2 Korɛ̃tɩ 4:12 - A SƐB-SÕW

¹² A na ŋmɛ̃ à ŋá a, a kũu tone nɩ a tɩ zie, ɛ́ a nyɔ-vʋʋrʋ tone a nyɩ zie.

2 Korɛ̃tɩ 4:12 ပူးပေါင်းရင်းမြစ်များ

Nɩ-toni 20:24

Mãa zie a, a ɩ̃ nyɔ-vʋʋrʋ bɛ ɩ bʋ̃-sɩza kãw ɛ. Bom nɛ ɩ̃ na bɔbr tuo tuo a, ʋlɛ n'ɩ k'ɩ̃ɩ tʋ̃ɔ́ tõ a ɩ̃ tõ-nʋɔr tɩ ɓɩɩlɩ, lãwnɩ a ton a Sore Yeezu na kʋ̀ m a: a Naaŋmɩn maalʋ Yel-nʋ̃ɔ̀ hieru.»

1 Korɛ̃tɩ 4:10

Tɩ ɩ n gẽgemi dem a Kɩrɩta ƴãw, ɛ́ nyɩɩm ɩ yã-bãwnbɛ nyɩ na lãw nɩ a Kɩrɩta a. Tɩ bɛ tɛr fãw ɛ, ɛ́ nyɩɩm tɛr fãw, nyɩ tɛr'ɩ yúor, ɛ́ tɩɩm bɛ nyɛrɛ ƴãwfʋ ɛ.

2 Korɛ̃tɩ 12:15

Ɛ́ mãa a, mãa saa na sãw a ɩ̃ bʋ̃-tɛrɩ za bɛr a nyɩ ƴãw, ɛ́ de ɩ̃ tʋɔra za tɩr a nyɩ ƴãw a, nʋ̃ɔ̀ na kpɩɛr mɛ̃ na. Mãa wa nɔnɛ nyɩ sɛw à ŋá a, nyɩ na sàw na bɛ nɔ̃w mɛ̃ man a lɛ bɩɩ?

2 Korɛ̃tɩ 13:9

Tɩ mɩ̀ cɩlɛ na, tɩ na mɩ́ wa ɩ bãbàalbɛ ɛcɛ nyɩ tɛr fãw a. Lɛ so tɩ mɩ́ puore kɛ́ nyɩ vɩɛl bɛ cɛ ɩ.

2 Korɛ̃tɩ 4:11

Tɩ na saa cãà vʋʋrɛ a, ɛcɛ a kũu jɩɛrɛ tɩ nɩ kʋralɛ a Yeezu yúor ƴãw, k'aa ʋ nyɔ-vʋʋrʋ mɩ̀ tʋ̃ɔ́ sãá a tɩ ƴã-gan na ɩ bʋ̃-kpiira a pʋɔ.

2 Korɛ̃tɩ 4:13

A Sɛb-sõw yel'a: «Ɩ̃ sàw na de, alɛ so ɩ̃ ƴɛ̀r.» A tɩɩm mɩ̀ a, a sàw-deb-been ŋa tɩɛrʋ tɩ na tɛr a n'a so tɩ mɩ̀ sàw de, ɛ́ alɛ n'a so tɩ ƴɛ̀rɛ.

Filib 2:17

Ɛ́ alɛ mɩ̀ saa na fɛr a ɩ̃ zɩ̃ɩ cir mɛ̃ de-kʋ̀b-bom, ƴãw pʋɔ a bàwr a nyɩ naaŋmɩn-sàw-deb na maalɛ kʋ̀rɛ a Naaŋmɩn a ƴãw a, ɩ̃ cɩlɛ na, ɛ́ cɩlɛ lãwnɩ a nyɩ za.

Filib 2:30

ʋ na tɩ cɛ blã na kpi a Kɩrɩta tome ƴãw a. Ʋ sàw nɩ a kũu, k'ʋʋ lɩɛrɩ nyɩ tõ a tome nyɩɩm mɩŋa nãá kʋ̃ʋ tʋ̃ɔ́ tõ a ɩ̃ ƴãw a.

1 Zã 3:16

Yel ŋa pʋɔ n'a tɩ bãw ʋlɩ bom nɛ na n'ɩ a nɔ̃wfʋ a: a Yeezu de nɩ a ʋ nyɔ-vʋʋrʋ tɩr a tɩ ƴãw. A na ɩ lɛ a, a tɩɩm mɩ̀, a fɛr'a kɛ́ tɩ mɩ̀ mɩ́ de a tɩ nyɔ-vʋʋrʋ tɩr a tɩ yɛbr ƴãw.