2 Korɛ̃tɩ 5:9 - A SƐB-SÕW

⁹ Ɛcɛ bom nɛ tɩ na bɔbr zuo a za a n'ɩ kɛ́ tɩ pɛlɩ a ʋ pʋɔ, tɩmɛ saa na be a ƴã-gan ŋa pʋɔ bɩɩ yi kɛ́ bɛr ʋ a.

2 Korɛ̃tɩ 5:9 ပူးပေါင်းရင်းမြစ်များ

Yele-za-pɛr-tib 4:7

A fʋ ɩb wa vɩɛl a, fʋ na dʋɔ nɩ zu. Ɛcɛ a fʋ ɩb bɛ wa vɩɛl a, a yel-bier ũú nɩ a fʋ dɩ̃dɔr ƴãw gù. Ʋ bɔbr'a k'ʋʋ so b, ɛcɛ fʋ̃ʋ n'ʋ na ƴãw fãw tʋ̃ɔ́ ʋ.»

Ɩzayi 56:7

ɩ̃ na ƴãw na bɛ wa a ɩ̃ tãw-sõw zu, ɩ̃ na ɩ na nʋ̃ɔ̀ kpɩɛr bɛ yaga za a yir ʋl pʋɔ a nɩbɛ na puore mɛ̃ a. Ɩ̃ na mɩ́ pɛlɩ nɩ pʋɔ de a bagɛ nɩ a de-kʋ̀b bome bɛ na kʋ̀rɛ mɛ̃ a bàwr-maal-kuur zu a. Bʋ̃ʋ n'ʋ vɛ̃, bɛ na bʋɔlɛ nɩ a ɩ̃ yir: “Puoru yir a nɩ-bʋʋrɛ za ƴãw”.»

Zã 6:27

Nyɩ ta tone bɔbr'ɩ dɩb na na tʋ̃ɔ́ wɛ a ɩ, nyɩ ƴãw fãw tone bɔbr'ɩ dɩb na be be a nyɔ-vʋʋrʋ na be kʋralɛ a ƴãw a, a dɩb ŋa n'ʋ a Nɩsaal Bie na kʋ̀ nyɩ, ʋl a Sãà, na ɩ Naaŋmɩn a, na ƴãw a ʋ bãwfʋ a.»

Nɩ-toni 10:35

bʋʋrɛ nɛ kãw za pʋɔ, nɩr na zɔrɛ ʋ ɛ́ tuur a yel-mɩnʋ a, a ʋ yele mɩ́ nʋmɛ nɩ a Naaŋmɩn zie.

Ʋrɔm 14:18

Ʋlɩ sob na tone a Kɩrɩta à ŋá a, ʋ mɩ́ pɛlɩ nɩ a Naaŋmɩn pʋɔ ɛ́ a nɩsaalbɛ de a ʋ yele.

Ʋrɔm 14:8

Tɩmɛ wa vʋʋrɛ a, a Sore ƴãw n'a tɩ vʋʋrɛ, ɛ́ tɩmɛ wa kpiir a, a Sore ƴãw n'a tɩ kpiir: tɩ vʋʋrɛ na o, tɩ kpi na o, a Sore so tɩ.

Ʋrɔm 15:20

Ɛcɛ ɩ̃ bɛ sàw yel a Yel-nʋ̃ɔ̀ be nɩbɛ na wõ a Kɩrɩta yele a ɩ, k'ɩ̃ɩ taa wa mɩɛr a dacine dɔwlɛ yir pɛr zu nɩ-yũo na lɔb a ɩ.

1 Korɛ̃tɩ 15:58

A na ɩ lɛ a, ɩ̃ yɛb-nɔnɩ i, nyɩ ƴãw fãw kpɛmɛ, ɛ́ taa bãwnɛ damnʋ ɛ. Nyɩ kɛrɛ kʋralɛ a Sore tome pʋɔ, ɛ́ bãwnɩ a kɛ́ nyɩ bɛ hanɛ lãwnɛ nɩ a Sore zawla ɩ.

2 Korɛ̃tɩ 5:6

A na ɩ à ŋá a, bʋnʋ kãw za bɛ ka a tɩ zie towtow ɛ, tɩ bãwnɩ a na, lɛn daar za tɩ na kpɩɛr a ƴã-gan ŋa pʋɔ a, tɩ yi na zaa a tɩ kpɛb zie zãá nɩ a Sore.

2 Korɛ̃tɩ 5:8

Bʋnʋ kãw za bɛ ka a tɩ zie ɩ, ɛ́ tɩ nyɛ̃ a sa kɛ́ tɩ yi ɛ́ bɛr a ƴã-gan ŋa, ɛ́ cen tɩ be a Sore zie.

Efɛɛzɩ 1:6

A na ɩ à ŋá a, nyɩ ɩ tɩ danɛ a Naaŋmɩn na ƴãw a ʋ Bi-nɔna kʋ̀ tɩ a maalʋ sɛw à ŋá zawlalɛ a.

Kɔlɔsɩ 1:10

À ŋá n'a nyɩ na maalɛ a Naaŋmɩn yã-nɔn za, ɛ́ vʋʋrɛ nyɔ-vʋʋrʋ na sɛw taa nɩ ʋ a. Nyɩ na maalɛ nɩ ɩ-vɩɛlɩ bʋʋrɛ bʋʋrɛ za, ɛ́ lɛb bãwnɛ a Naaŋmɩn dɔwlɛ.

Kɔlɔsɩ 1:29

À á ŋá ƴãw n'a ɩ̃ tone ɛ́ mʋɔr nɩ a fãw ɩ̃ na páw a Yeezu Kɩrɩta zie, ɛ́ a fãw ŋa tone a ɩ̃ pʋɔ kpɛ̃w kpɛ̃w za a.

1 Tesalonikɩ 4:1

Lɛb waar mɩ̀, yɛbr i, tɩ zie n'a nyɩ wõ a lɛ a na fɛr kɛ́ nyɩ ɩrɛ pɛlɩ a Naaŋmɩn pʋɔ a, ɛ́ lɛ n'a nyɩ ɩrɛ. Ɛcɛ a ƴɛrɛŋa a, tɩ zɛlɛ nyɩ na ɛ́ kpaalɛ nyɩ a Sore Yeezu yúor ƴãw: nyɩ cãà ɩrɛ vla dɔwlɛ.

1 Tesalonikɩ 4:11

Nyɩ ƴãw fãw be ƴã-ɓaarʋ pʋɔ, nyɩ kaarɛ a nyɩ mɩŋa yele zie, ɛ́ tone nɩ a nyɩ nuru mɛ̃ a lɛ tɩ na yel kʋ̀ nyɩ a.

1 Timote 4:10

Bʋ̃ʋ n'ʋ vɛ̃, tɩmɛ wa hanɛ ɛ́ mʋɔr a, tɩ na ƴãw a tɩ tɩɛrʋ a Naaŋmɩn na vʋʋrɛ a ƴãw a n'a so, ʋl na ɩ a nɩsaalbɛ za faarɛ a, baa zuo a za a bɛl na sàw de ʋ a.

Ebre 12:28

A na ɩ à ŋá tɩ páwr naalʋ-tẽw na bɛ tɛr damnʋ a, nyɩ ɩ tɩ tɛr a maalʋ ŋa vla, tʋ̃ɔ́ puore nɩ a Naaŋmɩn mɛ̃ a lɛ a na nʋmɛ a ʋ zie a, tɛr'ɩ a ʋ ƴãwfʋ nɩ a ʋ zɔba.

Ebre 4:11

A na ɩ à ŋá a, nyɩ ɩ tɩ ƴãw fãw ta a pɩ̃ɛnʋ ŋa zie, a tɩ sãàkʋm-kore bɛ-wonu taa ɩrɛ tɩ kãw za ʋ lore ɩ.

2 Pɩɛr 3:14

Alɛ so, ɩ̃ bá mɩnɛ ɛ, nyɩ ƴãw fãw vɩɛl ɛ́ ta tɛr dɛwr a Naaŋmɩn zie ɩ, gùre nɩ a bibir ŋa, ɛ́ ƴã-ɓaarʋ be nyɩɩm nɩ a Naaŋmɩn cara pʋɔ.