2 Korɛ̃tɩ 6:14 - A SƐB-SÕW

¹⁴ Nyɩ ta ɩ nyɩɩm nɩ a naaŋmɩn-bɛ-sàw-dierbɛ lãw taa mɛ̃ ni-kʋ́ɔrɩ bɛ na caw taa nɩ dà-been a nyuru zu a ɩ. Ŋmɩŋmɩn za n'a a mɩnʋ nɩ a faalʋ na tʋ̃ɔ́ lãw taa? Ŋmɩŋmɩn za n'a cãà nɩ lige na tʋ̃ɔ́ lãw taa?

2 Korɛ̃tɩ 6:14 ပူးပေါင်းရင်းမြစ်များ

Yele-za-pɛr-tib 24:3

ɛ́ pɔ n a Sore, a salom nɩ a tẽw Naaŋmɩn, yel mɛ̃ kɛ́ fʋ kʋ̃ ƴãw a ɩ̃ bidɛb kul a Kanãa tẽw dem sɔgɔ ɩ̃ na kpɩɛr a, powle kãw ɛ.

1 Na-mɩnɛ 18:21

A Eli tɩ taw na ta a nɩbɛ za niŋé ɛ́ yel à ŋá: «Debor daar'a nyɩ na mɩ́ ƴaw gol gbɛ́r ŋa zu, ɛ́ lɛb ƴaw gol gbɛ́r ŋa zu tɩ ta? A Sore wa n'ɩ a Naaŋmɩn a, nyɩ puore ʋ! Báàl wa n'ɩ a Naaŋmɩn a, nyɩ puore ʋ!» Ɛcɛ a nɩbɛ pʋɔ a, nɩr za bɛ tɩ sɔw ʋ ɛ.

2 Bibie za yel-manɩ 19:2

Naaŋmɩn-ƴɛ̀r-manɛ Yehu, Hanani bidɛb, tɩ yi na tuori ʋ yel ʋ: «Bʋ̃ʋ n'ʋ so fʋ sõw nɩ-faa? Ãa n'ʋ na tʋ̃ɔ́ nɔnɛ sob nɛ na hɩ̃ɛn a Sore a? Fʋ na ɩ à à ŋá a zũú, a Sore suur ìr'ɩ a fʋ ƴãw.

Ɛsɩdɩrasɩ 10:19

Bɛ tɩ pɔ na yel kɛ́ bɛ na lɛb'a bɛr a bɛ pɔwbɛ, ɛ́ nyɔw pʋ́ra maal'ɩ bàwr a Naaŋmɩn dɩ suur kʋ̀ bɛ.

Sɛb-sõw yielu 106:35

Ɛcɛ bɛ tɩ cen na tɩ mɩɩlɩ a tɩbɛ dem, zanɩ a bɛ ɩb,

Sɛb-sõw yielu 119:63

A bɛlɩ dem za na zɔrɛ fʋ ɛ́ tuur a tub fʋ na bin a, ɩ̃ ɩ n a bɛ tɔ.

Sɛb-sõw yielu 16:3

A fʋ nɩbɛ na be a tẽw pʋɔ a, bɛlɛ nɛbɛ ɩ a nɩ-sɩza mɩnɛ ɩ̃ ƴãwnɛ.

Eziptɩ tẽw yib 34:16

Nyɩ nãà mab'a de pɔwbɛ a bɛ pʋɔ kʋ̀ a nyɩ bibiir, a pɔwbɛ bɛ ŋa mɩ̀ taw bɛ tu n a tɩbɛ maalʋ pùor.

Zʋkpaɩ 22:24

Ta nyɔw nɩ suur sob báalʋ ɛ. Ta tuur nɩr na bɛ mɩ́ yaa kɛ́ nyɛ̃ suur a ɩ.

Zʋkpaɩ 29:27

A nɩ-mɩn bɛ mɩ́ nɔnɛ a yel-fa-maalbɛ ɩ, a nɩ-faar bɛ mɩ́ nɔnɛ a bɛlɩ dem na ɩrɛ vla a ɩ.

Levitɩ mɩnɛ 19:19

«Nyɩ mɩ̀ na sàwr'ɩ a nɛ́ɛ á ŋá: nyɩ taa ƴãwnɛ dʋn na ɩ tɛɛtɛɛ a, a dúor taa a nyɩ dʋn pʋɔ ɩ. Nyɩ taa bʋ̀rɛ bʋ̃-bʋʋr-pɛ́ɛ ayi a nyɩ póru pʋɔ ɩ. Nyɩ taa suur bʋ̃-suuri bɛ na wob a pɛnɛ nɩ fomi-pɛ́ɛ ayi a ɩ.»

Malasɩ 2:11

A Zuda tẽw dem bɛ tu a nɛ́ɛ bɛ na ƴãw a ɩ. Bɛ maal'ɩ yel-faar na bɛ maal'ɩ wob a, a Zerizalɛm nɩ a Ɩsɩrayɛl tẽw za pʋɔ. Bʋ̃ʋ n'ʋ vɛ̃, a zi-sõw a Sore na nɔnɛ a, bɛ dɛw ʋ na bɛr, bɛ na kul pɔwbɛ na puore ŋmɩn-yoru a ƴãw.

Malasɩ 2:15

A Sore bɛ tʋ̃ɔ́ ɩ ŋa mɩ́ ɩ nɩ-been lãwnɩ a ʋ pɔw, a ƴã-gan ƴãw nɩ a tɩɛrʋ ƴãw ɛ? Ɛ́ bʋ̃ʋ n'ʋ a nɩ-been ŋa bɔbr? Bibiir Naaŋmɩn na tɩrɛ a bɛ n'a ɩ? A na ɩ lɛ a, nyɩ gùre nyɩ tʋɔra! Nyɩ taa zawrɛ a nyɩ pɔ̀lʋ daarɩ́ pɔw bɛrɛ ɩ.

Zã 7:7

A tẽ-daa kʋ̃ tʋ̃ɔ́ hɩ̃ɛn nyɩ ɛ, ɛcɛ mãa a, ʋ hɩ̃ɛn mɛ̃ na, ɩ̃ na dɩrɛ a ʋ ɩ-faar dãsɩɛ a ƴãw.

Nɩ-toni 4:23

Bɛ na tɩ lɛb bɛr a Pɩɛr nɩ a Zã a, bɛ cen na tɩ páw a bɛ taabɛ, manɩ kʋ̀ bɛ a lɛ za a bàwr-maal-nɩ-bɛrɛ nɩ a Zifʋ mɩnɛ nɩ-kore na tɩ yel kʋ̀ bɛ a.

1 Korɛ̃tɩ 10:21

Nyɩ kʋ̃ tʋ̃ɔ́ mɩ́ nyũ a Sore koli-nyúura ɛ́ mɩ̀ lɛb nyũ a kɔ̃tɔmɛ dem ɛ, nyɩ kʋ̃ tʋ̃ɔ́ mɩ́ pʋɔ a Sore dɩb pʋɔ ɛ́ mɩ̀ lɛb pʋɔ a kɔ̃tɔmɛ dem pʋɔ ɩ.

1 Korɛ̃tɩ 15:33

Nyɩ ta bɛ̀lɛ nyɩ tʋɔra ɩ: a tu-taa na bɛ vɩɛl a sãwnɛ nɩ a nyɔ-vʋʋr-vla bɛrɛ.

1 Korɛ̃tɩ 5:9

Ɩ̃ sɛb nyɩ na kɛ́ nyɩ ta pɩɛlɛ a pɩ̃ɔ-yel-maalbɛ ɩ.

1 Korɛ̃tɩ 6:6

Ɛ̀ yɛb pãa mɩ́ tɛr'ɩ yɛb ƴɛ̀rʋ nɩbɛ na bɛ sàw de Naaŋmɩn a niŋé!

1 Korɛ̃tɩ 7:39

A pɔw be n a ʋ sɩr ƴãw lɛn daar za a ʋ sɩr na vʋʋrɛ a. A ʋ sɩr wa kpi a, ʋ so nɩ ʋ tʋɔra na tʋ̃ɔ́ kul sob nɛ ʋ na bɔbr a, ɛcɛ a sob nɛ a, ʋ ɩ kɩrɩta-nɩr.

Filib 2:15

lɛ n'a nyɩ kʋ̃ tɛr sãwna bɛ yere ɩ, ɛ́ vɩɛl ɩ Naaŋmɩn bibiir na bɛ tɛr faalʋ a, vʋʋrɛ nɩ a tẽ-daa zu nɩbɛ sɔgɔ na fa ɛ́ sãw bɛ za a, nyɩwrɛ a bɛ sɔgɔ mɛ̃ ŋmar-bie salom zu a,

Zakɩ 4:4

Naaŋmɩn bɛlbɛlbɛ bɛ ŋa! Nyɩ bɛ bãw kɛ́ nɩr wa ɩ a tẽ-daa bá a, ʋ mɩ́ lɩɛb'ɩ a Naaŋmɩn dɔ̃ sob ɛ? Lɛ so, ʋlɩ sob wa bɔbr k'ʋʋ ɩ a tẽ-daa bá a, ʋ mɩ́ lɩɛb'ɩ Naaŋmɩn dɔ̃ sob.