2 Korɛ̃tɩ 4:17 - A SƐB-SÕW

¹⁷ A kpɩɛrʋ tɩ na páwr a ƴɛrɛŋa a bɛ zɛ̃ bom a yúor-vɩɛlʋ-danʋ na bɛ dɩ vuo ɛ́ be kʋralɛ a ƴãw ɛ. A yúor-vɩɛlʋ-danʋ ŋa ƴãw n'a a kpɩɛrʋ á ŋá cɔbrɛ tɩ.

2 Korɛ̃tɩ 4:17 ပူးပေါင်းရင်းမြစ်များ

Yele-za-pɛr-tib 15:1

A yele á ŋá pùorí, a Sore tɩ ɩ na a Abram nyɛ̃ ʋ, ʋʋ ƴɛ̀r a ʋ zie à ŋá: «Ta zɔrɛ dɛ̃bɩ̃ɛ ɩ, Abram i! Mãa n'ʋ gùre fʋ, ɛ́ na kʋ̀ b sã-ya-kpɛ̃ɛ.»

Sɛb-sõw yielu 119:67

Ɩ̃ na bɛ tɩ wõ tuo sɛr a, ɩ̃ tɩ bɔrɛ na, ɛcɛ ƴɛrɛŋa a, ɩ̃ maalɛ nɩ a lɛ fʋ na yel a.

Sɛb-sõw yielu 119:71

Mãa zie a, a kpɩɛrʋ ɩ̃ na nyɛ̃ a ɩ n bʋ̃-vla, a wul mɛ̃ nɩ a fʋ pʋ-tɩɛrʋ ɩ̃ bãw.

Sɛb-sõw yielu 30:5

Nyɩ danɛ a Sore nɩ a nyɩ yielu, nyɩɩm ʋ nɩbɛ na sàw de ʋ a. Nyɩ danɛ ʋ, ɛ́ hiere yere a ʋ sonu.

Sɛb-sõw yielu 31:19

A zir-ŋmarbɛ bɛ ŋa, na mɩ́ ƴɛ̀rɛ nyɔka-ƴɛ̀rʋ nɩ pɔ̀l-ƴɛ̀rʋ a, na mɩ́ ɩrɛ a nɩ-mɩŋa laar a, pàw bɛ a nɛ́ɛ.

Sɛb-sõw yielu 73:24

fʋ tɛr mɛ̃ na lo n a sɔ́r, wule mɛ̃, al pùorí fʋ na de m'ɩ a fʋ vɩɛlʋ pʋɔ.

Ɩzayi 26:20

Ɩ̃ nɩbɛ ɛ, nyɩ kpɛ a nyɩ yie pʋɔ ɛ́ taw a pamɛ pàw nyɩ tʋɔra. Nyɩ sɔwlɩ blã, a Sore suur tɔl baarɩ.

Ɩzayi 54:8

Ɩ̃ tɩ nyɛ̃ nɩ fʋ nɩ suur yaga za, zawrɩ na nyɛ b zaa pʋrɩ. Ɛcɛ nɔ̃wfʋ na bɛ tɛr baarʋ a n'ʋ ɩ̃ wule nɩ fʋ a ɩ̃ su-ɓaarʋ. A mãa, a Sore, mãa n'ʋ yere à á ŋá kʋ̀rɛ fʋ, mãa na yarɛ dier fʋ a.

Ɩzayi 64:4

Fʋ mɩ́ cen na tuori sob nɛ na tuur a mɩnʋ pùor nɩ nʋ̃ɔ̀ a, na mɩ́ lɛb tɩɛrɩ a fʋ yele k'ʋʋ tʋ̃ɔ́ tuur a fʋ sɔ́r a. Fʋ nyɛ̃ nɩ suur a tɩ sãwna zũú. Ɛcɛ tɩ na nyɛ̃ nɩ a faafʋ, a fʋ koro za sɛ́ɛ tɩ na na tuur a ƴãw.

Sɔr-nɛ́ɛ 5:28

Ɛcɛ a pɔw bɛ wa sãw a ʋ yúor a, ʋ bɛ tɛr dɛwr ɛ, bɛ na yel'a k'ʋʋ bɛ tɛr sãwna ɩ, ʋʋ na tʋ̃ɔ́ na cãà dɔwr bibiir.»

Matie 5:12

Nyɩ cɩlɛ ɛ́ ŋmɩɛr nʋ̃ɔ̀ cɛlsɩ, a nyɩ sã-ya ɩ n kpɛ̃ɛ a tẽ-vla pʋɔ. À ŋá tɔr za n'a bɛ tɩ dãw dɔwrɩ a naaŋmɩn-ƴɛ̀r-manbɛ na de nyɩ niwn a.»

Luka 6:23

Nyɩ cɩlɛ ƴawr'ɩ a lɛn daar, a nyɩ sã-ya na ɩ kpɛ̃ɛ a tẽ-vla pʋɔ a ƴãw. Bʋ̃ʋ n'ʋ vɛ̃, à ŋá tɔr za n'a a bɛ sãàkʋm-kore tɩ dɔwrɩ a naaŋmɩn-ƴɛ̀r-manbɛ.

Nɩ-toni 20:23

Ɛcɛ alɛ saa ŋmɛ̃ ŋmɩŋmɩn za a, tẽw za pʋɔ ɩ̃ na tuur tɔlɛ a, a Vʋʋrʋ Sõw yere na kʋ̀rɛ mɛ̃, kɛ́ bamɛ nɩ kpɩɛrʋ n'a gùre mɛ̃.

Ʋrɔm 2:7

A bɛlɩ dem na su zu ɩrɛ vla bɔbr'ɩ a yúor-vɩɛlʋ-danʋ nɩ a ƴãwfʋ, nɩ a nyɔ-vʋʋrʋ na be kʋralɛ a, bɛlɛ so a nyɔ-vʋʋrʋ na be kʋralɛ a.

Ʋrɔm 8:18

Ɩ̃ bãwnɩ a na k'aa tuo tɩ na wone a ƴɛrɛŋa a, a bɛ bibli a yúor-vɩɛlʋ-danʋ a Naaŋmɩn nãà wa wul tɩ ʋ sãá a ɩ.

Ʋrɔm 8:34

Ãa n'ʋ na maal'ɩ bɛ ƴɛ̀rʋ? Nɩr bɛ ka be ɩ. Bʋ̃ʋ n'ʋ vɛ̃, a Yeezu Kɩrɩta kpi na, mɔ̃ mɩ̀, ʋ lɛb'a yi a kũu pʋɔ, ʋ be n a Naaŋmɩn dʋrʋ lowr zɛlɛ ʋ a tɩ ƴãw.

Ʋrɔm 8:37

Ɛcɛ à á ŋá za pʋɔ a, tɩ zɛb'a tʋ̃ɔ́ pẽlẽpẽlẽ, ɛ́ a ɩ a sob nɛ na nɔ̃w tɩ a zũú n'a.

1 Korɛ̃tɩ 2:9

Ɛcɛ, mɛ̃ a lɛ bɛ na sɛb a: «Bom nɛ mimir na bɛ nyɛ̃ a, bom nɛ tobr na bɛ wõ a, bom nɛ a tɩɛrʋ na bɛ tɔ a nɩsaal a, ʋlɛ n'ʋ a Naaŋmɩn cɔbrɩ a bɛlɩ dem na nɔnɛ ʋ a ƴãw.»

2 Korɛ̃tɩ 3:18

Tɩɩm za bɛ na ír a pɛn bɛr tɩ a niwn ƴãw a, tɩ ɩrɛ nɩ a Sore yúor-vɩɛlʋ-danʋ sãanɛ mɛ̃ caala pʋɔ a, tɩ lɩɛb'a ŋmɛ̃ taa nɩ a Sore, ʋl na ɩ a Vʋʋrʋ a, ʋlɛ n'ʋ mɩ́ ɩ tɩ yi yúor-vɩɛlʋ-danʋ pʋɔ kpɛ yúor-vɩɛlʋ-danʋ na vɩɛl zuo a pʋɔ.

Filib 1:19

Bʋ̃ʋ n'ʋ vɛ̃, ɩ̃ bãw kɛ́ a na wa n nɩ faafʋ a ɩ̃ ƴãw a nyɩ puoru zũú, nɩ a Yeezu Kɩrɩta Vʋʋrʋ na sõwne mɛ̃ a zũú.

2 Tesalonikɩ 1:4

Lɛ so tɩ mɩ́ nyʋʋr a nyɩ ƴãw a Naaŋmɩn Lãw-yie sɔgɔ, nyɩ na mɩ́ dɩ kanyir ɛ́ tɛr a naaŋmɩn-sàw-deb, a nyɩ dɔwrʋ za, nɩ a nyɩ kpɩɛrʋ za nyɩ na nyɛrɛ a ƴãw a.

2 Tesalonikɩ 1:6

A sɛw na kɛ́ Naaŋmɩn mɩ́ ɩ kpɩɛrʋ páw a bɛlɩ dem na ɩrɛ a kpɩɛr nyɩ a, yáa a san,

2 Timote 2:10

Alɛ n'a so ɩ̃ sàw de a tuo za, a bɛlɩ dem a Naaŋmɩn na kaa ír a ƴãw, kɛ́ a bɛl mɩ̀, bɛ tʋ̃ɔ́ páw a faafʋ a Kɩrɩta Yeezu ƴãw, lãwnɩ a yúor-vɩɛlʋ-danʋ na be kʋralɛ a.

Zakɩ 1:12

Zu-nʋ̃ɔ̀ sob'ɩ a nɩr ʋl na mɩ́ dɩ kanyir a kpɩɛrʋ pʋɔ a. Bɛlɛ wa ɩ ʋ kaa baar'a, ʋ na páw nɩ a dɛpaal-kpawʋɔ na ɩ a nyɔ-vʋʋrʋ na be kʋralɛ, a Naaŋmɩn na yel k'ʋʋ na kʋ̀ n a bɛlɩ dem na nɔnɛ ʋ a.

1 Pɩɛr 4:7

A yele za baarʋ pɩɛl'a, lɛ so nyɩ mɩ́ nyɔw nyɩ tʋɔra a dɩb nɩ a nyub ƴãw, mɩ́ tʋ̃ɔ́ puori.

1 Pɩɛr 5:10

Ɛ́ nyɩmɛ wa wõ tuo kɔwrɩ blã a, a maalʋ za Naaŋmɩn na bʋɔlɩ nyɩ a ʋ yúor-vɩɛlʋ-danʋ na be kʋralɛ a Kɩrɩta pʋɔ a ƴãw a, ʋl tɔr za na lɛb maalɩ nyɩ na ƴãw a pùorí. Ʋ na ɩ na nyɩ kpɛmɛ dɔwlɩ, ʋ na kʋ̀ nyɩ nɩ fãw dɔwlɩ, ɛ́ ɩ nyɩ ta bãw damnʋ ɛ.

1 Zã 3:2

Ɩ̃ bá mɩnɛ ɛ, a ƴɛrɛŋa, tɩ ɩ n Naaŋmɩn bibiir, ɛcɛ a lɛ tɩ nãà ŋmɛ̃ a n'a bɛ sãá sɛr ɛ. Tɩ bãwnɩ a n'a k'aa Kɩrɩta wa sãá a lɛn daar a, tɩ na ŋmɛ̃ na taa nɩ ʋ, tɩ na na nyɛ̃ ʋ mɛ̃ a lɛ ʋ na ŋmɛ̃ a ƴãw.

A sɛb-tʋɔla a Zid na sɛb kʋ̀ a Naaŋmɩn nɩ-bʋʋrɛ a 1:24

A Sob nɛ na na tʋ̃ɔ́ gù nyɩ nyɩ ta lo towtow a, ɛ́ ɩ kɛ̀ nyɩ vɩɛl ɛ́ be nʋ̃ɔ̀ pʋɔ àr'ɩ a yúor-vɩɛlʋ-danʋ niŋé a,