2 Korɛ̃tɩ 6:8 - A SƐB-SÕW

⁸ Bɛ mɩ́ ƴãwnɛ tɩ na bɩɩ jewre tɩ, bɛ mɩ́ pore nɩ a tɩ yúor yo-vla bɩɩ pore a tɩ yúor yo-faa. Zir-ŋmarbɛ n'ɩ tɩ a nɩbɛ zie, zɩ̃ kɛ́ yel-mɩŋa n'a tɩ yere.

2 Korɛ̃tɩ 6:8 ပူးပေါင်းရင်းမြစ်များ

Matie 10:25

A po-tuure wa ŋmɛ̃ mɛ̃ a ʋ zu-sob a, a sɛw ʋ na, a tõ-tõ-bie wa ŋmɛ̃ mɛ̃ a ʋ tõ-tõ-nɩ-kpɛ̃ɛ a, a sɛw ʋ na. Bɛ nɩ̃ɛ na bʋɔlɩ a yir sob Bɛlɩzebul, ɛ́ bɛ nãà yere a yir biir i!»

Matie 22:16

Al pùorí, bɛ tɩ tõ n a bɛ po-tuurbɛ nɩ Erɔdɩ nɩbɛ kɛ́ bɛ tɩ yel ʋ: «Wul-wul-kara a, tɩ bãw na kɛ́ fʋ yere nɩ yel-mɩŋa, ɛ́ wule a nɩbɛ a Naaŋmɩn sɛ́ɛ nɩ yel-mɩŋa, fʋ bɛ zɔrɛ nɩr za ɩ, ɛ́ bɛ owre ɩ.

Matie 27:63

yel ʋ: «Sore e, tɩ lɛb'a bãwnɩ kɛ́ a zir-ŋmarɛ ŋa na tɩ cãà vʋʋrɛ a, tɩ yel'a: “A bibie ata pùorí, ɩ̃ na lɛb'a yi a kũu pʋɔ.”

Markɩ 12:14

Bɛ tɩ cen na tɩ yel ʋ: «Wul-wul-kara a, tɩ bãw na kɛ́ fʋ yere nɩ yel-mɩŋa, ɛ́ bɛ zɔrɛ nɩr za ɩ: fʋ bɛ owre ɩ, ɛ́ wule a Naaŋmɩn sɔ́r nɩ yel-mɩŋa. Sɔ́r be n be kɛ́ bɛ mɩ́ ya a zuru-yar kʋ̀ a Sezaar bɩɩ? A ɩ n fɛrʋ kɛ́ tɩ mɩ́ ya bɩɩ tɩ ta mɩ́ ya?»

Zã 7:12

A zu-sɛbla pʋɔ a, nɩbɛ tɩ ŋmɩɛr'ɩ nɔkpɛn a ʋ ƴãw. Bɛ mɩnɛ tɩ yere na: «Nɩ-vla n'ʋ.» Ɛ́ bɛ mɩnɛ yere: «Ʋ̃ʋ'hʋ̃. Nɩbɛ n'a ʋ bɛlɛ.»

Nɩ-toni 10:22

Bɛ tɩ sɔw na yel: «A sojarɩ kʋba nɩ-kpɛ̃ɛ ʋl na dɩ Kɔrnɛɩ a, ʋlɛ n'ʋ tõ tɩ. Ʋ ɩ n nɩ-mɩŋa, ʋ zɔrɛ nɩ Naaŋmɩn, ɛ́ a Zifʋ mɩnɛ za mʋʋrɛ ʋ. Malkɩ sõw wa na wa yel k'ʋʋ tõ bʋɔlɩ fʋ a ʋ yir, fʋ wa manɩ yele ʋ bɛr wõ.»

Nɩ-toni 16:39

Lɛ n'a bɛ tɩ wa wa yel kɛ́ bɛ sãw na. Al pùorí bɛ tɩ yuo bɛ na bɛr, ɛ́ zɛlɛ kɛ́ bɛ yi zaa a tẽw pʋɔ.

Nɩ-toni 22:12

«Dɔɔ kãw tɩ be n be dɩ Ananɩasɩ. Ʋ tɩ nɔnɛ nɩ puoru ɛ́ tuur a Naaŋmɩn wulu vla. A Zifʋ mɩnɛ za na tɩ kpɩɛr a be a tɩ nɔnɛ nɩ a ʋ yele.

Nɩ-toni 24:5

Tɩ nyɛ̃ na kɛ́ a dɛb ŋa ɩ n zi-sãwnɛ mɩŋa: ʋ na ɩ a Nazarɛtɩ tẽw nɩbɛ lãw nɩ-kpɛ̃ɛ a, ʋ ƴãwnɛ nɩ damnʋ a Zifʋ mɩnɛ za sɔgɔ a tẽ-daa za zu.

Nɩ-toni 28:22

Ɛcɛ tɩ bɔbr'a kɛ́ fʋ̃ʋ tɔr za manɩ a fʋ tɩɛrʋ tɩ wõ. Bʋ̃ʋ n'ʋ vɛ̃, tɩ bãwnɩ a na a nɩbɛ na bɛ dier a fʋ puoru sɔ́r ŋa a ziir za a.»

Nɩ-toni 4:21

Bɛ tɩ lɛb'a kpãa bɛ ɛ́ bɛr bɛ: bɛ bɛ tɩ tʋ̃ɔ́ nyɛ̃ a lɛ bɛ na na ɩ ƴãw bɛ dɔwrʋ a ɩ, ɛ́ a ɩ a zu-sɛbla ƴãw. Bʋ̃ʋ n'ʋ vɛ̃, a nɩbɛ za tɩ danɛ nɩ a Naaŋmɩn a yel ŋa na tɩ maalɩ a ƴãw.

Nɩ-toni 5:13

Nɩ-yũo bɛ mɩ́ tɩ sàwr kpɩɛr a bɛ pʋɔ ɩ, a nɩbɛ na saa tɩ danɛ bɛ yaga za a.

Nɩ-toni 6:3

A na ɩ lɛ a, yɛbr i, nyɩ bɔ dɛbr ayopõi a nyɩ pʋɔ, nɩbɛ na ɩrɛ vla, ɛ́ a Vʋʋrʋ Sõw nɩ yã-bãwfʋ be a bɛ zie a, ɛ́ tɩ na de nɩ a ton ŋa kʋ̀ bɛ.

Ʋrɔm 3:8

Alɛ wa ɩ à ŋá a, bʋnʋ ƴãw n'a tɩ kʋ̃ maalɛ a faa k'aa vla wa tʋ̃ɔ́ yi a be, mɛ̃ a lɛ bɛ mɩnɛ kãw na ŋmarɛ ziri ƴãwn tɩ kɛ́ lɛ n'a tɩ yere a? A nɩbɛ bɛ ŋa sɛwnɩ nɩ a dɔwrʋ bɛ na na páw a.

2 Korɛ̃tɩ 1:18

A Naaŋmɩn dɩ n a ɩ̃ dãsɩɛ k'aa tɩ ƴɛ̀rʋ a nyɩ zie bɛ tɩ ɩ «ʋ̃ʋ» nɩ «ʋ̃ʋ'hʋ̃» ɛ.

2 Korɛ̃tɩ 11:21

Vĩ ɩrɛ mɛ̃ nɩ a yelu ƴãw: tɩ wul'a kɛ́ tɩ maal'a ɩ bãbàalbɛ tɩ zuo! Ɩ̃ ƴɛ̀rɛ na mɛ̃ yãyaar sob a, a bom nɛ ƴãw a nɩbɛ na zɛwr bɛ tʋɔra a, mãa mɩ̀ na tʋ̃ɔ́ na zɛw ɩ̃ tʋɔra.

2 Korɛ̃tɩ 12:16

A na ɩ lɛ a, nyɩ sàw na kɛ́ nyɩ bɛ hanɩ a ɩ̃ ƴãw ɛ. Ɛcɛ bɛ na yel'a k'ɩ̃ɩ na ɩ nɩ-bɛlɛ a, kɛ́ yã n'a ɩ̃ maalɩ nyɔw nɩ nyɩ.

2 Korɛ̃tɩ 4:2

Tɩ zawr'ɩ ɩb za bɛ na mɩ́ sɔwlɩ ɩrɛ a, nɩ bom za na ɩrɛ vĩ a. Tɩ bɛ tɛr yã-ɩb bɛ̀lɛ nɩ nɩbɛ ɩ, tɩ bɛ tɛwr a Naaŋmɩn ƴɛ̀rʋ tule nɩ a nɩbɛ ɩ, tɩ nɩ̃ɛ na ɩrɛ k'aa yel-mɩŋa sãá, bɔbr'ɩ k'aa nɩbɛ za nyɛ̃ kɛ́ tɩ ɩ n nɩ-mɩn a Naaŋmɩn niŋé.

1 Tesalonikɩ 2:3

A kpaalʋ tɩ na kpaalɛ a nɩbɛ za a, a bɛ ɩ ziri ɛ, bɛ yi tɩɛr-faar pʋɔ ɩ, ɛ́ tɩ mɩ̀ bɛ bɛ̀lɛ nɩr za ɩ.

1 Timote 3:7

Ɛ́ lɛb waar mɩ̀, a fɛr'a kɛ́ a yẽw dem dɩrɛ dãsɩ-vla a ʋ ƴãw, lɛ n'a a nɩbɛ kʋ̃ ɩrɛ ʋ laar ɛ, ʋʋ kʋ̃ kpɛ a Gɛgɛra bɛrɩ pʋɔ ɩ.

1 Timote 4:10

Bʋ̃ʋ n'ʋ vɛ̃, tɩmɛ wa hanɛ ɛ́ mʋɔr a, tɩ na ƴãw a tɩ tɩɛrʋ a Naaŋmɩn na vʋʋrɛ a ƴãw a n'a so, ʋl na ɩ a nɩsaalbɛ za faarɛ a, baa zuo a za a bɛl na sàw de ʋ a.

Ebre 13:13

A na ɩ à ŋá a, nyɩ ɩ tɩ yi a laɩ pʋɔ tuor ʋ, ɛ́ sàw de a ʋlɩ vĩ-been nɛ.

1 Pɩɛr 4:14

Bɛlɛ wa tʋʋr nyɩ zʋmɛ a Kɩrɩta yúor ƴãw a, zu-nʋ̃ɔ̀ dem n'ɩ nyɩ, a Vʋʋrʋ na tɛr danʋ a, a Naaŋmɩn Vʋʋrʋ be n a nyɩ zu.

3 Zã 1:12

A Demetiriyisi ʋl ƴãw a, nɩbɛ za dɩrɛ nɩ a ʋ dãsɩɛ vla. Ɛ́ a yel-mɩŋa tɔr za dɩrɛ nɩ a ʋ dãsɩɛ. A tɩɩm mɩ̀, tɩ dɩrɛ nɩ a ʋ dãsɩɛ, ɛ́ fʋ bãwnɩ a n'a a tɩ dãsɩɛ na ɩ sɩza a.

Yel-wula 3:9

Nyɛ̃ a lɛ ɩ̃ na na ɩ a Sɩtaana lãw nɩbɛ a, a zir-ŋmarbɛ bɛ ŋa na yel kɛ́ bɛ ɩ n Zifʋ mɩnɛ ɛ́ bɛ ɩ Zifʋ a: ɩ̃ na fɛr bɛ na ƴãw bɛ wa gbĩ dume a fʋ niŋé. Bɛ na nyɛ̃ na bãw k'ɩ̃ɩ nɔnɛ fʋ na.