2 Korɛ̃tɩ 7:1 - A SƐB-SÕW

¹ Ɩ̃ nɩ-nɔnɩ i, à á ŋá za a Naaŋmɩn na yel k'ʋʋ na ɩ na kʋ̀ tɩ a zũú, nyɩ ɩ a tɩɩm tɛɛ za so a dɛwr za na dɛwr a ƴã-gan nɩ a sɩ́ɛ a, tɩ so a za bɛr, ɛ́ ƴãw fãw ɩ nɩ-son ƴãwnɛ a Naaŋmɩn.

2 Korɛ̃tɩ 7:1 ပူးပေါင်းရင်းမြစ်များ

2 Bibie za yel-manɩ 19:9

À ŋá n'a ʋ tɩ yel bɛ: «A Sore zɔba zũú n'a nyɩ na ɩrɛ nɩ nyɩ pʋɔ za, ɛ́ bɛ tɛr sãwna ɩ.

Sɛb-sõw yielu 119:9

Ŋmɩŋmɩn n'a pɔlbile na ɩrɛ a ʋ cenu vɩɛl? — Ʋlɛ wa sàwr a fʋ ƴɛ̀rʋ a n'a, Sore e.

Sɛb-sõw yielu 19:9

A Sore nɛ́ɛ tori nɩ dẽdẽ, a mɩ́ ƴãw nɩ nʋ̃ɔ̀ a socir. A Sore nɔ-ƴãwnɩ vɩɛl'ɩ parpar, a mɩ́ ɩ na fʋ nyɛrɛ.

Sɛb-sõw yielu 51:10

Yel kʋ̀ m k'ɩ̃ɩ na nyɛ̃ nɩ nʋ̃ɔ̀ nɩ cɩlʋ, ɩ̃ɩ na cɩlɛ na, mãa fʋ na kʋ kpaa bɛr a.

Zʋkpaɩ 16:6

Sob nɛ na nɔnɛ ɛ́ bɛ lɛbr pùor a, bɛ mɩ́ dɩ n a ʋ sãwna suur kʋ̀ ʋ. Nɩr na zɔrɛ a Sore a mɩ́ gur'ɩ pùor kʋ̀ a yel-faa.

Zʋkpaɩ 20:9

Ãa n'ʋ na tʋ̃ɔ̀ yel: «Ɩ̃ pɛ́w nɩ a ɩ̃ pʋɔ, a ɩ̃ yel-bier dɛwr za bɛ cãà be ɩ!»

Zʋkpaɩ 30:12

Nɩbɛ be n be tɩɛr kɛ́ bɛ vɩɛl a, ɛ́ bɛ so a bɛ dɛwr bɛr ɛ.

Zʋkpaɩ 8:13

A Sore zɔba n'ɩ a faa hɩ̃ɛnʋ. Ɩ̃ bɛ nɔnɛ a pɔ̀lʋ, a nyɔka-ɩb, a ɩ-faar nɩ a ziri ɛ.

Ekilezɩasɩ 11:10

Ɩ a pʋ-sãwna nɩ a bàalʋ a zãá nɩ fʋ. Bʋ̃ʋ n'ʋ vɛ̃, a pɔlbiilu nɩ a ƴã-gan fãw mɩ́ tɔl'ɩ fɔ̃w.

Ɩzayi 1:16

Nyɩ pɛ́w nyɩ tʋɔra, nyɩ so a nyɩ dɛwr bɛr, nyɩ ír a nyɩ ɩ-faar bɛr a ɩ̃ niŋé, nyɩ bɛr a yel-faa maalʋ.

Ɩzayi 55:7

A nɩ-faa, ʋ bɛr a ʋ ɩb! A yel-fa-maalɛ, ʋ bɛr a ʋ tɩɛr-faar! Bɛ lɛb wa a Sore zie bɛ za, bʋ̃ʋ n'ʋ vɛ̃, ʋ na zɔ n bɛ nɩbaalʋ! Bɛ lɛb wa a tɩ Naaŋmɩn zie, ʋ mɩ́ dɩ n suur yaga za!

Zeremi 13:27

Aa! a fʋ pɩ̃ɔ ɩ-ɩrɩ, a dɛb vʋla kon, a fʋ pɔw-yɛm vĩ tome! Ɩ̃ nyɛ̃ nɩ a za vla a tãli zu nɩ a póru pʋɔ, a fʋ tɩb-faar faar! Bʋnʋ baw-bio n'a Zerizalɛm i, fʋ bɛ bɔbr kɛ́ fʋ so a fʋ dɛwr bɛr ɛ! Debor'a a na cãà cɛlɩ tɩ ta?»

Zeremi 4:14

«Zerizalɛm i, fʋ̃ʋ wa bɔbr kɛ́ fʋ nyɛ̃ a faafʋ a, fʋ̃ʋ pɛ́w a fʋ socir faalʋ za bɛr. Debor'a a pʋ-tɩɛr-faar na yi zaa a fʋ pʋɔ?

Levitɩ mɩnɛ 13:58

«Bɛlɛ wa pɛ́w kparʋ, pɛn bɩɩ gán bom ulu na nyɔw a, a ulu wa yi a, a fɛr'a kɛ́ bɛ lɛb pɛ́w ʋ a gb'a ayi sob ʋ vɩɛl.»

Matie 12:33

«Tɩɛ wa vɩɛl a, a ʋ wɔmɛ na vɩɛl a, ɛ́ tɩɛ wa ɩ tɩ-sãwna a, a ʋ wɔmɛ na ɩ n wɔ̃-sãwnɩ. A tɩɛ wɔm zie n'a bɛ mɩ́ tʋ̃ɔ́ bãw a tɩɛ.

Matie 5:48

Lɛ so, a nyɩɩm a, nyɩ vɩɛl nyɩ za, mɛ̃ a lɛ a nyɩ tẽ-vla pʋɔ Sãà na vɩɛl ʋ za a.»

Matie 5:8

Zu-nʋ̃ɔ̀ dem'ɩ a soci-parpar dem, bɛ na nyɛ̃ nɩ a Naaŋmɩn.

Nɩ-toni 9:31

A Lãw-yir tɩ tɛr'ɩ ƴã-ɓaarʋ a Zude tẽw za pʋɔ, nɩ a Galile tẽw nɩ a Samaari tẽw. Ʋ tɩ mɩɛr'a yɛlɛ ɛ́ tɛr a Sore zɔba, a Vʋʋrʋ Sõw mɔwlʋ tɩ be n a ʋ zie yaga ʋ kɛrɛ nɩ.

Ʋrɔm 5:20

A Naaŋmɩn wulu wa na k'aa sãwna tʋ̃ɔ́ bʋwlɩ pàw a ziir za, ɛcɛ a be a yel-bier na tɩ bʋwlɩ a, a Naaŋmɩn maalʋ mɩ̀ tɩ ʋr'a tɩ zuo.

1 Korɛ̃tɩ 6:20

Naaŋmɩn dà nyɩ na nɩ libie na bɛ vʋʋr a. A na ɩ lɛ a, nyɩ íre a Naaŋmɩn yúor-vɩɛlʋ-danʋ nɩ a nyɩ ƴã-gamɛ.

2 Korɛ̃tɩ 1:20

A maalʋ al za a Naaŋmɩn na yel k'ʋʋ na tɩr a a, a ʋ pʋɔ n'a a za «ʋ̃ʋ» be. A na ɩ lɛ a, a Yeezu Kɩrɩta n'ʋ so tɩ mɩ́ sɔw «Amɛn», a Naaŋmɩn yúor-vɩɛlʋ-danʋ ƴãw.

Efɛɛzɩ 2:3

A tɩɩm za mɩ̀ tɩ pʋɔ nɩ a nɩbɛ bɛ ŋa pʋɔ, tɩɩm na tɩ tu a nɩsaal ƴã-gan yel-bɔbrɩ na bɛ vɩɛl a pùor tɛwr a: tɩ tɩ maalɛ nɩ a nɩsaal ƴã-gan pʋ-tɩɛrʋ ɛ́ tuur a ʋ yã-faa. À ŋá n'a a tɩ nɩsaal ŋmɛ̃a tɩ ɩ tɩ sɛw nɩ a Naaŋmɩn suur mɛ̃ a ŋmaarɛ bɛ ŋa a.

1 Tesalonikɩ 3:13

A Sore, ʋ ɩ a nyɩ socie kpɛmɛ, nyɩ tʋ̃ɔ́ ɩ nɩ-son nɩ nɩbɛ na bɛ tɛr sãwna bɛ yere a Naaŋmɩn tɩ Sãà niŋé a, a lɛn daar a tɩ Sore Yeezu nãà wa lɛb wa nɩ a ʋ nɩ-son za a ɩ.

1 Tesalonikɩ 4:7

Naaŋmɩn bɛ bʋɔlɩ tɩ faalʋ ƴãw ɛ, sonu ƴãw n'a ʋ bʋɔlɩ tɩ.

1 Tesalonikɩ 5:23

A ƴã-ɓaarʋ Naaŋmɩn tɔr za, ʋ ɩ nyɩ ɩ son nyɩ za, ʋ gù a nyɩ nɩɩlʋ za, a tɩɛrʋ, a sɩ́ɛ nɩ a ƴã-gan, ʋ taa wa tɛr sãwna bɛ yere a tɩ Sore Yeezu Kɩrɩta waa daar ɛ.

Ebre 12:23

Nyɩ taw na pɩɛlɩ cuw-dɩrbɛ lãw, a Naaŋmɩn bi-dãw-dɔwrɩ a yée na sɛb a tẽ-vla pʋɔ a. Nyɩ taw na pɩɛlɩ a Naaŋmɩn na ɩ a nɩbɛ za ƴɛ̀r-maalɛ a, ɛ́ taw pɩɛlɩ a nɩ-mɩn bɛl na nyɛ̃ a vɩɛlʋ baarɩ a sɩ́ɩr.

Ebre 12:28

A na ɩ à ŋá tɩ páwr naalʋ-tẽw na bɛ tɛr damnʋ a, nyɩ ɩ tɩ tɛr a maalʋ ŋa vla, tʋ̃ɔ́ puore nɩ a Naaŋmɩn mɛ̃ a lɛ a na nʋmɛ a ʋ zie a, tɛr'ɩ a ʋ ƴãwfʋ nɩ a ʋ zɔba.

Ebre 4:1

A Naaŋmɩn nʋɔr na cãà ƴãw gã, kɛ́ tɩ na tʋ̃ɔ́ na ta a ʋ pɩ̃ɛnʋ zie a, nyɩ ɩ tɩ gù vla bɛ taa wa nyɛ̃ k'aa nyɩ kãw bɛ tʋ̃ɔ́ ta ɩ.

Ebre 6:9

Nyɩɩm ƴãw a, ɩ̃ bá mɩnɛ ɛ, tɩ na saa ƴɛ̀rɛ à à ŋá a, tɩ bãwnɩ a n'a nyɩ na lo a sɔr-vla a, a faafʋ sɔ́r.

Zakɩ 4:8

Nyɩ taw pɩɛlɩ a Naaŋmɩn, ʋʋ na taw na pɩɛlɩ nyɩ. Nyɩ pɛ́w a nyɩ nuru, nyɩɩm yel-bebe dem bɛ ŋan i. Nyɩ maalɩ a nyɩ socie a vɩɛl, nyɩɩm nɩbɛ a tɩɛrʋ na põ a!

1 Pɩɛr 1:15

Ɛcɛ, mɛ̃ a lɛ a Naaŋmɩn na bʋɔlɩ nyɩ a na ɩ sõw a, nyɩ mɩ̀ lɩɛbɩ nɩ-son a nyɩ cenu za pʋɔ.

1 Pɩɛr 1:17

Nyɩmɛ wa bʋɔlɛ a Naaŋmɩn kɛ́ Sãà a, ʋl na bɛ owre a ƴɛ̀rʋ-maalʋ pʋɔ, ʋ na mɩ́ maal'ɩ ŋa za tu n a ʋ ɩ-ɩrɩ a, nyɩɩm zɔrɛ ʋ ɛ́ ƴãwnɛ ʋ a nyɩ nɩ-tɔlɩ tẽw ŋa zu.

1 Pɩɛr 1:22

Nyɩ na tu a yel-mɩŋa a, nyɩ so n a nyɩ dɛwr bɛr kɛ́ nyɩ sɩrɩ nɔnɛ taa yaga za mɛ̃ yɛbr a. A na ɩ lɛ a, nyɩ sɩrɩ nɔnɛ taa nɩ soci-pla parpar.

1 Pɩɛr 2:11

Ɩ̃ nɩ-nɔnɩ za na ɩ mɛ̃ nɩ-tɔlɩ nɩ nɩ-sãanbɛ a, ɩ̃ zɛlɛ nyɩ na, nyɩ ciir a ƴã-gan nʋ̃ɔ̀-faar vʋla na mɩ́ zɛbr'ɩ nyɩ a.

1 Pɩɛr 5:10

Ɛ́ nyɩmɛ wa wõ tuo kɔwrɩ blã a, a maalʋ za Naaŋmɩn na bʋɔlɩ nyɩ a ʋ yúor-vɩɛlʋ-danʋ na be kʋralɛ a Kɩrɩta pʋɔ a ƴãw a, ʋl tɔr za na lɛb maalɩ nyɩ na ƴãw a pùorí. Ʋ na ɩ na nyɩ kpɛmɛ dɔwlɩ, ʋ na kʋ̀ nyɩ nɩ fãw dɔwlɩ, ɛ́ ɩ nyɩ ta bãw damnʋ ɛ.

1 Zã 1:7

Ɛcɛ tɩmɛ wa cere a cãà pʋɔ mɛ̃ a Naaŋmɩn mɩŋa na be a cãà pʋɔ a, tɩ lãw nɩ taa ɛ́ a ʋ Bie Yeezu Kɩrɩta zɩ̃ɩ pɛ́wr'ɩ yel-bier za dɛwr bɛrɛ tɩ.

1 Zã 1:9

Ɛcɛ tɩmɛ wa yere a tɩ yel-bebe kʋ̀rɛ a Naaŋmɩn a, ʋ ŋmɛ̃ n ʋ ŋmɛ̃a ɛ́ ɩ nɩ-mɩŋa, ʋ na dɩ n a tɩ yel-bebe suur kʋ̀ tɩ ɛ́ pɛ́w a tɩ yel-faar za dɛwr bɛr.

1 Zã 3:3

Ɛ́ nɩsaal za na ƴãw a tɩɛrʋ ŋa tɔ a ʋ ƴãw a, mɩ́ ƴãw nɩ fãw vɩɛl mɛ̃ a Kɩrɩta na vɩɛl a.