2 Korɛ̃tɩ 3:7 - A SƐB-SÕW

⁷ Bɛ tɩ sɛb'ɩ a Naaŋmɩn wulu ƴɛ̀r-bie kʋsɛ-pamɛ zu, ɛ́ a Naaŋmɩn yúor-vɩɛlʋ-danʋ tɩ sãá nyɩwrɛ a lɛn daar. A Moyiir niwn tɩ nyɩwrɛ na k'a Ɩsɩrayɛl biir bɛ tʋɔr jɩ́rɛ a ʋ niwn nɩ mimie ɩ, ɛcɛ a vɩɛlʋ ŋa tɩ ɩ n bʋ̃-tɔla. A Naaŋmɩn wulu a tõ-nʋɔr na tɩ n'ɩ k'ʋʋ kʋrɛ a, a Wulu ŋa wa sãá nɩ yúor-vɩɛlʋ-danʋ sɛw á ŋá a,

2 Korɛ̃tɩ 3:7 ပူးပေါင်းရင်းမြစ်များ

Yele-za-pɛr-tib 3:21

A Sore Naaŋmɩn tɩ maal'ɩ gamɛ kparɩ a Adama nɩ a ʋ pɔw ƴãw ɛ́ su bɛ.

Neemi 9:13

Fʋ yi n a salom zu siw wa ƴɛ̀r a bɛ zie a Sinayi tãw zu: fʋ kʋ̀ bɛ nɩ tub na tɛr yel-mɩŋa a, wulu na ɩ sɩza a, wulu nɩ nɛ-ƴãwnɩ na vɩɛl a za a.

Sɛb-sõw yielu 119:174

A fʋ faafʋ n'ʋ ɩ̃ bɔbr, Sore e, ɛ́ a fʋ wulu n'ɩ a bom na ɩrɛ mɛ̃ nʋ̃ɔ̀ a.

Sɛb-sõw yielu 119:97

Nɔ̃wfʋ bɛ n'a ɩ̃ nɔ̃w a fʋ wulu ɛ! Ɩ̃ mɩ́ tɛr ʋ na tɩɛrɛ a bibie za.

Eziptɩ tẽw yib 24:12

A Sore tɩ yel'ɩ a Moyiir: «Do wa a ɩ̃ zie a tãw zu, wa be be. Ɩ̃ bɔbr'a k'ɩ̃ɩ kʋ̀ b a kʋsɛ-pamɛ al zu a Wulu nɛ-ƴãwnɩ na sɛb a, fʋ tɩ wul a a Ɩsɩrayɛl nɩbɛ bɛ bãw a.»

Eziptɩ tẽw yib 31:18

A Naaŋmɩn na tɩ ƴɛ̀r a Moyiir zie baarɩ a Sinayi tãw zu a, ʋ kʋ̀ ʋ nɩ a kʋsɛ-pamɛ ayi, a al zu ʋl mɩŋa na tɩ sɛb a nɛ-ƴãwnɩ ƴãw a.

Eziptɩ tẽw yib 32:19

Bɛ na tɩ tarɛ pɩɛlɛ a pɛnɛ-sɛwr a, a Moyiir nyɛ̃ nɩ a nále nɩ a nɩbɛ na ƴawr a bɩnɛ a. A ʋ suur tɩ ìr'a, ʋ lɔb a kʋsɛ-pamɛ ʋ na tɛr a nuru pʋɔ a kar bɛr, a tãw sɩɛ ƴãw.

Eziptɩ tẽw yib 34:1

A Sore tɩ yel'ɩ a Moyiir: «Pɛnɩ kʋsɛ-pamɛ ayi mɛ̃ a dãw-niwn dem al fʋ na lɔb kar bɛr a. Ɩ̃ na sɛb'ɩ a nɛ-ƴãwnɩ na tɩ be a dãw-niwn dem zu a, ƴãw a zu.

Nɩ-toni 6:15

A bɛlɩ dem za na tɩ zɩ̃ a ƴɛ̀rʋ-dɩb zie a tɩ jɩ́rɛ nɩ a Ɩtɩɛn gbẽgbẽ, ɛ́ bɛ tɩ nyɛ̃ nɩ a ʋ niwn ʋ ŋmɛ̃ mɛ̃ malkɩ niwn a.

Ʋrɔm 10:4

Bʋ̃ʋ n'ʋ vɛ̃, a Kɩrɩta maal'ɩ a ʋlɩ bom nɛ a Moyiir wulu na tɩ bɔbr k'ʋʋ ɩ a, kɛ́ sob nɛ za na sàw de a tʋ̃ɔ́ lɩɛbɩ nɩ-mɩŋa a Naaŋmɩn niŋé.

Ʋrɔm 4:15

Bʋ̃ʋ n'ʋ vɛ̃, a Wulu-bɛ-sàwfʋ n'ʋ mɩ́ so a Naaŋmɩn suur nyɛ́b, ɛcɛ be wulu na bɛ wul a, wulu zawrʋ mɩ̀ bɛ ka be ɩ.

Ʋrɔm 5:20

A Naaŋmɩn wulu wa na k'aa sãwna tʋ̃ɔ́ bʋwlɩ pàw a ziir za, ɛcɛ a be a yel-bier na tɩ bʋwlɩ a, a Naaŋmɩn maalʋ mɩ̀ tɩ ʋr'a tɩ zuo.

Ʋrɔm 7:10

lɛ n'a a ɩ mɛ̃ ɩ̃ kpi na a. A nɔ-ƴãwna na tɩ sɛw k'ʋʋ wa n nyɔ-vʋʋrʋ a, bɛ wa bere na mãa zie ʋ wa n kũu.

Ʋrɔm 7:22

A ɩ̃ pʋ̃ɔmɩ nɩr nɔnɛ nɩ a Naaŋmɩn wulu yaga za.

Ʋrɔm 7:5

A lɛn daar tɩ na tɩ cãà tɛr a tɩ nɩsaalɛ ɩb tɛwr'a, a Naaŋmɩn wulu mɩ́ tɩ ɩ na a pʋ-tɩɛr-faar tone a tome a tɩ nɩɩlʋ za pʋɔ, mɩ́ tɩ ƴãw tɩ tɛr ɩ-ɩrɩ na wɩɛr'ɩ tɩ kũu pʋɔ a.

1 Korɛ̃tɩ 13:10

Ɛcɛ a vɩɛlʋ za bio wa vɩɛ a, a al na vɩɛl cɛ ŋmãa a, na baar'a.

2 Korɛ̃tɩ 3:3

Sɩza n'a, a sãá nɩ cãàmɩlɛ kɛ́ nyɩ ɩ n a sɛb-tʋɔla a Kɩrɩta na sɛb ɛ̀ tɩ de lʋɔrɩ tɩr a. Sɛb-dale kʋ̃ɔ bɛ n'a bɛ sɛb'ɩ ɛ, ɛcɛ a Naaŋmɩn na vʋʋrɛ a Vʋʋrʋ Sõw n'ʋ. Kʋsɛ-pamɛ zu bɛ n'a bɛ sɛb ɛ, a nɩsaalbɛ socie pʋɔ n'a.

2 Korɛ̃tɩ 3:6

Ʋlɛ n'ʋ ɩ tɩ tʋ̃ɔ́ lɩɛbɩ Wõ-ta-paala tõ-tõ-biir. Sɛbrʋ Wõ-ta-paala bɛ n'ʋ ɛ, Vʋʋrʋ Wõ-ta-paala n'ʋ, bʋ̃ʋ n'ʋ vɛ̃, a sɛbrʋ kʋrɛ na ɛ́ a Vʋʋrʋ tɩrɛ nyɔ-vʋʋrʋ.

2 Korɛ̃tɩ 3:8

ŋmɩŋmɩn za n'a a tõ-nʋɔr a Vʋʋrʋ Sõw na tone a, kʋ̃ tɛr yúor-vɩɛlʋ-danʋ zuo lɛ?

Galasi 3:10

Ɛcɛ a bɛlɩ dem na ɩrɛ ƴãwn a Naaŋmɩn wulu sàwfʋ ƴãw tɛwr'a, ŋmɛ-ƴãw tuur bɛ na. Mɛ̃ a Sɛb-sõw taa yel à ŋá: «Sob nɛ za na bɛ tuur a al za na sɛb a Wulu sɛbɛ pʋɔ kʋralɛ a, ŋmɛ-ƴãw a páw ʋ!»

Galasi 3:21

A pãa ɩ lɛ a Wulu diwr a maalʋ nɛ́ɛ a Naaŋmɩn na ƴãw a bɛrɛ bɩɩ? Lɛ bɛ n'a towtow ɛ! Alɛ tɩ ɩ mɛ̃ bɛ tɩr'ɩ wulu kãw na na kʋ̀ a nɩsaalbɛ a nyɔ-vʋʋrʋ a, wulu sàwfʋ pʋɔ sɩrɩ n'a a nɩsaal nãá mɩ́ ɩ nɩ-mɩŋa a Naaŋmɩn niŋé.

Wulu-ayi-sob 4:13

Ʋ tɩ ɩ na nyɩ bãw a ʋ wõ-taa ʋ na maal'ɩ nyɩ a. Ʋ tɩ yel'a kɛ́ nyɩ maal tɛr ʋ, sàwr a nɛ-ƴãwnɩ pie ʋ na tɩ sɛb ƴãw kʋsɛ-pamɛ ayi zu a.

Wulu-ayi-sob 4:8

Nɩ-bʋʋrɛ kãw be n be, a nɩ-bʋʋr-bɛrɛ bɛrɛ za pʋɔ, tɛr wulu nɩ tub a tɛr yel-mɩŋa man a al na be a wulu pʋɔ, ɩ̃ na kʋ̀rɛ nyɩ a dɩ̃a bɩɩ?

Wulu-ayi-sob 5:22

A ƴɛ̀rʋ n'ɩ à á ŋá a Sore na tɩ be a vũu sɔwlɩsɔw, a zʋ̀ʋ́r nɩ a zũzuw-zũgulu pʋɔ, ɛ́ ƴɛ̀r'ɩ kɔkɔ-kpɛ̃w kʋ̀ nyɩ a. A nyɩ zie n'a ʋ tɩ ƴɛ̀r, nyɩɩm za na tɩ ɓã taa a tãw sɩɛ ƴãw a, ɛ́ ʋ bɛ tɩ yel bom dɔwlɩ ɛ. Al pùorí, ʋ tɩ sɛb'ɩ a ƴɛ̀rʋ á ŋá za ƴãw kʋsɛ-pamɛ ayi zu kʋ̀ m.

Wulu-ayi-sob 9:15

Ɩ̃ tɩ lɛb'a siw a tãw na tɩ nyɔw vũu ʋ za a, ɛ́ tɛr a wõ-taa kʋsɛ-pamɛ ayi nɩ a nuru a za ayi.

Ebre 12:18

Nyɩ bɛ taw pɩɛlɩ bom bɛ na na tʋ̃ɔ́ tɔ a ɩ: a Sinayi tãw nɩ a ʋ vũu na dɩrɛ a, a lige nɩ a ulu, a sɛsɛb kpɛ̃ɛ,

Ebre 3:3

A yir-mɩɛrɛ mɩ́ nyɛrɛ nɩ ƴãwfʋ zuo a yir tɔr za. Lɛ n'a a Yeezu mɩ̀ sɛw k'ʋʋ tɛr yúor-vɩɛlʋ-danʋ na gãw a Moyiir dem a.

Ebre 9:4

A ʋ pʋɔ n'a a salm-zɩɛ bàwr-maal-kuur be, a ʋl zu bɛ na mɩ́ nyɩw a tɩ-suur-zɔ̃-na-nyùur-vla-vla-a. A ʋ pʋɔ mɩ̀ n'a a Wõ-taa daga bɛ na nyɩl salm-zɩɛ pàw ʋ za a mɩ̀ be, ɛ́ a daga pʋɔ a, a salm-zɩɛ duwle na ƴãw a mãan a, nɩ a Aarɔ̃ dabɔl na tɩ pu a, nɩ a kʋsɛ-pamɛ zu a Wõ-taa nɛ-ƴãwnɩ na tɩ sɛb ƴãw a, tɩ be n be.