2 Korɛ̃tɩ 3:6 - A SƐB-SÕW

⁶ Ʋlɛ n'ʋ ɩ tɩ tʋ̃ɔ́ lɩɛbɩ Wõ-ta-paala tõ-tõ-biir. Sɛbrʋ Wõ-ta-paala bɛ n'ʋ ɛ, Vʋʋrʋ Wõ-ta-paala n'ʋ, bʋ̃ʋ n'ʋ vɛ̃, a sɛbrʋ kʋrɛ na ɛ́ a Vʋʋrʋ tɩrɛ nyɔ-vʋʋrʋ.

2 Korɛ̃tɩ 3:6 ပူးပေါင်းရင်းမြစ်များ

Zeremi 31:31

A Sore yere na: Ɩ̃ kʋ̃ yaa kɛ́ maal'ɩ a Ɩsɩrayɛl nɩbɛ nɩ a Zuda nɩbɛ wõ-ta-paala ɩ.

Matie 13:52

Ʋ lɛb yel bɛ: «A na ŋmɛ̃ à ŋá a, Naaŋmɩn wulu sɛ-sɛbrɛ za na bãw a tẽ-vla Naalʋ yele a, ŋmɛ̃ na taa nɩ yir sob na mɩ́ ír bʋ̃-paalɛ nɩ bʋ̃-kore a ʋ na-bome pʋɔ a.»

Matie 26:28

à á ŋá ɩ n a ɩ̃ zɩ̃ɩ, a Wõ-taa zɩ̃ɩ, na cir yaarɩ a nɩ-yaga ƴãw a yel-bebe suur páwfʋ ƴãw a.

Markɩ 14:24

Ɛ́ ʋ yel bɛ: «À á ŋá ɩ n a ɩ̃ zɩ̃ɩ, a Wõ-taa zɩ̃ɩ na cir a nɩ-yaga ƴãw a.

Luka 22:20

Ʋ mɩ̀ tɩ ɩ n a lɛ a koli-nyúura ƴãw, a dɩb pùorí, ɛ́ yel: «A koli-nyúura ŋa ɩ n a Wõ-ta-paala na bin nɩ a ɩ̃ zɩ̃ɩ na cir a nyɩ ƴãw a.

Zã 5:21

Bʋ̃ʋ n'ʋ vɛ̃, mɛ̃ a lɛ a Sãà na mɩ́ ɩ a kũuni bɛ lɛb ìr, ʋʋ ɩrɛ bɛ vʋʋrɛ a, lɛ n'a a Bie mɩ̀ mɩ́ ɩrɛ sob nɛ ʋ na bɔbr a ʋ vʋʋrɛ.

Zã 6:63

A Naaŋmɩn Vʋʋrʋ n'ʋ tɩrɛ a nyɔ-vʋʋrʋ, nɩsaal yõ kʋ̃ tʋ̃ɔ́ ɩ ɩb kãw za ɩ. A ƴɛ̀r-bie ɩ̃ na ƴɛ̀r kʋ̀ nyɩ a, a ɩ n Vʋʋrʋ nɩ nyɔ-vʋʋrʋ.

Ʋrɔm 1:5

A ʋl ƴãw n'a ɩ̃ páw a maalʋ lɩɛbɩ nɩ-tona, k'ɩ̃ɩ tɛr a nɩ-bʋʋr-yoru nɩbɛ za wa n bɛ wa sàw de ʋ, ɛ́ sàwr a ʋ nʋɔr, a ʋ yúor zɛwfʋ ƴãw.

Ʋrɔm 3:20

A lɛ n'a so nɩr za kʋ̃ tʋ̃ɔ́ lɛb ɩ nɩ-mɩŋa a Naaŋmɩn niŋé, a Wulu ʋ na na ƴãw fãw sàwr a ƴãw ɛ, bʋ̃ʋ n'ʋ vɛ̃, a yel-bier tɛwr'ʋ a Naaŋmɩn wulu mɩ́ ɩ bɛ bãw.

Ʋrɔm 4:15

Bʋ̃ʋ n'ʋ vɛ̃, a Wulu-bɛ-sàwfʋ n'ʋ mɩ́ so a Naaŋmɩn suur nyɛ́b, ɛcɛ be wulu na bɛ wul a, wulu zawrʋ mɩ̀ bɛ ka be ɩ.

Ʋrɔm 4:17

Bʋ̃ʋ n'ʋ vɛ̃, a Sɛb-sõw yel'ɩ à ŋá: «Ɩ̃ ɩ na fʋ ɩ nɩ-bʋʋr-yaga yaga sãà.» Ʋ ɩ n a tɩ sãà a Naaŋmɩn ʋ na sàw de a niŋé, a Naaŋmɩn ʋl na mɩ́ ɩ a kũuni bɛ vʋʋrɛ a, ɛ́ ɩ a bome na bɛ tɩ be, a be a.

Ʋrɔm 7:6

Ɛcɛ ƴɛrɛŋa a, bɛ ír tɩ na bɛr a Wulu fɛrʋ pʋɔ, bʋ̃ʋ n'ʋ vɛ̃, a ʋlɩ bom nɛ na tɩ so tɩ ɩ gbãgbaar a, tɩ ɩ na mɛ̃ tɩ kpi na bɛ cãà pʋɔ ʋ pʋɔ a. A na ɩ à ŋá a, tɩ na tʋ̃ɔ́ na tone a Naaŋmɩn tu n pɔ̀l-paala a Vʋʋrʋ na wule a, ɛ́ ta cãà tuur'ɩ a pɔ̀l-kʋra a Wulu na sɛb a na wule a ɩ.

Ʋrɔm 8:2

Bʋ̃ʋ n'ʋ vɛ̃, a Vʋʋrʋ Sõw wulu na tɩrɛ a nyɔ-vʋʋrʋ a Yeezu Kɩrɩta ƴãw a, ʋ ír fʋ na bɛr a yel-bier nɩ a kũu wulu pʋɔ, fʋ so fʋ tʋɔra.

1 Korɛ̃tɩ 11:25

A dɩb pùorí, ʋ mɩ̀ tɩ ɩ n a lɛ a koli-nyúura ƴãw yere nɩ: «A koli-nyúura ŋa ɩ n a Wõ-ta-paala na bin nɩ a ɩ̃ zɩ̃ɩ a, nyɩ mɩ́ maalɛ à á ŋá tɩɛrɛ nɩ a ɩ̃ yele, lɛn daar za nyɩ na mɩ́ wa nyúur a a.»

1 Korɛ̃tɩ 12:28

A bɛlɩ dem na be a Lãw-yir pʋɔ a, à ŋá n'a a Naaŋmɩn cɔbrɩ bɛ ƴãw: a de niwn sob a, a nɩ-toni nɛbɛ, a ayi sob a, a naaŋmɩn-ƴɛ̀r-manbɛ, ɛ́ a ata sob ɩ a wul-wulbɛ, al pùorí, a bɛlɩ dem na tɛr a nɔ-ɓãa-yele maalʋ fãw a, al pùorí a bɛl na tɛr a bàalbɛ sanʋ maalʋ a, a nɩbɛ sõwfʋ nɩ a nɩbɛ kaafʋ maalʋ a, nɩ a bɛl na tɛr a ƴɛ̀rʋ nɩr na bɛ wone a fãw a.

1 Korɛ̃tɩ 15:45

Al ƴãw n'a a Sɛb-sõw yel a ƴɛ̀r-bie á ŋá: «A nɩsaal-dãw-niwn sob, a Adama, ʋ tɩ ɩ n bʋ̃-vʋʋra. A Adama pɛ-baara ɩ n Vʋʋrʋ nɩr na tɩrɛ nyɔ-vʋʋrʋ a.»

1 Korɛ̃tɩ 3:10

Mɛ̃ a lɛ a Naaŋmɩn na kʋ̀ m a maalʋ a, ɩ̃ sʋ̃ɔ́ nɩ a yir pɛr mɛ̃ nɩr na sɩrɩ bãw a yir ŋmãafʋ yele a, ɛ́ nɩ-yũo mɩɛr dɔwlɛ. Ɛcɛ ŋa za, ʋ mɩ́ gù vla a lɛ ʋ na mɩɛr a.

1 Korɛ̃tɩ 3:5

A ɩ lɛ ãa n'ɩ a Apɔlɔsɩ? Ãa n'ɩ a Pol? Tɩ ɩ n tõ-tõ-biir na ɩ nyɩ páw a naaŋmɩn-sàw-deb a. Tɩ kãw za tõ n a ʋ tome tu n a maalʋ a Sore na kʋ̀ ʋ a.

2 Korɛ̃tɩ 11:23

Bɛ ɩ n Kɩrɩta tõ-tõ-biir yaa? A ka a, ɩ̃ na ƴɛ̀r'ɩ yãya-ƴɛ̀rʋ: ɩ̃ ɩ ʋ na zuo bɛ. A bàlʋ pʋɔ n'a o, ɩ̃ zuo bɛ na, a gaso pʋɔ kpɛb ƴãw n'a o, ɩ̃ gãw bɛ na, a ŋmɩɛrʋ lowr wa n'a a, bɛ ŋmɛ mɛ̃ na zuo bɛ. Gb'a a ŋmɩn za, ɩ̃ tɩ cɛ nɩ blã nãá kpi.

2 Korɛ̃tɩ 3:14

Ɛcɛ a bɛ tɩɛrʋ tɩ kpawl'a, ɛ́ wa tɩ tɔ a dɩ̃a a, bɛlɛ mɩ́ wa kanɛ a Wõ-ta-kʋra sɛbr a, a pɛn-been nɛ n'ʋ mɩ̀ cãà pàw a bɛ tɩɛrʋ. Bʋ̃ʋ n'ʋ vɛ̃, a Kɩrɩta cãà n'ʋ íre a pɛn ŋa bɛrɛ.

2 Korɛ̃tɩ 3:3

Sɩza n'a, a sãá nɩ cãàmɩlɛ kɛ́ nyɩ ɩ n a sɛb-tʋɔla a Kɩrɩta na sɛb ɛ̀ tɩ de lʋɔrɩ tɩr a. Sɛb-dale kʋ̃ɔ bɛ n'a bɛ sɛb'ɩ ɛ, ɛcɛ a Naaŋmɩn na vʋʋrɛ a Vʋʋrʋ Sõw n'ʋ. Kʋsɛ-pamɛ zu bɛ n'a bɛ sɛb ɛ, a nɩsaalbɛ socie pʋɔ n'a.

2 Korɛ̃tɩ 3:7

Bɛ tɩ sɛb'ɩ a Naaŋmɩn wulu ƴɛ̀r-bie kʋsɛ-pamɛ zu, ɛ́ a Naaŋmɩn yúor-vɩɛlʋ-danʋ tɩ sãá nyɩwrɛ a lɛn daar. A Moyiir niwn tɩ nyɩwrɛ na k'a Ɩsɩrayɛl biir bɛ tʋɔr jɩ́rɛ a ʋ niwn nɩ mimie ɩ, ɛcɛ a vɩɛlʋ ŋa tɩ ɩ n bʋ̃-tɔla. A Naaŋmɩn wulu a tõ-nʋɔr na tɩ n'ɩ k'ʋʋ kʋrɛ a, a Wulu ŋa wa sãá nɩ yúor-vɩɛlʋ-danʋ sɛw á ŋá a,

2 Korɛ̃tɩ 3:9

A tõ-nʋɔr na waar'ɩ kũu a nɩsaalbɛ zie a tɩ tɛr'ɩ yúor-vɩɛlʋ-danʋ. Ŋmɩŋmɩn za n'a a tõ-nʋɔr na so a nɩsaalbɛ mɩ́ ɩ nɩ-mɩn a Naaŋmɩn niŋé a, kʋ̃ tɛr yúor-vɩɛlʋ-danʋ zuo lɛ?

Galasi 3:21

A pãa ɩ lɛ a Wulu diwr a maalʋ nɛ́ɛ a Naaŋmɩn na ƴãw a bɛrɛ bɩɩ? Lɛ bɛ n'a towtow ɛ! Alɛ tɩ ɩ mɛ̃ bɛ tɩr'ɩ wulu kãw na na kʋ̀ a nɩsaalbɛ a nyɔ-vʋʋrʋ a, wulu sàwfʋ pʋɔ sɩrɩ n'a a nɩsaal nãá mɩ́ ɩ nɩ-mɩŋa a Naaŋmɩn niŋé.

Efɛɛzɩ 2:1

A nyɩɩm a, nyɩ tɩ dãw na ɩ nɩ-kũuni a nyɩ sãwna nɩ a nyɩ yel-bebe zũú.

Efɛɛzɩ 2:5

al ƴãw n'a ʋ ɩ tɩ lɛb vʋʋrɛ lãwnɩ a Kɩrɩta, tɩɩm na tɩ kpi baarɩ a tɩ sãwna ƴãw a. Naaŋmɩn maalʋ zũú sɩrɩ n'a nyɩ nyɛ̃ a faafʋ.

Efɛɛzɩ 3:7

Ɩ̃ lɩɛb'ɩ a Yel-nʋ̃ɔ̀ tõ-tõ-bie, a maalʋ a Naaŋmɩn na kʋ̀ m nɩ fãw a zũú.

Wulu-ayi-sob 27:26

«Ŋmɛ-ƴãw, a páw sob nɛ na bɛ ŋmɛlɛ kaar a Naaŋmɩn wulu nɛ-ƴãwnɩ, ɛ́ bɛ sàwr a a.» Ɛ́ a nɩbɛ za na sɔw na: «Amɛn!»

1 Timote 4:6

Manɩ à á ŋá za kʋ̀ a yɛbr, lɛ n'a fʋ na ɩ a Kɩrɩta Yeezu tõ-tõ-bi-vla a naaŋmɩn-sàw-deb ƴɛ̀r-bie nɩ a wul-vla na guoli a, a wul-vla ŋa pùor fʋ na tu a.

2 Timote 1:11

A Yel-nʋ̃ɔ̀ ŋa n'ʋ a Naaŋmɩn ƴãw k'ɩ̃ɩ hiere, ɩ̃ na ɩ nɩ-tona nɩ wul-wule a.

Ebre 12:24

Nyɩ taw na pɩɛlɩ a Yeezu na ɩ a Wõ-ta-paala lɔ̃lʋɔrɛ a, nɩ a ʋ zɩ̃ɩ na cir a, a zɩ̃ɩ á ŋá na ƴɛ̀rɛ vla zuo a Abɛl dem a.

Ebre 13:20

A ƴã-ɓaarʋ Naaŋmɩn ɩ na a tɩ Sore Yeezu na lɩɛbɩ a pi-cɩ̃ɩn-kpɛ̃ɛ, a zɩ̃ɩ ʋ na cir bin nɩ Wõ-taa na be kʋralɛ a ƴãw a, ʋ ɩ na ʋ lɛb yi a kũuni pʋɔ.

Ebre 7:22

A na ɩ à ŋá a, a Yeezu ƴãw n'a tɩ bɛ bʋ́nɛ nɩ kɛ́ Wõ-taa na vɩɛl zuo a be n be ɩ.

Ebre 8:13

A Naaŋmɩn na ƴɛ̀rɛ Wõ-ta-paala ƴɛ̀rʋ a, ʋ ɩ na a wõ-ta-dãw-niwn sob ʋ ɩ bʋ̃-kʋra, ɛcɛ bom na lɩɛbɩ bʋ̃-kʋra ɛ́ kore a, ʋ ta n baarʋ.

1 Pɩɛr 3:18

A Kɩrɩta tɔr za wõ n tuo daƴen daadaa a yel-bebe ƴãw, ʋl na ɩ nɩ-mɩŋa a. Ʋ wõ n tuo a nɩ-faar ƴãw, k'ʋʋ tɛr nyɩ cen nɩ a Naaŋmɩn zie. Bɛ kʋ ʋ na, ʋ kpi a ƴã-gan kũu, ɛ́ a Vʋʋrʋ Sõw ɩ ʋ lɛb vʋʋrɛ.

1 Zã 1:1

Bom nɛ na tɩ be a yele za pɛr-tib daar a, bom nɛ tɩ na wõ a, bom nɛ tɩ na nyɛ̃ nɩ mimir a, bom nɛ tɩ na jɩ́r gbẽgbẽ ɛ́ tɔ n a tɩ nuru a, ʋ càar'ɩ a ƴɛ̀rʋ na tɩrɛ a nyɔ-vʋʋrʋ a.