2 Korɛ̃tɩ 7:4 - A SƐB-SÕW

⁴ Ɩ̃ bɛr'ɩ tɩɛrʋ yaga za a nyɩ ƴãw, ɛ́ nyʋʋr yaga za a nyɩ ƴãw. A tɩ kpɩɛrʋ za pʋɔ a, ɩ̃ nyɛ̃ nɩ mɔwlʋ yaga ɛ́ nʋ̃ɔ̀ kpɛ m bɛ dɩ vuo ɩ.

2 Korɛ̃tɩ 7:4 ပူးပေါင်းရင်းမြစ်များ

Nɩ-toni 5:41

A nɩ-toni tɩ lɛb'a yi a ƴɛ̀rʋ-dɩb-lãw zie, ɛ́ nʋ̃ɔ̀ ɩrɛ bɛ yaga, a Naaŋmɩn na tɩ nyɛ̃ bɛ, bɛ sɛwnɩ zʋmɛ a Yeezu yúor ƴãw a.

Ʋrɔm 5:3

Ɛ́ a za cãà bɛ n'a ɩ, nʋ̃ɔ̀ ɩrɛ tɩ nɩ a tɩ kpɩɛrʋ tɛɛ za ƴãw, tɩ na bãw k'aa kpɩɛrʋ waar'ɩ nɩ a kanyir a,

1 Korɛ̃tɩ 1:4

Ɩ̃ puore nɩ a ɩ̃ Naaŋmɩn yãanɩ kʋralɛ a nyɩ ƴãw, a maalʋ ʋ na kʋ̀ nyɩ a Kɩrɩta Yeezu pʋɔ a ƴãw.

2 Korɛ̃tɩ 1:14

ʋl nyɩ na bãw cɛ ŋmãa a ƴɛrɛŋa a: a tɩ Sore Yeezu waa bibir a, tɩ na ɩ n a nyɩ dɛpaal-bom, mɛ̃ a lɛ nyɩ na ɩ a tɩ dɛpaal-bom a.

2 Korɛ̃tɩ 1:4

Ʋ mɩ́ mɔwlɛ tɩ nɩ a tɩ kpɩɛrʋ za pʋɔ, kɛ́ tɩ mɩ̀ tʋ̃ɔ́ mɔwlɛ a bɛlɩ dem za na be kpɩɛrʋ pʋɔ a, a mɔwlʋ a tɩɩm mɩŋa na páwr a Naaŋmɩn zie a ƴãw.

2 Korɛ̃tɩ 10:8

Bʋ̃ʋ n'ʋ vɛ̃, vĩ bɛ ɩrɛ mɛ̃ mãa saa pɔrɛ nɩ a fãw a Sore na kʋ̀ tɩ a ɩ, ʋ kʋ̀ tɩ nɩ a fãw ŋa a nyɩ vla ƴãw, a nyɩ loba ƴãw bɛ n'a ɩ.

2 Korɛ̃tɩ 11:21

Vĩ ɩrɛ mɛ̃ nɩ a yelu ƴãw: tɩ wul'a kɛ́ tɩ maal'a ɩ bãbàalbɛ tɩ zuo! Ɩ̃ ƴɛ̀rɛ na mɛ̃ yãyaar sob a, a bom nɛ ƴãw a nɩbɛ na zɛwr bɛ tʋɔra a, mãa mɩ̀ na tʋ̃ɔ́ na zɛw ɩ̃ tʋɔra.

2 Korɛ̃tɩ 2:14

Naaŋmɩn so yãanɩ! A Kɩrɩta ƴãw a, ʋ mɩ́ ƴãw na tɩ pʋɔ a ʋ zɛb-tʋ̃ɔ́fʋ nɩbɛ pʋɔ kʋralɛ, ɛ́ a tɩɩm zũú, ʋ ɩ bɛ bãw a Kɩrɩta ziir za mɛ̃ parfɛ̃ a nyũu na yi pàw a ziir za a.

2 Korɛ̃tɩ 3:12

A yel ŋa ƴãw tɩ na ƴãw a tɩ tɩɛrʋ a n'a so, tɩ ɓãá ƴãw bɛr dɛ̃bɩ̃ɛ.

2 Korɛ̃tɩ 7:14

Bʋ̃ʋ n'ʋ vɛ̃, vĩ bɛ ɩrɛ mɛ̃ ɩ̃ na nyʋʋr a nyɩ ƴãw a ʋ zie a ɩ. Ɛcɛ mɛ̃ a lɛ tɩ na mɩ́ yel a yel-mɩŋa kʋralɛ a, lɛ n'a a nyʋʋr tɩ na nyʋʋr a nyɩ ƴãw a Títɩ̀ zie a, wa ɩ sɩza.

2 Korɛ̃tɩ 8:24

A na ɩ à ŋá a, nyɩ wul bɛ kɛ́ nyɩ nɔnɛ bɛ nɩ yel-mɩŋa, nɩ kɛ́ nyɩmɛ nɛbɛ ɩ a tɩ nyʋʋr bom a bɛ zie a Lãw-yie niŋé.

Filib 1:14

A ɩ̃ gaso pʋɔ pàwfʋ ɩ na yɛbr yaga zie ɓãá ƴãw bɛr tɩɛrʋ a Sore ƴãw, bɛ lɛb bãw ƴãw fãw bɛr dɛ̃bɩ̃ɛ za ɛ́ hiere a Naaŋmɩn ƴɛ̀rʋ.

Filib 1:20

Mɛ̃ a lɛ ɩ̃ na tɩɛrɛ kpɛ̃w za gùre nɩ a, ɩ̃ kʋ̃ nyɛ̃ vĩ towtow ɛ. Ɩ̃ bãwnɩ a na bɛ bʋ́nɛ zaa pʋrɩ mɩ̀ ɛ, a ƴɛrɛŋa nɩ kʋralɛ, a Kɩrɩta na nyɛ̃ nɩ danʋ a ɩ̃ nɩr ɩb za pʋɔ, alɛ saa ɩ a ɩ̃ cãafʋ pʋɔ n'a, bɩɩ a ɩ̃ kũu pʋɔ n'a a.

Filib 1:26

Lɛ n'a mãa wa lɛb wa be a nyɩ zie a, a danʋ nyɩ na tɛr lãwnɩ a Kɩrɩta a, na kɛrɛ a mãa ƴãw.

Filib 2:17

Ɛ́ alɛ mɩ̀ saa na fɛr a ɩ̃ zɩ̃ɩ cir mɛ̃ de-kʋ̀b-bom, ƴãw pʋɔ a bàwr a nyɩ naaŋmɩn-sàw-deb na maalɛ kʋ̀rɛ a Naaŋmɩn a ƴãw a, ɩ̃ cɩlɛ na, ɛ́ cɩlɛ lãwnɩ a nyɩ za.

Kɔlɔsɩ 1:24

A ƴɛrɛŋa a, ɩ̃ cɩlɛ na ɩ̃ na be a tuo pʋɔ a nyɩɩm ƴãw a. A Kɩrɩta tuo al na cɛ a, ɩ̃ nyɛrɛ a na a mãa mɩŋa ƴã-gan pʋɔ, a Kɩrɩta ƴã-gan na ɩ a Lãw-yir a ƴãw.

1 Tesalonikɩ 2:19

Bʋ̃ʋ n'ʋ vɛ̃, a nyɩɩm a, nyɩmɛ nɛbɛ ɩ a tɩ tɩɛrʋ, a tɩ nʋ̃ɔ̀, nɩ a tɩ zɛb-tʋ̃ɔ́fʋ bãwfʋ, na na ɩ a tɩ pɔ̀lʋ bom a tɩ Sore Yeezu Kɩrɩta niŋé a ʋ lɛb-waa daar a. Nyɩmɛ nɛbɛ, nɩ-yũo kãw za bɛ n'ʋ ɛ.

1 Tesalonikɩ 2:2

Nyɩ mɩ̀ bãwnɩ a na a daar yɩ̃ɛ ŋa bɛ na tʋ tɩ ɛ́ dɔwrɩ tɩ a Filib tẽw a. Ɛcɛ Naaŋmɩn tɩ kʋ̀ tɩ nɩ fãw tɩ manɩ a ʋ Yel-nʋ̃ɔ̀ kʋ̀ nyɩ, a na saa tɩ ɩ mɔb yaga a.

2 Tesalonikɩ 1:4

Lɛ so tɩ mɩ́ nyʋʋr a nyɩ ƴãw a Naaŋmɩn Lãw-yie sɔgɔ, nyɩ na mɩ́ dɩ kanyir ɛ́ tɛr a naaŋmɩn-sàw-deb, a nyɩ dɔwrʋ za, nɩ a nyɩ kpɩɛrʋ za nyɩ na nyɛrɛ a ƴãw a.

Filemɔ̃ 1:7

Yɛb i, a fʋ nɔ̃wfʋ kʋ̀ m'ɩ nʋ̃ɔ̀ yaga nɩ mɔwlʋ, bʋ̃ʋ n'ʋ vɛ̃, a fʋ nɔ̃wfʋ sɩrɩ na ɩ a kɩrɩta-nɩbɛ socie a lɛb kpɛmɛ.

Zakɩ 1:2

Ɩ̃ yɛbr i, a lɛn daar nyɩ na mɩ́ be a kpɩɛrʋ bʋʋrɛ za pʋɔ a, nyɩ mɩ́ tɩɛrɛ kɛ́ nyɩ tɛr'ɩ zu-nʋ̃ɔ̀ yaga.