2 Korɛ̃tɩ 6:18 - A SƐB-SÕW

¹⁸ Ɩ̃ na ɩ n sãà a nyɩ zie, ɛ́ nyɩ ɩ bidɛbr nɩ pɔwyaar a ɩ̃ zie, a Sore kpɛnʋ-za-sob'ʋ yel.»

2 Korɛ̃tɩ 6:18 ပူးပေါင်းရင်းမြစ်များ

Yele-za-pɛr-tib 17:1

A Abram na wa tɛr yome kʋba for bir a n'a, a Sore ɩ ʋ nyɛ̃ ʋ, ʋʋ yel ʋ: «Mãa n'ɩ a Naaŋmɩn kpɛnʋ-za-sob. Vʋʋrɛ a lɛ ɩ̃ na bɔbr kɛ́ fʋ vʋʋrɛ a, ɛ́ ta tɛr sãwna bɛ yere ɩ.

Yele-za-pɛr-tib 48:3

Ʋ tɩ yel'ɩ a Zuzɛb: «A Naaŋmɩn kpɛnʋ-za-sob ɩ na k'ɩ̃ nyɛ̃ ʋ a Luuzɩ, a Kanãa tẽw. Ʋ maalɩ mɛ̃ na,

2 Samɩɛl 7:14

Ɩ̃ na ɩ n sãà a ʋ zie, ʋʋ ɩ a ɩ̃ bidɛb. Ʋlɛ wa sãw a, ɩ̃ na kpãa ʋ na mɛ̃ a lɛ a nɩsaalbɛ na mɩ́ kpãa a, mɛ̃ sãà na mɩ́ kpãa bie a.

1 Bibie za yel-manɩ 17:13

Ɩ̃ na ɩ n sãà a ʋ zie, ʋʋ ɩ a ɩ̃ bidɛb. A ɩ̃ nɔ̃wfʋ bɛ be na baarɩ a ʋ zie, mɛ̃ a lɛ a na baarɩ a sob ʋl na de fʋ niwn a zie a ɩ.

Sɛb-sõw yielu 22:30

A tẽw nũ-kpɛn dem za na dɩ na ɛ́ gbĩ dume gũu tɩ tɔ tẽw a ʋ niŋé. Bɛlɩ dem za na lɛb lɩɛbɛ uuru a, na gbĩ n dume gũu tɩ tɔ tẽw a ʋ niŋé — a bɛlɩ dem na kpiir a.

Ɩzayi 43:6

Ɩ̃ yere nɩ a saa-pɛrɩ́-gʋba-lowr: “Lɛb tɩr bɛ”, ɛ́ yere a saa-pɛrɩ́-dʋrʋ-lowr: “Ta tɛr bɛ ɩ.” Nyɩ tɛr a ɩ̃ bidɛbr a tẽ-zãánɩ á ŋá lɛb wa n, ɛ́ tɛr a ɩ̃ pɔwyaar a tẽw baarʋ zie lɛb wa n.

Zeremi 3:19

Ɩ̃ tɩ tɩɛr'ɩ ɩ̃ pʋɔ à ŋá: «Ɩ̃ tɩ bɔbr'a k'ɩ̃ɩ nãà sɔr fʋ ƴãw a ɩ̃ bidɛbr pʋɔ, ɛ́ kʋ̀ b tẽw na vɩɛl vɩɛl a, a tẽ-daa zi-vla za zie!» Ɩ̃ tɩ tɩɛr'ɩ ɩ̃ pʋɔ: Fʋ na bʋɔlɛ mɛ̃ na: “Ɩ̃ sãà”, ɛ́ fʋ kʋ̃ lɛb gùr pùor cɔw mɛ̃ ɩ.

Zeremi 31:1

A Sore yere na: «A daar ʋl ɩ̃ na na ɩ a Ɩsɩrayɛl yie za Naaŋmɩn, ɛ́ a ɩ a ɩ̃ nɩ-bʋʋrɛ a na ta na.»

Zeremi 31:9

Bɛ kone na lɔbr'ɩ nɩbaal-nuru tarɛ nɩ, ɩ̃ɩ bɩɛlɛ bɛ. Ɩ̃ na tɛr bɛ na cen nɩ bàrʋ na paalɩ kʋ̃ɔ a zie. Ɩ̃ na tu n bɛ nɩ sɔ́r na man taa ʋ za bɛ kʋ̃ʋ tʋ̃ɔ́ ŋmɛ gbɛ́r lo a. Bʋ̃ʋ n'ʋ vɛ̃, ɩ̃ ɩ n sãà a Ɩsɩrayɛl zie, ɛ́ a Efarayim ɩ a ɩ̃ bidɛb-dãw.»

Zã 1:12

Ɛcɛ, a bɛlɩ dem za na sàw de ʋ a, ɛ́ de a ʋ yele a, ʋ kʋ̀ bɛ nɩ fãw kɛ́ bɛ lɩɛbɩ Naaŋmɩn bibiir,

Ʋrɔm 8:19

A Naaŋmɩn bʋ̃-íri za mĩine na gùre nɩ a daar ʋl a Naaŋmɩn na na wul a ʋ bibiir yúor-vɩɛlʋ-danʋ ʋ sãá a.

Ʋrɔm 8:29

Bʋ̃ʋ n'ʋ vɛ̃, a bɛlɩ dem a Naaŋmɩn na tɩ dãw de niwn bãw a, ʋ mɩ̀ bãwnɩ bɛ na ƴãw bɛ ɩ a ʋ Bie ŋmɛ̃-ta-taabɛ, k'aa Bie ŋa tʋ̃ɔ́ ɩ yɛbr na yãwmɛ yaga a kpɛ̃ɛ.

Galasi 3:26

Bʋ̃ʋ n'ʋ vɛ̃, nyɩ za ɩ n Naaŋmɩn bibiir, a naaŋmɩn-sàw-deb na ɩ nyɩ lãw nɩ a Yeezu Kɩrɩta a ƴãw.

Efɛɛzɩ 1:5

Ʋ tɩ de nɩ niwn bãwnɩ tɩ, k'ʋʋ wa de tɩ tɩ ɩ a ʋ bibiir a Yeezu Kɩrɩta ƴãw. À ŋá n'a ʋ tɩ nɔnɛ ɛ́ bɔbr.

Yel-wula 1:8

A Sore Naaŋmɩn yere na: «Mãa n'ɩ a Alfa nɩ a Omega, a sob nɛ na be, dãw be, ɛ́ waar a, a Kpɛnʋ-za-sob.»

Yel-wula 21:22

Ɩ̃ bɛ tɩ nyɛ̃ Ŋmɩn-yir a ʋ pʋɔ ɩ, bʋ̃ʋ n'ʋ vɛ̃, a Sore, a Naaŋmɩn kpɛnʋ-za-sob nɩ a Pele tɩ n'ɩ a ʋ Ŋmɩn-yir.

Yel-wula 21:7

A bom ŋa n'ʋ a sob nɛ na zɛb tʋ̃ɔ́ a na páw, ɩ̃ɩ na ɩ n a ʋ Naaŋmɩn, ʋʋ ɩ a ɩ̃ bie.