2 Korɛ̃tɩ 7:10 - A SƐB-SÕW

¹⁰ A pʋ-sãwna na tu a Naaŋmɩn pʋ-tɩɛrʋ a waar'ɩ nɩ ɩb-lɩɛbʋ na tɩrɛ faafʋ a, ɛ́ nãá-bãw-kɛ́-lɛ kãw za bɛ ka ʋ pʋɔ ɩ. Ɛcɛ a pʋ-sãwna na tu a tẽ-daa ŋa a waar'ɩ nɩ kũu.

2 Korɛ̃tɩ 7:10 ပူးပေါင်းရင်းမြစ်များ

Yele-za-pɛr-tib 30:1

A Arasɛl na tɩ nyɛ̃ ʋ bɛ dɔwr bibiir kʋ̀rɛ a Zakɔb a, ʋ nyuur'ɩ nɩ a ʋ yɛb. Ʋ tɩ yel'ɩ a Zakɔb: «Kʋ̀ m bibiir, alɛ bɛ ɩ lɛ ɩ̃ kpiir a!»

2 Samɩɛl 12:13

Lɛ n'a a Daviir tɩ yel a Natan: «Ɩ̃ maal'ɩ yel-bier sãw a Sore.» A Natan tɩ sɔw nɩ a Daviir à ŋá: «A Sore mɩ̀ dɩ n a fʋ yel-bier suur kʋ b, fʋ kʋ̃ kpi ɛ.

2 Samɩɛl 13:4

A Yonadavʋ tɩ sowr'ɩ a Amɩnɔ̃: «Nãà bie e, bʋ̃ʋ so biɓaara za fʋ mɩ́ sãá nɩr na bàl ʋ za a? Fʋ kʋ̃ tʋ̃ɔ́ yel kʋ̀ m ɛ?» A Amɩnɔ̃ sɔw: «A ɩ̃ yɛb, Abɩsalɔm yeepuule Tamaar'ʋ so, ɩ̃ nɔnɛ ʋ na.»

2 Samɩɛl 17:23

A Ahitofɛl na wa nyɛ̃ bɛ bɛ tu a ʋ yã ʋ na wul a, ʋ tɩ ƴãw nɩ a ʋ bõw a kɔw, yi lo n a sɔ́r kul'ɩ a ʋ tẽw. Ʋ tɩ tɩr'ɩ nɛ́ɛ kʋ̀ a ʋ yir, ɛ́ cen tɩ yawlɩ ʋ tʋɔra kpi. Bɛ tɩ de ʋ na tɩ ũù a ʋ sãà yaa pʋɔ.

1 Na-mɩnɛ 21:4

A Akab tɩ lɛb'a kul a ʋ yir, a ʋ pʋɔ sãw, ɛ́ suur ɩrɛ ʋ, a sɔwfʋ ŋa a Nabɔtɩ na tɩ sɔw ʋ a ƴãw: «Ɩ̃ bɛ kʋ̀rɛ fʋ a ɩ̃ sãàkʋm-kore tẽsɔw ɛ.» Ʋ tɩ gã nɩ a ʋ gado zu, lɩɛbɩ a niwn cɔw a dacin, ɛ́ bɛ sàw na dɩ ɛ.

Sɛb-sõw yielu 38:18

Mãa n'ɩ ŋan cɛ blã na kaw lo, ɛ́ a 'wɔbrʋ 'wɔbr mɛ̃ kʋralɛ.

Zʋkpaɩ 15:13

Nɩr nʋ̃ɔ̀ na kpɩɛr'a niwn mɩ́ vɩɛl'a, ɛcɛ a pʋ-sãwna waar'ɩ nɩ a suur na bɛ nʋmɛ a.

Zʋkpaɩ 15:15

A nã́w sob bibie za kpɛ n faar. Ɛcɛ nɩr na wone nʋ̃ɔ̀ a zie a, bibir za ɩ n cuw bibir.

Zʋkpaɩ 17:22

A su-nʋ̃ɔ̀ mɩ́ sõw nɩ a sanʋ ƴãw, ɛ́ a pʋ-sãwna siwre a fãw.

Zʋkpaɩ 18:14

A baafʋ tɩ́ɛrʋ n'a mɩ́ sõwne a bàal, ɛcɛ a tɩ́ɛrʋ ŋa wa sãw a, ãa n'ʋ na ɩ ʋ lɛb be be?

Ekilezɩasɩ 7:3

Pʋ-sãwna sa a laarʋ. Bʋ̃ʋ n'ʋ vɛ̃, fʋ na tʋ̃ɔ́ na sãw niwn, ɛ́ a fʋ socir cɩlɛ.

Zeremi 31:9

Bɛ kone na lɔbr'ɩ nɩbaal-nuru tarɛ nɩ, ɩ̃ɩ bɩɛlɛ bɛ. Ɩ̃ na tɛr bɛ na cen nɩ bàrʋ na paalɩ kʋ̃ɔ a zie. Ɩ̃ na tu n bɛ nɩ sɔ́r na man taa ʋ za bɛ kʋ̃ʋ tʋ̃ɔ́ ŋmɛ gbɛ́r lo a. Bʋ̃ʋ n'ʋ vɛ̃, ɩ̃ ɩ n sãà a Ɩsɩrayɛl zie, ɛ́ a Efarayim ɩ a ɩ̃ bidɛb-dãw.»

Ezekɩɛl 7:16

A bɛl na na cãà vʋʋrɛ a na zɔ na kpɛ a tan pʋɔ. Bɛ na kone nɩ a bɛ yel-bebe ƴãw mɛ̃ naŋmamɛ na kone nɩbaal-kon a.

Zonasɩ 3:10

A Naaŋmɩn tɩ nyɛ̃ nɩ a Nɩnɩɩvʋ tẽw dem ɩ-ɩrɩ: ʋ tɩ nyɛ̃ na bɛ na bɛr a bɛ ɩ-faar a. Lɛ n'a ʋ tɩ lɛb bɛr a lɛ ʋ na tɩ tɩ́ɛrɛ k'ʋʋ ɩ a, ɛ́ bɛ dɔwrɩ bɛ nɩ a dɔwrʋ ʋ na tɩ yel k'ʋʋ na dɔwr'ɩ bɛ na a ɩ.

Zonasɩ 3:8

A nɩsaalbɛ nɩ a dʋn, bɛ su vʋɔrɩ kparɩ, bɛ kone kpɛ̃w za cɔwr a Naaŋmɩn, ɛ́ ŋa za mɩ́ lɛb bɛr a ɩ-faar nɩ a po-to-fãw-ɩb al ʋ na ɩ sãw a.

Zonasɩ 4:9

Lɛ n'a a Naaŋmɩn tɩ sowri ʋ: «Fʋ tɛr'ɩ yel-mɩŋa fʋ na nyɛ̃ suur a tɩle ŋa ƴãw a bɩɩ?» A Zonasɩ tɩ sɔw na: «Ʋ̃ʋ, ɩ̃ tɛr'ɩ yel-mɩŋa na nyɛ̃ suur tɩ zɛlɛ nɩ a kũu.»

Matie 26:75

A Pɩɛr tɩ lɛb'a tɩɛrɩ bãwnɩ a ƴɛ̀rʋ ŋa a Yeezu na tɩ ƴɛ̀r kʋ̀ ʋ a: «Nʋra kʋ̃ kõ sɛr ɛ, ɛ́ fʋ ciiri gb'a ata kɛ́ fʋ bɛ bãw mɛ̃ ɩ.» Ʋ tɩ yi na tɩ kõ cir mʋta-zɩ̃ɩ.

Luka 15:10

Ɩ̃ yere na kʋ̀rɛ nyɩ, à ŋá n'a a mɩ́ ɩ nʋ̃ɔ̀ a Naaŋmɩn malkɩ mɩnɛ zie, a yel-bier-maalɛ been yõ na mɩ́ lɩɛbɩ a ʋ ɩb a ƴãw.»

Luka 18:13

Ɛcɛ a zuru-yar-diere ʋl tɩ àr'a zãá, ɛ́ bɛ tɩ sàw na dʋɔ zu ɛ, ɛ́ tɩ lɔbr nɩbaal-nuru yere nɩ: “Naaŋmɩn i, zɔ ɩ̃ nɩbaalʋ, mãa na ɩ yel-bebe sob a.”

Nɩ-toni 11:18

Bɛ na tɩ wõ a ƴɛ̀r-bie á ŋá a, bɛ tɩ lɛb'a nyɔw bɛ tʋɔra ɛ́ danɛ a Naaŋmɩn yere nɩ: «A na ɩ à ŋá a, a Naaŋmɩn mɩ̀ sɩrɩ na kʋ̀ a nɩ-bʋʋr-yoru a fãw kɛ́ bɛ mɩ̀ lɩɛbɩ a bɛ ɩb páw a nyɔ-vʋʋrʋ.»

Nɩ-toni 3:19

A na ɩ à ŋá a, nyɩ lɩɛbɩ a nyɩ ɩb ɛ́ lɛb wa a Naaŋmɩn zie, ʋ de a nyɩ yel-bebe bɛr a baarɩ.

2 Korɛ̃tɩ 12:21

Ɩ̃ zɔrɛ nɩ dɛ̃bɩ̃ɛ ɩ̃ nãà lɛb wa a be, a ɩ̃ Naaŋmɩn wa ɩ ɩ̃ nyɛ̃ vĩ a nyɩ niŋé, ɛ́ a fɛr k'ɩ̃ɩ kõ a nyɩ yaga ƴãw a, a bɛl na dãw maalɩ a yel-bier ɛ́ bɛ lɩɛbɩ a bɛ ɩb so a bɛ dɛwr bɛr, ɛ́ bɛ zawrɩ a pɩ̃ɔ-yele nɩ a faalʋ bɛr a.

2 Korɛ̃tɩ 7:9

Ɛcɛ ƴɛrɛŋa a, ɩ̃ cɩlɛ na, ɛ́ a bɛ kaar mɛ̃ a nyɩ pʋ-sãwna ƴãw n'a ɩ̃ cɩlɛ ɩ, ɩ̃ cɩlɛ na a pʋ-sãwna ŋa na ɩ nyɩ lɩɛbɩ a nyɩ ɩb a ƴãw. Bʋ̃ʋ n'ʋ vɛ̃, a pʋ-sãwna ŋa tu n a lɛ a Naaŋmɩn na bɔbr a. Lɛ so, tɩ bɛ sãw nyɩ bom za ƴãw ɛ.

Ebre 12:17

Nyɩ bãwnɩ a na, a pùorí ʋ na wa bɔbr k'aa ʋ sãà ƴɛ̀r nɔ-vla kʋ̀ ʋ a, ʋ bɛ sàw a lɛ kʋ̀ ʋ ɛ. Ʋ tɩ bɔ n a lɛ ʋ na na ɩ lɩɛbɩ a yele a gu, ʋ na saa tɩ lɔbr nuru zɛlɛ kone nɩ a.

1 Samɩɛl 30:6

Kpɩɛrʋ kpɛ̃ɛ tɩ nyɔw nɩ a Daviir, bʋ̃ʋ n'ʋ vɛ̃, a nɩbɛ tɩ bɔbr'a kɛ́ bɛ lɔb'ɩ ʋ kʋsɛbɛ. Ŋa za pʋɔ tɩ sãw nɩ yaga, a ʋ bidɛbr nɩ a ʋ pɔwyaar ƴãw. Ɛcɛ a Sore ʋ Naaŋmɩn tɩ ɩ na ʋ lɛb tɛr kanyir.