2 Korɛ̃tɩ 5:15 - A SƐB-SÕW

¹⁵ Ʋʋ kpi n a bɛ za ƴãw, k'aa nɩ-vʋʋrɩ ta cãà vʋʋrɛ bɛl mɩŋa ƴãw ɛ, ɛ́ vʋʋrɛ a ʋlɩ sob nɛ ƴãw na kpi ɛ́ lɛb yi a bɛ ƴãw a.

2 Korɛ̃tɩ 5:15 ပူးပေါင်းရင်းမြစ်များ

2 Na-mɩnɛ 5:17

Lɛ n'a a Naaman tɩ yel à ŋá: «Fʋ na zawrɩ bom za deb a, fʋ̃ʋ sàw ɩ̃ ɩ a fʋ tẽw tanɛ blã, man mílɛ̀ ayi tuofʋ, kul'ɩ: bʋ̃ʋ n'ʋ vɛ̃, ɩ̃ bɛ bɔbr k'ɩ̃ɩ lɛb maalɩ nyɩw-a-za-bagɛ nɩ lãw-taa bagɛ kʋ̀ ŋmɩn yoru, a bɛ ɩ a Sore ɩ.

Ezekɩɛl 16:6

Ɩ̃ tɩ cen na tɔl pɩɛlɩ fʋ, Zerizalɛm i, ɛ́ nyɛ b fʋ na tɩ kpere a fʋ zɩ̃ɩ pʋɔ a. A zɩ̃ɩ na saa tɩ pàw fʋ a, ɩ̃ tɩ yel fʋ na kɛ́ fʋ vʋʋrɛ! Sɩza n'a, ɩ̃ tɩ yel fʋ na kɛ́ fʋ vʋʋrɛ!

Ezekɩɛl 37:14

Ɩ̃ na ƴãw nyɩ nɩ a ɩ̃ Vʋʋrʋ ɛ́ nyɩ na vʋʋrɛ na. Ɩ̃ na ƴãw nyɩ nɩ a nyɩ tẽw. Lɛ n'a nyɩ na bãw k'aa mãa Sore a, ɩ̃ mɩ́ ƴɛ̀r'a ɛ́ tu a lɛ ɩ̃ na yel a. A mãa Sore Naaŋmɩn n'ʋ yere.»

Ezekɩɛl 37:9

Lɛ n'a a Sore tɩ yel mɛ̃: «Nɩsaal bie e, ƴɛ̀r a vʋʋrʋ zie a ɩ̃ yúor ƴãw, yel ʋ à ŋá: “Vʋʋrʋ ʋ, à ŋá n'a a Sore Naaŋmɩn yere kʋ̀rɛ fʋ: Yi a tẽw lõbowe anaar wa fu a kũuni á ŋá zu a lɛb vʋʋrɛ.”»

Habakukɩ 2:4

Sɛb yel: a tɩɛr-faa sob fãw siwre na, ɛcɛ a nɩ-mɩŋa vʋʋrɛ na ʋ na tu a Naaŋmɩn bɛ lɛb pùor a zũú.

Zakari 10:9

Ɩ̃ ɩ na bɛ yaarɩ be a nɩ-bʋʋr-yoru pʋɔ, mɛ̃ bʋ̃-bʋʋrɛ bɛ na yaarɩ a, ɛcɛ bɛ na tɛr'ɩ a ɩ̃ tɩɛrʋ, a tẽ-zãánɩ pʋɔ. Bɛ na kpɩɛr'ɩ a be nɩ a bɛ bibiir, al pùorí bɛ na lɛb'a wa.

Luka 1:74

k'ʋʋ na faa tɩ nɩ a tɩ dɔ̃ dem nuru pʋɔ a, nɩ k'ʋʋ na ɩ na tɩ bɛr dɛ̃bɩ̃ɛ ɛ́ ƴãwnɛ ʋ,

Zã 5:24

Yel-mɩŋa sɩza sɩza n'a ɩ̃ yere kʋ̀rɛ nyɩ: sob nɛ na bɛrɛ wone a ɩ̃ ƴɛ̀rʋ ɛ́ sàw de a ʋlɩ sob na tõ m a, ʋ páw nɩ a nyɔ-vʋʋrʋ na be kʋralɛ a. Bɛ bɛ maalɛ nɩ ʋ ƴɛ̀rʋ ɛ, ʋ yi n a kũu pʋɔ kpɛ a nyɔ-vʋʋrʋ pʋɔ.

Zã 6:57

Mɛ̃ a lɛ a Sãà na vʋʋrɛ a na tõ m ɛ́ so k'ɩ̃ vʋʋrɛ a, lɛ mɩ̀ n'a, sob nɛ nãà wa 'wɔbr mɛ̃ a, mãa n'ʋ mɩ̀ na so k'ʋ vʋʋrɛ.

Ʋrɔm 12:1

A na ɩ à ŋá a, yɛbr i, ɩ̃ zɛlɛ nyɩ na a Naaŋmɩn su-ɓaarʋ zũú, kɛ́ nyɩ mɩ́ de nyɩ tʋɔra kʋ̀ a Naaŋmɩn mɛ̃ bàwr-maal-bʋ̃-vʋbɛ na ɩ son ɛ́ nʋmɛ a ʋ zie a: lɛ n'ɩ a nyɩ Naaŋmɩn puoru na ɩ sɩza a.

Ʋrɔm 4:25

A Naaŋmɩn de ʋ na tɩr a tɩ yel-bebe ƴãw, bɛ kʋ ʋ, ʋʋ ɩ ʋ lɛb yi a kũu pʋɔ kɛ́ tɩ tʋ̃ɔ́ páw a mɩnʋ.

Ʋrɔm 6:2

Lɛ bɛ n'a towtow ɛ! Tɩ kpi na, bɛ cãà pʋɔ yel-bier pʋɔ ɩ: ŋmɩŋmɩn n'a tɩ na tʋ̃ɔ́ cãà be a yel-bier pʋɔ?

Ʋrɔm 6:6

Tɩ bãwnɩ a yel ŋa vla: a nɩsaal ʋl tɩ na tɩ ɩ a koro za a, bɛ kpa ʋ nɩ a da-gara zu lãwnɩ a Kɩrɩta, k'aa yel-bier nɩr ʋl tɩ na ɩ a, ta cãà ɩ, ɛ́ tɩ mɩ̀ ta cãà ɩ a yel-bier gbãgbaar ɛ.

Ʋrɔm 8:10

A Kɩrɩta wa be a nyɩ zie a, yel-mɩŋa n'a, a nyɩ ƴã-gan be n kũu ƴãw a yel-bier zũú, ɛcɛ a Vʋʋrʋ ɩ n a nyɩ nyɔ-vʋʋrʋ, a Naaŋmɩn na ɩ nyɩ lɩɛbɩ nɩ-mɩn a ƴãw.

Ʋrɔm 8:2

Bʋ̃ʋ n'ʋ vɛ̃, a Vʋʋrʋ Sõw wulu na tɩrɛ a nyɔ-vʋʋrʋ a Yeezu Kɩrɩta ƴãw a, ʋ ír fʋ na bɛr a yel-bier nɩ a kũu wulu pʋɔ, fʋ so fʋ tʋɔra.

Ʋrɔm 8:6

A nɩsaalʋ yel-bɔbrɩ pùor-tub a, kũu n'a, ɛcɛ a Vʋʋrʋ Sõw yel-bɔbrɩ pùor-tub a, nyɔ-vʋʋrʋ nɩ ƴã-ɓaarʋ n'a.

1 Korɛ̃tɩ 10:33

Mɛ̃ a lɛ a mãa tɔr za na ƴãw fãw ɩrɛ a yele za pʋɔ kɛ́ a nʋmɛ a nɩbɛ za zie, mãa na bɛ bɔbr ɩ̃ tɔnɛ, ɛ́ bɔbr a nɩbɛ yaga zie tɔnɛ, kɛ́ bɛ tʋ̃ɔ́ nyɛ̃ a faafʋ a.

2 Korɛ̃tɩ 12:10

Lɛ zũú n'a nʋ̃ɔ̀ cãà kpɩɛr mɛ̃ a bãbàalʋ, a zʋmɛ nɩ a yel-fɛrɩ pʋɔ, a dɔwrʋ nɩ a pʋl-vʋ̃ɔ pʋɔ, ɩ̃ na sàw de a Kɩrɩta a ƴãw. Bʋ̃ʋ n'ʋ vɛ̃, a lɛn daar ɩ̃ na mɩ́ ɩ bãbàal a, lɛn daar a, ɩ̃ mɩ́ kpɛmɛ.

2 Korɛ̃tɩ 3:6

Ʋlɛ n'ʋ ɩ tɩ tʋ̃ɔ́ lɩɛbɩ Wõ-ta-paala tõ-tõ-biir. Sɛbrʋ Wõ-ta-paala bɛ n'ʋ ɛ, Vʋʋrʋ Wõ-ta-paala n'ʋ, bʋ̃ʋ n'ʋ vɛ̃, a sɛbrʋ kʋrɛ na ɛ́ a Vʋʋrʋ tɩrɛ nyɔ-vʋʋrʋ.

2 Korɛ̃tɩ 5:16

Lɛ n'a so tɩ bɛ cãà bãw nɩr za nɩsaalʋ bãwfʋ tɛwr ɛ. Tɩmɛ saa tɩ dãw bãw a Kɩrɩta nɩsaalʋ bãwfʋ a, ƴɛrɛŋa a, tɩ bɛ cãà bãw ʋ a lɛ ɩ.

Galasi 5:25

A Vʋʋrʋ na n'ʋ so tɩ vʋʋrɛ a, tɩ mɩ̀ bɛr tɩ tʋɔra kʋ̀ ʋ.

Efɛɛzɩ 4:17

A na ɩ à ŋá a, bom ŋa n'ʋ ɩ̃ yere kʋ̀rɛ nyɩ lãwnɩ kpaalʋ a Sore yúor ƴãw: nyɩ ta cãà ɩrɛ mɛ̃ a nɩ-bʋʋr-yoru na tuur a bɛ tɩɛr-zawlɛ a ɩ.

Efɛɛzɩ 5:14

Ɛ́ bom za na sãá cãàmɩ́ a ɩ n cãà. Alɛ so bɛ mɩ́ yel: «Ìr, fʋ̃ʋ na gúre a, lɛb ìr a kũuni pʋɔ, ɛ́ a Kɩrɩta na caalɩ fʋ na.»

Kɔlɔsɩ 2:12

Nyɩ na de a suob a, bɛ ũù nyɩ na lãwnɩ a Kɩrɩta a bɔw pʋɔ. Bɛ mɩ̀ ɩ na nyɩ lãw nɩ ʋ lɛb yi, a nyɩ na sàw kɛ́ a Naaŋmɩn tɛr'ɩ fãw a zũú, a fãw ŋa na ɩ a Kɩrɩta ʋ lɛb yi a kũuni pʋɔ a.

Kɔlɔsɩ 3:1

Nyɩ na lãw nɩ a Kɩrɩta lɛb yi a kũu pʋɔ a, nyɩ bɔbr a saa-zu bome, be a Kɩrɩta na be zɩ̃ a Naaŋmɩn dʋrʋ lowr a.

Kɔlɔsɩ 3:17

Bom nɛ za nyɩ na ɩrɛ a, a nyɩ nʋɔr ƴɛ̀rʋ pʋɔ n'a bɩɩ a nyɩ ɩ-ɩrɩ pʋɔ n'a a, a mɩ́ ɩ a Sore Yeezu yúor ƴãw n'a nyɩ ɩrɛ a lɛ, puore nɩ a Naaŋmɩn Sãà barka a Sore Yeezu zũú.

Kɔlɔsɩ 3:23

Ton za nyɩ na tone a, nyɩ tone nɩ nyɩ pʋɔ za mɛ̃ a Sore ƴãw n'a a, a ta ɩ a nɩsaalbɛ ƴãw ɛ,

1 Tesalonikɩ 5:10

A Kɩrɩta kpi n a tɩ ƴãw k'ʋʋ ɩ tɩ lãw nɩ ʋ vʋʋrɛ, tɩmɛ saa kpi bɩɩ cãà vʋʋrɛ a.

Títɩ̀ 2:14

Ʋ de nɩ ʋ tʋɔra tɩr a tɩɩm ƴãw, k'ʋʋ faa tɩ a faalʋ za pʋɔ, ɛ́ ɩ tɩ lɩɛbɩ nɩ-bʋʋrɛ na vɩɛl ɛ́ ʋl yõ so a, nɩ-bʋʋrɛ na tʋlɛ a ɩ-vɩɛlɩ maalʋ ƴãw a.

1 Pɩɛr 4:6

Al ƴãw n'a bɛ hieri a Yel-nʋ̃ɔ̀ kʋ̀ a kũuni tɛɛ za, k'aa Naaŋmɩn na maal'ɩ bɛ a ƴɛ̀rʋ a bɛ tẽw zu ka nyɔ-vʋʋrʋ ƴãw mɛ̃ a nɩsaalbɛ za a, bɛ tʋ̃ɔ́ vʋʋrɛ a Naaŋmɩn nyɔ-vʋʋrʋ a ƴɛrɛŋa a Vʋʋrʋ Sõw zũú.

1 Zã 4:9

À ŋá n'a a Naaŋmɩn wul a ʋ nɔ̃wfʋ ʋ sãá a tɩ zie: ʋ tõ n a ʋ Bi-been a tẽ-daa zu k'ʋʋ wa ɩ tɩ vʋʋrɛ.

Yel-wula 1:18

a sob nɛ na vʋʋrɛ a. Ɩ̃ tɩ kpi na, ɛ́ mãa n'ɩ ŋan vʋʋrɛ kʋralɛ. Ɩ̃ dɩrɛ nɩ naalʋ a kũu nɩ a kpɩmɛ tẽw zu.