2 Korɛ̃tɩ 4:15 - A SƐB-SÕW

¹⁵ A nyɩɩm ƴãw n'a tɩ sàwr tuo za, k'aa Naaŋmɩn maalʋ tarɛ nɩ-yaga dɔwlɛ, lɛ n'a nɩ-yaga na puore a Naaŋmɩn yãanɩ a ʋ yúor-vɩɛlʋ-danʋ ƴãw.

2 Korɛ̃tɩ 4:15 ပူးပေါင်းရင်းမြစ်များ

Sɛb-sõw yielu 50:14

Nɩ̃ɛ ɩ a fʋ barka puoru ɩ bàwr fʋ maalɩ kʋ̀ m, a mãa fʋ Naaŋmɩn, ír a nɛ́ɛ fʋ na kõ a ɩ̃ zie a, mãa na ɩ Naaŋmɩn-na-do-saa-bɛ-pɩɛl-a.

Sɛb-sõw yielu 50:23

Sob nɛ barka puoru na ɩ bàwr ʋ maalɛ kʋ̀rɛ mɛ̃ a, ʋlɛ n'ʋ ƴãwnɛ mɛ̃. Sob nɛ ɩb na vɩɛl a, ɩ̃ na ɩ na k'ʋ nyɛ̃ mãa na n'ɩ a Faarɛ a.

Ʋrɔm 8:28

Tɩ bãw na k'aa bɛlɩ dem na nɔnɛ a Naaŋmɩn a, a yele za mɩ́ cen na tuori taa a bɛ maalʋ ƴãw, bɛl ʋ na bʋɔlɩ a tu a lɛ ʋ na cɔbrɩ a yele bin a.

1 Korɛ̃tɩ 9:19

Mãa na so ɩ̃ tʋɔra bɛ ɩ nɩr za gbãgbaa a, ɩ̃ sàw na lɩɛbɩ nɩbɛ za gbãgbaa, k'ɩ̃ɩ tʋ̃ɔ́ páw a bɛ bɛ́rʋ zie kʋ̀ a Kɩrɩta.

2 Korɛ̃tɩ 1:11

Ɛ́ a nyɩɩm tɛɛ za mɩ̀ sõwne tɩ na nɩ a nyɩ puoru, k'aa maalʋ tɩ na na páw a nɩ-yaga puoru zũú a, ɩ nɩ-yaga puore a Naaŋmɩn yãanɩ a tɩ ƴãw.

2 Korɛ̃tɩ 8:19

Ɛ́ lɛb waar, a Lãw-yie kaa na ír ʋ, k'ʋʋ lãw nɩ tɩ yi lo a sɔ́r a nɔ̃wfʋ ton ŋa pʋɔ, a ton ŋa tɩ na tone a Sore tɔr za yúor-vɩɛlʋ-danʋ ƴãw a, nɩ kɛ́ tɩ wul a tɩ pʋ-tɩɛr-vɩɛlɩ a.

Galasi 1:24

Ɛ́ bɛ tɩ danɛ nɩ a Naaŋmɩn a ɩ̃ ƴãw.

Kɔlɔsɩ 1:24

A ƴɛrɛŋa a, ɩ̃ cɩlɛ na ɩ̃ na be a tuo pʋɔ a nyɩɩm ƴãw a. A Kɩrɩta tuo al na cɛ a, ɩ̃ nyɛrɛ a na a mãa mɩŋa ƴã-gan pʋɔ, a Kɩrɩta ƴã-gan na ɩ a Lãw-yir a ƴãw.

1 Timote 1:14

Sɩza, a tɩ Sore maalʋ siw nɩ a ɩ̃ zu yaga za, lãwnɩ a naaŋmɩn-sàw-deb nɩ a nɔ̃wfʋ na be a Kɩrɩta Yeezu pʋɔ a.

2 Timote 2:10

Alɛ n'a so ɩ̃ sàw de a tuo za, a bɛlɩ dem a Naaŋmɩn na kaa ír a ƴãw, kɛ́ a bɛl mɩ̀, bɛ tʋ̃ɔ́ páw a faafʋ a Kɩrɩta Yeezu ƴãw, lãwnɩ a yúor-vɩɛlʋ-danʋ na be kʋralɛ a.

1 Pɩɛr 2:9

Ɛcɛ nyɩɩm a, nyɩ ɩ n «Nɩ-bʋʋrɛ bɛ na kaa ír a, Nãà bàwr-maalbɛ, nɩ-son bʋʋrɛ, nɩbɛ Naaŋmɩn na ya de a», kɛ́ nyɩ manɛ a ʋ tõ-vɩɛlɩ, ʋl na bʋɔlɩ nyɩ a lige pʋɔ yi wa n a ʋ cãà na bɛ tɛr tɔ a pʋɔ a.

1 Pɩɛr 4:11

Nɩr wa páw maalʋ a ƴɛ̀rʋ ƴãw a, ʋ ƴɛ̀rɛ a Naaŋmɩn ƴɛ̀rʋ kʋ̀rɛ a nɩbɛ. Nɩr wa páw maalʋ a tome ƴãw a, ʋ tone nɩ a Naaŋmɩn fãw, kɛ́ Naaŋmɩn tʋ̃ɔ́ nyɛ̃ danʋ za a Yeezu Kɩrɩta ƴãw, ʋlɛ so yúor-vɩɛlʋ-danʋ nɩ kpɛnʋ yome yome za. Amɛn.