2 Korɛ̃tɩ 3:9 - A SƐB-SÕW

⁹ A tõ-nʋɔr na waar'ɩ kũu a nɩsaalbɛ zie a tɩ tɛr'ɩ yúor-vɩɛlʋ-danʋ. Ŋmɩŋmɩn za n'a a tõ-nʋɔr na so a nɩsaalbɛ mɩ́ ɩ nɩ-mɩn a Naaŋmɩn niŋé a, kʋ̃ tɛr yúor-vɩɛlʋ-danʋ zuo lɛ?

2 Korɛ̃tɩ 3:9 ပူးပေါင်းရင်းမြစ်များ

Ɩzayi 46:13

A ɩ̃ mɩnʋ a, ɩ̃ ɩ na ʋ tawr pɩɛlɛ, ʋ bɛ cãà zãá ɩ. A faafʋ pɩɛl'a, mãa mɩŋa n'ʋ waar'ɩ ʋ a Sɩyɔ̃. Ɩ̃ na kʋ̀ n a Ɩsɩrayɛl a ɩ̃ vɩɛlʋ.

Zeremi 23:6

A ʋ daar a, a Zuda na nyɛ̃ nɩ a faafʋ, a Ɩsɩrayɛl na vʋʋrɛ nɩ zoom bɛ bãw damnʋ ɛ. Nyɛ̃ a yúor bɛ na na bʋɔlɛ ʋ a: “A Sore n'ɩ a tɩ mɩnʋ.”

Ʋrɔm 4:11

A pùorí n'a ʋ tɩ páw a yʋɔr-ŋmãafʋ ʋ ɩ bãwfʋ na wule k'aa Naaŋmɩn tɩ sàw na kʋ̀ ʋ k'ʋʋ ɩ n nɩ-mɩŋa a sàw-deb zũú, ʋ na saa bɛ tɩ ŋmãa a yʋ̀ɔr sɛr a. À ŋá n'a a Abraham lɩɛbɩ a bɛlɩ dem za na sàw de, ɛ́ bɛ ŋma a yɛɛ a sãà, k'aa Naaŋmɩn tʋ̃ɔ́ sàw kʋ̀ bɛ kɛ́ bɛ mɩ́ ɩ n nɩ-mɩn.

1 Korɛ̃tɩ 1:30

A Naaŋmɩn n'ʋ so nyɩ lãw nɩ a Kɩrɩta Yeezu, ʋl a Naaŋmɩn na ɩ ʋ lɩɛbɩ a tɩ yã-bãwfʋ, a tɩ mɩnʋ, a tɩ sonu, nɩ a tɩ faafʋ a.

1 Korɛ̃tɩ 15:41

A mʋ̃tɔ̃w nyɩwrʋ be n ʋ tʋɔra, a cuw dem mɩ̀ be ʋ tʋɔra, ŋmar-bie dem mɩ̀ be ʋ tʋɔra, ŋmar-bir kãw mɩ́ nyɩwrɛ na zuo ʋ tɔ mɩ̀.

2 Korɛ̃tɩ 3:8

ŋmɩŋmɩn za n'a a tõ-nʋɔr a Vʋʋrʋ Sõw na tone a, kʋ̃ tɛr yúor-vɩɛlʋ-danʋ zuo lɛ?

2 Korɛ̃tɩ 5:21

A Kɩrɩta bɛ tɩ tɛr yel-bier ɛ, ɛ́ a Naaŋmɩn tuo ʋ a tɩ yel-bier, kɛ́ tɩ tʋ̃ɔ́ lãw nɩ ʋ lɩɛbɩ nɩ-mɩn a Naaŋmɩn niŋé.

Galasi 3:10

Ɛcɛ a bɛlɩ dem na ɩrɛ ƴãwn a Naaŋmɩn wulu sàwfʋ ƴãw tɛwr'a, ŋmɛ-ƴãw tuur bɛ na. Mɛ̃ a Sɛb-sõw taa yel à ŋá: «Sob nɛ za na bɛ tuur a al za na sɛb a Wulu sɛbɛ pʋɔ kʋralɛ a, ŋmɛ-ƴãw a páw ʋ!»

Wulu-ayi-sob 27:26

«Ŋmɛ-ƴãw, a páw sob nɛ na bɛ ŋmɛlɛ kaar a Naaŋmɩn wulu nɛ-ƴãwnɩ, ɛ́ bɛ sàwr a a.» Ɛ́ a nɩbɛ za na sɔw na: «Amɛn!»

Filib 3:9

A ʋl ɩ̃ na lãw nɩ a ƴãw n'a a Naaŋmɩn na nyɛ̃ m ɩ̃ ɩ nɩ-mɩŋa. A mɩnʋ ŋa bɛ yi mãa zie ɩ, ʋ bɛ yi Naaŋmɩn wulu sàwfʋ pʋɔ ɩ, ʋ yi n a Kɩrɩta ɩ̃ na sàw de a zie. Mɩnʋ na yi Naaŋmɩn zie a n'ʋ, ɛ́ a ʋ pɛr sʋ̃ɔ́ a naaŋmɩn-sàwfʋ pʋɔ.

2 Pɩɛr 1:1

A mãa Sɩmʋ̃ Pɩɛr na ɩ a Yeezu Kɩrɩta tõ-tone nɩ a ʋ nɩ-tona a, mãa n'ʋ sɛbr a bɛlɩ dem na páw a naaŋmɩn-sàwfʋ ʋ vɩɛl man a tɩ dem a. A tɩ Naaŋmɩn nɩ a tɩ Faarɛ Yeezu Kɩrɩta mɩnʋ zũú n'a bɛ páw a naaŋmɩn-sàwfʋ ŋa.