2 Korɛ̃tɩ 5:17 - A SƐB-SÕW

¹⁷ Lɛ so nɩr wa lãw nɩ a Kɩrɩta a, ʋ lɩɛb'ɩ nɩ-paala. Bʋ̃-kʋra tɔl'a, ɛ́ bʋ̃-paala n'ʋ be be.

2 Korɛ̃tɩ 5:17 ပူးပေါင်းရင်းမြစ်များ

Sɛb-sõw yielu 51:10

Yel kʋ̀ m k'ɩ̃ɩ na nyɛ̃ nɩ nʋ̃ɔ̀ nɩ cɩlʋ, ɩ̃ɩ na cɩlɛ na, mãa fʋ na kʋ kpaa bɛr a.

Ɩzayi 45:17

Ɛcɛ a Sore faa nɩ a Ɩsɩrayɛl faafʋ na be kʋralɛ a. Nyɩɩm na ɩ a ʋ nɩbɛ a, nyɩ bɛ be za na lɛb nyɛ̃ vĩ nɩ zʋmɛ ɩ, towtow!

Ezekɩɛl 11:19

Ɩ̃ na kʋ̀ nyɩ nɩ soci-paala, ɩ̃ na ƴãw nyɩ nɩ tɩɛr-paala. Ɩ̃ na ír'ɩ a kʋsɩɛr socir bɛr a nyɩ ƴã-ganɩ́ ɛ́ ƴãw nyɩ ƴã-gã-nɛn socir.

Ezekɩɛl 18:31

Nyɩ zawrɩ a nyɩ ɩ-faar za bɛr, nyɩ lɩɛbɩ a nyɩ socie nɩ a nyɩ tɩɛrʋ. Bʋ̃ʋ n'ʋ so nyɩ bɔbr kɛ́ nyɩ kpi, Ɩsɩrayɛl nɩbɛ ɛ?

Ezekɩɛl 36:26

Ɩ̃ na kʋ̀ nyɩ nɩ soci-paala, ɩ̃ na ƴãw nyɩ nɩ vʋʋr-paala. Ɩ̃ na ír'ɩ a kʋsɩɛr socir bɛr a nyɩ ƴã-ganɩ́ ɛ́ ƴãw nyɩ ƴã-gã-nɛn socir.

Matie 12:33

«Tɩɛ wa vɩɛl a, a ʋ wɔmɛ na vɩɛl a, ɛ́ tɩɛ wa ɩ tɩ-sãwna a, a ʋ wɔmɛ na ɩ n wɔ̃-sãwnɩ. A tɩɛ wɔm zie n'a bɛ mɩ́ tʋ̃ɔ́ bãw a tɩɛ.

Matie 24:35

A salom nɩ a tẽw na tɔl'a, ɛcɛ a ɩ̃ ƴɛ̀rʋ bɛ be za na tɔl ɛ.»

Luka 5:38

Bɛ mɩ́ ƴãw nɩ divɛ̃-paala wɔ-gbã-paalɛ pʋɔ.

Zã 14:20

A ʋlɩ bibir nɛ a, nyɩ na bãw na k'ɩ̃ɩ lãw nɩ nɩ a ɩ̃ Sãà, kɛ́ nyɩ lãw nɩ mɛ̃ na, ɩ̃ɩ mɩ̀ lãw nɩ nyɩ.

Zã 15:2

Wule za, na be a ɩ̃ ƴãw, ɛ́ bɛ wɔnɛ a, ʋ mɩ́ cɛ ʋ na bɛr, ɛ́ wule za na wɔnɛ a, ʋ mɩ́ ɓɛlɓɛl'ɩ a wuli-ɓɛrmɛ bɛr k'ʋʋ tʋ̃ɔ́ wɔ̃ dɔwlɩ.

Zã 15:5

Mãa n'ɩ a divɛ̃ tɩɛ ɛ́ nyɩmɛ n'ɩ a wuli. Ʋlɩ sob na lãw nɩ mɛ̃, ɩ̃ɩ lãw nɩ ʋ a, ʋ mɩ́ wɔ̃ n wɔmɛ yaga, mãa ƴãw sɩrɩ bɛ wa n'a a, nyɩ kʋ̃ tʋ̃ɔ́ ɩ bom za ɩ.

Zã 17:23

ɩ̃ lãw nɩ bɛ, ɛ́ fʋ lãw nɩ mɛ̃, kɛ́ a bɛ lãw-taa vɩɛl ʋ za: lɛ n'a a tẽ-daa na bãw kɛ́ fʋ tõ m'a, ɩ̃ɩ nɔ̃w bɛ mɛ̃ fʋ na nɔ̃w mɛ̃ a.

Zã 3:3

A Yeezu tɩ sɔw ʋ na: «Yel-mɩŋa sɩza sɩza n'a ɩ̃ yere kʋ̀rɛ fʋ: nɩr bɛ wa lɛb dɔw a, ʋ kʋ̃ tʋ̃ɔ́ nyɛ̃ a Naaŋmɩn Naalʋ ɛ.»

Zã 3:5

A Yeezu tɩ sɔw na: «Yel-mɩŋa sɩza sɩza n'a ɩ̃ yere kʋ̀rɛ fʋ: sob nɛ za na bɛ lɛb dɔw kʋ̃ɔ nɩ Vʋʋrʋ Sõw pʋɔ dɔwfʋ a, ʋ kʋ̃ tʋ̃ɔ́ kpɛ a Naaŋmɩn Naalʋ pʋɔ ɩ.

Ʋrɔm 16:10

Nyɩ puori Apɛl na wul a sãá ʋ na sàw de a Kɩrɩta a. Nyɩ mɩ̀ puori a Arɩsɩtobul yir dem.

Ʋrɔm 16:11

Nyɩ puori a ɩ̃ nɩr Erodɩ̃ɔ, ɛ́ mɩ̀ lɛb puori Narsɩsɩ yir dem na sàw de a Sore a.

Ʋrɔm 16:3

Nyɩ puori Pɩrɩsɩl nɩ Akɩlasɩ kʋ̀ m, bɛl na ɩ a ɩ̃ lãw-tõ-taabɛ a Yeezu Kɩrɩta tome pʋɔ a.

Ʋrɔm 16:7

Nyɩ puori Ãdoronikisɩ nɩ Zinɩasɩ na ɩ a ɩ̃ nɩbɛ, ɛ́ lãw nɩ mɛ̃ kpɛ a gaso a. Nɩ-toni na ɩ nɩ-toni a nɛbɛ, ɛ́ bɛ mɔ̃ mɩ̀ de nɩ niwn sàw de a Kɩrɩta a ɩ̃ ƴãw.

Ʋrɔm 16:9

Nyɩ puori Irbɛ̃, tɩ lãw-tõ-tɔ a Kɩrɩta tome pʋɔ, nɩ a ɩ̃ bá Sɩtakɩsɩ.

Ʋrɔm 7:6

Ɛcɛ ƴɛrɛŋa a, bɛ ír tɩ na bɛr a Wulu fɛrʋ pʋɔ, bʋ̃ʋ n'ʋ vɛ̃, a ʋlɩ bom nɛ na tɩ so tɩ ɩ gbãgbaar a, tɩ ɩ na mɛ̃ tɩ kpi na bɛ cãà pʋɔ ʋ pʋɔ a. A na ɩ à ŋá a, tɩ na tʋ̃ɔ́ na tone a Naaŋmɩn tu n pɔ̀l-paala a Vʋʋrʋ na wule a, ɛ́ ta cãà tuur'ɩ a pɔ̀l-kʋra a Wulu na sɛb a na wule a ɩ.

Ʋrɔm 8:1

A na ɩ à ŋá a, a ƴɛrɛŋa a, a bɛlɩ dem na lãw nɩ a Yeezu Kɩrɩta a, sãwna dɔwrʋ kãw za bɛ cãà be a bɛ ƴãw ɛ.

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

1 Korɛ̃tɩ 13:11

Ɩ̃ na tɩ ɩ bibile a, ɩ̃ tɩ ƴɛ̀rɛ na mɛ̃ bibile a, ɩ̃ tɩ tɩɛrɛ na mɛ̃ bibile a, ɛ́ a ɩ̃ yã tɩ ɩ bibi-yã. Ɛcɛ, ɩ̃ na wa ɩ nɩ-kpɛ̃ɛ baar'a, ɩ̃ bɛr'ɩ a bibi-ɩb.

2 Korɛ̃tɩ 12:2

Ɩ̃ bãw nɩ kɩrɩta-nɩr kãw, yome pie nɩ anaar'ɩ dɩ̃a, bɛ na ír ʋ do n tɩ gãw nɩ a salom a. Ɩ̃ bɛ bãw a ʋ ƴã-gan n'ʋ bɛ ír'ɩ ʋ do n bɩɩ a ʋ ƴã-gan bɛ n'ʋ a, Naaŋmɩn yõ n'ʋ bãw.

2 Korɛ̃tɩ 5:16

Lɛ n'a so tɩ bɛ cãà bãw nɩr za nɩsaalʋ bãwfʋ tɛwr ɛ. Tɩmɛ saa tɩ dãw bãw a Kɩrɩta nɩsaalʋ bãwfʋ a, ƴɛrɛŋa a, tɩ bɛ cãà bãw ʋ a lɛ ɩ.

2 Korɛ̃tɩ 5:19

Bʋ̃ʋ n'ʋ vɛ̃, a Kɩrɩta zũú, a Naaŋmɩn n'ʋ tone kɛ́ ʋlɛ nɩ a nɩsaalbɛ za lɛb kpɛ taa, lɛ so ʋ mɩ́ tɩ de a bɛ sãwna bɛr a baarɩ, ɛ́ ƴãw a lɛb-kpɛ-taa ƴɛ̀r-bie a tɩ nʋɔrɩ́.

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Galasi 3:28

Nyɩ za lãw nɩ nɩ a Kɩrɩta ɩ nɩ-been. A na ɩ lɛ a, Zifʋ nɩ nɩ-bʋʋr-yoru yele bɛ cãà be ɩ, gbãgbaa nɩ nɩr na so ʋ tʋɔra a yele bɛ cãà be ɩ, dɛb nɩ pɔw yele bɛ cãà be ɩ.

Galasi 5:6

Bʋ̃ʋ n'ʋ vɛ̃, sob nɛ na lãw nɩ a Yeezu Kɩrɩta a, a yʋɔr-ŋmãafʋ bɩɩ a bɛ-ŋmãafʋ bɛ ɩ bom za ɩ, a bom'ɩ a naaŋmɩn-sàw-deb na tɛr nɔ̃wfʋ ɩ-ɩrɩ a.

Galasi 6:15

Bʋ̃ʋ n'ʋ vɛ̃, fʋ na ŋmãa a yʋ̀ɔr bɩɩ fʋ na bɛ ŋmãa a, a bɛ ɩ bom ɛ, fʋ na ɩ Naaŋmɩn bʋ̃-ír-paala a, ʋlɛ n'ʋ ɩ bom.

Efɛɛzɩ 2:10

Naaŋmɩn mɩŋa n'ʋ maalɩ tɩ, ʋlɛ n'ʋ ír tɩ tɩ lãw nɩ a Yeezu Kɩrɩta, kɛ́ a tɩ ɩ-ɩrɩ tʋ̃ɔ́ vɩɛl, a ɩ-ɩrɩ á ŋá a Naaŋmɩn na cɔbrɩ bɛr a koro za kɛ́ tɩ wa ɩrɛ a.

Efɛɛzɩ 2:15

Ʋ sãw nɩ a Moyiir wulu nɩ a ʋ nɛ-ƴãwnɩ lãwnɩ a tub bɛr. À ŋá n'a ʋ ɩ, bɔbr k'ʋʋ ɓã a bʋʋrɛ bɛ ŋa ayi taa, ɛ́ ɩ bɛ lɩɛbɩ nɩ-paala been lãwnɩ ʋ.

Filib 4:21

Nyɩ puori a kɩrɩta-nɩbɛ za been been a Yeezu Kɩrɩta yúor ƴãw. A yɛbr na be a ɩ̃ zie a puore nyɩ na.