩ bɔbr kɛ́ nyɩ nãá lɛb nyɛ̃ m, nyɩ tʋlɛ a yel-fa-maalɛ kpãàfʋ ƴãw. Nyɩ ɩ n bom za wul kɛ́ nyɩ bɛ tɛr sãwna a yel ŋa pʋɔ ɩ.

2 Korɛ̃tɩ 7:12

A na ɩ à ŋá a, a sɛb-tʋɔla ɩ̃ na sɛb nyɩ a bɛ ɩ a yel-fa-maalɛ ƴãw ɛ, bɛ lɛb ɩ a ʋlɩ sob nɛ ʋ na sãw a ƴãw ɛ. Ɩ̃ tɩ bɔbr'a, a Naaŋmɩn niŋé, kɛ́ nyɩ nyɛ̃ a lɛ nyɩ na sɩrɩ tʋlɛ a tɩ ƴãw a.

2 Korɛ̃tɩ 7:6

Ɛcɛ Naaŋmɩn na mɔwlɛ a bɛlɩ dem na mɩ́ siwre bɛ tʋɔra a, ʋ mɔwlɩ tɩ nɩ a Títɩ̀ waa pʋɔ.

2 Korɛ̃tɩ 7:7

Ɛcɛ a ʋ waa pʋɔ tɛwr bɛ n'a tɩ nyɛ̃ a mɔwlʋ ɛ, tɩ mɩ̀ nyɛ̃ nɩ mɔwlʋ, a mɔwlʋ a Títɩ̀ mɩŋa na páw a nyɩ zie a pʋɔ. Ʋ manɩ na kʋ̀ m kɛ́ nyɩ bɔbr'ɩ tuotuo kɛ́ nyɩ nãá lɛb nyɛ̃ m, ɛ́ manɩ a nyɩ pʋ-sãwna lãwnɩ a lɛ nyɩ na tʋlɛ a ɩ̃ ƴãw a. Alɛ n'a so nʋ̃ɔ̀ lɛb bãw kpɩɛr mɛ̃ yaga za.

2 Korɛ̃tɩ 7:9

Ɛcɛ ƴɛrɛŋa a, ɩ̃ cɩlɛ na, ɛ́ a bɛ kaar mɛ̃ a nyɩ pʋ-sãwna ƴãw n'a ɩ̃ cɩlɛ ɩ, ɩ̃ cɩlɛ na a pʋ-sãwna ŋa na ɩ nyɩ lɩɛbɩ a nyɩ ɩb a ƴãw. Bʋ̃ʋ n'ʋ vɛ̃, a pʋ-sãwna ŋa tu n a lɛ a Naaŋmɩn na bɔbr a. Lɛ so, tɩ bɛ sãw nyɩ bom za ƴãw ɛ.

Yel-wula 3:19

Bɛlɩ dem za ɩ̃ na nɔnɛ a, ɩ̃ mɩ́ wule bɛ nɩ a bɛ sãwna ɛ́ kpãànɛ bɛ. A na ɩ lɛ a, tʋlɛ ɛ́ lɩɛbɩ a fʋ ɩb.