2 Korɛ̃tɩ 6:1 - A SƐB-SÕW

¹ Ɛ́ tɩ na lãw nɩ a Naaŋmɩn tone a, tɩ zɛlɛ nyɩ na kɛ́ nyɩ ta bɛr a ʋ maalʋ nyɩ na páw a lo tẽw wɛ ɩ.

2 Korɛ̃tɩ 6:1 ပူးပေါင်းရင်းမြစ်များ

Zeremi 8:8

Nyɩ yere na: «Yã-bãwnbɛ n'ɩ tɩ, tɩmɛ nɛbɛ tɛr a Sore wulu.» Ɛcɛ ŋmɩŋmɩn n'a nyɩ na tʋ̃ɔ́ yere a lɛ? A wulu bãw-bãw-karɩ ɩ n zir-ŋmarbɛ na ɩ a wulu bɛ cãà tori a.

Matie 23:37

«Zerizalɛm i! Zerizalɛm i! Fʋ̃ʋ na kʋrɛ a naaŋmɩn-ƴɛ̀r-manbɛ, ɛ́ lɔbr a bɛlɩ dem a Naaŋmɩn na tone a fʋ zie a nɩ kʋsɛbɛ kʋrɛ a, gb'a a ŋmɩn za n'a ɩ̃ tɩ bɔbr k'ɩ̃ɩ kaalɩ a fʋ bibiir ɓã taa, mɛ̃ nɔ-mã na mɩ́ kaalɩ a ʋ lili-pɩɩlɛ ɓã taa a ʋ pɩgɛ pile a, ɛ́ nyɩ bɛ sàw ɛ!

Nɩ-toni 11:23

A Banabasɩ na tɩ ta a Ãtɩɔsɩ nyɛ̃ a lɛ a Naaŋmɩn na maalɩ a nɩbɛ bɛ ŋa a, nʋ̃ɔ̀ kpɛ ʋ na. Lɛ n'a ʋ tɩ kpaalɛ bɛ, kɛ́ bɛ za ƴãw fãw tu a Sore pùor nɩ a bɛ pʋɔ za.

Nɩ-toni 14:3

A na saa tɩ ɩ à ŋá a, a Pol nɩ a Banabasɩ tɩ kpɛ n a Ɩkonɩɔm kɔwrɩ. Bɛ bɛ tɩ bʋ́nɛ a bɛ ƴɛ̀rʋ pʋɔ ɩ. Bɛ tɩ ƴãw nɩ a bɛ tɩɛrʋ za a Sore ƴãw. A Sore mɩ́ tɩ kʋ̀ bɛ nɩ fãw bɛ maalɛ nɔ-ɓãa-yele nɩ yel-bãw-guuri, ʋʋ dɩrɛ a dãsɩɛ kɛ́ a kanʋ bɛ na kanɛ càarɛ nɩ a ʋ maalʋ a ɩ n sɩza.

Ʋrɔm 12:1

A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

1 Korɛ̃tɩ 3:9

Naaŋmɩn lãw-tõ-taabɛ n'ɩ tɩ, ɛ́ nyɩmɛ nɛbɛ ɩ a Naaŋmɩn púo. Nyɩmɛ nɛbɛ mɩ̀ ɩ a yir a Naaŋmɩn na mɩɛr a.

2 Korɛ̃tɩ 10:1

A mãa Pol bɛ na yel k'ɩ̃ɩ mɩ́ siwre nɩ ɩ̃ tʋɔra yaga za mãa wa be a nyɩ sɔgɔ a, ɛ́ kpɛ pʋra a lɛn daar ɩ̃ na mɩ́ wa zãá a, mãa tɔr za n'ʋ kpaalɛ nyɩ a Kɩrɩta su-baalʋ nɩ a ʋ vɩɛlʋ zũú:

Galasi 2:21

Ɩ̃ bɛ zawrɛ a Naaŋmɩn maalʋ bɛrɛ ɩ, bʋ̃ʋ n'ʋ vɛ̃, alɛ wa ɩ a Wulu sàwfʋ zũú n'a a nɩsaal mɩ́ páw a mɩnʋ a Naaŋmɩn niŋé a, a Kɩrɩta kpi n zawlalɛ.

Galasi 3:4

Zawlalɛ ƴãw n'a nyɩ bãw a yele sɛw à ŋá bɩɩ? A kʋ̃ tʋ̃ɔ́ ɩ zawlalɛ ɩ!

1 Tesalonikɩ 3:5

Al ƴãw n'a ɩ̃ tɩ vʋʋrɩ gu ɛ́ tõ kɛ́ bɛ wa nyɛ̃ a lɛ a nyɩ naaŋmɩn-sàw-deb na ɩ a, k'aa Bɛlbɛlɛ taa wa mab bɛlɩ nyɔw nyɩ, ɛ́ tɩ hanɩ zawlalɛ ɩ.

Títɩ̀ 2:11

Bʋ̃ʋ n'ʋ vɛ̃, Naaŋmɩn ɩ n a ʋ maalʋ na ɩ a nɩsaalbɛ za faafʋ yib zie a, ʋ sãá.

Ebre 12:15

Nyɩ gù vla nɩr za taa gùre pùor cɔwr a Naaŋmɩn maalʋ ɛ, nɩr za taa wa ɩ mɛ̃ tɩ-nyɩwr-tuo na bule sãwnɛ nɩ-yaga bɛrɛ a ɩ.

Ebre 12:25

Nyɩ gù vla taa wa zawrɛ a sob nɛ na ƴɛ̀rɛ a nyɩ zie a ƴɛ̀rʋ bɛr-wob ɛ. Bʋ̃ʋ n'ʋ vɛ̃, a bɛlɩ dem na tɩ zawrɩ a sob nɛ na kpãànɛ bɛ a tẽw zu ka a bɛr a, bɛ bɛ cɩ̃ɛ ɩ, ɛ̀ bɛ nãà yere a tɩɩm ɩ, tɩ mɩ̀ kʋ̃ cɩ̃ɛ ɩ, tɩmɛ wa gùr pùor cɔw a sob nɛ na be a tẽ-vla pʋɔ ɛ́ ƴɛ̀rɛ a tɩ zie a.

Ebre 4:1

A Naaŋmɩn nʋɔr na cãà ƴãw gã, kɛ́ tɩ na tʋ̃ɔ́ na ta a ʋ pɩ̃ɛnʋ zie a, nyɩ ɩ tɩ gù vla bɛ taa wa nyɛ̃ k'aa nyɩ kãw bɛ tʋ̃ɔ́ ta ɩ.

1 Pɩɛr 4:10

A Naaŋmɩn maalʋ a nyɩ been been na mɩ́ páw a, ʋ mɩ́ de ʋ tone nɩ a ʋ taabɛ vla ƴãw. Lɛ n'a nyɩ na ɩ nɩbɛ na kaarɛ a Naaŋmɩn maalʋ zie vla a, a Naaŋmɩn maalʋ na ɩ tɛɛtɛɛ a.

1 Samɩɛl 14:45

Ɛcɛ a sojarɩ tɩ yel'ɩ a Sawul: «A Zonatã na ɩ a Ɩsɩrayɛl zɛb tʋ̃ɔ́ sɛw à ŋá a na kpi na ya a? Bɛlɛ! A Sore na vʋʋrɛ a bɛ wa n'ʋ a n'a! A Zonatã zukɔbr-been bɛ lore tẽw ɛ, bʋ̃ʋ n'ʋ vɛ̃, Naaŋmɩn n'ʋ sõw ʋ, ʋ ɩ à à ŋá a dɩ̃a bibir.» À ŋá n'a a zɛbr-nɩbɛ tɩ faa a Zonatã, ʋ bɛ kpi ɛ.