2 Korɛ̃tɩ 6:4 - A SƐB-SÕW

⁴ Tɩ nɩ̃ɛ na bɔbr kɛ́ tɩ sɩrɩ sãá ɩ Naaŋmɩn tõ-tõ-biir a yele za pʋɔ: tɩ dɩrɛ nɩ kanyir yaga ɛ́ tɛr tʋɔra-nyɔwfʋ a kpɩɛrʋ pʋɔ, a fɛrʋ pʋɔ nɩ a pʋl-vʋ̃ɔ daar.

2 Korɛ̃tɩ 6:4 ပူးပေါင်းရင်းမြစ်များ

Ɩzayi 61:6

Ɛcɛ a nyɩɩm a, bɛ na bʋɔlɛ nyɩ nɩ “Sore bàwr-maalbɛ.” A nyɩ yúor na dɩ n “Sore tɩ Naaŋmɩn tõ-tõ-biir.” Nyɩ na dɩ n a nɩ-bʋʋr-yoru na-bome, ɛ́ nyɩ na íre nɩ yúor nɩ a bɛ tɛra.

Zowɛl 1:9

Bɛ bɛ cãà waar'ɩ kukur de-kʋ̀b bome nɩ divɛ̃ de-kʋ̀b bome a Sore Ŋmɩn-yir-kpɛ̃ɛ pʋɔ ɩ. Alɛ so a bàwr-maalbɛ be wahala pʋɔ, bɛl na tone a Sore tome a.

Zowɛl 2:17

A bàwr-maalbɛ na tone a Sore a, bɛ kone a Ŋmɩn-yir-kpɛ̃ɛ pʋɔ, a zawle nɩ a bàwr-maal-kuur cará. Bɛ lɔbr nuru zɛlɛ nɩ a Naaŋmɩn à ŋá: «Sore e, zɔ a fʋ nɩ-bʋʋrɛ nɩbaalʋ, ta ɩ a fʋ nɩbɛ nyɛ̃ vĩ ɛ, ta sàw nɩ-bʋʋr-yoru wa ɩrɛ tɩ laar yere nɩ: “Nyɩnɛ n'a a bɛ Naaŋmɩn be?”»

Luka 21:19

A nyɩ kanyir dɩb pʋɔ n'a nyɩ na páw a nyɔ-vʋʋrʋ.»

Zã 16:33

Ɩ̃ yel'ɩ à á ŋá kʋ̀ nyɩ kɛ́ nyɩ lãw nɩ mɛ̃ tɛr a ƴã-ɓaarʋ. Pʋ-sãwna pʋɔ n'a nyɩ be a tẽ-daa ŋa zu, ɛcɛ nyɩ ƴãw fãw, ɩ̃ zɛb'a tʋ̃ɔ́ a tẽ-daa.»

Nɩ-toni 2:22

«Ɩsɩrayɛl biir i, nyɩ ƴãw tobr a ɩ̃ ƴɛ̀rʋ ƴãw: a Nazarɛtɩ tẽw Yeezu, a dɛb ŋa a Naaŋmɩn na de a yele, ɛ́ ƴãw k'ʋ maalɩ nɔ-ɓãa-yele a nyɩ sɔgɔ, lãwnɩ yel-bãw-guuri nɩ yele na ɩ bãwfʋ sãá a, mɛ̃ a lɛ nyɩɩm mɩŋa na bãw a,

Nɩ-toni 20:34

Nyɩ mɩŋa za bãwnɩ a na, a ɩ̃ nuru tome pʋɔ n'a ɩ̃ páw mãa nɩ a ɩ̃ taabɛ bʋ̃-bɔbrɩ.

Nɩ-toni 9:16

Mãa mɩŋa na wul ʋ nɩ a tuo al za a na fɛr k'ʋʋ wõ a ɩ̃ yúor ƴãw a.»

Ʋrɔm 14:18

Ʋlɩ sob na tone a Kɩrɩta à ŋá a, ʋ mɩ́ pɛlɩ nɩ a Naaŋmɩn pʋɔ ɛ́ a nɩsaalbɛ de a ʋ yele.

Ʋrɔm 16:10

Nyɩ puori Apɛl na wul a sãá ʋ na sàw de a Kɩrɩta a. Nyɩ mɩ̀ puori a Arɩsɩtobul yir dem.

Ʋrɔm 3:5

Ɛcɛ a tɩ yel-mɩŋa bɛ-tɛrʋ mɩ́ wa ɩ a Naaŋmɩn yel-mɩŋa sãá a, tɩ lɛb yel kɛ́ bo? A wul'a kɛ́ a Naaŋmɩn bɛ tɛr yel-mɩŋa ʋ na mɩ́ nyɛ̃ nɩ tɩ suur a bɩɩ? (Ɩ̃ ƴɛ̀rɛ na mɛ̃ nɩsaalbɛ a.)

Ʋrɔm 5:8

Ɛcɛ, a ʋlɩ bom nɛ na wul k'aa Naaŋmɩn nɔnɛ tɩ nɩ yaga za a, ʋlɛ n'ɩ a Kɩrɩta na kpi a tɩ ƴãw, a lɛn daar tɩ na tɩ cãà ɩ yel-bebe dem a.

1 Korɛ̃tɩ 3:5

A ɩ lɛ ãa n'ɩ a Apɔlɔsɩ? Ãa n'ɩ a Pol? Tɩ ɩ n tõ-tõ-biir na ɩ nyɩ páw a naaŋmɩn-sàw-deb a. Tɩ kãw za tõ n a ʋ tome tu n a maalʋ a Sore na kʋ̀ ʋ a.

1 Korɛ̃tɩ 4:1

A na ɩ lɛ a, a nɩbɛ, bɛ jɩ́rɛ tɩ mɛ̃ a Kɩrɩta tõ-tõ-biir na kaarɛ a Naaŋmɩn yel-sɔwlɩ zie a.

1 Korɛ̃tɩ 9:11

Tɩmɛ wa bʋ̀r a Vʋʋrʋ Sõw bʋ̃-bʋʋrɛ a nyɩ pʋɔ a, ɛ́ wa de a nyɩ bʋ̃-tɛrɩ a, bɔ-zuo n'a bɩɩ?

2 Korɛ̃tɩ 11:23

Bɛ ɩ n Kɩrɩta tõ-tõ-biir yaa? A ka a, ɩ̃ na ƴɛ̀r'ɩ yãya-ƴɛ̀rʋ: ɩ̃ ɩ ʋ na zuo bɛ. A bàlʋ pʋɔ n'a o, ɩ̃ zuo bɛ na, a gaso pʋɔ kpɛb ƴãw n'a o, ɩ̃ gãw bɛ na, a ŋmɩɛrʋ lowr wa n'a a, bɛ ŋmɛ mɛ̃ na zuo bɛ. Gb'a a ŋmɩn za, ɩ̃ tɩ cɛ nɩ blã nãá kpi.

2 Korɛ̃tɩ 11:27

Tõ-kpɛn ƴãw mɛ̃ nɩ bàlʋ nɩ hanʋ. Gb'a à ŋá za, ɩ̃ bɛ ũù mimir ɛ. Kɔ̃ nɩ kʋ̃ɔ-nyúur kpɛ m'a. Gb'a a ŋmɩn za, ɩ̃ tɛr'ɩ mʋta-tuo. Ƴawr kpɛ m'a, ɩ̃ bɛ tɩ tɛr bʋ̃-suuri ɛ.

2 Korɛ̃tɩ 11:9

Ɩ̃ɩ na tɩ be a nyɩ zie a wa fɛrɛ mɛ̃ a, nɩr kãw za bɛ hanɩ a ɩ̃ ƴãw ɛ. A yɛbr na tɩ yi a Masedʋan wa a tɩ kʋ̀ m'ɩ a ɩ̃ bʋ̃-bɔbrɩ. A yele za pʋɔ, ɩ̃ bɛ sàw nyɩ hanɩ a ɩ̃ ƴãw ɛ, ɛ́ mɩ̀ bɛ be za na sàw ɛ.

2 Korɛ̃tɩ 12:10

Lɛ zũú n'a nʋ̃ɔ̀ cãà kpɩɛr mɛ̃ a bãbàalʋ, a zʋmɛ nɩ a yel-fɛrɩ pʋɔ, a dɔwrʋ nɩ a pʋl-vʋ̃ɔ pʋɔ, ɩ̃ na sàw de a Kɩrɩta a ƴãw. Bʋ̃ʋ n'ʋ vɛ̃, a lɛn daar ɩ̃ na mɩ́ ɩ bãbàal a, lɛn daar a, ɩ̃ mɩ́ kpɛmɛ.

2 Korɛ̃tɩ 12:12

A yele al na wul k'ɩ̃ɩ ɩ n nɩ-tona a, a maal'ɩ a nyɩ sɔgɔ nɩ tʋɔra nyɔwfʋ na vɩɛl bɛ cɛ a: yele na ɩ bãwfʋ sãá a, yel-bãw-guuri nɩ nɔ-ɓãa-yele.

2 Korɛ̃tɩ 2:17

Tɩɩm bɛ ŋmɛ̃ mɛ̃ a nɩbɛ yaga zie na de a Naaŋmɩn ƴɛ̀rʋ ʋ ɩ yɛ̀rʋ́ bom a ɩ. Tɩɩm a, a Naaŋmɩn n'ʋ tõ tɩ, tɩ ƴɛ̀rɛ a ʋ ƴɛ̀rʋ nɩ yel-mɩŋa a ʋ niŋé, lãwnɩ a Kɩrɩta.

2 Korɛ̃tɩ 3:6

Ʋlɛ n'ʋ ɩ tɩ tʋ̃ɔ́ lɩɛbɩ Wõ-ta-paala tõ-tõ-biir. Sɛbrʋ Wõ-ta-paala bɛ n'ʋ ɛ, Vʋʋrʋ Wõ-ta-paala n'ʋ, bʋ̃ʋ n'ʋ vɛ̃, a sɛbrʋ kʋrɛ na ɛ́ a Vʋʋrʋ tɩrɛ nyɔ-vʋʋrʋ.

2 Korɛ̃tɩ 4:17

A kpɩɛrʋ tɩ na páwr a ƴɛrɛŋa a bɛ zɛ̃ bom a yúor-vɩɛlʋ-danʋ na bɛ dɩ vuo ɛ́ be kʋralɛ a ƴãw ɛ. A yúor-vɩɛlʋ-danʋ ŋa ƴãw n'a a kpɩɛrʋ á ŋá cɔbrɛ tɩ.

2 Korɛ̃tɩ 4:2

Tɩ zawr'ɩ ɩb za bɛ na mɩ́ sɔwlɩ ɩrɛ a, nɩ bom za na ɩrɛ vĩ a. Tɩ bɛ tɛr yã-ɩb bɛ̀lɛ nɩ nɩbɛ ɩ, tɩ bɛ tɛwr a Naaŋmɩn ƴɛ̀rʋ tule nɩ a nɩbɛ ɩ, tɩ nɩ̃ɛ na ɩrɛ k'aa yel-mɩŋa sãá, bɔbr'ɩ k'aa nɩbɛ za nyɛ̃ kɛ́ tɩ ɩ n nɩ-mɩn a Naaŋmɩn niŋé.

2 Korɛ̃tɩ 4:8

Kpɩɛrʋ bʋʋrɛ za ta tɩ na, ɛ́ a bɛ dĩ tɩ kʋ ɛ. A mɩ́ ɩ na mɛ̃ tɩ na tɔl'a gù a, ɛ́ tɩ tʋ̃ɔ́ tɔl.

2 Korɛ̃tɩ 7:11

Nyɩ nyɛ̃ bom nɛ a pʋ-sãwna na tu a Naaŋmɩn a na ƴãw nyɩ ɩ a: ʋ ƴãw na nyɩ tʋlɛ, ɛ́ zɛlɛ a nyɩ sãwna suur. Bʋ̃ʋ suur nɩ bʋ̃ʋ dɛ̃bɩ̃ɛ n'a ʋ bɛ ƴãw nyɩ! Ʋ ƴãw na nyɩ bɔbr kɛ́ nyɩ nãá lɛb nyɛ̃ m, nyɩ tʋlɛ a yel-fa-maalɛ kpãàfʋ ƴãw. Nyɩ ɩ n bom za wul kɛ́ nyɩ bɛ tɛr sãwna a yel ŋa pʋɔ ɩ.

Kɔlɔsɩ 1:11

A Naaŋmɩn na ɩ n a ʋ yúor-vɩɛlʋ-danʋ fãw nyuwli nyɩ a yele za ƴãw, nyɩ mɩ́ dɩ kanyir sàw de bom za.

Kɔlɔsɩ 1:24

A ƴɛrɛŋa a, ɩ̃ cɩlɛ na ɩ̃ na be a tuo pʋɔ a nyɩɩm ƴãw a. A Kɩrɩta tuo al na cɛ a, ɩ̃ nyɛrɛ a na a mãa mɩŋa ƴã-gan pʋɔ, a Kɩrɩta ƴã-gan na ɩ a Lãw-yir a ƴãw.

1 Tesalonikɩ 3:7

À ŋá n'a a tɩ kpɩɛrʋ nɩ a tɩ wʋ̀ʋr za pʋɔ tɩ nyɛ̃ mɔwlʋ a nyɩ ƴãw, yɛbr i, a nyɩ naaŋmɩn-sàw-deb zũú.

1 Tesalonikɩ 5:14

Yɛbr i, tɩ kpaalɛ nyɩ na: nyɩ kpãanɛ a ƴã-to-dem, nyɩ mɩ́ yel a bɛlɩ dem na zɔrɛ dɛ̃bɩ̃ɛ a, kɛ́ bɛ ƴãw fãw bɛr a dɛ̃bɩ̃ɛ, nyɩ sõwne a bãbàalbɛ, nyɩ tɛr su-nyɔwra a nɩbɛ za zie.

1 Timote 2:15

Ɛcɛ ʋlɛ wa dɔw bibiir a, ʋ na nyɛ̃ nɩ faafʋ, ʋlɛ wa sɩrɩ sàw be a naaŋmɩn-sàw-deb pʋɔ, a nɔ̃wfʋ nɩ a sonu pʋɔ nɩ tʋɔra-siwru a.

1 Timote 4:6

Manɩ à á ŋá za kʋ̀ a yɛbr, lɛ n'a fʋ na ɩ a Kɩrɩta Yeezu tõ-tõ-bi-vla a naaŋmɩn-sàw-deb ƴɛ̀r-bie nɩ a wul-vla na guoli a, a wul-vla ŋa pùor fʋ na tu a.

1 Timote 6:11

Fʋ̃ʋ a, Naaŋmɩn nɩr i, zɔrɛ dɛrɛ a yele á ŋá. Tu a mɩnʋ pùor, a Naaŋmɩn ƴãwfʋ, a naaŋmɩn-sàw-deb, a nɔ̃wfʋ, a kanyir nɩ a su-baalʋ pùor.

2 Timote 1:8

Lɛ so, ta zɔrɛ vĩ a tɩ Sore dãsɩɛ dɩb ƴãw ɛ. A mãa mɩ̀ na be a gaso pʋɔ a ʋ yúor ƴãw a, a ta ɩrɛ fʋ vĩ ɛ. Nɩ̃ɛ vɛ̃ kɛ́ sàw lãw nɩ mɛ̃ wone a tuo nɩ Naaŋmɩn fãw, a Yel-nʋ̃ɔ̀ ƴãw.

2 Timote 2:24

Ɛcɛ Sore tõ-tõ-bie bɛ sɛw kɛ́ ʋlɛ nɩ nɩr zɛbr taa ɩ. A sɛw na k'ʋʋ tɛr nɔ̃wfʋ a nɩbɛ za ƴãw, k'ʋʋ tʋ̃ɔ́ wule a nɩbɛ, ɛ́ sàwr dier a nɩbɛ po-to-yele.

2 Timote 4:5

Ɛcɛ a fʋ̃ʋ a, nyɔw fʋ tʋɔra a yele za pʋɔ, sàw de a tuo, tone a Yel-nʋ̃ɔ̀ hieru tome, tone a fʋ Naaŋmɩn tõ-tõ-bie tome za vla.

Ebre 12:1

A na ɩ à ŋá a, a tɩɩm mɩ̀ na tɛr yel-mɩn dem bɛ jil koli tɩ sɛw à ŋá za a, nyɩ ɩ tɩ lɔb tuor za na gbine a tɩ cenu a bɛr, nɩ a yel-bier na bɛ mɩ́ yaa kɛ́ nyɔw tɩ a, ɛ́ dɩ kanyir zɔrɛ nɩ a dãw-taa zɔba bɛ na yel kɛ́ tɩ zɔrɛ a.

Yel-wula 1:9

Mãa n'ɩ a nyɩ yɛb Zã. Ɩ̃ na lãw nɩ a Yeezu mɛ̃ a nyɩɩm a, ɩ̃ ɩ n a nyɩ tɔ sob a kpɩɛrʋ pʋɔ, a naalʋ-dɩb pʋɔ nɩ a kanyir dɩb pʋɔ. Bɛ diw mɛ̃ na ɩ̃ tɩ be a kʋ̃ɔ-kpɛ̃ɛ-sɔgɔ-tẽw ʋl bɛ na bʋɔlɛ Patɩmɔsɩ a, a Naaŋmɩn ƴɛ̀rʋ ɩ̃ na tɩ hieri a ƴãw, nɩ a yel-mɩŋa a Yeezu na wul ɩ̃ sàw de a ƴãw.

Yel-wula 3:10

Ɩ̃ na yel kɛ́ fʋ dɩ kanyir fʋ sàw a, ɩ̃ mɩ̀ na gù b'ɩ a kpɩɛrʋ daar, a kpɩɛrʋ na na páw a tẽ-daa za k'ʋʋ ɩ a tẽw zu nɩbɛ kaa a.